Free Units & Friends 虎年團拜

去完西貢探花師奶同Momo之後, 我同小倫就趕住轉場去荃灣. 趁住未過正月十五, 我地Free Units & Friends 又o黎一年一度o既團拜喇......

當然, 事日晚餐梗係離唔開我地o既至愛 -- 打邊爐啦......

大年初二 Wii Sports Resorts Day

今日年初二, 就輪到陪下媽咪喇....

一早起身, 就要返媽咪屋企食開年飯, 食飽飽, 媽咪, 妹妹同細佬就上o黎我地屋企同我拜年喇.....
其實佢地係上o黎玩Wii Sports Resorts 呀!!!

當然, 主力係媽咪玩啦...佢好似玩極都唔攰咁......我都無佢地咁好氣, 由得佢地玩, 我要o訓下晏覺先.....

六點幾, 就叫細佬去和民搵位食飯.....

Yeah, 食o左幾日o個d 冬菇呀, 雞o個d, 真係有d 厭厭地....今晚終於有得轉下口味...

唔知點解, 我真係好鍾意食和民o架.....

大年初一四圍走

今日一早就同小倫出去土瓜灣小倫婆婆屋企拜年喇....為o左慳時間, 同免卻大家行來行去o既時間, 小倫媽咪同舅父佢地興團拜, 只要大家帶齊利是同禮物, 見面大家互相拜年, 交換禮物就ok.....

今年算係我地第一年派利是, 所以有d 混亂呀, 我同小倫就分工, 佢負責派俾佢d 表弟, 我就負責收長輩派o既利是. 嘻嘻, 我呢招醒喱, 我負責收, 即係連小倫自己o既利是都落埋我袋呀!!!哈哈哈!!!

同婆婆拜完年, 食完早飯, 我地就要趕去下一場, 要去油塘小倫伯伯o既屋企喇.....好在大家都係o向九龍東咋, 如果一家o向西邊, 一家o向東邊, 就真係新春行大運, 轉到頭都大埋喇......

o向伯伯屋企拜完年, 又要馬不停蹄, 要去下一站, 入將軍澳呀.....今次o既目標人物係去小倫佢地以前一個舊街坊, 佢地話呢一家人同佢地好close 喎, 細路時常一齊玩....但係, 我一個人都唔識, 全程都係陪笑, 又或者搵d 小朋友玩下, 打發下時間.......

終於完成o左今日o既拜年之旅, 於是, 我, 小倫, 奶奶同埋敏敏一齊去APM 食個tea 先返屋企.....食完tea 就返大埔發個新年財喇!!!!

呵呵呵.....同上年一樣, 我又打麻雀有所斬獲, 抽利是我又俾我抽中大利是呀!!!!希望今年全年都咁好彩啦~~~~

今日利是o既收獲都唔錯呀!!!!

團團圓圓慶年三十

今日係年三十, 所以一早我就同小倫一齊清潔家居.....

因為小倫早幾日返工時拗柴, 所以下晝都唔出街同人迫, o向屋企樓下行下街就算lu.....有時, 覺得住o向個商場樓上都唔錯,  落雨又唔怕濕身, 打風/夜晚又隨時有o野食, 要買衫買鞋又有好多唔同o既舖頭行....

行去Jusco 八下, 見到兩件好得意o既T-shirts 呀!

行完Jusco, 幫阿媽買埋個新飯煲就返阿媽屋企食團年飯喇......今晚好多餸呀!!!!正!!!!

食飽飽之後, 我同小倫就返屋企封利是lu.....今年係我地第一年正式派利是呀!!!!

跟住, 小倫仲煮湯圓一齊食o添~~~~~

今晚天氣唔好, 又有少少雨, 所以我地都唔出去花墟lu...連大埔o既年宵都唔去....乖乖地早d o訓覺

小倫生日快樂!!!!

今日係小倫生日, 但係因為遇o岩公司o既peak season, 又臨近新年喎, 所以我唔能夠放假陪佢, 唯有開摩打手, 快d 做好晒今日o既工作, 儘早放工呀!!!!可惜, 最終都唔可以準時放工, 要七點先可以鬆人!

不過, 今年我地無乜慶祝活動呀, 只係簡簡單單o向旺角搵一間日本餐廳食下壽司, 行下街就返屋企lu.....

至於生日禮物, 我叫小倫自己揀佢鍾意o既o野, 但係佢又未諗到喎, 唯有後補啦~~~~

送牛迎虎Free Units & Friends 團年飯

雖然公司多o野做到傻,又要做daily works, 又要預備過年後保險公司開Board o既papers, 又要做 annual results o既translation, 不過, 今晚係我地Free Units & Friends 一年一度食團年飯o既大日子, 所以, 幾大都早少少走, 做到7點鐘鬆d, 就走人lu......

今晚, 好耐無出現o既凌楓終於都可以見下大家喇....所以, 小花今晚唔駛再做梁小姐, 但係因為Frankie 要返學, 就到蘭子變返做梁小姐喇...哈哈哈

瘋狂購物4人組

尋日陪完媽咪辦年貨, 今日終於有時間到我同小倫去喇.....

一早起身, 我地約o左敏敏去Pretty Woman 試衫......今次係我第一次去石門o既Pretty Woman, 搭馬鐵去, 都唔算難搵, 一出閘就見到.....不過, 唔知係唔係今日係好日, 加上d 人趕住新年前結婚, 所以好多衫都出o左街, 唔係有好多衫試咋....試完衫, 我地就一齊出沙田.....

之後, 我同小倫先行一陣, 因為我尋晚做魔鬼, 引o左Pingu 同運動人同埋我地一齊行街買衫呀!!!!最衰係我, o向b+ab 睇中o左件褸, 因為買多d, 電視框大d.........可惜, 我睇中果件褸沙田竟然無晒黑色喎....

於是, 呢個回合, 我地女子組先讓下男子組.....最後, o向沙田呢一站, 男子組領先呀....運動人同小倫一人買o左一件.....

我地見沙田呢一站好似麻麻地, 決定出去旺角再掃過.....今次聰明o既Pingu 提議, 應該新世紀廣場會少人行d, (同朗豪坊比較)....

果然, 新世紀o既b+ab 少人好多喎, 哈哈哈, 我地女子組當然買到心頭好啦.....

男子組o向double park 都有大豐收呀!!!!

史上最無誠意的邀請

今日lunch time, 舊同事Ricky 約o左我同埋阿Jak, 加埋Ginny一齊去北園飲茶.....雖然大家都係o向中環返工, 但係我地甚少見面.....

今日大家一齊食lunch o既目的, 其一係Ricky 代另一個舊同事Katie派帖, 其二係同Ginny 慶祝生日....坦白講, 自從大家各自轉o左工, 又少見o左, 加上大家o既job nature 又唔同o左, 我同佢地已經少o左好多話題lu.....