妖雀襲港

呢隻鸚鵡, 正如阿咩所講, 正一妖雀o黎o架!!! (阿雀, 我地唔係話你呀!!!!千祈唔好嬲)

琴日, 一直都留意住究竟幾時掛八號呢, 簡直係萬眾期待呀!!!

夜晚,成晚都睇住電視, 聽朝會幾多點掛八號呢? 真係好擔心.....天文台又玩o野喎, 話未必會o向凌晨掛八號, 唔好啦.....萬一返到公司先掛, 有排先返到屋企o架...

所以, 今朝就算鬧鐘響,我死都唔起身, 最多咪玩遲大到囉....

好在, 咁都俾我搏到...Yeah! 繼續o訓覺.......

就係咁,無啦啦今日就多一日假喇...

可憐o既小倫, 就算八號風球都要去會展做電腦展呀!!!!

起身食完碗粉, 上o左陣網同阿咩研究下人地BD set 乜頭, 就去o訓晏覺lu...成日都只係播奧運, 真係好鬼死悶o架.....

電視台o既人有無考慮過世上係有人唔鐘意睇o架!!!!!!!!!