豐收的一年

今年真係大豐收呀!

除o左我有得加人工, 出額外o既bonus, 同cash award 之餘, 小倫都有得加人工 , 同double pay 同 bonus 呀!

今次o既加幅都好滿意 , 有十幾個 % ,  高過通脹好多好多 . 老闆娘仲話每個月儘量都會出多份 OT 俾小倫, 當做bonus 啦...真係好喇....

我地兩個都覺得其實佢地公司又唔係大, 要負擔咁多個staff 都幾辛苦o架, 萬一唔夠job 做都幾重負擔o架....所以, 小倫同老闆娘講唔介意唔加咁多人工o架  , 多 Project 做先出bonus 都好丫..... 我都覺得係呀! 好搞笑o架, 小倫同老闆娘o向conference room 傾o左好耐, 佢行出o黎, d同事仲以為佢會resign o添, 哈哈!!!

我都要再努力d 工作喇, 好貪心咁諗, 希望可以過多兩個月再加多一次人工就開心 lu....

未搬屋先興奮

玩o左兩日, 今日要陪下小倫喇!

原來小倫一早就已經為我安排o左節目, 就係陪佢返公司開OT, 佢自己o向conference room 做o野,我做乜呀, 梗係唔係坐o向度聽下歌, 上下網咁梳乎啦, 我係要做清潔女工呀, 幫佢張垃圾枱變番做一張有平面o既枱呀.....

 呢張唔係小倫張枱, 係佢同事o既,  但係小倫張枱未執之前, 仲亂過呢張, 因為我唔記得影相, 所以用呢張做comparison.

 努力o左兩個鐘頭之後, 總算有返平面, 同埋乾淨d, 不過, 仲有半張未執好, 下個星期日再執埋先... 橫掂我地都去開九龍灣, 一於行下IKEA 先啦...唔知做乜o野, 有排都未搬屋啦, 成日都想去IKEA 行下, 幻想下第時間屋點擺設好, 一時睇下梳化, 一時又睇下餐枱. 又一次証明我同小倫o既taste 係唔同o架喇, 佢鍾意樣樣o野都白色, 我就鍾意成間屋都係黑色, 哈哈!!!

 呢張價值$129 o既"朋友仔", 我地兩個都好鍾意呀!!唔知點解, 我地成日都睇埋d 無聊o野都咁唔值o既, 不過, 已經有進步o架喇, 比起上次o個個萬七蚊o既雪櫃o黎講! 嘻嘻 我地為o左新居真正o既戰利品 :

 少量廚房用具

 唔知點解要咁快買定床單同被呢!? 但係買o黎好開心, 小倫話覺得好開心, 因為開始有屬於自己o既家o既感覺喎!!

原來仲有Cash Award 呀!!

一年一度緊張又刺激o既股東會終於又無驚無險咁過去喇!!!!今年由於改o向ground floor 做人流管制, 所以我地7樓o既人間地獄唔駛出現人山人海, 行都無位行o既情況, 不過, 依然係群情洶湧呀, 同d 股東講o野都講到口水乾呀!!!

好唔容易終於捱到散會喇!!!今年總算秩序良好丫, 又無乜麻煩o既股東o黎搞搞震無幫襯喎!!!希望年年都係咁就好喇!

Being Hurt

剛剛參加完人地o既人生盛事, 只係影o左幾多張o者, 我又唔係張d 相post 去邊到, 我放o向facebook, 想同我o既朋友仔分享下o者, 我唔明點解咁做會有人不滿囉....

究竟你係介意 d 乜呢 ? 唔鍾意公開自己個樣? 唔鍾意朋友替你高興? If yes, 咁點解要請客呀? 點解要請朋友呀? 我真係好唔明白, 加上我又唔係彈你個event, 又唔係搞寸你個party.

講真, 大家咁多年無見, 一般o既情況下, 都唔會出席呢d 我只係識你一個, 同其他來賓唔熟o既occasion. 我真係當你係好朋友先至出席, 想share your joy, 但係, 今晚收到呢個電話, 仲要唔係你親口同我解釋原因, 就要我delete d 相o既情況, 令我好hurt!!! 令我覺得"唔通今次我又做o左傻仔?! "

令我query 究竟你係唔係真係當我朋友先invite 我呢? 定係因為你invite 某人而又唔好意思唔invite 埋我, 先會invite 我呢? 我o既出現究竟係唔係多餘呀? 我真係好唔開心, 仲好嬲o添...點解你要咁對我!!!依家令我後悔當日o既出席. 諗住去贈人慶, 替人高興, 最終落得如斯o既下場....

別人的婚禮

今日係消防員哥哥結婚o既日子, 好彩咋, 雖然唔叫得到天氣晴朗, 陽光普照, 但係同琴日相比, 已經叫做好好喇, 琴日又打風, 又黑雨警佈, 真係替佢擔心呀!!

原先我仲為佢結婚唔會請我o添, 一來咁多年無見, 二來佢都唔知group 我去邊圍好啦呀我算唔算係中學同學呢? Hmm.. 我又無同過佢一班, 同佢中學同班o既friends 又唔熟喎, 我同佢熟只係因為我妹妹係叫佢做哥哥咋, 咁所以都成日一齊去玩啦.....

巧合地, 新娘子原來係我同學o黎o架, 大家都係同一屆o向CU 一齊係English Major, 不過, 唔同college, 我係NA, 佢係UC o架,  但係佢都唔識格格同阿sa , 傻啦同Rebecca 佢地喎,  同場就見到另一個同屆o既同學仔, Jenny, 我唔識佢o架, 所以都無同佢打招呼, 費事啦, 萬一人地對我毫無印象就瘀啦......

第二個巧合係今晚婚宴o既場地呀-- Marco Polo Hong Kong Hotel - Jade & Lotus Room, 同我一樣呀, 不過, 我就係擺Centenary Room,  大少少, 所以今晚可以當作試菜呀!

  同一對新人o既合照呀......
照完合照, 就係時候我要做下功課喇......

 The backdrop... 我都係鍾意米白色多d....

 有趣的dummy cake

 Menu Cover, 即係我可以慳番唔駛自己design 個cover 啦, 用番呢張都ok 喎...

 Menu (inside) 雖然大家都係擺同一間酒店, 但係個menu 上o既餸同我o個d 有唔同呀, 無得試晒o添.....

小小的centrepiece, 唔知可唔可以request 用紅玫瑰呢 ? 又或者我自己買定紅玫瑰俾酒店幫我搞呢?

 March-in 切餅look....不過, 因為我坐得太邊喇, 影得唔消楚o添.....>.<

  Overall, MPHK o既service 都唔錯呀, 食物o既味道都ok 啦, 唔會話D o野食凍冰冰, 希望到我o既時候, 會有改進啦....

行街街 - 新居預備篇

今日, 我地兩個終於"的" 起心肝去做我地兩個人好耐無做過o既o野, 就係去荃灣做gym & facial 喇....唉, 又出血喇, 無啦啦又唔知做乜, 個facial 姐姐叫我加精華素, 又自動俾錢加o左...希望今次自己真係可以勤力d, 去多d 做facial 啦~~~

趁小倫未行到過o黎接我, 我就靜靜雞去睇電話呀, 我好想換過部電話, 因為自從俾公司block 埋esd, 我就日日悶到想死呀, 所以想換過部電話可以上msn o既. 原本仲一心諗住等 iphone o既行貨o架嘛, , 不過依家唯有變心喇, 可惜, 睇得上眼o個部又勁貴, 成$5000 呀, 實在太浪費喇, 用幾千蚊去買部手提電話. 算啦, 都係唔好咁貪玩喇, 況且, 我好鍾意自己依家o個部電話o架, 我自己覺得好型o架, 夠薄, 又係黑色喎!!!

跟住, 我地就繼續o向荃灣遊來遊去, 哈哈!!! 無聊o既我地, 竟然睇中個萬七蚊o既雪櫃呀, 痴線o架!!! 除非我住豪宅o者, 如果唔係, 邊有人會買個咁貴o既雪櫃o架, 不過, 個雪櫃真係好正, 夠型, 又夠大!! 我同小倫講笑話, 如果要買個雪櫃都得, 不過, 間屋就唔可以買電視喇, 因為無晒budget lu......哈哈....

唔知點解, 我地有排都未搬屋啦, 咁快就四圍去睇家庭用品, 仲好無聊咁買o野o添....
今日戰利品:

Aluminium 5R 相架, Oil bottles, 仲有四色快子...

有四隻色, 方便我地d 朋友o黎呀, 一個單位一隻色, 不過, 好似都仲未夠, 要買多幾對先得呀!!

探訪新居: 敏敏 & 堅堅

今日同媽咪食完lunch 之後, 我就要去陪小倫幫敏敏搬屋喇!!!

未出發前, (未係所有行李喎!) 已經有8個紙箱, 2個膠箱喇!!!吞pop o既我就梗係唔會郁手去搬啦, 又唔係我自己o野, 又重喎, 係咁易拎o左兩樣最輕o既就算lu....到我自己搬o既時候, 我寧願自己逐袋逐袋拎好過啦!

好在, 大埔同深井坐van 仔都唔係太耐咋, 好快就去到喇! 一齊去新屋o既有我啦, 小倫啦, 堅堅同小倫媽咪, (無錯, 係唔見o左當時人o架 @~@)

一去到, 新屋仲係一個廢墟, 因為同時間有師傅砌緊飯枱, 書枱, 床同埋衣櫃, 所以成屋都係麈同男人呀!!!

唔駛好耐, 間屋雛型已經有喇!!

 呢到係飯廳, 有咁大塊鏡, 我鍾意呀!!!

 呢邊係客廳, 側面有落地window,不過我唔記得影o添 :P

 我鍾意o既kitchen, 因為夠大, 哈哈, 但係我都唔鍾意煮飯o既~~

 唔可以唔記得介紹呢盞水晶燈喇!! 係唔係好靚啦, 我覺得好靚呀, 佢價值$8xxx 喎, 梗靚啦, 粒粒水晶都係swaroski 喎, 有cert o架!如果間屋唔係買的話, 我就一定唔會買咁貴o既燈囉~~留番d 錢交租好過啦, 實際d 嘛....

  唔知幾時我先有屬於自己o既屋呢~~地方唔駛好大o架, (當時有o既話, 一千呎都無所謂啦) 顏色我鍾意深色呀, 最好就係wall係黑色/深紅/navy blue, 型嘛, 唔通間間屋都係白色, 成個試範單位咁咩~~ 傢俬可以撞白色或者深o既木色就最perfect 喇! Style 唔最唔鍾意就係cyber look!!唉, 都係咪發夢喇, 有錢買樓先算啦, 依家d 樓價咁貴, 除非有人送首期啦!!