由於有咁多人, 實在好難遷就晒所有人都available, 又要諗一個適合大家o既活動都幾困難, 於是, 我地就搞o左BBQ 喇...原因好簡單, 因為我最鍾意就係BBQ!!!!
雖然話今日係Public Holiday, 但係都有好多人都唔得閒o黎呀!!!!都有d 唔開心o架, 點解反應唔多好o架......有d 失望o添, 平時我做完人地o既姊妹, 雖然都知道會有d 悶, 尤其係同其他兄弟姊妹唔太熟絡, 但係我都會出席o架.....不過, 又好難要人地好似我咁諗o既......
好在, 今日都算風和日麗, 天氣好好!!!!
可能我地較早, 所以去到好易就搵到爐喇....但係, 都好full o架, 有好多爐都已經有人喇......因為人數唔多, 我地先叫住一個9人餐先.....打算唔夠再加, 不過, 到最後我地都無加到食物呀, 大家都覺得夠飽!!!!我鍾意o向呢度燒, 除o左因為近屋企之外, 呢度o既食物醃得好好味, 地方又闊落, 而且唔算管得嚴, 唔會逐個人頭數.....
而且, 呢度都幾近海邊, 如果潮退, 可以行去海邊玩下...有好多人會o向呢度挖蜆o架.....
一入夜就開始人多喇, 連中間空地都要開埋枱, 加爐, 可想而知幾旺場呢!!!!
Around 8點我地就離開lu, 之後, 再出返去昌運彩虹食甜品呀!!!我鍾意幫襯彩虹多過滿記o架.....因為唔會一入間舖就一大陣惡頂o既榴槤味先啦, 而且甜品o既水準亦都高過滿記好多....
沒有留言:
張貼留言