財源滾滾年初一

今日一早起身, 好凍呀!!!真係唔想出門口呀......

雖然話今年唔可以去拜年, 但係都要一早出去小倫o既婆婆屋企見下佢囉...但係, 就唔會有利是收, 亦都唔駛派利是.....去完土瓜灣, 下一站就去油塘, 小倫伯娘屋企, 坐o左一陣就走lu.....

跟住, 我地兩個就去o左APM, 原先想睇赤壁, o向行去戲院途中, 竟然見到阿sa, 婧婧佢地一家人呀! 原來佢地同埋Kenneth Daddy Mummy去拜年呀!!!見到可愛o既婧婧梗係要照張相先啦~~~

最終我地都無睇戲呀, 因為只係得返第一行有位, 實在太近喇, 唯有放棄啦...見到戲院隔離有間叫HotPot, 好似幾得意, 又無乜人, 就試下啦...

我地一人叫o左一窩(我係芫茜皮蛋湯, 小倫係沙爹湯), 餸菜都幾豐富o架, 有蝦同珊瑚蚌, quality 好過大家樂o個d 火窩呀!!!!包埋drink, 都只係$52, 仲唔駛加一, 今日埋單後, 仲有一人一封十蚊利是送呀!!!

食飽飽就返大埔lu, 因為今晚敏敏同堅堅都會返o黎食飯, 咁我地就早d 打下麻雀先啦.....嘩, 好耐未試過d 麻雀咁靚喇...差d 就一家贏三家呀!!!!

到o左食飯前, 又出演我地每年o既必備節目, 就係叫小倫爸爸sponsor o既抽利是遊戲喇.....最大由5百蚊一封開始........3, 2, 1 抽喇......

今年中大利是o既就係我喇!!!! 牛年一開始, 有咁好o既財運都唔錯喎...希望之後, 能夠繼續啦...

花開富貴迎新年

今日又o訓到一點先起身喇....

起身之後, 小倫煎o左d 蘿蔔糕, 年糕做lunch, 跟住, 等佢洗埋個toilet, 我再執下間屋, 就落樓下行下, 因為小倫仲未買衫過年呀...終於, o向Double Park 買o左兩件衫就算lu....

今晚, 去o左翔龍灣同小倫婆婆團年呀!!!唔知係唔係金融海潚o既影響呢, 食飯都唔覺有好多人, 迫爆酒樓o既感覺o既.....門口亦都唔見有排長龍o既現象呀!!!

食飽飽, 見時間尚早, 不如出花墟行下啦....

嘩, o向呢度真係feel 到乜o野叫做海潚價喇....

我地去到都未夠九點, 繽紛已經做緊八折喇, 行多一陣, 到九點, 仲過份, 半價喎......咁我地都買o左少少花返屋企插下啦, 花開富貴丫嘛....

往年好貴o既劍蘭, 今年最平廿蚊一束都有交易喎.....估唔到咁早已經開始劈價......

行行下, 竟然又遇到Pingu 同運動人兩公婆喎.....哈哈哈, 又真係成日都會大家同一時間o向附近出現喎...最後, 我地仲一齊搭火車返屋企o添.....

家務日

 因為媽咪同妹妹兩個去o左越南旅行, 所以今朝無人同一早嘈醒我, 咁我就可以好舒服咁o訓到十點幾先起身喇!!!

起身之後, 我好乖呀, 做o左好多家務 : 洗o左兩機衫, 換o左床單, 被袋, 掃地, 吸塵, 拖地, 執屋呀!!!!heehee, 留番個toilet 俾小倫洗! Yeah!

搞掂晒差唔多兩點, 就出門口去旺角join 埋小倫啦...今日輪到陪佢去shopping 呀!!!!

不過, 有d 失望呀!!!往年會有大d discount, 今年最多都只得八折咋, 唔係咁抵, 而且又睇唔o岩, 最後, 小倫只係買o左一對波鞋咋...聽日再行過先....

今晚, 我地又無出街食呀, 我返o左屋企偷o左媽咪事先買o左o既鰻魚呀!!!我地拎返去整鰻魚烏冬...費事等佢過幾日返o黎先食啦...順手, 仲拎o左棵水仙去, 唔知到年初一開花未呢??呢幾日咁凍....

是日晚餐: 燒鰻魚 + 墨丸烏冬

最紅星期五

我地o向沙田同Pingu & 運動人食完飯, 就搭火車返屋企啦.

落o左shuttle bus, 見到百佳仲未收工喎, 就拿拿林入去掃貨啦....呢個時候, 已經十一點喇, 所以入面無乜人, 仲正, 可以慢慢計, 慢慢買......

用HSBC 信用卡簽卡有10% 回贈喎, 梗係要買夠4百蚊啦.....

買下買下, 終於夠數喇, 埋單啦..嘩, 大家去百佳買o野真係要小心d 呀!!!

因為佢地d 收銀機有d 價錢唔o岩o架, 我地見條數唔o岩, 所以要同個cashier 逐樣o野對價錢呀!!!!真係有幾樣o野唔o岩, 收貴o左我呀!!!大家以後買o野, 記住要對價錢呀!!!

不過, 值得一讚o既係個supervisor, 佢好有耐性, 慢慢同我check, 仲可以俾我o向12點之前先look card, 計多o左o野就俾cash 我呀!!!!仲叫我返屋企再計過, 唔o岩數再返去搵佢呀!!!!

呢度究竟有幾多o野???哈哈....全部都係無營養o既食物呀!!!!有檸檬茶4打, 果汁先生4支, 杯麵8個, 出前一丁10個, 叮叮食品6packs, 益力多2排....仲有好多其他零食....唔知要食幾耐先食得完呢....

突然飯聚 - 小南國 (沙田)

今日係年廿八, 日日都趕收爐, 但係我又無乜心機工作喎, 畫個organization chart 都畫o左一個下晝呀, 分明係唔想做, 等放工啦...哈哈...

做做下o野之際, 見到Pingu online, 就問下佢地今晚有乜做啦, 傾傾下就約不如一齊食飯啦, 我地都好耐無一齊食飯喇......

一放工, 先去旺角join o左小倫先, 因為早排去聯合睇中o左件褸, 但又唔捨得買, 小倫話, 反正佢公司仲有雙糧出, 就買俾我啦, 點知, 已經買晒lu....唯有遲下再睇啦..不過, 我都唔覺意又買多一條裙呀...

買完就要快快腳入沙田lu....

我地今晚去小南國食, 我好鍾意食小南國o架, 質素有保證!!!!

小小禮物

琴晚去o左旺角, 原先今晚都唔想再出旺角o架, 諗住早d 放工返屋企啦....但係, 又想妹妹去旅行前收到我o既小小禮物喎, 所以照出去啦...

今次, 我上網買o左一對貓貓型o既耳環俾佢呀, 之前一心打算送俾佢做Christmas gift, 但係我唔得閒, 又懶約o個個好好人o既姐姐出o黎喎, 於是終於的起心肝買o左對耳環送俾妹妹, 等佢新年同媽咪去Vietnam 旅行有得帶住佢, 掛住我啦....哈哈

歲晚大出血

呢頭又話金融海潚, 又話無人工加, 又話無花紅出, 但係又真係忍唔住手喎..

諗o左幾日, 今晚放工都係約o左小倫去朗豪坊行下啦.....

今晚主力係睇鞋呀...因為一直都好想買鞋呀...但係, 之前睇極都唔o岩....

呵呵呵...最後, 大豐收....買o左4對鞋呀!!!!!睇怕有排都唔駛再買lu...

好在有大減價....

無良僱主 - Cyrus

琴日o向ESD 睇下話之前我幫襯o個個化妝公司 (C.Y.I. Creation Ltd) 突然間執笠喎!!!!

咁大鑊, 走去八下先....

原來係真o架....

有人話佢地星期六收到sms, 話佢地公司欠債喎, 要俾債權人清盤, 所以依家要暫停營業.

嘩, 有好多女仔都join o左佢地o既結婚化妝package o架嘛, 仲要一早full payment o添.....我都替佢地覺得慘呀!!!錢無o左都算啦, 都係有限數, 只係5, 6 千蚊o者, 要臨時臨急搵個化妝姐姐先煩丫嘛....再搵過第二個, 又要o徒錢o徒時間, 搵返原先CYI 個個, 又唔知點收錢...

不過, 呢兩日, 睇o左佢地咁多留言, 只係見佢地不斷都只係傾索償o既方法, 但係我覺得都唔work, 因為間公司都仲未正式進行liquidation o既procedure, 好明顯個case係Cyrus 呢個無良o既人走佬呀!!!!

今朝, 同Emman 傾o左一陣電話, 先知道Cyrus 真係咁衰o架...平時都知佢刻薄o架啦, 又海鮮價喎, 估唔到佢5個月無幫d staff 供MPF, 又未出糧俾佢地喎, 自己d o野一早就執走晒, 連d 頸鍊都帶走埋, 班化妝師真係慘呀.....於是, 我咪提議叫佢不如同d 客傾下啦, 睇下婚期近果d, 叫d 客加少少錢照幫佢地化妝啦...佢又話怕唔好意思呀....

唉, 真可憐, 錯o既又唔係佢地喎, 仲要將近新年先發生呢件事....慘慘慘.....

另一方面, 我都算好彩喇...如果件事早兩個月發生, 我就真係人都癲呀!!!!

好唔好呢???

最近成日都o向度諗, 究竟好唔好將個blog 轉做私有化呢?

原因:
1) 有時想post d 朋友o既相, 好似私有化o左, 睇到有關相片o既人, 我都識佢地, 咁好似無咁揚喎;
2) 唔係太想將自己d o野俾咁多唔相識o既人知道嘛;
3) 其實好多時我寫o野出o黎, 係想同大家分享下, 不過, 好似成日都係訪客多過留言o既, 既然係咁, 不過只add o個d 會成日睇, 而又會留言俾我o既朋友啦, 好似佢地先係真正關心我, 會注意我o既分享咁喎....我好唔鍾意d 隱形人o架嘛...我是心理變態的....鍾意睇人地o既comments o架...

不過, 又反問自己, 究竟寫呢個blog o既目的係乜先?

 如果真係要私隱, 咁不如索性唔寫啦....

而且, 當日寫o既時候, 只係想自己寫下日記, 記低自己發生過o既事, 一d 感受, 用電腦打, 點都方便過要我用紙用筆啦, 因為我唔鍾意寫字, 尤其係中文字, 簡直到討厭o既程度呀!!!一來自己寫得唔靚, 二來咁死多筆劃, 煩到死....

我份人就係咁o架喇, 經常處於極度矛盾之間, 希望快d 諗通

唔係好瘋狂的shopping day + 唔齊腳的團年飯

仲有唔係好多日就過新年, 所以今晚又係我地Free Units 一年一度食團年飯o既日子呀!!!

可惜, 今年唔似舊年咁齊人呀! 凌楓又出trip 呀, 返唔到o黎香港, 所以今晚又有佢老婆, 小花單拖出現; 另外, 蘭子同Frankie 又返o左大陸食結婚飯呀, 又join 唔到lu...Jeffrey 又話唔得閒喎, 又少一個...不過, 今晚有新成員加入, 就係miumiu o既同事 -- 余老呀....

因為地點又係荃灣,所以下晝, 小倫放工之後, 我地就o向荃灣行街街lu....

Annual Review

琴晚, 我差唔多執袋走人o既時候, 阿姐叫我入房喎, 唔知乜事呢....

chur, 原來又係做極到無聊o既annual review 呀.....Appraisal 呢家o野, 由我當年做HR 開始, 我就已經覺得係世界上無聊幼稚到極點o既行為...完全係浪費時間心機呀!!!!根本, 所有人都係為o左交功課, 又或者俾hr 有d o野做下而做o既....非常無建設性....

煮飯仔 - 5

今日終於可以早少少放工喇....

見返到大埔都仲未夠八點, 就去吉之島supermarket 買少少餸返屋企煮下飯啦...

今餐非常簡單, 又係蠔油唐生菜, 紫菜墨丸蝦乾湯, 日式鐵板燒 (雞軟骨, 牛肉, 雞翼).

一買完餸,返到屋企, 第一件事就梗係要洗米啦, 鬼叫我地個飯煲仔煮飯要45分鐘咩.....
跟住就慢慢洗下菜, 醃下肉, 等飯熟, 就開飯lu....

天寒地凍 - 0110 游梁聯婚大喜之日

琴日, 我同小倫六點鐘就起身喇.....嘩, 真係千萬個不願o向天氣寒冷o既星期六早上離開暖笠笠o既床呀!!!

今日係我地o既好朋友 - 蘭子同Frankie o既好日子呀!!!原先, 我一早就答應o左做蘭子o既姊妹, 可惜, 因為小倫公公o既事, 我地唔方便出席婚禮, 無得做姊妹呀!!!!但係, 最後, 我地都答應o左出job, 小倫去做part-time cam man, 負責影snapshots, 我就去做大打雜, 即係去幫頭幫尾, 睇下各人會唔會有o野做漏囉...就係咁, 好好彩地我唔需要o向只得10度o既溫度之下, 著住薄如蟬翼o既姊妹裙呀!!!

忙到甩碌呀!!

一如我所料, 一返到公司, d o野多到做唔切呀!!!

一返去, 打開emails, 已經有百幾個emails 要睇, 單係read 晒入面o既contents 都已經用o左半朝. 跟住, 連同事吹水o既時間都無, 就要開摩打手, 不停咁做做做....趕緊唔同o既deadline 同埋要開始做results announcement o既同時, d 麻煩o既auditors 又阻住我做o野, 成日打o黎煩我喎...真係好想發爛渣話佢地呀!!!只係識得催我交o野俾佢地, 又唔見佢地on time 做好要o既audited accounts 俾我...都唔知邊個先係客呀!!!

呢個星期一返工, 無一日可以準時放工呀, 好慘......希望下個星期會好d 啦.....

唔想未到2月就已經晚晚開OT呀......

Long Vacation 終於完結了!!!

每年一度放core leave o既日子, 終於完結了!!!今年, 我夾埋Christmas 同埋new year 一齊放, 因此一口氣放o左20日期呀!!!呵呵呵.....

聽日就要返工喇...有d 唔多慣o架...好想繼續過呢d 悠閒o既日子呀!!!聽日, 唔可以再o訓到十點先起身lu, 亦都唔可以同媽咪食完lunch, 行下街, 跟住返屋企執下屋, 睇下電影劇, 寫下blog lu...唔

回顧呢個假期, 做o左d 乜???好似百無了賴, 乜都無做過咁喎...

Happy New Year!!

祝大家Happy New Year!!!!!

希望大家有個快樂o既2009年呀!!