自相殘殺

今晚, 大霸王又做壞事喇!!!!


佢竟然趁大奀豬換殼, 軟林林o既時候, 將佢殺死o左呀!!!!!

好可憐呀~~~我地返到去, 只係見到奀豬o既殼, 同埋, 大霸王o向度食緊奀豬個蝦頭呀!!!

佢上次都只係食其他o野o者, 今次, 竟然連同類都唔放過, 實在太唔o岩喇!!!

下次出去金魚街, 要買多個兜返o黎, 到有蝦換殼o既時候入去住下先喇, 免得又有悲劇發生呀!!!

二月婚紗展

今日去o左九龍灣接小倫放工, 食完lunch去o左灣仔又行wedding expo 喇!彷彿呢樣已經成為我地o既節目呀!!!!平時我地去都係湊熱鬧, 今日o既主要目的係陪佢o既新同事 -- Dave 同佢女友 Angel 四圍睇下o野, 因為佢地打算09年年尾結婚, 真係好喇!!!

由於佢地乜o野都無乜ideas, 所以我地樣樣都睇下, 主要睇下d 婚紗相外景, 因為佢地鍾意d 自然o既相, 唔想要咁standard....同埋, 都有睇下d 租衫呀.....正如我地第一次行咁樣, 佢地又要睇, 又要聽, 真係頭都大埋呀!!! 我地就無乜所謂啦, 反正我地最鍾意就係四圍八, 湊熱鬧o架喇......

有一樣o野我覺得都幾開心o既就係, 有幾個之前sell 過我地o既sales佢地都認得我地, 仲係主動同我地打招呼o添....最厲害o既就係之前有一個Monalisa o既sales --Rachel,  我地最後都無幫襯過佢, 但係佢都好主動走o黎同我地打招呼. 原來ML 同FB o既老闆依家開多o左一間行比較高檔o既路線, sell 外景同埋租衫....佢話ML 最top o既cam man 全部過晒o黎新公司呀, 依家佢地o既package 真係好抵, 有得影外景之外, 仲可以去埋ml/FB 影室內, expo join 仲有$6000 cash refund 呀...用o黎租衫都得呀...而且, 仲可以造一套自己鍾意o既晚裝, 如果以造租o既價錢o黎睇, 真係抵都爛.....如果我唔係已經join o左租衫, 我一定會幫襯呀!!!

原本我都想睇下PN o既戒指, 但係真係好多人喇, 唔想排咁耐隊, 又唔想阻住Dave 佢地, 所以我地七點幾就走喇......

跟住, 去o左德興打邊爐, 佢地都係邊爐精呀....仲已經約埋下次一齊去食小肥羊o添!!可惜, 佢地約o左屋企人睇戲, 所以食o左無耐就走喇......真係唔好意思喇, 揀o左呢間打邊爐, 今晚上菜又咁鬼慢, 令到佢地都唔係食o左好多o野咋......

總括今日, 我都好開心呀, 識多兩個朋友仔!!而且, 同Angel 又好o岩傾o添!!o向expo 入面, 又見到Pingu 同運動人, 仲有靚太同闊佬呀!!!不過, 可惜, 唔係有好多時間同佢地傾計, 真係唔好意思喇....

 唔該晒Sam 哥幫我地影相呀!!

最後一個情人節

今年, 係我地最後一個情人節, 可惜, 一d 都唔浪漫, 又無驚喜, 當然梗係連玫瑰花, 禮物同朱古力都無啦.......唉, 同舊年真係差得遠喇......

因為想一放工就撇, 所以今日都要繼續努力工作, 務求唔要OT, 準時走人啦~~~今日雖然好凍, 但係唔想情人節都著得咁樣衰, 所以就無著羽絨返工, 全日都係凍到陣呀.....

唔知係唔係今年加價加得太犀利呢, 竟然全層樓少o左好多花送o黎喎...都好, 少d 人收花, 我無花收無咁礎眼嘛......

Lunch o既時候, 走o左去City Super 買朱古力留番夜晚去唱 K 時送俾佢地呀.....

今晚, 我地又一行十人去慶祝情人節呀.....鬼咩, 舊年我地兩個諗住靜靜地兩個人食下buffet, 竟然俾人話我地點解唔預佢地呀, 所以, 今年我地又繼續一齊過呀.... 今晚有我地啦, 劉氏伉儷, 呂氏伉儷, 仲有阿羊同琪琪, 蘭子同Frankie. 雖然係一d romantic 都無o架喇, 但係總算夠熱鬧, 大家都開開心心啦......

小倫生日

今日係小倫生日呀, 亦係第一日開工o既日子...

一返工, 大家食完早餐就開始派利是喇.......

呢間公司d 人好得意o架, 你唔駛行去同人逗利是, d 已婚o既同事會自動走埋o黎o架....

好快, 又要開工喇....最衰遇o岩係high season, 如果唔係就請假陪小倫四圍去玩啦......

所以, 雖然有好多o野未做好, 但係一放工我就走o左喇....今晚我地去沙田食飯呀.....食飯之前, 我地去o左睇相機呀....

因為小倫想買過部傻瓜用o既傻瓜機俾我用呀, 但係睇來睇去都唔係好o岩呀......不過, 今次應該會買Canon, 雖然Sony o個d 係好靚仔, 但係唔多實用呀.....

運完吉, 我地就去搵地方食飯呀.....但係, 揀o左好多間都唔知食乜好, 所以最後都係好求其咁去o左西田食日本o野就算喇....真係唔好意思呀, 小倫, 要你生日都食得唔開心o添....

因為今晚太凍喇....所以食完飯無再行街街, 就返屋企喇......

小倫, Happy Birthday 呀!!!!

新年速記

年初一 : 平平安安o向屋企, 因為天氣實在太凍喇. 加上, 我地又唔駛去拜年o既, 所以, 我o向屋企o訓o左成日, 而小倫又係因為仲有唔舒服, 所以都無出去拜年.....

年初二: 因為我要避難, 所以一早起身, 化好妝, 換好衫就去o左小倫屋企喇....佢今日好少少, 我地就出o左去佢婆婆屋企, 同婆婆公公拜年呀....坐o左一陣, 就去旺角行o左個圈, 就返o左大埔同小倫daddy, mummy 食晚呀...

年初三:雖然今日係赤口，但係我地都出街去拜年呀, 我地去o左阿餅同miu miu 屋企玩團拜呀!!!仲食埋我地Free Units o既開年飯o添.....我地仲玩抽利是o添!我同小倫好好彩呀, 我地兩個都抽到大利是呀!! ^ V ^

年初四 : 就到去Phoebe 屋企逗利是喇!!!哈哈, 今年只有我同小倫, 同埋婧婧有份收利是咋, 出年, 就得婧婧一個呀!! 今日婧婧好叻呀, 識得俾個好可愛o既笑容俾我地睇, 哈哈.....

年三十晚 - 悶悶悶

今日係年三十晚, 繼續o向公司忙碌地工作, 真係討厭大時大節遇着peak season, 果頭仲有annual report 未做好translation, 呢頭又要做好insurance co o既board paper, 仲要加上天寒地凍, 坐o向公司都仲覺得陰陰涼.......煩

眼見人人都可以有得早收, 偏偏做呢d 公司無得早放. 但係人地隔離compliance 班友仔到三點幾四點就無晒人, 人地department 真係自己喇, 我地仲要繼續默默地工作呀!

終於捱到五點五十五分喇, 立即熄機拎袋走人啦.......點知, 落到街, 都唔見有幾多個人o既, 唔通人人都已經返晒屋企? 都有好處o既, 就係今晚無塞車呀, 七點正我就返到大埔喇!!!

好o野, 開飯喇! 原本小倫答應o左話今年o黎我屋企食團年飯o架, 點知佢無啦啦又呵又嘔, 今日仲返唔到工o添.......

我地原本仲約o左小花同阿餅佢地成班一齊去花墟行花市, 唯有cancel 啦....> . <

都好o既, 今晚有少少雨, 又咁凍, 唔出街都好o既, 總算過o左一個平安o既年三十晚啦.....

Sweeney Todd: The Demon Barber of Fleet Street

今晚放工, 原先諗住去睇7點幾o既 "魔街理髮師", 但係, 點知, 次次都係臨放工o既時候先至send email 俾我, 要我做o野, 好彩我同阿姐discuss 完之後, 話o左星期一至做, 咁先至走得咋. 都係小倫醒目, 琴晚買飛o既時候決定買9點幾呢場, 如果照買7點幾果場, 一定會好趕喇!!!小倫仲趁我未放工o既時候, 去剪埋頭髮o添!!