2007年的最後一夜

今日由一返工, 就要勤力工作, 慕求準時放工, 因為今晚係除夕呀!!!

其實, 原先都諗住放工之後, 返屋企睇電視, 而且又咁凍....但係, 小倫又想出街玩, 所以拿拿林打電話book 位食飯...終於俾我諗到喇, 我地決定去早幾晚經過o既海員俱樂部食buffet..一搭正5:55分, 我就沖o左落樓, 小倫已經o向我公司樓下等我喇, 因為佢3點半放o左工喇!!!

Boxing Day 大澳行

今日無乜o野做, 我同小倫, 媽咪同姨媽返o左大澳行街街...

一落巴士, 我o地去o左舖頭say hello 之後, 就去o左食車站阿婆豆腐花, yummy!

撐枱腳

因為聽晚我地要上去Phoebe 同Dowson o既新居舉行我地o既Christmas gathering, 所以, 我地就出o左去沙田行街街.....

嘩, 成個新城市廣場同西田都係人呀, 迫到傻.....去o左Franc Franc 睇下有無o野o岩做交換禮物啦, 好難買到within budget 又唔無聊o既o野呀, 跟住, 行去Muji 啦, 都係睇唔o岩, 哈, 竟然撞到怪獸喎....好耐無見佢喇, 點解佢個樣同讀書o既時候一樣o架, 唔變o既, 我順道都通知佢話俾佢知我出年結婚, 叫佢等收帖啦!!! 唔知幾時到佢呢? 佢係我中學時代o既好好朋友o黎o架, 唔知點解, 7年我地都無同過班, 但係同佢好friend, (大家唔好誤會呀, 我地係唔會過電o架!!!), 不過, 依家好少聯絡lu, 佢教書d 時間同我好唔同o既, 好難約到佢出o黎....

行完西田, 我地就行去City Super, 搞下人地d o野啦, 當然都係空手行返出去啦...最後都係決定去Lesportsac 買到我o既交換禮物喇, 買袋個個女仔都o岩用啦!

我地諗o左好耐, 今晚食乜好呢, 出街食又人多, 又要等位, 所以都係決定慳慳地o係City Super o既supermarket買o左兩pack 牛肉同湯底, 然後就飛van 仔返去街市買d 菜, 金菇, 豆腐同烏冬返去小倫屋企, 兩個人整shabu shabu 撐枱腳.....正呀! 好好味呀! 呢個做法都唔錯, 第時一於要o向屋企買定d 烏冬, 菜, 等我放工行過去IFC CitySuper 買埋牛肉就可以做一餐喇, 方便快捷又好味!!!

舊同事飯聚

今晚, 約o左上一間公司o既同事食飯, 我地好似都有幾個月無見面喇. 上次一齊食飯都係我o岩o岩出o左院無幾耐.

今晚, 出席o既人有我啦, Hester, Jacqueline, Ginny, Mavis & Katie. 本來仲有Amy, Ricky 同Fly 姐, 不過佢地唔得閒, 所以o黎唔到lu...

小小聖誕聯歡會

因為老闆同阿姐佢地兩個24號唔得閒, 所以我地部門一年一度最最最開心o既節目 -- 聖誕聯歡會就提早o左今日舉行喇!!!

今次, 都係同上年一樣, 佢地兩個各出$1500, 俾Idol 去買禮物我地抽獎....不過, 今次我地只係o向tea time 舉行, 只有少量o既食物, 大約一人只可以食一round 啦, 不過, 都算有幾多o野食o架!! 有Christmas 一定出現o既bread pudding.

另外, Idol又去o左Mandarin 買o既個cheese cake, 一人有一小塊, 都ok 啦, 但係我唔覺得有好好味o既感覺囉...仲有串燒, 柚子沙律, 咖哩魚蛋....

我地今次o既抽獎但求人人有份, 所以禮物都係細細份, 平平地o既.....

我今年抽到o既係一支枇杷膏同$50 Cash! 正呀, 有錢都好丫, 好過乜都無又或者要樽nuts 啦!!!

影燈飾

今日, 無無聊, o訓醒之後去o左荃灣, 我去做facial, 小倫去Physi 佬度做gym..

明明都已經o訓到咁晏先起身o架喇, 但係去到做facial, 一o訓落要床就差唔多o訓著o左喇....做完最痛苦o既針清之後, 仲開始大昏迷o添, 死未!!!

跟住, 我地行o左一陣千色店, 食完唔多好味o既雲南米線就出去尖沙咀睇燈飾lu....

婚禮設計班

一連五堂o既婚禮設計班終於上完喇!!!

都話我無天份o架啦, 上堂一係聽唔明miss 講乜, 一係就邊唔到steps....

只係最後呢兩堂整下花球先至有少少成功感咋...

俾大家睇下我o既劣作啦....哈哈

左邊果一束係我整o既, 右邊果一束靚d o既係Winnie 整o架....哈哈...

美味大閘蟹

今日下晝, 我地先去旺角四圍行, 好鬼無聊, 原本想去聯合買個袋, 點知o岩價錢又唔o岩色, o岩款又唔o岩size 喎, 真激死. 我地見仲有時間, 咪好無聊咁又去行金都, 其實都無o野做o既, 都係去八掛下囉....哈, 竟然見到Kathy 同 Anson 喎, 佢地仲confirm 埋印帖o添, 真係好喇, 佢地又完成一個item 喇.

激死我喇!!!!

今日一返到公司, 令我沮喪o既, 並唔係排山倒海o既工作, 而係全球某一最大金融機構o既IT 部門o既嚴緊.....

一直都有o既就係唔可以access 任何o既private email servers, i.e. Hotmail, Yahoo mail, Gmail, webmail, 等等. Ok, fine, 你咁做都好正常, 唔好話銀行啦, 出面好多公司都唔俾o架啦, 我接受. 其他通訊方式blocked 埋, 無問題, 最多咪唔返工上msn, yahoo messenger 囉, 都ok 喎, 有urgent 事, 咪叫人send 去公司email account 囉, 唔好怪我亂用公司資源.

悠長假期又完結了!!!

原來我除o左上次入院時放過咁長o既假之外, 我做o左o野咁多年都未試過一口氣放咁多日假, 我今次一共放o左13日假呀, 哈哈.....

但原來假期一眨眼就完結喇! 第一個星期過得特別快.

My Best Friend's Wedding - 16 Nov 2007

終於等到喇!!!2007年11月16日就係我最好o既朋友 - Phoebe 同 Dowson 結婚o既日子, 見到佢地結婚我真係好開心o架, 佢地一直搞結婚我都好俾心機幫手o架, 因為之前格格同媽媽佢地兩個結婚o既時候, 我果份工太忙, 完全抽唔到時間幫佢地手, 有d遺憾, 加上自己有份做伴娘嘛!!!
當日, 我同小倫一早就飛的去荔景Phoebe 屋企喇, 我地去到o既時候, Phoebe 已經開始化妝喇, 而我就要去換衫啦, 小倫就負責影下snapshot 囉. 搞完一輪, 其他姊妹同Phoebe o既家姐, 姐夫, 哥哥同阿嫂都到齊喇.

 九點幾, 新郎哥 - Dowson 同一眾兄弟就準時上到o黎俾我地班姊妹團玩喇!!! 今日o既遊戲都唔錯o既, 幾新鮮, 以前都未玩過o既. 首先就係要佢地食一塊搽o左心型washabi o既麵包, 好勁o架, d 兄弟都有少少頂唔順. 跟住, 就要新郎錫事先貼o左上天花o既兩人合照, 都幾難o架, 差d 連燈都扯埋落o黎. 最後就梗係講愛d 宣言啦.

o向女家, 好快咁斟完茶, 影完相, 我地就出發去食lunch 先, 之後, 準時1點半到男家入門lu......一日最大o既挑戰o黎喇, 由於時間緊迫, 我只有好少時間幫Phoebe 換婚紗, 除晒d 金器, 連化妝姐姐Cathy 都要幫埋手, 真係辛苦晒. 大約換好之後, 再要出返廳, Phoebe 要一邊食9樣餸, 一邊轉妝, 我就繼續幫佢整好婚紗後面o既蝴蝶結, 好彩, 最後都趕得切.......We made mission impossible possible la!!!!哈哈

接住落, 就梗係去紅棉路註冊啦, 影完大合影之後, 其他人就先去酒店, 我就留低陪佢地兩個繼續影下香港公園. 希望到我結婚時, 都有時間可以留低影下相啦.

之後, 就出發去帝京喇. 好快, Cathy 就幫我同Phoebe 媽咪轉好妝, 雖然中間有小插曲發生o左, 但係之後一切都好順利. 我地果然無揀o左Time for Elegance, 佢地provide o既首飾非常之得, Phoebe 成晚都好靚, d 頸鍊好閃o架, 佢企o向台到, 我企到去entrance 都仲見到條鍊閃閃下, 正!!

全晚o既感動位, 莫過於Dowson 事先神秘地預備o左一百支百合花用o黎送俾Phoebe 喇, 仲要加埋佢地兩個都好鍾意o既歌 - 童話!!!可惜, 我因為成晚有大部份o既時間都係留o向新娘房執o野, 而錯過o左呢一幕咁精彩o既場面!

好開心, 見到自己o既朋友結婚, 雖然, 我係好攰, 兼且成晚都無乜食o野同坐低, 但係都已經好開心. 總算, 叫做出過力, 幫過手. 但係, 而家自己諗番, 就覺得自己總係有地方做得無咁好囉, 希望Phoebe 同 Dowson 唔好介意啦!

Meeting with ESD Friends - 1118 飲茶

今日, 我又約o左ESD o既朋友仔出o黎玩. 今次, 我地o既節目就係去飲茶喇, 無錯, 又係飲飲食食呀!!!

今次約會o既目的係要歡迎由遠道返o黎o既朋友仔 -- Mary 呀!!!大家一坐低, 就梗係又雞啄唔斷咁傾傾傾啦, 我地又叫o左好多o野食, 所以仲要不停咁食食食....Mary 仲好好咁帶o左朱古力o黎俾我地做禮物呀, 真係多謝晒喇!!!

Pingu 又帶o左佢d 新天地靚靚相俾我地睇呀, 真係百看不厭, 加上我1月都會影新天地, 所以今次好俾心機去睇清楚.

我地原先預o左12點至2點o架, 哈哈, 梗係傾到過晒時啦, 走o既時候都3點lu.....

CItyU 畢業禮 & BD 負一週年紀念

今日, 2007年11月8日係我o係城大讀Corporate Governance o既master 行畢業禮 以及係我同小倫o既結婚負一週年o既紀念日, 明年今日就係我地結婚o既日子喇!!!kekekeke.....

今朝一早, 趕頭趕命咁熨恤衫同畢業袍, 跟住好求其咁化個妝, 就趕番City U 喇! 哈哈, 平時次次都係我遲到, 今次都係唔例外啦, 連花師奶都同我一樣遲到, 所以我約埋佢o向地鐵站一齊趕返City U. 總之, 就係一遍混亂之下, 我地兩隻人趕mark 位, 趕著袍, 入座.......總之就係亂亂亂啦........混亂之中, 畢業禮就開始喇!!!!心神都仲未定, 就到我地逐個上台喇!!!!

上台前, 都仲諗住要行得有儀態d, 笑得淡定d, 仲要同坐o向台上o既Tony 揮手, 點知, 竟然有少少緊張, 可能係因為仲未定心神啦, 所以硬係覺得自己行得唔好囉, 仲好似差d 俾件袍"kick" 親o添!!!!

行完禮之後, 我就去join 小倫, 因為佢今日請o左假, 但係佢就無去觀禮, 因為太悶喇! 佢一o黎到, 我就帶去Tea Reception 到, 飲杯果汁, 食下o野. 呢樣o野, City 做得都唔錯, 有free refreshment俾我地放低d 家長, 自己同d 同學仔影下相. 我地走埋去Accountancy Department 張枱到搵o野食, 哈, 俾我見到一個好可愛o既朱古力公仔呀!!!都係小倫叻, 佢幫我搶到一個俾我呀....我地可以攞住佢o黎影相相.....

之後, 我就join 番Priscilla, Grace同花師奶一齊影下相喇!!!可惜實在太不在狀態, 加上又有好多好多人, 所以我都無乜心機繼續影lu.....無幾耐, 我地都各自分散陪下佢地o既屋企人影相, 花師奶媽咪帶o左黃小B o黎呀, 不過, 黃小B見到咁多人怕生補, 所以唔肯同我地玩呀....> . <

可惜o既係, 我今日始終都係無搵到Tony 影張相做紀念o添!!佢今日著住果件袍, 好有神父feel o架....

o向canteen 同小倫食完lunch, 與此同時, 花師奶, Priscilla 同Grace 佢地三個families 竟然一齊都o向Amaroni's 食lunch, 只係差我無到咋!!

之後, 我地都係決定先返大埔, 因為實在有太o野行李喇, 非常唔方便, 同埋我極度需要叉叉電, o訓個晏o訓. o向我地返緊大埔o既時候, 打俾Mary 睇下佢o向法國揀衫揀成點啦, 佢好有心呀, 佢話買o左盒朱古力俾我, 諗住過o黎City 同我影相o架, 真係唔好意思, 我浪費o左佢一番好意o添!!!早知就唔走住啦!!

返到大埔, 我就二話不說, 好快就o訓到隻死豬咁, 鬼咩, 仲話要早o訓, 呢幾晚都咁夜o訓, 晚晚都一點幾先爬上床.....由於明年今日就係我地結婚o既大日子, 所以我地要慶祝下, 六點幾, 我地又再出返尖沙咀食飯慶祝.

食飯之前, 佢去做下gym 先, 我就去Cartier look 一 look 先, unexpectedly, 個sales 非常nice, 完全無名店sales o個d black-faced 面口, 仲好細心咁同我分析揀乜款好, 18k 好定係鉑金好. 之後, 就走o左去龍城執埋少少影相用品, 我地就走去食小肥羊慶祝啦!!!!

無錯, 兩個人去食打邊爐, 都話o左我地o既拍拖生活係零浪漫o架喇!!!!人地去食candle-light dinner o既時候, 我地永遠都係做埋呢d 咁唔浪漫o既o野, 最後仲因為太夜連去行海旁呢個稍為romantic 少少o既節目都cut 埋.

Overall, 今日都係開心o既一日, even though無o左當年undergraduate 畢業o既時候果種興奮.

{P.S. 畢業禮o既相, 容後補上}

伴娘裙 - Fitting

經過琴日Miu Miu 同阿餅o既婚禮之後, 今日攰到不得了, 我竟然o訓到下晝2點先起身. 原本可以o訓晏d o架, 但係今日約o左Phoebe 同Dowson 去TFE 到fitting,

我上到去TFE o既時候, Phoebe 都已經試緊第一件衫喇, 就係o個件deep V 喇, 經過大家相量之後, 都係決定乜都唔用, 連nu-bra 都唔用呀! 勁呀!!!我都想我可以咁有本錢著到呀, 睇怕我都要第二世重新做人先得lu…..跟住就每套衫襯首飾喇…..真開心, d 首飾好鬼靚, 好閃, 而且d 款無出面o個d 咁common.

到我喇, 我最後都係決定o左揀番淺香檳金呢件, 因為方便走動嘛, 我成日都要走來走去, 又要拎o野, 著到咁”行”始終都唔係咁方便O既, 都係留番我BD 先啦!! ^ v ^  況且, 我著呢件都唔會唔開心o既, 只要Phoebe 開開心心咁結婚, 做個靚靚新娘我就最開心喇!!!!由於我都係o向呢間租衫, 所以佢地free 多o左一 set accessories 俾Phoebe, 我

原先諗住俾佢揀先, 睇下佢會唔會要多一套先啦, 但最後都係俾o左我, 所以我都有一套首飾喇!!!

原先我揀呢條頸鍊無期o架, 好彩個sales 好好人咁幫我搵到多一條一模一樣o既俾我咋, 如果唔係我就要揀另外一條同款唔同色o架喇!

另外, 我見今日無乜人, 所以就lur 個sales拎件新返o既紅色evening gown 俾我試下, 又係我鍾意o既A-line 款, 唔駛加鋼紗, 方便行走, 唔知大家覺得用o黎敬酒好唔好睇呢?

 (正面, 不過今日無化妝, 所以好殘)

 (側面, 有小拖尾)

 (Dowson 偷影我呀!)

妹妹離家了!!!

今晚, 妹妹終於都去了簽租約, 她真的要搬出我地呢個家了!!!

從小, 妹妹因為跑步o既關係, 或許是去練習, 或許是出國比賽, 她都習慣了. 連讀大學果幾年o既時間, 佢都係去了住宿舍, 只有星期六/日先會返o黎屋企.

但係今次唔同, 佢確確實實係要搬走, 主要原因唔係為o左要有私人空間, 而係為o左唔想每年o既年初二都要見到o個d 可惡可憎o既所謂"親戚", 其實, 唔好話妹妹唔鍾意佢地, 我都一樣.

平時, 媽咪都已經係好似小朋友咁, 成日要我地陪, 要我地理佢. 因為呢件事, 佢好唔開心. 慣了逃避現實o既媽咪, 一直都唔相信性格比鐵還強硬o既妹妹真的要搬出去, 佢一定會覺得我地要撇下她, 唔再理佢, 我知道媽咪一直都好寂寞, 無朋友.....

但係, 我可以點做喎, 我唔可以反對/阻止妹妹搬走, 但係媽咪o既態度又係咁樣.....總之就係又煩又唔開心啦!!!!!

點解, 人人都可以o向屋企度尋找快樂, 但係我o既屋企永遠就係我o既煩惱根源???

姊妹裙 - 試衫篇

講完琴日去FB 揀衫揀得咁開心o既o野之後, 就輪到要講番星期五試姊妹裙o既失望....

上回講到, 為o左Miu Miu 同阿餅下星期六o既婚禮, 我地一眾姊妹都會一齊做同一色系o既姊妹裙, 等影相o既時候歸一d, 好睇d 啦....好喇, 由於其中有一位姊妹所揀o既款同我一樣, 咁我就想約略改下啦, 只係想加層紗o者, 都話要加$50! 咁, 三百幾就駛乜要幫襯呢間舖頭丫...因為, 最後都無加到錢, 只係將原有朵花改為蝴蝶就算.

咁, 星期五, 蘭子就約我地幾個姊妹 (我, 小花, 余老, 另加多一位Miu Miu o既舊同事) 上去fitting 啦, 首先, 我都唔明, 點解次次另外o個幾位姊妹唔出現o既, 係唔係佢地o既時間真係咁唔夾我地呢? 定係佢地真係咁忙呀? 

之後, 蘭子都講過話d 裙出o左問題, 如果唔滿意可以唔買走, 只係俾$180 當係租一晚. 但係, 我無諗過會係相差咁遠囉.....

我地原先揀o既顏色係好淺o既米白色, 究竟我地今晚見到o既係粉橙色!!!有無搞錯o架, 兩隻色根本就唔一樣, ok , 如果話俾我知, 係深o左少少o既, 我accept 到, 最多咪變淺米黃, 點都唔會係粉橙色啦.....

大哥呀, 著o左上身, 成隻桃咁樣, 點出街呀, 仲要我買o左, 咪盞攞番屋企眼冤.....除o左隻色唔o岩, 我當日仲request 要將蝴蝶o既位置改到去腰, 唔可以係 "cool" 住個胃腩囉, 點知, 咪又係無改過, 仲有呀, 我明明話要做到及膝o架嘛, 點知又係長o左.....真係激死人!!!

個老闆娘o既excuse 係因為轉o左間大陸廠喎, 我話之理轉唔轉廠丫, 你落order, 就有責任follow up o架啦, 人地misunderstood o左你o既意思, 咁個責任都依然o係你到o架, 點解你唔send 埋塊布版俾間廠呢? 點解要由d 客去bear 呢個cost 呢???

如果我唔係睇見Miu Miu 都係幫襯佢化妝, 我一定俾面色個老闆娘睇, 而且仲會要求佢立即搵人幫我做過一條新o既, 否則唔該俾番 deposit 我丫.....

總之, 就係谷住到氣, 但又唔可以出聲complaint 啦!

戒, 戒, 戒

都唔知點解, 我個人都唔高, 但係竟然會寒背, 而且仲寒得好厲害o添!!!

其實好多時屋企人都有提我, 只係我唔鍾意啋佢地, 寒背咪寒背囉, 有乜問題喎. 橫掂我都唔會有得再高, 又唔會去做model / 選美, 無所謂啦.... 要我專登去坐直, 好辛苦o架, 要好用力的!!!而且動作好唔自然.

但係, 影相o既日子同 BD 日近, 為求影相靚靚, 近日要不時提自己要坐直呀, 要戒寒背.....不過, 好辛苦呀!!!!!!!!!!想死!!!!!!!

差d 趕唔切

今日下晝, 我地約o左Phoebe 同 Dowson 一齊去CityU 拎用我張student ID 買o既notebook.

點知, 我地去到 (七點都未夠), 見到個counter 貼住張紙話我地要o個個model 無貨, 要遲d 先有得拎!!!!!

豈有此理丫, 明明係JOS o既customer services 早兩日打俾我話18&20 呢兩日有得攞, 仲要係12:00 noon 至10:00 pm o架嘛, 而且我地成村人o黎到, 竟然話無貨, 我立即, 係立即當場發難, 本着我據理力爭o既能耐同坐counter o既姐姐仔"傾計" 啦, 唔夠3秒, 即刻有另一位比較高級少少o既哥哥仔走埋o黎安撫我地, 我當時唔會咁容易就放過佢啦, even 佢offer 話搵人送上門俾我地, 終於, 呢個哥哥仔就肯攞一部未開箱o既notebook 俾我地啦. 算佢好彩啦, 否則佢一定有排受, 我就要施展一下我大大聲鬧人鬧唔停o既本事, 就唔係, 彈多封complaint letter 去JOS 佢就知死.

佢地o係到check 機o既時候, 我就打俾Priscilla  問有關攞畢業gown o既o野 啦, 因為我見到有好多人都拎住件gown , 有d 人仲影緊相o添, 好好彩, 原來就係今日返o黎拎, 不過人地收七點, 死火, 我地講緊電話o既時候咪就係七點囉, 於是我飛奔去租袍o既地方, 好衰唔衰要俾$600 deposit, 窮人o既我, 又點會無啦啦有6百大元o向身丫, 全身加埋都只有$570, 於是, 我又要飛跑去ATM 攞錢, 跑來跑去, 氣都無喇, 俾完錢就攞袍走.  今日真係好好彩, 如果唔係, 我就會畢業無袍著, 無得影相o架喇!!!!!!

搞掂晒呢兩樣o野, 我地四個就去o左EXP 開餐, 因為板前實在太多人喇, 根本就等唔到座o既.

久違了的約會

今日, 為著miu miu 同阿餅11月3日o既婚禮, 我地一班兄弟姊妹又見面喇! 其實所謂o既見面, 個個都係圍內人, 兄弟o既女伴就係姊妹, 姊妹o既男伴就係兄弟囉! 所以到佢地結婚當日, 極可能出現o既場面就係, 兄弟姊妹一齊玩新郎一個, 哈哈!!!

上去佢地新居之前, 我同小倫先去做一樣我好耐好耐都未做過o既事, 就係去"的"起心肝去join course 做facial 喇!!!

楊千嬅2007演唱會~~All About Love

今次已經係我同小倫第二次去睇楊千嬅演唱會, 上次睇都已經係4-5年前o既事lu. 好明顯, 今次楊千嬅係唱得好過之前好多, at least 無明顯o既走音, 甩咀都唔係成日出現, 跳舞都有進步, 但係佢把聲就真係唔多掂, 好沙.....

今次都係以唱舊歌為主, 都好丫, 佢d 新歌我都唔多識...好多舊歌例如, 我最鍾意o既"野孩子", 同埋"假如讓我說下去"都有唱, 仲有, "狼來了", "手信', "少女的祈禱", "小城大事"," 因為所以", "閃靈"同"可惜我是水瓶座". 最後, 唱到"姊妹", 令我好有同感, 因為我o既好姊妹Phoebe下個月就結婚喇, 想當年, 成日都只係得佢陪我去唱 k, 唱楊千嬅o既歌.......

無聊行街街

今日, 無無聊聊, 無o野做, o訓醒等小倫放工, 就約o左佢出尖咀行街街. 我mi mi more more 搞到二點先出門口, 好彩佢同個客開會開耐o左, 如果唔係, 實俾佢鬧死我.

我地去o左百利行o左個圈, 其實百利都無o野好睇, 跟住就行埋利時, 唔覺意買o左對平鞋(只係百幾蚊), 矮踭黑鞋返工著.

伴娘裙 - 最後決定

星期六, 經過我地姊妹團同埋大家姐睇過, Phoebe 終於都揀到件靚靚婚紗喇!!!!(恭喜, 恭喜), 雖然件婚紗唔係最新款, 但係真係好正, 簡直係"收腰王", 除o左遮住個肚腩之外, 連盤骨王都收埋, 正呀!!!

 我地仲揀好頭紗o添, 好靚o架, 條邊全部都係水晶, 閃閃下.....原本Connie幫Phoebe 揀o左個靚靚王冠, 可惜已經俾人hold o左, Connie話試下同個客講, 睇下人地肯唔肯揀過第二個喎!!!都唔知真唔真o既....

至於我, 依照徘徊係o個兩件伴娘裙之間, Connie 話, 如果揀lace o個件又唔想太誇的話, 可以拆o左後面個大蝴蝶結囉....

不如大家俾d 意見, 覺得邊件好d 丫? 不過, d 相唔係好update, lace o個件係5月時候影o既, 所以肥o左少少, 因為最新o個d 相相o向新郎部機度, 佢未得閒send 番俾我.

 

比比的婚紗:
  

  

  

  

究竟有幾Professional?!

我千辛萬苦咁終於捱完讀書, 可以qualify 去apply for associate member. 總算叫做取得專業資格, 但係, 偏偏做我呢行都仲有好多人無呢個qualification, 然而又可以職位高過我, 人工高過我. 點解?

好笑o既就係, o向我部門, 有人因為佢以前係全公司最大o個個老闆o既秘書, 最近唔知點解, 俾人調o左上o黎我地呢個部門. 以往佢可以持住大老闆o既關係, 可以擺款, 點知, 佢而家都淪落到o黎到我地部門啦, 佢o既態度可以依然強硬, 即使表面唔係咁, 從佢實際做o既o既態度就見到啦.

最可笑o既就係, 佢只係負責開會o既papers, 同resolutions, 就彷彿以為自己已經通曉com sec o既工作.... even 俾佢讀埋個master 又如何, 根本就係job-unrelated o既, 都唔代表佢有幾professional!

可惜, 世界就往往都係咁, 佢依舊可以坐佢個am 位, 仲夠膽直接send emails 俾我地老闆, 完全bypass 佢個manager同埋同team 入面經驗同學歷俾佢好o既人....而我地阿老闆呢, 又忌佢三分, 都唔明, 佢都已經係你下屬啦, 做乜事要驚佢呢!!!

至於我o個team, 終於俾我望到個am 走喇, 佢走o左之後, 我o既workload 一定會提升, 因為我將會接手做佢o既工作, 到時我一定會present 俾各位睇下, 我o既ability, 話俾佢地知, 個 am 做到o既o野, 我一樣做得到, 仲要做得好過佢, 最重要係show 俾佢地知, 同我同grade o既同事有幾不濟!!!!!

小玩意

星期三(26/9/2007), 我同小倫行完金都睇鞋之後, 去o左深水埗, 打算睇下o的防潮箱同相機鏡頭, 不過都係睇唔o岩, 買唔成.

橫掂行開鴨記, 我地就去埋行賣珠仔o個條街, 我地買o左三包Swaroski 水晶返屋企試下自己穿手鍊. 妹妹果然厲害, 手作仔呢d o野對佢o黎講簡直係零難度, 好快佢就幫我穿好一條, 不過今次係穿俾媽咪o既, 所以帶上我隻牙簽手就梗係鬆好多啦, 大家睇下幾十蚊貨仔, ok 唔ok ?

又一城 - SimplyLife

今晚放o左工, 就要趕去City U, 因為約o左Phoebe陪佢買laptop, 佢諗o左好耐先至醒起我係讀CityU, 所以可以用student ID 以discount 去買lenovo o既notebook.

搞掂之後, 我地同埋Dowson 一齊去o左一間好舒服o既餐廳 --SimplyLife Bakery Cafe 食dinner. 張sofa 非常舒服, 而食物o既水準都好good, 龍蝦湯好夠rich, d pasta 好正, 肉眼扒都好好味. 原本我地仲想食cake, 但係實在太飽, 食唔落.

今晚Phoebe 講開, 佢個同事話: 老公同小朋友一樣, 佢地o既缺點係無得改變, 你只可以接受, 而你要做o既就係要去發掘仔佢地o既優點" 我覺得佢都好o岩.

而家咁多人離婚, 都只係因為唔接受大家一d 一早已經有o既缺點o者....

又病喇!!!

最近天氣已經有少少秋意, 本身都覺得有少少作感冒.

加上, 星期六, 日兩日舟車勞動, 我今日喉嚨痛到死, 而且仲有發燒, 簡直辛苦到想死 !!

最衰今日o係Billie 放完假第一日返工,因為我知道佢一返工就會心情唔靚, insurance 公司單o野又煩到死,  如果唔返工就唔係幾好, 佢一定會塊面黑到爆!!

所以, 我成朝都無行埋過佢個位度同佢吹水.

姊妹裙 - 揀衫篇

琴日下晝, 約o左Miu Miu, 小花, 同蘭子, 仲有幾個姊妹一齊上去度身揀款做姊妹裙.

今次呢間舖頭都幾平喎, $280 就有一條, 仲係度身訂造, 不過款就少D, 其實都無所謂啦, 姊妹裙來來去去都係果幾個款, 無得點變.

小花第一個揀先, 佢最快, 一試就ok喇. 係一條泡泡裙. 跟住到我, 麻煩o既我揀o左款都仲要改來來去, 我其實想做條好似TFE 粉紅色o個條咁, 所以我下半身要加紗, 但係姐姐話可能要加錢, 如果唔係要加好多o既, 幾十蚊就算數啦, 加就加啦....之後, 其他姊妹都陸續揀好款度身.

我見到有一條白色紗裙, 簡簡單單, 乜都無, 但係我覺得影外景都唔錯. 我問姐姐幾多錢, 佢話訂造都係$500. 考慮得過, 唔知造一條紅色出o黎效果會係點呢?但係無現貨睇都真係幾驚, 萬一造o左出o黎完全唔係果回事咁點算喎.

好心急, 唔知幾時有得試衫呢?

Meeting with ESD Friends - 915韓燒夜

琴日下晝, 陪Miu Miu 同阿餅上去小花媽咪舖頭揀完男禮之後, 我就去o左銅鑼灣等小倫收工, 因為我地又約o左ESD o的朋友仔一齊去食韓燒.

琴晚有好多人呀, 仲多人過上次打羽毛球, 除o左上次見過o既Kathy & 阿鵝, 檬檬同檬少, seven & 大俠, Kiki 同肥牛, 兔兔, Pingu, 靚太, 仲有第一次見o既kkcy, prettyangel 同三眼仔.  之前, Kiki 一路都話仲等緊師父擇日, 原來肥牛已經有日子o架喇, 不過特登等到星期五先至同Kiki講 "我地出年今日結婚喇", 真有心思!!!!

琴晚真係好開心, 唔覺唔覺, 我地都食o左3個幾鐘, 我地仲一齊影o左大合照o添!!!

APM - Roma Roma

我, Grushenka  同埋 Priscilla 琴晚又一齊食飯喇, 因為如果再postpone , 就要等多兩個星期至約到. 次次都係咁, 得三個人o者, 約食飯都咁困難.

今次, 我地終於衝出又一城, 去o左APM o既Roma Roma, 哈, 又係Italian food, 上次先至食完Amaroni's Little America. Grushenka  仲帶埋黃小B 出o黎o添. 呢個小朋友真係好趣致, 2歲半識咁多o野, 已經好叻叻啦......最衰無帶相機, 如果唔係, 就可以同黃小B影相相啦...

不過, 帶住小朋友食飯都真係幾麻煩, 掛住照顧佢食o野, 自己都無得食.....但係, Grushenka 都真係幾有天份做好媽媽o既....

呢間餐廳o的食物都唔錯呀, 幾好食,我地四個大人叫o左兩個2人餐, 都差D食唔晒, 而且一D 都唔貴. Service仲好好o添......

婚禮花球速成

今日o向公司上網o既時間, 睇到浸會o黎緊秋季課程其中有一個course 叫"婚禮花球速成", 詳情如下:-

本課程為一速成班，旨為使學員可於短期內學懂以鮮花及絲花紮作新郎、新娘襟花及新娘、伴娘花球。使用的材料包括：襟花、雪球手花、頭飾、新娘花球、伴娘花球、花枝膠帶及鐵線等。學員須自備刀、鉗及一堂鮮花花材上課。
（本課程只發聽講證書）

授課語言 : 粵語
名額 : 25
全期小時 : 8
學費 : $400
其他費用：全期材料費約二百五十元 (學員可自購或由導師代購；如須代購，須於首堂繳交費用)

編號	導師	開課日期	週次及時間
08HLS1155A	本院導師	十一月五日	週一晚7:00-晚9:30
09HLS1155R	本院導師	十一月三日	週六早10:00-午12:00
34HLS1155A	本院導師	十一月一日	週四晚7:00-晚9:00
59HLS1155R	本院導師	十一月一日	週四早10:00-午12:00

雖然我o既美術天份唔高, 但係我見咁平, 4百蚊學4堂, 好似幾抵, 不過材料費都要成$250, 好有興趣呀. 而且仲可以學下點樣紮花球, 手花. 但係我都唔知學o黎做乜o架, 都唔會有下次有用o既時間, 個個都結晒婚, 妹妹又唔會結婚住, 就算結都唔會搞咁多o野.....

無聊的我

對於工作, 我其實係十分之熱愛, 甚至乎有D工作狂o添! 我很喜歡自己的職業, 唔好問點解, 鍾意就係鍾意, 縱然係閹悶.

而家呢間公司, 外界人睇o黎, 十分理想, 每日準時返工, 放工, 毫無工作壓力, benefits 又好, 份雙糧又唔錯. 可惜, 呢度o既制度唔得, 制度唔得都無得complain, 鬼叫係大公司, 大公司自然有佢o既一套不公平制度同規矩, 遊戲規則係咁, 你唔可以say no, 只可以揀自己唔玩.

每當變幻時

琴日, 因為天氣唔好, 而且星期六又已經行o左尖沙咀同旺角, 所以我地無出街. 只係留番o係大埔.

去o左大埔墟街市食豬扒麵後, 照舊行去吉之島巡視業務. 最後, 租o左隻VCD - 每當變幻時, 返去小倫屋企睇.

化妝班後遺症

今晚已經係我地化妝班o既最後一堂, 所以好多同學放o左學都幫襯miss 買o野...

我地都唔例外, 我地買o左一支上堂用完覺得好正o既纖維液, 用o黎搽眼睫毛o架. 用完之後, 連假眼睫毛都唔駛貼, o的眼睫毛立即就會變得又濃又密, 正!!!

盲 腸 炎 易 誤 當 婦 科 病 !!!

盲 腸 炎 易 誤 當 婦 科 病
右 下 腹 痛 及 發 燒 　 應 做 腹 腔 鏡 檢 查

【 本 報 訊 】 女 士 常 把 腹 痛 與 婦 科 病 扯 上 關 係 ， 但 有 外 科 醫 生 指 出 ， 右 下 腹 痛 可 能 源 自 盲 腸 炎 ， 曾 有 女 病 人 因 而 拖 延 病 情 ， 導 致 盲 腸 穿 破 及 腹 膜 炎 。 醫 生 警 告 ， 盲 腸 炎 可 於 一 至 兩 日 內 迅 速 惡 化 ， 女 士 若 同 時 右 下 腹 痛 及 發 燒 ， 應 考 慮 接 受 腹 腔 鏡 檢 查 。 　 記 者 ： 白 琳

外 科 專 科 醫 生 李 綺 雯 指 出 ， 盲 腸 位 於 右 下 腹 ， 與 女 性 的 右 卵 巢 相 近 ， 因 此 常 把 盲 腸 炎 與 婦 科 病 混 淆 。 她 引 述 瑪 麗 醫 院 的 數 據 稱 ， 該 院 每 年 進 行 約 200 個 切 除 盲 腸 手 術 ， 其 中 兩 至 三 名 女 病 人 最 初 誤 以 為 患 上 婦 科 病 而 拖 延 病 情 。

一家八口打邊爐

自從有BB o既存在, even 未出世, 我地八個人都好耐未試過一齊出街食飯為我地o既成員慶祝生日.....

由於8月之壽星女格格提議是次生日飯局去打邊爐, 咁就令我呢個原本仲戒緊口o既人, 終於可以去食打邊爐!!!Yummy!!!

我同小倫因為要行expo (Wedding expo & IT expo), 所以好遲至由灣仔出發入青衣, 估唔到, 我地兩個竟然係最早去到格格屋企o既人, 我仲以為我地最遲o添.  跟住Phoebe 同Dowson 都到. 奇怪, 好少, 阿Sa 同阿neth 會最遲o架, 原來今次係媽媽揸車, 所以車速咪慢咁多囉....哈哈

我地去o左青衣城o既稻香打邊爐, even 唔係特價時段, 都唔係好貴, 我地仲食o左好多o野o添!!! :p

傻Ron 做傻事

今日, 我唔覺意做o左一件好傻o既事........

話說琴晚上完化妝班返到屋企之後, 我就去落妝同洗白白, 跟住就係o訓覺.

今朝因為要覆診, 所以放半日sick leave, 起身之後就刷牙洗面換衫, 諗住落樓下食早餐, 臨出門口o既時候, 我至發現點解我無帶眼鏡個世界都咁清楚o既, 好驚.....

立即去望下個contact lens case, OH.....空o既, 咁副contact lens 去o左邊? 咪就係o係我眼入面囉.....死火, 帶住 con o訓o左成晚o添!!!!!!好彩仲除到, 如果唔係就變盲眼妹lu.......

真抵死, 邊有人會好似我咁o架, 連自己除o左 con 未都唔記得...

Meeting with ESD Friends - 混雙羽毛球

琴日, 係我地第一次同o向ESD Life 度識o既朋友仔見面o既日子, 是次活動係混雙羽毛球, 因為我o岩o岩做完手術, 所以我只係坐o係到做觀眾, 都唔錯丫, 我打波咁差, 少o左個出醜o既機會!! 哈哈....

第一次見, 心情都有少少緊張o架, 都唔知大家o岩唔o岩玩, 好彩, 原來佢地個個都好nice, 大家一齊打下波, 傾下計都幾開心o架.一時睇下Pingu o既靚靚試妝相, 一時又傾下割盲腸,  話咁快就過o左兩個鐘lu.....

之後, 大家仲一齊去o左始創食tea o添!!!

今次總共有6 pairs 出席, 有我同小倫, Kathy 同阿鵝, 阿檬同檬少, Kiki 同肥牛, Pingu 同運動人, 兔兔同阿石......

食完tea 之後, 我同小倫走o左去金都行o左一個圈, 見到Grand Forest有一個絲花球都幾靚, 不過要成$300一個, 我覺得有少少貴. 我地都有望過下o的婚紗鞋, 不過都唔知邊款好, 都無乜特別...

My Best Friend's Wedding - Gown Fitting 2

琴日, 我地一行四人一齊再上去Time for Elegance 揀衫, 佢地話有新衫返o左嘛, 不過睇相簿, 揭下揭下, 真係花多眼亂, 我都分唔清邊D係新返lu.......

Phoebe 再試多o左三件婚紗, 第一件上身有o的珍珠圍邊, 全件 gown都係壓花o既, 腰間有條ribbon加珍珠扣, 其實呢件都幾靚, 不過我怕影相o既時間呢壓花唔係太出, 影o左出o黎會變o左全條白色咁.

再試第二條, 呢條gown 都係plain 為主, 裙腳同尾就有D lace花, 但係我都係覺得之前揀o個件睇少少....

第三件, 就係勁勁閃, 不過我知道佢唔鍾意o既, 佢要plain & simple 嘛!!!

至於我自己, 我再試番上次無影到相相o個條粉紅色伴娘裙, 另外再試多一條淺香檳金, 其實顏色o黎講我鍾意粉紅色多o的, 但係小倫佢覺得淺香檳金好少少, 搞到我都唔知點揀好.....

化妝班: Lecture 6 - 光暗影

是晚主題 : 光暗影

琴晚呢一堂好重要, 就係教我地點樣修飾自己塊面.

Plasma 面點變面尖尖? 鼻唔高如何變鼻高高? 其實又唔可以話會有好明顯o既分別, 但係都有少少幫助o既.

升職,加人工

估唔到, 今次我個慢吞吞o既老闆做o野咁快, 我起初仲以為佢會拖多一頭半個月至會記起要升我職同加我人工.

當然o係係我預料之外, 升高一個grade 啦, 不過最實際o個樣o野, 究竟加幾多都無人知. 連我頂頭阿姐都唔知, 真正結果要等到month end 出糧自己睇payslip 計下至知, 真激死!

如果唔滿意都要等出o左糧再同老闆講, 呢D 咁o既制度真無聊!!

醫院9天遊 - 後記

今日係我出院一週o既紀念品, 所以我同小倫去o左Royce 買o左兩盒朱古力同埋o係Log-on 買o左一張thank you送俾浸會醫院6/F o既護士.

雖然人地o係收o左人工o黎做o野, 照顧病人o係應該o既, 但係我住院o既日子, 我覺得係應該appreciate 佢地o既工作, 而且我覺得佢地照顧得我好好, 我成日都要麻煩佢地, 尤其係我落唔到床o既日子, 夜晚又要打針, 去vv 又要佢地 幫, 平時又同我傾計.

我地上到去6/F, 竟然仲有護士記得我係住1B床, o個個護士係導師o黎o架. 仲有o個個靚靚護士學生都記得我, 不過就見唔到藍衫姐姐. 我地見佢地好忙, 所以無留好耐就走lu.....

醫院9天遊 -- 住院記

26/7/2007 (21:10) ~~ 4/8/2007 (11:23)

由於阿型仔湯醫生話我條盲腸已經穿o左, 好彩, 離奇地有一層薄膜包住, otherwise, o的朧流出o黎, 就會變成腹膜炎. 如果真係變腹膜炎, 咁就真係大件事!!! 因此, 我要打足一個full course o既antibiotics, 幸好, 我因為要吊鹽水, 所以只係打入個針孔到, 唔駛直接打入肌肉, 如果唔係實痛死我喇!

醫院9天遊 -- 手術記

27/7/2007係我人生其中一個特別o既日子 -- 我第一次做手術o既日子

o向我未完全o訓醒時, 因為琴晚個肚一直都有痛, 所以o訓得唔係咁好,  大約差唔多七點鐘, 湯醫生已經企o係我床邊, 再重覆一次我今朝要做手續o既情況同procedure, 之後護士就幫我預備手術須要做o既o野, 梳洗過後, 小倫就陪我等媽咪o黎, 等到差唔多十點幾, 周振軍醫生都o黎喇, 佢就話俾我知已經book o左下午1點鐘做手術, 跟住我就要故作輕鬆咁扮鎮定, 時間一分一分咁過去, 我o既緊張就一分一分咁增加.

醫院9天遊 - 入院記

無端端, 我竟然要入醫院, 仲要一住就9日, 你話係咪嚇死人!

故事就要由上個星期三講起......

2007 書展

已經有好多年都無咁好興致去同人地迫餐懵, 走去行書展!

我地原先諗住早o的出到會展, 可以買$10 入場券, 去到會展之後, 發現排隊買$10入場券o既人龍長到嚇死人, 所以我地決定都係買番原價, 慳番o的時間同腳骨力.

我其實都有諗住訂Cosmopolitan, 可惜去到見到o的贈品都唔吸引, 我對香水無乜興趣, 見到贈品之一有Lola o既粉底, 不過原來已經送晒......結果, 我都係無訂到, 唯有等佢地下次offer 好o的至訂, 因為價錢都唔係相差好遠...

行o左四個幾鐘, 都只係我買到書, 小倫都無買到, 佢只係負責幫我攞咋!!真係辛苦喇!!!

我一共買o左兩本張曼娟o既書, 因為我差唔多有兩年無買過佢o既新書喇!!所以好開心..


另外, 其中一個原因我去書展係因為Harry Porter 出到最後一集喇!!所以今次去, 一口氣買埋最後兩本, 分別係第六集: Harry Porter and the Half-Blood Prince 同埋第七集: Harry Porter and the Deathly Hallows.


另外, 我仲買o左一本過期"婚禮"雜誌同一本新娘化妝髮型o既書....

今次o既收獲都好豐富, 不過又洗o左好多錢喇.....又要繼續慳錢...

化妝班: Lecture 2 - 修眉 + 畫眼線

琴晚係化妝班o既第二堂, 我一夠鐘就立刻執袋撇, 所以我同妹妹未夠 6:20pm 就上到學校喇!!!

是日主題就係"修眉 + 畫眼線"

美味小肥羊

明明我地都唔係乜o野大忙人, 都唔知點解, 只係一餐三個人一齊食o既飯都要約成個月至可以成事!!!

我地琴晚, 終於可以一齊去小肥羊打邊爐喇!!Yummy! 原本我同花師奶都唔食羊o架喎, 但係我真係非常十分之鍾意佢地個湯底, 仲有墨魚滑同皇帝菜......兩個小時o既任食, 我地一o的o野都食浪費, 不停咁食食食...

同佢地兩個一齊(i.e. 花師奶同Pris)真係好開心, 大家可以好舒服咁傾計, 鬧人都得, 唔駛好似o係公司咁, 講o野要就住就住....

不過, 都唔知我地下一次食飯又要約幾耐喇....或者下次等我加人工之後請佢地食餐飯啦....

我要見好呢份工 - Part 2

我都知自己今次in 得唔係咁好, 個 interviewer 淨係一味問我有無問題問, 問完standard o野, 仲邊諗到有乜o野要問咩.....

算把啦, 都係忘記佢, 雖然人地係大大大公司, 但係佢同旗下公司完部都唔係 listed in HK, workload 又大, 加上升職o既機會又渺茫...

 另外, 阿老闆琴日同o左我阿姐傾加我人工o既事, although 有提好過無提, 以佢做o野o既速度, 都唔知幾時至真係加俾我o者....就算加, 都唔知佢會有幾慷慨, 肯加我幾多o者....

我要見好呢份工!!

 呢排公司好忙, 因為要出circular, 所以日日返工都只係對住同一份文件, 不停咁英文對英文, 英文對中文, 睇到眼都矇埋! 令到我o既搵工大計都delay o左一段時間.....

今次有回音喇, 今晚開緊OT o既時候, 突然收到電話, 原來係 Jardine 打o黎o架, 叫我星期一晚去interview 呀!! YEAH YEAH!!!!

有得IN, 就代表有機會啦!!!今次我一定要溫定書, 做好preparation o架, 要好好把握呢次機會....我立即走去同Ceci 講, 佢話我request 得太低喇, at least 都叫多5k 呀, 不過會好辛苦囉, 唔緊要, 我都唔怕辛苦, 最緊要多o的o野學同多o的機會嘛.........呢幾年唔搏, 再過幾年就要好似Rachel 咁, 安安定定, 結婚生仔o架喇....

大難不死, 成功甩難!!

經過兩年來o既艱辛歲月, 雖然未至於要寒窗苦讀, 但係都好甘!!

不過, 好彩終於都平安渡過, 全部pass, 我份人不嬲都抱住 "求學不是求分數" (是求合格!)o既心態, 所以只要all pass, 就已經心滿意足.....尤其是strategic management呢科, 我份exam paper 只做得一半, 能夠合格, 真係開心....

而家仲差出埋transcript,我就可以去apply full exemption 同associate, 希望快o的搞掂, 早日升職, 或轉工!!!

My Best Friend's Wedding - Gown Fitting

上星期日去o左Time for Elegance 陪阿P 試衫同埋自己揀我條伴娘裙....

呢間舗頭正如其名, o的裙真係幾elegant o架!!我睇中o左兩條伴娘裙, 其中一條young o的, 暗粉紅色, 簡簡單單, 不過唔記得影相, 另外一條, 比較nude,  但係detail 好多, 有lace, 後面仲有個大蝴蝶 <-- 我最鍾意.

不過我驚揀呢條裙會grand 過阿P好多, 因為阿P所揀o的裙都偏向simple, 所以都係遲o的等佢firm 晒揀咩裙先算....

另外我自己都free trial o左一件婚紗同一件晚裝, 兩件我都好鍾意, 等我遲o的揀衫時再認真考慮下呢間舗頭. 件婚紗雖然唔係公主裙款, 不過好閃, march-in 著一定好靚.......

庾澄慶香港演唱會

已經有4, 5年無去過睇演唱會, 一來無乜特別o既歌手值得睇, 二來想睇o既歌手又買唔到飛. 今次因為有朋友突然送兩張$400飛俾我, 所以至有得去...

死"忙"四月

今日o係四月二日, 即係死亡四月o既開始....

點解?因為日日都有功課做, 要返學o既日子就要交功課, 唔駛返學o既日子, 就要prepare 功課. 自己已經煩到死, 仲要俾同學仔日煩夜煩, 唔係sms, 就係咁不斷msn 你, 再唔係就打電話俾你, 搞到你想有少少時間都唔得...

最慘o既就係, 你唔可以鬧佢, 因為佢表現出, 唔係唔做o野,只係唔用腦, 不停問你咁做得唔得, 係唔係咁做, 答一兩次就話o者, 次次都係咁就煩o架啦...

好彩係最後一個sem, 如果唔係, 我小命都不保, 咁死多功課做!!!

Welcome!!! Our New Member!!!!

期待已久, 終於出o黎喇!!!

好友阿sa同Kenneth o既BB女終於o係2007年3月30日零晨12時18分出世o喇!!! 即使佢唔係自己o既BB, 不過我都好興奮, 因為未試過咁近距離有身邊人生BB.

好心急想去睇下BB, 同埋探下T, 訪問下佢such a wonderful experience o係點樣....

希望BB女能夠生活得開開心心, 健健康康!!!

May God Bless her and her family...

My Best Friend's Wedding

Surprisingly, 突然收到好友P話佢會結婚, 而且仲要係今年年尾.......

除o左surprise 之外, 當然係開心啦, 仲開心過自己決定結婚...

一時間, 身邊所有o既朋友都結晒婚...自己仲要等多一年有多....而且仲係危危乎....Plan 已經有喇, 不過另一半就嫌我太心急....

所以好多o野就算自己好想搵人share 都無. 好彩而家有阿P同我傾下.

討厭之地

我實在唔能夠再忍受呢個地方!!! 我唔知道係人o既關係, 定係制度o既問題, 總之, 我好清楚明白我唔屬於呢度!!

呢度, 特別o係我o個team, 根本無teamwork 可言. 我知道鬼叫人地做得耐過你, 所以人地係你team o既AM. 但係你究竟識唔識得做am?! 叫你assign work, 你完全都唔係assign equally, 只係自己霸哂o的o野o黎做, 你地兩個咁鬼鍾意做, 咪做哂佢囉, 到我review o既時候, 我一定會講出o黎!!!

 我o係呢度唔會同你地做朋友o架!!!!!

開學了!!

今個星期係我讀呢個master 最後一個semester 喇!!只要平安過度, 我就可以畢業喇! YEAH YEAH!!

不過, 呢個sem o的courses 好似一o的都唔容易, 而且仲麻煩到死..好似IS o個科, 要form group 仲要成日睇articles 寫reports, o的articles仲要上網俾錢download, 簡直搵笨!!

至於琴晚上o既strategic management, 又係麻麻煩煩, 多多o野搞. 不過好在兩科都唔駛考mid-term, 做group project 係麻煩, 但係比較保險, 無咁容易攞低分, 因為有同學仔幫手嘛, 嘻嘻

仲有, 同學G因為電了頭髮, 而俾同學P改咗佢叫做花師奶....哈哈....