簡單海鮮餐

好耐無試過咁有心情同小倫趁星期六去行下街市, 買下餸, 玩下煮飯仔喇....

平時要返工, 夜晚煮飯通常只可以煮D 簡單O既餸, 例如蒸排骨, 肉餅, 洋蔥豬扒等等....

見到D 蝦蝦好靚, 一於買D 游水蝦蝦返O黎整蒜蓉蝦啦....

另外, 炒多碟蜆先....正正正~~~

最近D 蝦好貴呀....呢幾隻海蝦已經半斤喇, 要$70 呀.....不過, 好新鮮, 夠大隻, 肉質鮮味.
炒蜆都好入味, Yummy!!!

心水單位 ≠ 心水價錢

星期五晚, 接到相熟o既地產經紀o既電話, 通知我地o向我地比較鍾意o既兩座其中一座有合我地心水o既單位放盤, 於是, 我地就約好星期六傍晚去睇樓喇....

無錯, 我地係非常無聊咁年頭買樓, 依家又想換樓.....正確d 講, 係一直都有換樓o既想法, 依家住緊呢度對我地有咁多無聊o野o既人o黎講有d 迫, 如果可以的話, 我係想換間大少少o既單位.
講真, 我地已經對個單位o既間格同座向非常了解喇, 因為個單位好多年無成交過, 之前又係放租o既, 八掛o既我地一心去望下個單位有幾殘啦..

上到去一睇, 唔, 第一個印象係比我地心目中好, 可能係個業主有略為翻新, 地下又換o左做磚; 不過, 間屋未至於完全合我地o既心意, 高就夠高喇, 又向東, 睡房望到o既海較舊居o既景觀好.
可惜, 呢位放盤o既業主實在太進取喇. 不單只一毫子都唔肯減, 仲話下星期會加價...

實在太唔值喇.....即使依家樓價上升, 但係個單位根本唔值呢個價, 就算我地買返o黎, 一定要大執一番啦, 因為呢個單位將原先兩間房有所改動, 唔係太合我地心水呀!!!!

雖然運o左一晚吉, 但係都唔錯丫, 起碼俾我地有心理準備, 知道呢個座向o既單位實際係點, 他朝有一日遇到o岩價錢的話, 就可以一睇就落票啦 (哈哈哈, 正傻婆, 又o向度發夢喇 !!!)

放心, 呢d 單位無錯係少放盤, 但又唔代表一定無o既, 一於俾d 心機等下啦......

9號風球的晚上

今日, 再一次俾香港寬頻耍完我之後, 就o向阿媽o個邊返o左去自己屋企, join 埋小倫, 休息一陣就要冒住今晚會變落湯雞之險下, 出發去TST o既Royal Pacific 食dinner buffet同玉姨慶祝生日喇.....

我地都算幾好彩, 去到TST 都未有大風大雨o既出現.

今晚呢餐buffet 算唔錯啦, 二百幾蚊, 唔可以要求太高, 叫做都有款式唔多o既魚生 (其實只有三文魚, 八爪魚同埋吞拿魚), 長腳蟹, 青口同凍花蟹, 熱葷都有standard o既魚, 雞, 牛等等. 甜品都算ok o既, 叫做可以值回票價o既就係有幾款不同口味o既哈仔雪糕.

可惜, 今晚同場有間小學做farewell dinner, 有太多太多細路喇....令到場面有d 混亂, 排隊but 雪糕就更加耐o添.....所以, 搞到我都無乜心機食.

我唔係話唔鍾意小朋友, 我只係唔鍾意同時間一次過有太人細路出現, 一見到我就覺得煩同討厭..哈哈哈, 所以, 我都係唔o岩去教書....

食完buffet, 我地就早早地返大埔迎接午夜o既8號風球喇.

返到屋企, 我地都仲覺得風平浪靜o既...上網打o左一陣麻雀, 覺得攰就走o左去o訓啦...

點知, o訓o訓下, 小倫就拍醒我, 話我知依家9號風球喇!!!!!嘩, 嚇死我喇!!!!望下窗外, d 風同雨都好勁呀!!!!可能今次係吹我地呢邊風啦, d 雨係horizontal o架!!!!樓下d 樹就更加唔駛講, o向度fing 晒頭, 跳晒舞啦.

不過, 我地個廚房就慘慘慘喇!!!!!小倫話上手裝個抽氣扇裝得唔好, 所以勁入水呀!!!!窗邊附近我地新買o既煮食爐都入水呀!!!!地下就更加唔駛講啦......好在, 俾我見到o既時候, 小倫已經將d 水抹得八八九九, 佢今次又好醒目咁識得搵我收埋o左d 地布出o黎索水喎!!!!

雖然,佢叫我返房o訓, 佢自己一個人搞得掂, 但係都有d 擔心呀!!!開埋個電視睇下新聞啦, 見到出面o既情況都幾差. 個新聞報導員仲俾風吹到連鞋都無呀!!!!真係可憐....

即使係咁, 我實在太眼o訓喇, 唯有一邊擔心, 一邊繼續o訓喇....

哈哈哈!!!!

好在, 入伙之前, 搵人check 過晒全屋o既窗, 換晒新較咋...如果唔係, 今晚就......................在水中央....

螞蟻搬家大行動 - 後記

雖然話已經叫做搬完屋, 但係都唔代表可以有覺好o訓, 事關成屋都係o野, 堆到滿晒, 好彩仲有條生路行下....

後遺症就係每日放工之後, 返到屋企就要執o野, 依家我地o既 policy 就係唔好理咁多, 總之拆晒所有箱, 將d o野收埋先, 日後慢慢再研究下擺位o岩唔o岩心水啦......

就係咁返o左工兩日, 勁辛苦, 公司又多o野做到爆燈, 放工都攰到傻啦...

所以, 今朝完全起唔到身呀, 個頭痛到死. 唯有請半日sick leave 啦, 終於可以毫無顧忌下o訓下喇....

可惜, 下晝返到公司, 依然係做到有氣無得抖......

今晚放工, IKEA 送埋貨o黎, 距離完成整間屋o既目標又近o左少少喇!!!

螞蟻搬家大行動 - 完結篇

琴晚, 送走o左Pingu 同運動人兩公婆之後, 我地返上舊屋, 半夜三更繼續執執執. 最後, 因為太夜怕嘈親d 鄰居, 所以只係hand-carry o左幾次就放棄了, 唯有今日deadline 前繼續啦....

於是, 今朝一早, 我地早餐都唔食, 又唔敢懶床, 即使好攰幻攰, 都撐起身繼續過去搬d 剩餘o既o野.....到o左最後o既階段, 已經唔可以再有理智咁分類喇, 唯有唔理三七二十一, 乜都放入紙箱啦, 幸好, 我地只需要運多三次就搬清所有o野喇.....

仲有少少時間俾我地進行簡單o既清潔o添, 掃返晒地下o既塵, 拖下地, 抹好d 櫃, 係咁易擦下個浴缸啦......

到o左十二點三, 業主兩夫婦就上到o黎喇!!!!交接程序都好順利, 梗係啦,我地係好好o既租客喎, 都無住殘到間屋, 佢地都唔駛再執過就可以租俾人喇.....同佢地傾多一陣計, 我地都走lu, 因為仲有下場要去呀!!!

交易完成, 我地再搬返個衣櫃去小倫屋企, 因為呢個衣櫃同新屋o既傢俬唔match, 即使係IKEA o既cheap cheap o野, 但都無理由咁大o徙掉o左佢啦, 所以就要搬返去啦, 反正有地方o者....之後, 同小倫媽咪食個lunch, 我地就返屋企沖個靚涼, 就執返好個樣出去灣仔join 埋敏敏去wedding expo 喇!!!嘩, 呢幾日咁忙, 又熱, 又流o左咁多汗, 沖呢個涼真係好正, 搵返一個乾乾淨淨o既自己喇!!!!爽~~~~

去到灣仔, 已經都四點幾喇...今次目標主要係睇下d 即日攝影啦......不過, 最後竟然係變o左陪小倫o既同事Patrick 同Estor 傾婚攝喎, 都好丫, 佢地連呢樣都搞掂埋, 又可以幫佢地book 到平o既28人van.....

大約七點, 我地兩個又要走喇, 因為要趕去旺角呀!!!今日係大俠同seven o既大日子呀!!!佢地兩個係我地呢堆ESD 朋友仔中最遲結婚o既一pair, 真係開心喇!!!!可惜我地夾唔到其他人o既時候喇, 又miss o左一個大合照o既機會o添.....希望我地可以下次一大班人再有gathering 啦....

趁完熱鬧之後, 我地又同Pingu, 運動人去o左大圍食日本o野, 呢間都唔錯喎, 我地叫o左一個兩人餐再加多少少o野, 但係食得好飽呀!!!!

螞蟻搬家大行動

今日一早, 早餐都無時間食, 就要開始搬o野過新屋, 把握時間呀!!!我地只得一日時間咋~~~

全靠小倫o向公司拎o左架板車返o黎, 令到我地整個搬屋過程smooth 唔少, 加上我地搬得近, 同一個屋苑, 同一期, 所以我地可以由平台過, 唔駛拎住d 紙皮箱o向街行來行去咁樣衰...

首先, 我地先返搬幾箱o野過去新屋, 而我就運用個拖o急運d 易碎o既碗碟呀, 玻璃杯等....

中午, 媽咪同細佬都上o黎幫手喇....媽咪就負責抹下d 櫃, 將部份衣服求其放入櫃桶先, 而細佬就幫我地一齊裝窗簾......呢款厚料o既窗簾果然有用呀, 一裝o左上去, 兩間房即刻舒服晒, 唔怕出面猛烈o既陽光呀!!!

書房我地想保持光猛o既感覺, 所以用返淺色暗花, 至於睡房呢, 我就揀o左比較深o既啡色, pattern 同書房o既一樣, 我同小倫都好鍾意呢個款呀!!!!

搞掂o左d 窗簾, 我地就返過去舊屋搬埋最大件o既電視, 雪櫃同埋床褥喇!!!!十二點幾一點搬o野真係好甘, 流o左好多汗.....

時間差唔多, 細佬就走lu, 由於我地未食過o野, 所以, 我, 小倫同埋媽咪一於去和民歎個下午tea 先!!!!食飽飽後, 媽咪就返屋企休息喇, 我地兩個繼續把握時候, 不停咁來來回回新, 舊兩間屋.......就好似兩隻螞蟻仔咁.....

到o左9點, Pingu 同運動人入o左o黎大埔踢波, 所以, 同佢地去食潮州o野, yeah!!!終於可以大食一餐喇!!!不過, 個人一靜落o黎就覺得好攰好攰喇....唔知點解腳踭好痛, 小腿就因為搬o野而撞到瘀晒, 手o既關節又好痛喎........

食飽飽後, 帶o左佢地上去參觀下我地混亂o既新居, 估唔到佢地竟然成為第一位客人.......真係唔好意思o添, 間屋咁亂又多o野, 坐都坐得唔舒服o添......唯有快d 執好間屋, 再請佢地上o黎玩啦...
佢地走前, 都已經十二點了, 唔可以再用板車運o野過去, 我同小倫唯有用hand carry o既辦法啦,

好在兩間屋真係好近咋, 遠都唔未必趕得切.....最後, 搬到差唔多兩點就要收手喇...仲有少少o野明天最後時刻清埋佢地啦.....

今晚, 我地第一晚o既新屋過lu......不過, 實在太攰, 已經feel 唔到有乜感覺喇.....

重建家園 - 17: Ready, Get, Set, Go~~

估唔到我放兩日假, 今日一返工又係多o野做到癲o左...

明明我放假之前, 已經draft 好o既文件, 亦都講得好清楚點follow o架啦, 今日返o黎又係打回原型, 等我返o黎先做...真係激死呀!!!!除此之外, 仲要不停催我做呢樣做果樣, 搞到個人好忟呀!!!!
終於捱到放工喇....

由於今日又係最紅星期五, 我地要好好把握呢個機會, 於是, 我一放工就趕去九龍灣, 而小倫就早o左收工, 先去旺角拎d 窗簾返大埔先, 跟住再出返九龍灣meet 我.....o向IKEA 食個quick dinner, 我地就要快快手買之前一早睇定o既林沈o野, 落埋order 送貨, 就返大埔lu.....

返到大埔, 第一站又梗係先上新屋放低o野先啦...

跟住就返去舊屋開始pack o野喇....我好乖, 自己o既無聊林沈o野一早就pack 好, 所以我主力pack d 廚房toilet同廳o既雜物, 小倫就負責執佢自己o既遊戲機同雜物啦....

聽日一早, 我地就要開始我地o既螞蟻搬家大行動!!!!

重建家園 - 16: 埋尾喇!!!

由於琴日未砌好d 傢俬, 所以今日繼續做埋part two ....

除此之外, 我地仲約o左個裝修師傅上o黎開埋個煤氣煮食爐o既"loan", 因為上手業主係用電爐無火煮食, 我唔係太鍾意, 所以決定換o左佢.....可惜, 個師傅唔生性, 明明講o左話一早上o黎o架嘛, 結果到下晝兩點幾先到, 真係離晒譜!!!

反而, d 傢俬哥哥都算準時砌好晒所有傢俬喇!!!就咁望落去, 都算幾好樣啦....同d 圖都唔算有太大出入, 而且, d 材料望落都唔錯, 唔係用庶渣板, 不過, 當然有少少defects 啦, 但係我覺得都算係acceptable o既....

下晝, 就叫o左阿媽上o黎幫手抹下d 傢俬啦, 點知, 個裝修師傅整個廚房, 搞到好大塵, 費時o徙氣力, 我就同媽咪去大家樂食個tea 先....跟住, 買個外賣俾小倫, 媽咪就返屋企休息下啦.....

最後, 小倫安裝埋個洗手盤 就大功告成喇!!!!

左上: 就係我地o既書房連大衣櫃; 右上就係睡房;
左下: 就係客廳; 右下:係飯廳

睡房除o左張加高o左o既床, 仲有我o既靚靚梳妝台, 床尾有少少位置, 我地就做多一個櫃, 可以將d 床單掉晒落去...

書房就係全屋最複雜o既地方, 6呎o既大窗台就改o左做小倫o既書枱, 上面有一個有型書架, 右邊就有我o既display 櫃同埋我o既小小書枱, 我書枱上面就有一把吊櫃

小倫書枱o既左邊就係我地o既大衣櫃, 有差唔多8呎x 9呎咁大o架, 唔知夠唔夠放晒我地d 衫呢???

廳就簡單d, 因為間屋係呂字廳, 為o左有個大少少o既空間放電視同埋小倫d 遊戲機, 於是就做o左個5呎o既曲尺地櫃.

最後就到o左飯廳呢邊, 右邊o既係鞋櫃, 原先我地想做到上頂, 不過, designer 話因為有條"鎮"位, 做埋上頂其實無乜意思, 因為都放唔到d 乜, 鞋櫃o既直身灰鏡係用o黎對應返左邊o既飾物雜物櫃. 由於呢個櫃d 灰鏡砌到好似個C 字咁, 所以我地就叫佢做"C"字櫃喇....

搞掂晒d 傢俬, 夜晚我地兩個都唔可以暫時休息呀, 因為要快快手抹好晒, 又要打開d 櫃門, 吹下d 傢俬木味.總之, 今晚就好攰呀, 抹o野抹到手腳都好痛呀!!!!加上聽日仲要返工.....

雖然係咁, 見到間屋, 暫時都覺得唔錯, 比之前靚仔o左好多....

今晚, 好多謝阿羊入o黎大埔幫手, 佢o既幫助好有用呀, 最重要就係搬o左張餐枱同埋梳化呢兩樣大件o野, 亦都係我地唯有o既舊傢俬....

為o左答謝佢o既幫忙, 我地一齊去o左食糖水, 亦都俾個機會自己hea 下休息下, 因為實在太太太攰喇!!!

重建家園 - 15 : 砌積木

終於到o左最後階段喇!!!!

琴晚放工上去新屋, 見到間屋已經油好油lu, hmm....都算ok 啦, 顏色比早幾晚睇到o既淺d, 似返米白色喇, 不過, 真係睇唔到有任何o既灰色囉.

今日同聽日, 我同小倫都會放假, 因為呢兩日有好多o野搞呀!!!

首先, 一早我地去大埔墟街市食個美味豬扒麵先, 跟住去買埋d鎖膽同d 林沈o野, 就返上新屋做多少少清潔預備下晝o既大工程喇!!!第一樣送o黎o既就係個toilet 洗手盤, 原先o個個都好好地o既, 不過, 小倫覺得舊, 而且又唔襯d傢俬, 咪買個平平地換o左佢囉, 收貨後, 趁其他o野未到就先拆o左個舊o既出o黎, 運落去垃圾站掉o左佢先....

(其實兩個洗手盤係同款o架, 只係唔同色喎, 買o既時候都唔為意o添)

第二樣送o黎o既就係d 燈喇!!!!唔知點解, 個電話突然hang 機喎, 搞到收唔到電話, d 裝燈師傅好惡呀!!!個樣好似想講粗口o添!!!!於是, 我同小倫就兵分兩路啦, 佢就返過新屋睇住個師傅拆o左我地盞水晶燈落o黎, 安返原有業主o個盞普通燈上去, 我就負責o向新屋睇住另外兩位師傅安裝飯廳同兩間房o既燈.

(日頭未開o既樣)

(夜晚開o左o既情形, 左上: 客廳, 右上: 飯廳; 左下: 睡房; 右下: 書房)

我最鍾意就係盞飯廳燈, 揀o左好耐o架, 我覺得o向個玻璃球外繞鋼絲好型, 好modern; 另外, 睡房o個盞就勝在夠平, 簡簡單單.

搞好d 燈o既時候, 安裝寬頻o既師傅又o黎到喇....時間o岩o岩好!!!!

四點, 連d 傢俬都到喇!!!嘩 原來分開係有好多件o既, d 傢俬哥哥一次過搬晒上o黎, 由屋入面要預留位置for 砌傢俬, 所以佢地將所有傢俬都放o向走廊, 阻住其他人出入, 真係唔好意思.

好在, 佢地都算幾有品, 都識得好快咁先搞掂屋外o既傢俬先, 仲好有手尾咁, 臨走前會收拾好d 紙皮, 垃圾咁....不過, 因為實在太多o野, 一日砌唔完, 唯有明天繼續.

重建家園 - 14 ~~ 大變身(III)

今日小倫short week, 所以有多d 時候去搞新屋d o野喇.....

起身無耐, 我地將琴晚趁HSBC 最紅星期五o向IKEA 買o既窗簾棍, 層板等雜物拎過新屋先, 上去之前, 小倫仲買多半打蛋撻慰勞下個油漆師傅, 順便催下佢做快d 嘛...我地星期三要入傢俬, 今日係星期六都仲未開始油油......真係有d 擔心呀!!!

(琴晚上去時, 間屋仲係咁o既款, 唉~~)

跟住, 我地再去埋屋苑o既客戶服務處將張按金單做埋轉名手續......好肚餓, 先食埋lunch, 再搭巴士出旺角繼續買o野...

一出到旺角, 先去design house 找o左條尾數先, 因為等到星期三送貨o既時候, 要俾cash, 無得碌卡, 所以今日先去碌o左個大數先, 留返少少到時再俾....碌卡又有得賺積分, 又有得遲d 先找, 好過俾cash 啦......出o左血, 我地再四圍睇下d 洗手盤同水龍頭啦, o向條街行o左好多次, 終於揀o岩喇......因為我地預o左間屋唔會住得耐, 所以唔敢買太貴呀, 只係簡簡單單, 夠平又放得落就成交lu......

搞掂呢樣, 又再行去花園街訂埋d 窗簾先.....俾錢之前, 梗係要食返串辣魚蛋先啦......

今次, 我地只係做兩幅羅馬簾用o黎放o向書房同睡房呀, 我地要厚身do既強勁遮光布呀, 因為間屋一有太陽就會好晒o架喇...今次真係好開心, 揀到d我鍾意o既暗花圖案, 算係我無得貼牆紙o既一個小小補償....加上, 小倫講價成功就更加開心啦......

咁樣o向個旺角行來行去, 原來都好攰呀....不過, 因為今日駛o左好多錢喇. 最後都係決定返屋企煮d 簡單o野食就算數lu......

為o左感覺上好似有少少蔬菜類o既食物, 我地o向jusco 買o左pack 秀珍菇炒, 買多兩塊醃好o既豬扒, 就可以粉烏冬喇....唔知呢餐會唔會係我地搬走前最後一次開火呢????

食飽飽之後, 我地又再上去新屋巡視下, 呵呵呵.....真係無聊透頂呀!!!

重建家園 - 13 ~~ 大變身(II)

尋晚掛住同阿咩 & Tammy 鬼混, 所以無上到新屋望下.

今晚放工, 一於同小倫上去又偷睇下間屋, follow up 下師傅o既進度先~~~~

就咁睇, 應該做o左第一次防漏同批盪lu, 唔知幾時做埋第二次呢???

做埋第二次批盪就可以開始油油喇!!!!!希望唔好再落雨啦!!!

重建家園 - 12 ~~大變身

今朝一早, 不停咁落大雨, 起身後, 先去屋苑o既客戶服務中心搞埋張裝修紙先.....

辦妥手續, 就返去同阿媽食早餐, 之後返上屋企執下屋啦, 事關夜d 有人上o黎睇樓呀, 費事俾人見到我地咁亂啦....

雖然下晝同小倫去o左一田運o左個大吉返o黎, 無買o野但都好攰呀!!!!

不過, 我地食完晚飯, 又再上去新屋, 睇下整成點啦...

估唔到, 一日d 師傅就已經做好晒剷牆喇....

進度唔錯, 希望可以趕得切完工啦!!!!

如果唔係, 我同小倫就要o訓街o架喇!!!!

重建家園 - 11 ~~終於到手喇!!!

今日又到我放whole day等收樓喇....

不過, 都預o左要下晝五, 六點先有得拎鎖匙, 所以, 同阿媽食完brunch, 就先出去一田迫下先...

迫完好攰, 所以返屋企抖一陣, 無幾耐就收到經紀Alice o既電話, 叫我去佢公司拎鎖匙喇!!!Yeah!!!!

於是, 我就去地產公司拎鎖匙啦......一路行緊去新屋o既時候, 點知唔識趣o既香港寬頻又打o黎同我傾renew boardband d o野喎.....跟住, 又電話無電喎, 又不停有人打o黎入線, 總之就煩爆啦...

想一個人上去試下enjoy 下間屋係屬於自己o既感覺最終都係做唔到.....

結果, 就係要飛甩我阿媽, 等埋小倫放工, 連埋佢一家人同埋個油漆師傅一齊上去, 見證住呢個歷史時刻, 相當無引呀!!!!!!!!!

收樓o既興奮心情無晒!!!小倫同油漆師傅傾埋d details , 揀埋顏色, 我地就去食晚飯lu.....

食飽飽, 我同小倫就帶埋掃把, 同埋一d 簡單o既清潔用品上去新屋, 兩個人享受下間屋係屬於我地兩個o既感覺....

見成屋都係塵, 我地就忍唔住手開始掃下地呀, 抹走dd 塵先.....

係咁易掃完, 即刻覺得間屋無咁樣衰喇.....感覺好好多呢~~~

(分別係客廳 & 飯廳)

(左面o既大房會用o黎做衣帽間 & 書房, 右面o既就會做睡房)

希望油完油, 入埋d新傢俬之後, 間屋會靚仔d 啦.....雖然唔知會o向度住幾耐

重建家園 - 10 ~~ 火滾驗樓

之前一早講好o架, 今日可以去收樓啦, 咁因為我要full day 去會展上HKICS o既Annual seminar, 咪唯有小倫放一日假啦.....

如果唔係要出o黎上堂, 我都放O左假啦....一心想做d 驗好樓, 萬一有乜問題都可以早d 搞掂丫嘛....結果呢.....

唉, 個經紀話個業主仲搬緊o野, 叫我地八點先上去驗樓喎.....

聽日之後, 真係一肚火呀!!!!

小倫仲放一日annual o添, o徙晒d 時間!!!!

而且, 我之前約o左妹妹食dinner, 因為今日係佢農曆生日, 原先plan o左7點驗好樓就可以一齊食飯開心下啦.....俾佢地咁搞法, 飯都食唔到...真係唔開心呀!!!

最後, 我地都係7點半上去驗樓, 因為個業主話喎, 佢地有兩個櫃d 裝修師傅話係入牆喎, 拆唔到, 經紀就叫埋我地上去, 當面同個業主講啦...上到去, 小倫就同個業主講, 果兩個櫃根本就唔係入牆, 叫佢地拆埋先好走呀!!!其實人地都好慘o既, 間新屋裝修o左幾個月都仲未得......

傾掂數, 係咁易開下d 水o候, 試埋d電制就當驗好樓啦...始終又唔係買一手樓, 驗樓都真係無乜好搞啦.....

重建家園 - 9 ~~ 準備就緒

今日下晝放半日compensation leave, 原先一早plan o左用o黎驗樓, 點知賣家o個邊仲未搬清晒所以o野, 咁唯有聽日先去驗樓, 今日就上去律師樓簽埋d 文件啦...

過程好簡單, 加上呢個律師流流地, 簽好晒d 文件, 開埋cheques,就搞掂lu......文件上o既o野已經辦妥喇......Yeah!!!

成個下晝我都唔得閒o架, 因為要遊地鐵河呀!!!先去太古坊, 後去金鐘, 尾站荃灣.

小倫見我尾站去荃灣, 於是佢都安排自己出job, 咁就可以去荃灣meet 我啦....

因為我地仲欠一盞燈for 睡房呀.....其實早兩晚o向大埔都已經睇中, 不過, 想睇下荃灣有無平d靚d, 終於, 我地去返買飯廳果間問下個老闆有無得賣啦, 點知佢好好人, 自己舖無得賣, 打去第二間舖問人有無, 仲賣平o左好多俾我地o添.....好o野, 依家一屋o既燈都搞掂喇, 仲約埋裝燈師傅o添....

聽日再搞埋d 電費, 煤氣費轉名手續就七七八八喇!!!!

依依不捨

雖然一邊o向度計算住幾時搬去新屋, 又好期待有屬於自己o既家, 但係, 一邊又好唔捨得依家住緊呢度....

即使呢度只係租, 不過, 我地真係好鍾意呢度o架.....因為方向好, 又夠高, 所以成日都有風, 朝早又有陽光入室......風景又靚, 因為成個屋苑唔係有好多座可以望到海o架...所以, 平時我地都當正間屋係自己咁o架, 無話因為間屋係租o既, 而將佢搞到好殘囉....d 傢俬, 廚房都keep 得好新淨o既....成日都會抹.

因此, 就趁今日天氣好, 影低窗外o既風景留念啦.....

重建家園 - 8

琴晚去到design house, 睇完圖, 用o左兩粒鐘傾好埋d details, 終於都confirm 晒d 傢俬喇....

今日上晝, 小倫亦都同agent 約埋驗樓o既時間, 連油漆師傅都confirm 好.....

終於, 新屋大部份o既o野都in good progress 喇!!! 希望一切順順利利啦.....

依家暫定:

20/5 : 上律師樓簽文件
21/5: 驗樓
22/5: 收樓, 油漆師傅site visit
23/5: 開始剷底, 批灰
31/5: 傢俬起貨
2/6: 油漆完工
3/6 or 4/6: 傢俬送貨
6/6: 搬入新屋

我地亦都未趁呢個星期要執拾好晒所有行裝lu.....仲要夜晚放工去新屋做清潔..............

重建家園 - 7 ~~ 火滾篇

自從3/5 度完呎之後, 我都好有耐性咁等design house 果邊覆我個second draft 啦...

好喇, 等o左一星期都仲未見有動靜, 加上, 我地發完夢, 一齊照原定計劃進行o既時候, 我就開始要plan 下d 時間要點安排啦....

星期日打去, 個designer 問我星期二得唔得閒去睇圖啦.......咁我星期二約o左班靚太食飯嘛, 梗係唔得啦, 於是就改做星期三啦....好喇, 我星期一打去同個designer 講, 叫佢不如email o左d 圖俾我望下先, 咁我有足夠時間諗清楚先至傾咪會efficient 一d 囉...

心急o既我, 星期二不停咁check emails 啦, 等極都唔見有喎, 咪再打去follow up 啦, 個designer 就話佢好忙, 但係星期三佢放假, 最多佢o向屋企做好再email 俾我. OK, 我俾多一次機會你啦....

結果, 我琴日等足一日, 都係收唔到email , 我真係火都o黎埋呀!!!!唔知佢係唔係想我去燒佢間舖呢?? 定係佢見我平時對佢都好聲好氣, 以為我無乜所謂啦.....我今次真係忍無可忍喇!!!!

我係客o黎o架嘛, 我話之你有幾忙, 放唔放假都唔關我事, 你答應得話email 俾我, 我就一定要收到啦......俾o左兩日時間都仲未有...有無搞錯!!!!坦白講, 我唔係有奄尖, 只係我要先睇draft  o者, 我o既要求一d 都唔過份丫....

頭先lunch hour 打去, 話佢知我今晚落去舖頭傾, 佢都仲記得話差我份圖o架, 但係都無話send  返俾我!!!!!我真係好鬼嬲.......

竟然係唔係我份人太nice , 所以佢蝦我呢???

重建家園 - 6 ~~ 夢一場

好多朋友當知道我地買o左樓之後, 都恭喜我地, 替我地開心. 但係反而我地無乜特別o既感覺, 我地o既睇法只係為o左解決住o既問題, 加上供樓o既支出又比租屋平, 而且又遇上一個覺得值得買o既樓盤, 於是就買o左樓啦. 當然, 呢間屋唔係我地o既dream house, 我地亦都預o左唔會長住o向度, 過兩, 三年再換樓 (當然要經濟狀況許可啦~)

其實我一直心儀o既單位, 係同一個屋苑另一個則, size 比依家大一百呎啦, 但係間格會較依家o既呂字廳好用, 會有兩房兩廳. 可惜, 因為呢個則都算係屋苑o既則王, 所以呎價一直都高企, 仲要估唔到價.....
五一假期前, 我地o既agent 講俾我地知, 有一個單位應該我地會鍾意, 問我地有無興趣, 梗係有啦...於是叫佢約啦, 點知個業主要去旅行, 我地唯有等佢地返o黎啦....

o向呢幾日o既假期, 我地日日望住呢間屋, 因為我地廳o既窗係對住呢個單位o既睡房o架, 睇下個業主返香港未啦, 又大家傾下究竟搏唔搏得過換樓啦, 夠唔夠錢用, o向乜o野情況要決定買, upper limit 去到邊咁啦......

終於, 今日中午, 個agent 打o黎話約到今晚去睇.....反正我地無乜o野做, 就約好七點上去睇啦.....我地準時上到去, 點知, 屋內已經有另一間地產公司o既經紀, 同埋3個睇樓o既人 (佢地o既年紀睇上去, 同我地差唔多), 咁我地o向門口等o左一陣,佢地都未出o黎, 個業主就叫埋我地入屋, 一齊睇啦...

入到屋, 我同小倫都覺得比我地expect o既好, 因為查過呢個業主買入o既時候已經係十年前, 假設中間無裝修過的話, 間屋都唔算係十分殘, 不過我地都預o左會大執呢間屋 (如果買得成o既話).

我地望完廳, 房, 廚房同toilet, 就同埋個agent 入房傾, 後來個女業主就同我地講, 話廳出面o既人佢地已經confirm o左話ok, 價錢同我地一樣, 我地再同個女業主傾下計, 佢知道我地都真係有心買, 只係timing 問題, 無辦法啦, 真係遲過人地睇嘛....

加上, 之前已經同小倫傾好, 講o左唔會再追價, 坦白講, 我地係覺得個單位ok, 但未至於鍾意到值得我地加錢去買o既, 唯有再等下次, 睇下幾時又有人放盤啦....

就係咁, 我o既換樓夢就咁完結了...都好o既, 唔駛再日諗夜諗, (傻下傻下o既我, 已經一早諗好d 傢俬要點放呀 : p ) 專心搞埋新屋o個邊o既o野, 入o左伙再算啦!!!

重建家園 - 5

琴日睇完牆紙, 令我成日都心掛掛.

琴晚上網search 過, yahoo 同ebay 都唔見有人賣呢個牌子o既牆紙, 而且check到呢個牌子o向香港o既代理, 就正正係我地琴日見到o個間牆紙公司, 唔通註定我要買貴o野???

心心不忿之下, 就send o左email 去北京o既代理問下啦, 睇下會唔會大陸訂會平d 先....

今日將呢件事同o左咩咩講, 佢叫我去淘寶網搵下, 於是, lunch time 一夠鐘, 我就用自己部netbook 上去淘寶網search 下啦...果然皇天不負有心人, 終於俾我搵到有人賣呢個牌子o既牆紙喇, 可惜, 唔見佢有post 我想買o個款喎, 唯有send email 去問啦....

來來回回o既emails,個條友仔都仲未話實我賣幾錢, 都講到我有d 火火地呀!!!唯有再send email 問啦.....

點解我會想貼牆紙, 其中一個好大o既原因就係我諗唔到油油o既顏色. 因為我唔想成屋都係用白色咁悶, 又大路, 一d style 無, 我想將兩間房油深紫色, 同淺灰色, 但係又無人贊成我o既諗法, 令到我非常唔開心.......唯一解決o既方法, 就要貼牆紙啦....當係有d 點綴啦.....

不過, 都仲要計下成本先得...因為我地唔預o向新居住得耐, 我地expect 住2-3年o架嘛, 如果要用好多錢去搞, 就好似唔係太化算囉.....

唉, 真係煩呀!!!