又做好一樣喇!!!

今日約o左JenJen, Prettyangel 同埋Seven Dwarfs 一齊食lunch 呀!!!好耐無見過佢地喇!!!

我地今日去o左諾士佛台o既Munch 食lunch, 呢度人少少, 環境唔錯o架!!而且, d o野食都幾好呀!!!
傾下傾下, 又兩點幾喇!!!之後,JenJen 趕住返學, 我地三個就join 埋Pingu 一齊去百利行下喇!!!
唔知點解, 又有收獲喇!!!

買o左好抵o既手花, 襟花呀!!!

我揀o左玫瑰花, 因為要襯花我個紅玫瑰B 仔花球呀!!!

婚紗展行極都唔厭~~~

今日又係一年一度同時有電腦展同婚紗展o既8月婚紗展喇!!!!

我同小倫就係2006年8月o個次婚紗展之後決定結婚o架...

首先, 約埋Angel 一齊去買麥當當俾o個幾隻大青蛙做lunch, 之後就搭free shuttle bus 去新翼o既電腦展....好多人呀!!!!傻o架.....好迫呀!!!去到, 我就梗係唔多願去行啦.

等到佢地3個放工, 齊人我地一行6人就轉地盤, 去婚紗展lu.....

真係唔好意思, 咁多人要麻煩FB 個sales - Stella 帶我地咁多人入場...得閒要請佢食o野先得喇...
今日目的, 就係幫Dave & Angel  同埋佢地o既朋友恆哥& Isabella 搵當日攝影, 由於佢地兩pairs 人一齊join, 所以我地好成功地講到一個好抵o既價錢, 仲包晒所有charges, 不過, 我地就講到口水乾喇!!!

搞掂呢樣o野, 都已經差唔多8點lu....於是我地就走去德興大刷一餐喇!!!哈哈哈

妖雀襲港

呢隻鸚鵡, 正如阿咩所講, 正一妖雀o黎o架!!! (阿雀, 我地唔係話你呀!!!!千祈唔好嬲)

琴日, 一直都留意住究竟幾時掛八號呢, 簡直係萬眾期待呀!!!

夜晚,成晚都睇住電視, 聽朝會幾多點掛八號呢? 真係好擔心.....天文台又玩o野喎, 話未必會o向凌晨掛八號, 唔好啦.....萬一返到公司先掛, 有排先返到屋企o架...

所以, 今朝就算鬧鐘響,我死都唔起身, 最多咪玩遲大到囉....

好在, 咁都俾我搏到...Yeah! 繼續o訓覺.......

就係咁,無啦啦今日就多一日假喇...

可憐o既小倫, 就算八號風球都要去會展做電腦展呀!!!!

起身食完碗粉, 上o左陣網同阿咩研究下人地BD set 乜頭, 就去o訓晏覺lu...成日都只係播奧運, 真係好鬼死悶o架.....

電視台o既人有無考慮過世上係有人唔鐘意睇o架!!!!!!!!!

心情坐過山車

話說, 星期三, 即係掛八號風球o個一日, 我個心情同天氣一樣咁差, 因為我部買o左唔夠三個月o既新電話竟然發我脾四, 俾個黑面我睇, 唔睬我喎.....

既然佢咁醒目知道我星期四放假, 幫我安排節目, 我咪順佢意, 星期四送完機就一個人去o左sony ericsson 整機啦....

呆等o左一個半鐘頭之後, 到我喇...埋到counter, 放低部機, 唔夠5分鐘就離開啦....

個CS 話星期五有得拎, 咁我就吩咐小倫幫我去拎啦....

佢都等o左個幾鐘呀....個customer service 哥哥同佢講, "先生, 部機整好喇, 你check 下!" Oh, 有無搞錯, 部機同之後一樣, 根本無整過.......咁小倫梗係叫佢再整過啦....好, 再等....

等多半個鐘, 唔對路, 小倫就走去催個CS 啦, 點知, 個CS 哥哥就話, "先生, 不如我換過部新機俾你啦!!"

Yeah!!!正呀!!!有部新機用!!!雖然之前save o向部機入面o既相無晒, 但係我部機比我玩到有少少花同埋凹o左少少, 依家有部新o既, 仲要一毫子都唔駛俾喎, 真開心....

我o既心情非常之靚, 所以就同小倫去行花墟買花花啦......

返到屋企就拿拿聲執埋星期六去影相o既用品啦......臨出門口o既時候, 小倫叫我返入屋, 拎埋對耳環啦, 或者聽日有時間去街, 可以帶丫嘛....好, 就返入屋拎啦.....

點知, 事隔o左十幾個鐘頭, 即係星期六o既早上, 當我執o野o既時候, 就發現搵唔到我對耳環呀!!!!!!

一直以為, 或者o向我間房無拎到o者, 星期六一返到屋企就再搵啦, 反轉間房都搵唔到呀!!!!!!!新屋o個邊, 小倫搵過又話無.....

我真係好唔開心呀!!!!!心情跌到落谷底呀!!!如果只係一對普通耳環就話無所謂o者, 但係呢對係鑽石耳環o黎o架!!!仲要價值五位數字o架!!!唔單只心傷, 肉痛, 直情出晒血喇~~~~~~~~~~~~~~~~

雖然我都知搵得返o既機會好渺茫, 但係, 我都好多謝安慰我o既一班好朋友呀!

手作仔

今晚放工, 同o左小倫去行花墟, 一心諗住去幫襯繽紛啦, 點知, 去到佢地門口竟然寫住 "是日奧運, 提日關門", 咁都得喎......

於是, 我地四圍行啦, 最後買o左幾支馬蹄蘭.....

返到屋企, 我地就試下自己整個小花球啦, 搞o左唔係好耐, 終於整好....

個款我地係抄人地o既....唔知整得似唔似呢? 不過, 人地個正版係用10支馬蹄蘭. 我地cheap, 只係用o左5支咋...成本唔駛一百蚊!

做了一日隱形人

經過o左今日, 我發覺原來有好多朋友仔都好關心我o架......

雖然我地只係o向網上面結識, 但係佢地對我好好呀!!!!俾我o既感覺好warm 呀!!!!

話說, 今日係小倫阿姨同表弟返美國o既日子, 我見出完results 無乜有大問題, 所以今日就可以放一日compensation leave 啦....

而我個電話無啦啦玩o野, 琴日開始唔啋我, 我好傷心...

咁我今日又出o左街, 所以無上到esd, 又無開msn, 公司email check唔到, 連voice mail 都聽唔到呀!!!
於是, 一班ESD 11月o既好姊妹開始通緝我喇!!!!Sorry 呀!!!我唔係有心做隱形人o架....

見到佢地o既posts, 聽到咩咩同NN sweet sweet o既voice mails, 一返到屋企online, 小呆就搵我, 我真係好感動呀!!!!

又開通宵了~~~

雖然琴晚兩點幾先o訓, 但係今日又要一早起身返工喇....

好耐都未試過星期六要返工lu....真係有d 唔習慣呀!!!同小倫o向樓下食完個KFC 早餐, 就各自返工lu....

我住得最遠, 琴晚又最夜放工, 竟然今朝係我最早一個返到office 喎....好彩, 我阿姐已經返到公司, 佢見到o者....

好o野呀, 今次有新senior manager 上場, 佢唔鍾意老闆o向到磨爛蓆, 所以一定要星期六晚做好晒份中文稿, 於是, 終於可以做到凌晨兩點半放工返屋企喇!!!

星期日仲唔駛返工o添, 真開心.....

Meeting with ESD Friends - 突然鬼混篇

因為要做interim results o既關係, 我呢個星期放工都唔約人, 怕要開OT 要放人飛機就唔好啦, 所以今晚一早預o左要開通宵, 所以唔敢答應阿kiu 妹同小呆去睇佢地o既姊妹裙, 又或者陪LuLu 去confirm 衫....

真可憐呀, 成team  人得我一個無得放工, 鬼叫今次又係我負責做CE o個幾份文件咩....一直做, 終於到9點可以放工喇!!!原想打俾小倫講佢知, 但係佢又臨時下晝過o左澳門, 我又打唔到電話俾佢喎, 我怕佢會一心以為我今晚會好夜, 所以留o向澳門夜d , 等我放工....

好, 試下打俾kiu 妹同小呆, 一於去痴飯食...好o野, 佢地睇完姊妹衫, 可以join 埋佢地兩個一齊食o野...佢地兩隻日本精, 就梗係去食sushi 啦....

真開心, 放工咁攰可以同佢地傾下計, 散下心.....