Facebook o既威力, 真係勁!勁!勁!!!

話說今日係阿餅生日, 咁大家都o向佢facebook o既wall 上留言啦, 見到蘭子又話佢生日喎, 已經睇到我R 晒頭啦, 明明佢係5月生日, 點解又會話今日係佢生日o既呢~~~

Lunch time 終於忍唔住打俾佢問下啦, 哦, 原來佢係農曆生日!!!!咁問佢地兩pairs 今晚有乜搞作啦, 佢地都仲未諗到去邊度食, 咁我就叫佢地預埋我地兩位啦....

食飽飽~~~

我手上有兩張 $50 o既哈仔coupons, 到月尾就到期, weekend o既時候我地都唔得閒去食o左佢, 唯有趁今晚有d 時間, 小倫又過o黎銅鑼灣睇梳化, 就決定今晚食o左兩張coupons 啦....

一夠鐘放工, 做埋少少手尾就即撇.....雖然七點未夠, 但係我都已經開始有少少肚餓喇, 好在, 早到o既小倫夠醒目, 一早已經去o左板前拎籌, 所以今晚可以唔駛等好耐就有位lu......正!!!平時我好鍾意食板前o架, 因為又平, 又新鮮.....可惜, 呢間板前D service 實在太差喇!!開心o既心情俾d 咁差o既service 影響晒!!!

久違了的夜釣墨魚 - 白果篇

今日一早起身, 見到落大雨, 加上又懶, 所以推o左同阿媽, 唔同阿媽食早餐啦, 真係好衰!!!!

跟住, 我地兩個o向屋企me me mor mor, 打陣機, 終於要出發喇!!!!

o向尖沙咀同一眾墨魚之友見面之前, 我地先趕去百利行個圈....因為上次去北海道honwymoon o既時候認識到Leo 同Fiona 兩公婆, 佢地最近o向百利開o左舖呀, 其實已經想o向佢地開張o個日去賀下佢地, 可惜最後有事做, 去唔到, 唯有今日去探下佢地啦....去到, 原來只得Leo 一個看舖喎.....佢地賣BB 衫o架, 一場o黎到, 梗係要幫襯下啦, 我買o左件好cute o既牛牛衫俾同事個bb 女....傾o左一陣, 我地都夠鐘要走人lu....希望佢地生意會好啦!!!!

去到harbour city, join埋小花, miu miu 餅餅同埋蘭子Frankie, 仲有miu miu d 同事, 我地就一齊去惠康入貨, 之後再兵分兩路, 小倫, 小花同阿羊, 琪琪去買外賣炒粉麵, 我地一班人就去五支旗杆等埋其他人.....準時七點半就上船喇.....

新電腦 1+1

我依家用緊呢部desktop, 成日都處於七級肺癆o既狀況, 不時都死死下咁, 有時又上唔到網喎, 加上, 佢反應慢, 令到我好唔like 佢啦....搞到我成日都要趁小倫唔用佢部腦o既時候,偷用佢部機o黎上網啦...但係, 始終唔係自己部機, 總係有d 唔自在o既!!!

一直小倫都proposed 話不如, 買過部notebook 俾我用啦, 平平地, 6-7千都夠我用啦, 但係, 老套o既我, 唔太習慣用notebook, 總係覺得notebook o既keyboard 唔夠手感, 而且, 寒底人又會諗我個mon 好地地又無事, 買部notebook 返o黎, 我個mon 咪會o徙o左囉......

媽媽Happy Birthday!!!

我o既悠長假期, 今日o黎到最後一日喇.....

原先打算今日係媽咪o既舊曆生日, 放埋今日陪下佢, 四圍行下街,high 下tea 啦...

點知, 佢一早就打o黎, 問我攞approval, 話想去打麻雀喎....唉, 生日都仲要掛住玩, 真係俾佢激死我呀!!!!

不過, 尤得佢啦, 反正我當有多d 時間, 留o向屋企做下家務, 執下o野啦, 唔知點解, 執極都係咁亂o既....

5點幾, 我地兩個就出門口lu,

今晚book o左枱去鴻星食飯, 反正我地都未試過咁樣出去酒樓食, 就今年試下啦, 之前幾年都係去食buffet.....

重建家園 - 4

今日繼續放假, 無乜特別節目, 於是就陪o左pair 朋友去青衣睇樓喇!!!

哈哈哈, 四圍去八, 我地就最鍾意o架啦......

睇o左一個下晝, 都幾好彩, 朋友o既心水屋苑都有幾款唔同則o既單位都有得睇下, 有裝修同無裝修o既都有睇參考下, 不過, d 價錢都係一個幾大問題, 同我地住緊呢個屋苑o既情況都差唔多, 則好d o既就少放盤, 質素好d o既就價錢高於估價, 睇到朋友佢地頭都大埋呀!!!!

買樓呢個project真係仲難過搞結婚好多, 太多o野concern 喇....

同朋友佢地睇完樓, 我地就約o左堅堅同敏敏去Citywalk 食晚飯, 今晚食呢間上海婆婆都唔錯呀, 價錢唔貴, 味道都ok....

食飽飽之後, 我地上o左去Franc Franc 睇下, 不過, 都睇唔o岩, 而且又唔急, 都係唔買住....

運完吉, 就順便去睇下燈啦....嘩, 正呀!!!!估唔到o向呢度有收穫呀!!!!琴日o向沙田睇到盞燈好鍾意, 點知呢度幾間燈飾舖都有, 價錢仲要係3折咋....唔好理咁多, 一於俾住少少deposit先.....抵到爛呀!!!琴日見到我都差d 俾o左錢買啦, 今日見到平咁多喎, 仲點忍手呀!!!!而且, 仲要係我地兩個都好鍾意, 又襯到新屋o既design!!!!!

順手仲買埋多一盞燈for 書房o既, 依家仲差睡房果盞燈, 因為我想買盞特別少少o既, 唯有再行下...

不過, 總算搞掂o左一樣啦......

Easter Holiday 的第三天

今日係easter holiday o既第二天, 我地見jusco有big sale, 而且一田之前又寄o左d 單張o黎, 於是今日就約埋小倫o既同事, 一齊去行一田啦....

點知, 哼, 原來係搵我苯o既.....

去到, 都唔覺係big sale !!!!

我地咁大班人, 行o左都無一個圈就離開一田, 轉去IKEA 果個商場睇下o野, 搞搞震啦, 反正佢地個個都要裝修新居.....

行行下, 我地睇到一盞燈好鍾意呀!!!依家仲做緊半價, 好抵呀!!!!但係, 我地仲有一段時間先搬, 都係睇定d 先.......

行完街街, 我地就去火炭o既津津食乳鴒同雞粥呀!!!Yummy!!!!!

唔知點解, 定係老o左呢, 今日行一陣街就已經好攰咁呀!!

Project 081108 慶功宴

今日係復活節假o既第一日, 我地約o左一班之前o向我地結婚o既時候, 幫o左我地好多o既兄弟姊妹一齊去大美督BBQ~~~~

由於有咁多人, 實在好難遷就晒所有人都available, 又要諗一個適合大家o既活動都幾困難, 於是, 我地就搞o左BBQ 喇...原因好簡單, 因為我最鍾意就係BBQ!!!!

雖然話今日係Public Holiday, 但係都有好多人都唔得閒o黎呀!!!!都有d 唔開心o架, 點解反應唔多好o架......有d 失望o添, 平時我做完人地o既姊妹, 雖然都知道會有d 悶, 尤其係同其他兄弟姊妹唔太熟絡, 但係我都會出席o架.....不過, 又好難要人地好似我咁諗o既......

返一日工o者~~~

話說我今次又做好人, 明明可以連續由清明節一直放假到復活節o架嘛, 又因為讓o左一日俾個AM 放假, 又搞到自己鬼咁辛苦喇....

我知, 呢個job 係應該我做o既, 但係我上星期做好晒我跟開o個part, 今日返工無啦啦又要執埋佢地做緊o既手尾, 做到我隻狗仔咁.....

煮飯仔 - 11

今日我繼續放假, 而小倫都放一日annual leave 陪我呀, 真乖仔...

其實, 今日我地都無特別去邊度行街, 只係想休息下.....

食個brunch 就出去旺角行下街, 四圍睇下d 地板, 傢俬咁, 最後仲去埋設計公司趁個designer 未出2nd draft 俾我地之前, 再詳細傾多一次先, 因為睇完1st draft我地有d 櫃o既呎寸同間格去略為adjust 一下, 費事人地畫好o左, 我地先出聲話改啦, 一來o徙人地時間,二來又o徙人地心機, 雖然佢地係收o左錢要做o者, 但係都唔好咁衰啦, 明知要改, 可以早d 講就講囉.....大家好做.....

傾完見仲早, 不如就返屋企玩煮飯啦.....琴晚餐飯俾小倫話唔多好嘛, 一於今晚就佢煮, 唔好煩我啦......

於是, 今晚有兩樣o野都係同琴晚一樣o既, 不過, 佢又真係煮得唔錯o既.....

除o左繼續有冬瓜粒湯同埋咖哩雞翼之外, 仲多o左樣炒粒粒; 呢樣粉粒粒都好豐富o架, 有青瓜, 粟米, 腰果, 仲有瘦肉o架.....

不過, 小倫煮o左飯, 今晚又要我洗碗呀!!!慘慘~~~~

煮飯仔 - 10

今日繼續放假, 琴晚返o左屋企食媽咪飯, 所以今日就勤奮少少, 煮下飯啦....

所以, 一早起身, 臨出門口去同媽咪食早餐前, 先將d 雞翼解凍先....

跟住, 陪媽咪食下早餐, 四圍行下, 佢夠鐘就去打雀, 我就自己行街市買埋d 洋蔥, 青椒, 薯仔同菜....

返到屋企, 先處理o左d 菜, 之後就將d 免治豬肉同雞翼醃味先, 搞掂晒, 就再整蒜泥青瓜.
終於可以休息一陣喇!!!!!

到o左6點, 小倫放工, 我又要開始預備晚餐喇.......

OK, 開飯喇 !!!

今晚有:
蒜泥青瓜
日式咖哩雞翼
蠔油唐生菜
瑤柱冬瓜肉碎湯
可惜, 今晚只有青瓜係比較ok, 其他o個幾樣有少少失準呀, 味道好似差o左少少..

撞衫??抄款???

上回講到, 3月行婚紗展o既時候,咪見到有一間新開o既婚紗舖叫 Zara Bride o既, 佢地本catalog cover display 出o黎o個條紅色eg 同我o向elegance 租o個條係一模一樣o既.

點知, 上星期睇忽週見呢間Zara Bride 出廣告, 廣告又係用同一條紅色eg 喎!!!

完完全全同elegance o個條係100% 一樣o架!!呢條裙o向2008年6月o個期wedding 雜誌-登過啦, 而且仲要係做埋細o個本o既cover o添.....

究竟係elegance o向呢間話係西班牙品牌o既Zara Bride 買呢條裙返定, 定係佢地一早就抄佢地呢個款, 又抑或係呢間Zara Bride 抄人地o既款, 就唔知喇...

一大一小的生日飯局 -- 尖東小南國

今日雖然係清明節, 難得大家都唔駛去拜山, 所以就約埋4月1日生日o既Phoebe, 同埋3月30日生日o既婧婧一齊慶祝生日啦.....唔知係唔係因為清明節o既關係, 今晚食飯好難book 枱呀, 又要唔好咁嘈, 又要方便泊車, 搞o左一段時間, 終於決定去尖東小南國食啦!!!

重建家園 - 3

今晚趁住大阿姐出o左trip 唔o向office, 我終於可以準時放工喇.....

由開始做rights issue 到依家, 終於唔駛再開OT 一晚咁多啦....

所以, 就趁住今晚有時間, 就去埋間design house 睇1st draft 啦...

今晚一傾又兩個鐘喇...唔知係唔係我地長氣呢???人地傾係唔係都要搞咁耐o架??!!

其實, 一傾個design 已經ok, 起碼個全屋都係同一個tone, 唔會有出外買傢俬東一舊西一舊咁, 所有o既都match 到, 亦都係我地想要o既style -- modern and simple, 所以我地只需要傾下d details 點做就ok, 例如d 櫃門要點開, 櫃o既間格要點做, 等等....

睇完晒d 圖, 我先醒起, 原來唔夠地方俾我放書呀!!!! 因為我d 書依家都仲係放o向阿媽o個邊個大書櫃嘛, 所以今晚又再加單, 要落order 做多一個書櫃先得.....

今晚之後, 距離我地o既家又近o左一步喇!!!!

另外, 我地今晚亦都通知o左業主我地會搬lu.....