2012 北歐奇妙之旅 (芬蘭, 冰島 & 瑞典) - 22/9 (Day 8 - Part I) [Husavik, Iceland]

閉關O左一日, 終於又完成O左一篇冰島遊記喇!!!! (30/08/2014)
-----------------------------------------------------------------------------

今日又要繼續做隻早起的鳥兒喇.....因為我地今日要去Husavik 觀鯨!

2012 北歐奇妙之旅 (芬蘭, 冰島 & 瑞典) - 21/9 (Day 7) [Grimsey Island, Iceland]

以龜速寫遊記O既我, 終於又寫好一篇喇!!!!

我要再努力D 至得!!!!除O左冰島遊記, 仲有2013年英國21日O既遊記等緊我寫呀!!!!
-------------------------------------------------------------------------------------------------

今日又係一個特別O既行程, 就係我地今日要進入北極圈喇..... Yeah!!!

我地將會去一個island 行下, 呢個地方有乜特別?點解要去? 理由好簡單, 因為Grimsey Island 係冰島唯一在北極圈 (Arctic Circle) 內O既地方, 而且係冰島有人居住O既地方最北邊, 全島O既人口少過一百人, 大約只有八十幾人住. 要去Grimsey, 一係坐飛機, 一係搭船.

2012 北歐奇妙之旅 (芬蘭, 冰島 & 瑞典) - 20/9 (Day 6 - Part III) [Akureyri, Iceland]

為O左今晚有飽飯食, 又係時間去搵隻粉紅豬豬喇.......

入貨時間~~~

雖然冰島本國資源比較缺乏, 但係, supermarket 依然乜都有得賣, 有新鮮蔬菜啦, 花O既種子啦, 仲有抵到爛O既魚油丸啦......supermarket 入面, 四圍都係price scanner, 萬一唔知價, 行埋去嘟一嘟, 就會清楚晒, 非常方便....

2012 北歐奇妙之旅 (芬蘭,冰島 & 瑞典) - 20/9 (Day 6 - Part II) [Akureyri, Iceland]

騎完馬馬之後, 我地揸車去附近一個景點, 叫做 Glaumbaer Farm, 呢度係一個小小O既建築群, 由幾間 turf (傳統冰島草皮屋)所組成, 當中唔同O既turf 有唔同O既function, 例如 kitchen, storeroom 之類. 據資料所講, 呢度有過千年O既歷史, 直至10年前先被人發現O架.

任賢齊拍鬧電視O既一個地球都有介紹過呢度.

2012 北歐奇妙之旅 (芬蘭, 冰島 & 瑞典) - 20/9 (Day 6 - Part I) [Varmahlio - Icelandic horse-riding, Iceland]

今日我地一早6點半就起身, 又要執拾行李, 其實都唔駛點執啦, 尋晚咁夜先到, 都無乜時間攤開D O野. 

小倫一早起身就鬧鬼我喇, 佢話喎, 我尋晚差D 踢O左佢落床喎......但係, 我毫無印象喎.......而且, 平時我都唔會咁爛瞓.....不過, 我瞓O左真係會不醒人事, 乜知覺都無晒, 真係口同鼻拗喇.....

揀好衫預備今日去騎馬馬, 就落去樓下餐廳食早餐. 真開心竟然係包早餐喎, 因為呢間酒店我地係thru hotels.com book O既, book O既時候無講包唔包早餐, 所以我地一心預定無O架......

除O左我地兩個之外, 只係另外有一枱4個人咋, 唔通成間酒店只係得我地兩枱客?! 雖然係咁, 簡單O既冰島式早餐都算OK O既....有cereal, yoghurt, 一D cold cut, 蛋, 生果同咖啡. 唔算豪華及精美, 總算味道唔錯, 食得飽.

(仲要有朵新鮮玫瑰花O添...)

2012 北歐奇妙之旅 (芬蘭, 冰島 & 瑞典) - 19/9 (Day 5 - Part II) [Reykjanes Peninsula, Iceland]

驚魂稍定, 又再從新出發. 今次唔會再驚O架喇.....因為目的地係Blue Lagoon 呀!!!!由Gunnuhver 行多45分鐘就到O架喇....唔算太遠啦.

(見證我地人生第一次自駕遊, 影返張"香車美人"先......(嘔~~~~~)

2012 北歐奇妙之旅 (芬蘭, 冰島 & 瑞典) - 19/9 (Day 5 - Part I) [Reykjanes Peninsula, Iceland]

今日, 我地又要做隻早起O既鳥兒喇....

刷牙洗面之後, 我地決定出去晨運下至煮早餐.

2012 北歐奇妙之旅 (芬蘭, 冰島, 瑞典) - 18/9 (Day 4 - Part II) [ Golden Circle, Iceland)

離開O左Thingvellir National Park, 我地向下一個Golden Circle 景點進發喇.....

行O左無幾耐, 見到有一群moo moo cows 呀, 弊, 趁呢班大哥決定過馬路之前, 我地要快過佢地過馬路先, 因為見過有台灣旅客話佢地試過等D 牛牛同馬馬過馬路, 過O左一粒鐘呀.

(隻隻牛咁眼望住我地)

2012 北歐奇妙之旅 (芬蘭, 冰島, 瑞典) - 18/9 (Day 4 - Part I) [ Golden Circle, Iceland]

冰島果然真係一個神奇O既地方!!!!出發之前, 原本小倫有唔舒服, (不過唔方便O係呢度交代), 仲差D 要將我地今次個trip cancel,竟然, 尋晚出現突破性O既好轉, 實在太amazing!!! Thanks God!!!!!

今日可以8點先起身喇, 梳洗好, 小倫就預備早餐喇.

哈, 喺冰島O既第一餐早餐竟然係咁港式喎......就係火腿通粉喇. D即食通粉係我由香港帶O黎O既, 火腿就係尋晚O向Bonus 買O既....

2012 北歐奇妙之旅 (芬蘭, 冰島, 瑞典) - 17/9 (Day 3 - Part II) [ Reykjavik, Iceland]

我同小倫懷住既興奮又緊張O既心情, 坐上由芬蘭飛去我地O既夢想國度 -- 冰島 O既飛機, 開展我地12日O既冰島奇幻之旅喇!!!

由芬蘭飛去冰島機程3個半鐘, 不過, 因為兩個地方有3個鐘O既時差, 所以, 我地O向Helsinki 3點半上機, 飛到去冰島O既Keflavik Airport 都係未夠4點鐘. 估唔到都有幾多人去冰島O架喎, 呢班flight, 差唔多full 晒.

飛去冰島O既航班, 主要由IcelandAir 同埋 Iceland Express 所經營, Iceland Express 屬廉航類, 不過, 由於我地要由Helsinki 飛去冰島, Iceland Express 無呢條線, 結果只可以揀 IcelandAir, 其實仲可以through Finnair 買機票去冰島, 不過, 都係屬於聯營形式. 至於價錢, 以我地訂飛O既時候, thru Finnair 買係會貴過thru IcelandAir website 買. 順帶一提係, IcelandAir o既價錢非常之海鮮價, 所以要勤力少少, 多D 上去佢地個website check 價錢, 見到平, 就要book O架喇. 我地兩張來回芬蘭同冰島O既機票, 連埋tax & fuel charges, total GBP 54X.

IcelandAir 雖然唔係廉航, 但係都同廉航差唔多O架喇, 機上提供水同soft drinks, 連餅乾仔都無塊O架, 想食小食呀, 得, 俾錢買啦, 多謝晒!!!

2012 北歐奇妙之旅 (芬蘭, 冰島, 瑞典) - 17/9 (Day 3 - Part I) [ Helsinki, Finland ]

我地今日下晝要坐3點半飛機去冰島, 所以仲有半日O既時間O向Helsinki hea.

由於只係得半日時間, 我地今日要做隻早起O既鳥兒喇. 唔.....同尋日一樣, 呢間Glo Hotel Art o既早餐都好豐富, 所以, 我地又可以一邊上網, 一邊慢慢嘆早餐喇. 食食下, 見到又另一pair 香港人O黎食早餐. 不過, 唔熱情o既我, 即使見到鄉里, 都唔會同人地打招呼.

(restaurant 設於basement, 感覺好似O係地洞食O野一樣)

(食物O既質素唔差, 不過, 以款式計, 應該係尋日O個間多D)

2012 北歐奇妙之旅 (芬蘭, 冰島, 瑞典) - 16/9 (Day 2 - Part II) [Helsinki, Finland]

偏離完原有行程之後, 我地要重踏正軌喇......繼續依照walking route no. 2 行. 途經National Museum, 不過, 時間緊迫, 無入去參觀呀.



沿住Mannerheimintie 行返去Forum 搵飯食.


 (呢一座係Parliament, 好似都係英國O個座靚D )

2012 北歐奇妙之旅 (芬蘭, 冰島, 瑞典)- 16/9 (Day 2 - Part I) [Helsinki, Finland]

(我的龜速遊記又繼續喇......真係唔好意思, 我實在太多口水喇, 又長氣....不過, 我無放棄到O架....會繼續努力, 我真係唔想爛尾呀!!!!)
----------------------------------------------------------------------------------------------------------------------------------------------------------------------------

今日嘅行程非常緊湊, 所以一早6點半就要起身喇!!!! 其實主要原因係我份人太meme moremore, 下下都要搞成粒鐘至可以出門口, 所以要早D起身囉.

我地8點鐘食早餐, 餐廳唔係好多人, 只係得3,4 枱客, 因此我可以慢慢影下D食物俾大家睇下喇. 先講食早餐呢間餐廳, 雖然係舊D, 呢間酒店係sell history 嘅, 舊就梗O架喇. 不過, 都算幾靚丫, 夠classic 丫嘛.  但係, 下次如果再O黎住就唔會再見到呢個樣喇, 事關餐廳將會喺2013年1,2 月進行renovation, 要到3月先會重開. 而且, 個早餐都幾豐富

2012 北歐奇妙之旅 (芬蘭, 冰島, 瑞典) - 15/9 (Day 1) [Helsinki, Finland]

瞓O左都唔知有無3個鐘又要起身喇, 因為今次我地坐早機9:30 呀. 去到機場未夠7:30, 趁未係好多人, 快快手去Finnair counter 做baggage drop 先.

好彩, 我地兩件大行李over 23kg, 都可以順利上機. 其實唔係over好多, 地勤姐姐話, 少少唔緊要喎. 不過, 返O黎O既時候都唔知點算喇! 我唔想加錢呀!!!!

今朝總算唔係太多人, 所以好快就做完baggage drop, 過埋immigration, 我地就去traveller's lounge 食早餐喇, 嘩, 估唔到呢度人多到好似酒樓咁, 差D無位坐呀, 誇張!!!搵到位個死角位之後, 我同小倫就分別拎早餐, 食飽飽, 拎埋支水就走人lu....

等O左一陣就夠鐘boarding 喇. 感覺上, Finnair O既機"好似" 幾舒服, 座位俾CX 闊少少, 但係, 孤寒, 問個機艙服務員拎多一個pillow , 一問無回頭.

2012 北歐奇妙之旅 (芬蘭, 冰島, 瑞典)- 14/9 (Day 0)

最近工作真係忙到可以用 "得閒死唔得閒病" o黎形容, 日日除O左做到無停手之外, 連lunch hour大阿姐都唔放過我, 晚晚都開OT, 身心十分疲累. 好大壓力, 連星期六都要返工, 做足大半日, 星期日有時間都要用O黎休息 所以完全無私人時間可以預備今次O既旅程, 差唔多成個trip 都要打天才波, 靠半年前開始上網search 過O既info, 同埋睇過人地O既blog 做reference 就算數喇.

Lunch with Momo Again @Agnes B Le Pain Grille

早兩日, 花師奶話momo  鍾意食jenny bakery O既cookies 喎, 咁我趁lunch hour 早D 閃出去買兩罐俾momo 啦, 另外再幫同事買多幾罐啦. 可惜, 我鍾意食O既杏仁片無得賣, 話工場做唔切呀, 我估原因大概係自從內地人知道呢間D 曲奇好食, 而令到佢地O既曲奇大賣, 搞到工場根本無暇再做其他products, 令到我地呢D 本地O既支持者無口福lu......唉, 可憐.

今日, 花師奶話momo唔駛返學, 所以帶埋momo出O黎同我食lunch, 除O左Momo 之外, 仲有花生呀.....佢都專登由Repulse Bay揸車出O黎一齊lunch, 有自己O既生意真係好, 鍾意幾點食lunch 都得, 又有多D 時間陪下老婆同女, 真令人羨慕.

由於時間關係, 我地揀O左近近地O既Agnes B 餐廳, 不過, IFC 呢間O既氣氛認真麻麻地, 枱同枱之間O既距離太近喇, 人又多, 有D 嘈呀....

雖則趕時間, 但係, 都唔能夠唔歎埋杯coffee 同dessert 先返office 啦~~~~~

車廠fun fun fun

今日, 我地帶埋bebe豬去港鐵O既荃灣車廠O既員工中心玩. 其實係堅堅帶我地去至真.

話時話啦, 港鐵O既staff benefits 都唔錯啵, 大家都係香港數一數二O既大公司, 但係比福利, 港鐵好似俾我地銀行還要好, 真羨慕呀!!!幾時都話, 大樹好遮蔭, 做O野一定要入大公司先至好, 不過, 大公司一定有好多唔做O野, 白逗人工O既冗員, 我見到就會一肚火.

單係呢一個員工康樂中心就正過"弊"公司多多聲啦, 有羽毛球場, 卡拉OK房, 麻將房, 兒童遊戲室, 仲有multi-purposes room, BBQ場同tennis court O添....簡直係應有盡有呀.....

今日, 我地就同bebe豬O黎呢個兒童遊戲室玩. 呢度好正呀...成間房都鋪晒好厚O既軟墊, 任D bb 點爬點跌都唔會親, O岩晒bb 呀, 真係好過返playgroup 呀!!!

所以, bebe豬O係呢度玩得好開心呀!!!!

呢度咁安全, o岩晒佢O係呢度學行呀!!!!

唉, 呢個只係得9個月大O既人仔, 點解可以成日都擺出呢個咁招積O既樣O架.....

O向車廠玩完, 我地就帶bebe豬返去屋企, 俾佢熟習下環境, 遲下佢要試下返屋企渡週末喇....

好叻, 唔知佢feel 到呢度係佢屋企, 竟然唔怕生補, 入屋無喊喎, 叻叻~~~~

我好鍾意呢兩張相, 影得佢好趣緻呀!!!! (烏鴉媽媽病又發作喇.....)

變變變, 魔術師

Bebe 豬今朝又上O左O黎我屋企借地方飲奶, 係呀, 我屋企係佢O既中轉站O黎O架.....

但凡係佢媽媽同奶奶過O黎我地呢邊行街買O野, bebe豬有需要, 就會上O黎我屋企飲奶或者換片片. 始終, O係我屋企搞會方便同埋乾淨過O係商場O既......而且, 我又唔介意, 平時我屋企甚少對外開放O架, 連屋企人都絕少可以上O黎我屋企, 不過, 我O既心肝寶貝係exceptional case, 最好佢唔走O添啦.....wakaka

既然佢一場上到O黎, 我又要搵D 玩具俾佢玩下喇.....

O岩佢玩O既, 只有我上次O係荷蘭買O既Miffy 沖涼波波, 佢好鍾意,  (其實呢個人仔係無乜O野唔鍾意玩啦......)

抹乾淨就可以俾佢玩喇.....

睇佢玩得幾開心~~~~~

我同小倫都好鍾意呢張相, 因為呢個角度睇到bebe好似玩緊魔術, 將D 波波變到凌空咁, 好得意......wakaka......兩個正傻人

眾裡尋她千百度

今晚同小倫O向朗豪坊O既八月軒食完飯之後, 行下街.....無無聊, 行入去LaFuma 睇O野喇......

唔睇由自可, 一睇就不得了喇....

終於....終於.....終於.....俾我搵到佢喇!!!!

所謂: 眾裡尋她千百度, 那人卻在燈火欄柵處

講O既係呢件風褸喇......

話說, 我一直都好想買件風褸. 我從來都係風褸呢樣O野O架......以前要著, 一係就攞阿妹果件, 一係就著O左小倫O既當係自己, 一直都無一件屬於我自己O既私家風褸.

何解我會對佢一見鍾意?

事關佢夠薄, 我一直想買件黑色膠袋feel的風褸, 奈何大部份O岩款的out budget, 呢件就O岩O岩好喇, 而且條拉鍊仲要係紅白藍, 好有法國feel 呀~~~~

Yeah......O係考慮O左5秒之後, 我決定要帶佢返屋企喇......哈哈哈.........

我估都無乜幾多個人會好似我咁低B,為O左買一件別人眼中普通到暈低O既windbreaker而俾咁原因自己, 仲要咁興奮O添.....

晴晴識企喇^ V ^

又到O左星期五喇, 依家差唔多每個星期五晚當敏敏返去自己屋企過夜O既時候, 就到O左我呢個託兒服務出動O既時候喇....呵呵呵.....又有機會俾我過下湊B 癮, (真變態)....

努力工作O左一日, 差唔多七點先可以閃人, 於是又飛快咁趕返屋企見晴晴喇.

一返到去, 第一時間, 入房叫下晴晴先, 佢依家已經好叻, 認得我把聲, 我一叫佢, 佢就會望住我O架喇. 跟住, 我要洗乾淨手, 埋去抱下佢, 錫下佢先.

入屋第一時間洗手, 已經成為我地每個人返到去小倫媽媽屋企要做O既第一件事喇, 因為唔洗手, 係唔可以掂BB O架.....

開好奶, 要餵佢食呀, 因為今日佢無乜胃口, 唔係好想食, 所以, 又要變返new born階段咁, 要小食多餐.

我餵奶O既同時, 小倫無得爭同BB 玩, 佢要去整光波雞翼.

我地大人食完晚飯 又到O左BB食飯後小食, 今餐舅母揸主意, 俾佢食蘋果baby food, 因為就快要瞓覺, 所以唔好食咁多, 只可以食3匙羹咋.

跟住, 我就同晴晴返入房玩啦. 又到O左我獨霸BB O既時候喇....哈哈哈
因為小倫媽媽日頭一個人湊住晴晴太攰喇, 所以, 食完飯要小睡幾個鐘, 小倫爸爸就要做其他家務, 小倫就負責洗碗, 所以, 無人同我爭BB 喇!!!呵呵呵....

同BB玩, 真係好開心O架....O左大床玩O左一陣我手軟喇, 放佢返入床仔先.

依家BB 會好似隻狗仔咁, 一放佢返落床仔, 就會望住你, 有時仲會大叫, 想人抱佢. 於是, 我教佢扶住床欄啦,奶奶話佢今日已經識得跪O向度,於是, 我再氹佢企啦. 叫埋老爺入O黎睇啦....晴晴好似真係明白我講乜咁喎.....(哈, 我又幻想喇!!!)

BB先可以一隻腳企, 一隻腳半跪, 我不停叫佢加油, 用力啦, 點知, 佢突然間真係可以兩隻腳仔一齊出力, 企O向身喎.....

嘩, 果一刻我真係好開心呀, 成個心都跳O左出O黎, 感覺好興奮呀.....拍手讚晴晴好叻, 攬住佢錫錫錫呀!!!!好開心, 我有呢個機會見證佢呢個moment 呀!!!!

不過, 見佢開始有D攰喇, 唔可以再叫佢企咁耐. 於是我抱返去去大床爬爬下啦.

餵埋10點餐奶, 今晚唔駛我唱twinkle twinkle little star, BB 飲飲下奶奶就瞓O左喇. 慳返唔少功夫!!!!

唔好以為BB瞓O左, 我就好得閒呀, 仲要幫佢清潔口腔, 換瞓覺衫仔同著袍仔, 同埋睡袋, positioner, 我先可以收工O架...

坐O左床邊睇住佢瞓耐D我先會行開O架.....因為, 有時BB 會嘔返D 奶奶出O黎, 所以一定要睇下佢, 我先放心.

雖然BB唔係我個女, 但係我真係當佢係我個女咁湊O架, 並唔係O個D拎人地O個BB玩下, 要換片, 或者喊就俾返人地父母O個D 人.

今晚, 有幸見到BB 識企, 真係好開心呀!!!上次佢識爬第一步, 因為我無返去,而miss O左覺得好可惜呀!

(後記: 尋日太過興奮, 趕唔切影低佢, 後補第二日再記錄得bebe企高高O既一刻!!!)

美味泰菜@ 大美督忠誠茶座

好耐無食O黎大美督食泰國菜喇, 小倫話趁今日唔係太熱, 一於一家人入去大美督食飯啦......

平時, 忠誠茶座好full O架, 好在今日臨時臨急訂枱都仲有位咋....不過, 就要食頭輪囉....

帶住bebe豬, 加上又有4個人, 就梗係打的入大美督方便D啦......

未有位食飯, 同bebe豬影下相先....今日著O左條靚裙仔....

(圓圓包包面著O左姨婆由美國帶返O黎O既靚裙仔~~~)

Happy Tea @ CU

早兩日O向面書同Rebecca 傾開我放假, 即刻約一齊tea 一tea啦...反正好耐無見面同傾計喇.....

Rebecca 係我O既其中一位好叻O既大學同學, 同我呢D 懶學生非常之唔同. 不過, 講又真係好奇怪, 我地平時好少接觸同聯絡, 以前又好少同班,因為佢係主要讀literature, 而我係讀linguistics, 但係大家O既感覺好close, 極少見面都有好多話題.

既然Rebecca 依家office 係我地親愛O既母校, 咁見面地點就梗係約返O係中大啦......

Lunch with MoMo小姐

尋日同晞晞玩完, 今日就到Momo 喇....

要去同momo玩, 都幾辛苦O架....要山長水又遠咁入去西貢搵佢, 平時有 Priscilla 做我司機就方便, 今日無司機, 我就要自己坐小巴入去喇.....

Hello 晞晞

終於又到我放假喇...

今日O既行程又係湊B 啦.....不過, 今次唔係湊我心肝寶貝, 而係去湊晞晞呀!!!!
Pingu 坐緊月, 得佢一個人O係屋企湊住個B 都幾攰O架, 而且我又特別變態, 鍾意抱newborn baby, 難得有newborn 俾我抱, 梗係要去啦.......hahaha

晞晞都算乖呀, 幾易湊, 佢同bebe豬唔同, 佢好肯飲奶, bebe 豬一餐奶食得好慢O架.....果然, 男仔同女仔好唔同.

不過, 晞晞瞓覺就差D, 成日好似好驚咁. 唔知係唔係早幾日俾O個個工人姐姐大力"栓"門驚親, 所以要成日抱住, 安撫佢.............

Lunch, 我地就去同埋Pingu 媽媽, 仲有大隻謙一齊食茶.........大隻謙真係好鬼趣緻.......

等到小倫收工O黎接我走, 我今日做babysitter O既工作又完成喇......

2012 女皇日 - 橫風橫雨 Ocean Park

今年生日, 我都算黑仔喇!!!

首先, 生日都要一早起身, 仆返去中環上seminar, 鬼咩, 呃錢HKICS要我地每年minimum 要有15個CPD, 經過一輪努力, 都仲未夠分, 唯有今日生日, 都要浪費時間去上seminar, 我梗係一邊聽書, 一邊玩電話啦. 不過, 估唔到今日上seminar 會遇到舊公司老細Katherine 同 Michelle.

除此之外, 今日最黑o既係 -- 落大雨呀!!!! 上星期應承O左晴晴, 梗係唔係我個小寶貝啦, bebe 豬得6個半月咋, 點知道我應承O左佢D 乜丫....係大O個個晴晴, i.e. 我表哥個女呀, 話今日帶佢去海洋公園, 佢咁大個都未去過, 所以, 趁住我今日生日免費, 小倫又有特價, 所以就帶佢去啦.

小倫帶佢由大埔坐巴士出O黎中環搵我. 去完附近茶餐廳食飽之後, 我地就帶佢坐丁丁落金鐘, 再轉巴士入去Ocean Park.

唉......估唔到今日落到咁大雨都仲有咁多人去, 係唔係傻O架....

講真丫, 如果我唔係為O左帶個小朋友O黎睇動物, 我真係唔會O黎囉!!!山長水又遠, 我寧願去Disney 多D, 起碼入到去個人會開心D, D staff 唔理真心定假意, 都會好似好開心咁, 而且, Ocean Park 實在太舊喇.


一去到, 我地首先去一人買一件雨褸, 咁大雨, 有遮都濕晒啦, 都係買件雨褸方便D.


跟住, 我地熊貓館探下國寶, 同佢地影下相先. 不愧為國寶, 住O既地方係最舒服O既, 有空調之餘, 地方又濶落. 而且又唔駛隔住個玻璃睇安安佳佳. 盈盈樂樂後生D, 又活潑D.



睇完熊貓, 我地行去兒童皇國玩喇. 當然唔少得就係我O既至愛, 旋轉木馬啦.....話晒都係我生日丫, 點都要玩下我鍾意O既O野O既.....之後, 我地坐個唔係好高O既摩天輪O者, 估唔到晴晴會驚喎, 一落地就攬住小倫喊, 無鬼用呀! 但係坐cable car 佢又唔驚喎, 真古怪....


到O左睇海獅, 真係好辛苦呀....地方細細, 又多人, 小倫要將晴晴騎駁馬先夠高睇咋...真係牙煙喇....


O黎到Ocean Park, 又點少得睇海洋劇場丫....好在, 都仲尚算好睇.


最後, 就梗係要行埋新開O既海洋館啦...話時話, 都真係幾靚O既...呢度亦都係全個ocean park 最舒服O既地方喇....哈哈哈

全日都落住雨, 就算幾好玩都係假啦.....未試過有一個生日得咁辛苦O架.....


帶住晴晴, 又濕立立, 都無mood 去搵間好D O既餐廳食dinner喇, 求其食完大家樂就坐巴士返大埔喇.....

雖然今日咁辛苦, 但係呢個小朋友好似好開心咁呀....亦都玩得攰, 落巴士都唔肯行喇, 要小倫抱佢送佢返去.

晴晴半歲了~~~

眨下眼, 我寶貝O既bebe 豬已經半歲喇.....

所以, 我地又要簡簡單單咁同佢慶祝下, 其實都只不過係買個蛋糕返O黎, 我地一家人切下咁O者.....

6個月O既晴晴已經大個O左好多喇, 有少少唔捨得佢大得咁快O添........

半歲大O既佢, 最鍾意就係食佢自己隻手指公 同埋牙膠, 百厭O左, 識得四圍爬, 亦都開始試食米糊喇, 亦都同之前一樣, 都係唔多鍾意食奶奶, 一口氣唔會飲得完一支奶. 總括O黎講, 暫時都仲係屬於好湊, 未會認人, 唔會成日喊.

另外, 好在, 直到依家, 佢都仲好痴我, 唔知再大個D O既時候, 仲肯唔肯痴住我玩呢???

新玩具 - 壓麵機

今日又係永安大減價, 所以趁 lunch hour 去熱鬧下.

每次永安大減價都人山人海, 迫迫迫, 但係, 我總係覺得人迫迫, 好似好熱鬧咁, 好好氣氛, 所謂 "唔買, 都睇下丫嘛", 所以, 我咁寒, 都會去趁下墟.

基本上, 每次永安減價o既特價品都係大同小異O架喇, 所以我好小會專登大量入貨.

今次, 俾我發掘到新O野!!!!

就係 ---  壓麵機喇!!!!

早一排, 睇上一季"煮角" O既時候, 煮角們有教D 小煮角整pasta, 好似好易整呀, 睇到我心癢癢, 又好想學喇.

之前格過其他shops, City Super 都有得賣, 都係貴呀.

估唔到, 今次永安大減價, $498咋!!!! 仲送曬麵架O添呀!!!呢個爛鬼曬麵架, 無電影框O既時候, 賣成$159 O架.....至於部壓麵機, 要$798 O架....

伯爵奶茶包包 - 1st attempt

自從bb出世之後, 大部份O既時間都俾O左佢, 加上近半年O既workload大O左好多, 令到個人好攰, 而且又搬屋, 所以停O左好耐工, 無開機整包包喇.

終於今晚"的"起心肝開機, 諗O左好耐都諗唔到新口味, 突然小倫提議不如試用伯爵茶啦, 反正屋企有咁多earl grey teabags, good idea!!!俾個"叻"佢先. 一言驚醒夢中人.

心血來潮台北遊 2012

公司個個同事都plan緊Easter 去邊度旅行, 聽到我又心郁郁喇.

估唔到連小倫都話想去個short trip,日本唔去得喇, Bangkok 舊年又去O左, 去Phuket 啦, 機票又唔平, 我睇中o既resort 又貴到飛起, 於是, 不如去台北啦, 反正我地十年無去過台北喇.

就係咁, 距離出發只有兩星期, 我地要拿拿臨book機票同酒店喇.

要成行, 咁就一定要有機票先飛得啦, 唔通游水去咩!!!於是, 小倫立即call 我地O既agent 好友Sharon幫我地搵機票喇. 真係要俾個叻Sharon, 話咁快, 就confirm到機位喇, 時間仲唔錯O添.

跟手, 就到揀酒店喇. 去台北, 我無要求O架喇, 但求乾淨企理, 無鬼, 又方便就得O架喇.

經公司同事, 阿仔, 介紹, just sleep 唔錯, 簡簡單單, 又平又抵住, 一於就just sleep啦....

好O野, 我地O既十年一度重遊台北可以出發lu.....

不過, 都要買本旅遊書旁下身先!!!!哈哈哈~~~~

小寶貝百日宴

O岩O岩忙完個result announcment, 日日仲O向公司忙對稿, 做到一頭煙, 另外仲要忙搬屋O既O野, 晚晚要pack 箱. 不過, 今晚我特別申請O左準時放工, 因為今晚係bebe 豬O既百日宴.

原來應該係早兩個星期食O架喇, 不過, 因為我根本無可能predicted 到我幾多點放工, 所以, 唯有delay到今晚至食啦.

其實, 今晚O既所謂百日宴只係我地一家人一齊出街食餐好O架咋, 我地認為始終bebe仲係細, 要佢面對咁多對佢O黎講係陌生人O既人唔多好, 而且, 為一個咁細O既人仔搞party, 佢都唔知O架啦, 純粹為O左大人O既交際應酬, 好似唔多好. 因此我地就決定唔搞呢D 門面O野喇.

由於堅堅入O左M-dinning, 所以我地去美麗華集團旗下O既餐廳都有折, 我地就揀O左The Mira O既Yamm 食buffet 喇, 其他credit card 呢間都無discount, 只有M-dinning members 先有八折.

準時6點半我地就去到喇.....今晚O既theme 係海膽同帶子, 所以, 有好多菜式都係用呢款食物做材料.

我食得最多O既就係生蠔喇, 食O左差唔多兩打呀. 另外, 海膽都好好味呀!!!鵝肝就比較細舊喇, 不過, 都好, 因為我唔多鍾意食foie gras O既. 除O左凍盤, 其他熱葷都唔少O架, 不過, 我已經掛住食, 唔記得影相lu......甜品O既款式都唔少, 有chocolate fondue, 仲有macarons.


當然唔少得舅母同O爹O爹bebe啦.....

導出導入機初體驗~~ La Mente G7

話說, 一直都有留意廣告, 見到報紙雜誌介紹HABA 部離子導入機, 價錢話貴唔貴, 話平唔平啦...不過, 從來都無詳細研究呢部o野係乜東東....

最近, 天氣凍, 懶起身整麵包, 夜晚有d 得閒, 又無無聊上網四圍search 下搵o野睇下......

都話上網好毒O架喇!!!!

於是, 上網搜索下關於離子導入機有乜好啦.....其實, N 年前仲會去做facial o既時候, 我都會做導入呢個step o既, 導入o既意思就係將d 精華素帶入皮膚o既底層, 好過就咁搽上面, 因為吸收得好d 喎. 而我每次做導入, 都會因為底層太乾, 而吸乾晒d精華.

聽落部導入機好似幾好咁喎, 上網search 下用家comment 先. 果然, 世界上, 係有好多貪靚o既女仔o架.....好輕易就咁搵到好多相關o既資料, 根據大部份人o既用家意見, 原來HABA o個部離子導入機有一個缺點, 話做導出唔係咁好, 效果唔明顯喎. 市面上, 仲有其他牌子口碑比較好, 就係Hitachi Hada Crie , La Mente, Handybio 喇. 另外仲有一部叫做Japan gals, 價錢最平. Handybio 有一個唔好處, 就係一定要用返佢品牌o既產品喎, 有d 煩.

至於Hitachi 同La Mente, 呢兩個牌子o既導入機係可以配合其他品牌o既護膚品一齊用, 感覺好似好dd 喎. 豐儉由人, 唔駛下下都俾佢鎖住一定要用返同一品牌咁麻煩. 價錢方面, Hitachi 會平少少, 而且香港有行貨賣, 不過, 賣斷市, 要訂貨先有. La Mente 較貴, 而且只有水貨, 不過功能多d, 除o左離子導出導入之外, 仲有超聲波同紅外線o添. 網上o既comments, 亦都係La Mente 比較多, 不過, Hitachi o既comments 大部份都係好o架......

同敏敏講開導入機, 哈哈哈, 原來佢一早已經買o左部La Mente o架喇.....果然係有錢人呀.....乜鬼都有. 於是, 佢話借部La Mente 俾我試下用o添....佢o個部仲要G7 o黎o架...因為La Mente 有分G5 同G7, G7 係新d o既, 頻率高d . 早知, 早d 問佢借o黎用啦, 事關有o左BB 係唔可以用離子導入機o架....因為呢d 機有微電流, 對BB 唔好o既. 就算有M , 都唔可以用o架喎.

既然有玩具在手, 梗係要試下啦.

第一晚, 我就試個full course, 即係step 1 做離子導出, step 2 做超聲波離子導出, step 3 做超聲波離子導入, step 4 做離子導入.

洗乾淨塊面之後, 開始step 1. Step 1, 將d Bioderma 卸妝水倒濕塊化妝棉, 碌勻成塊面, 10分鐘. 跟住, 拎開塊化妝棉, 效果唔錯, 化妝棉真係導出d 灰灰黃黃. Step 2, 用返敏敏俾我用o既La Mente Lift up gel 做超聲波離子導出, 又做10分鐘, step 3 喇, 用O左 cellbone O既 B5 gel, 都話我份面乾O架啦, 不停加, 又再碌多10分鐘, 最後做step 4, 今次我試下用雪花秀O既balancing water, 倒濕塊化妝棉碌多10分鐘就完工.

成個過程都感覺唔錯, 都feel 到塊面軟O左同埋真係保濕O左, 但係, 又無人地話咁水潤O既效果囉. 不過, 有人又話, 要做多幾次先見到效果喎, 都唔知邊句真.

說明書講, full course 一星期一次就夠, 至於每日保養, 就可以做離子導出同離子導入喇. 所以, 第二晚就只係簡單做過離子導出同離子導入喇. 所以, 依然用Bioderma 卸妝水做step 1, step 2就用Cellbone o既B5 gel. 今晚導出O既效果同尋晚差唔多.

第三日喇, 朝早起身係覺得皮膚O既texture 好O左, 化妝返工上粉比平時貼面, 鼻頭D黑頭無O左, 鼻翼兩邊平時好明顯O既毛孔亦都細O左好多. 第三晚, 都係繼續只做離子導出同離子導入.

總括o黎講, 試o左幾日, 部機簡單易用, 效果唔錯, 不過, 問題就係究竟會唔會有恒心每個星期或者日日keep 住用o者......

所以, 結果都係, 不如買部Hitachi 平平地玩下就算喇!!!

情人節甜而不漏之homemade truffle

早陣子上網search 到一個較為健康o既朱古力, 就係用豆腐, tea biscuits, 加埋蜂蜜做truffle, 聽落好似好得意喎. 一於試下啦....

尋日趁lunch hour行去老遠o既Mark&Spencers 買o左兩packs tea biscuits, 放工同小倫簡簡單單食dinner, 就去買埋盒豆腐, 返屋企開工喇.

看似簡單, 其實做落一d都唔簡單, 可能唔熟手啦. 連小倫都出手, 幫忙搓成一粒粒圓波波, 搞o左幾個鐘, 終於叫做見得下人.

Happy Birthday to 小倫 2012~~~

今年小倫生日係星期六, 所以佢唔駛專登請生日假.

不過, 我地今日都係hea O向屋企, 左諗右諗都唔知去邊度食飯好.

突然想起好似無食過太平館, 一於出去尖咀食啦.

我地去O既時候都仲算係早少少, 但係我地去到O既時候已經好多人, 要等位.

等O左差唔到半個鐘先到我地.

唔想諗, 見到有個"招牌二人餐"好似都幾O岩食,有齊晒瑞士雞翼, 同埋干炒牛河, 一於就咁決定啦.

上菜好快, 先有一個海龍皇湯, 跟住O既瑞士雞翼就要等耐少少喇.

開頭以為煙肉炒雜菜會好"漏", 但事實又唔係喎, 幾ok 喎.

馳名O既干炒牛河就真係好好味呀!

其實我地都已經飽O架喇, 但係, 話晒都係慶生日, 梗係要食個甜品先似樣O既....

於是, 我地再order 個souffle , 嘩, 好巨型呀!!!!未試過食咁大個souffle O架!!!!!

我地兩個人好努力咁食, 都食唔晒呀!!!

下次要叫多幾個人一齊食先得.

話時話, 呢個souffle 都幾好味呀!!!

小倫O既生日就係咁平平淡淡地渡過. 反正, 過O左咁多年, 我地都愈來愈鍾意平平靜靜咁過!!!