美味泰菜@ 大美督忠誠茶座

好耐無食O黎大美督食泰國菜喇, 小倫話趁今日唔係太熱, 一於一家人入去大美督食飯啦......

平時, 忠誠茶座好full O架, 好在今日臨時臨急訂枱都仲有位咋....不過, 就要食頭輪囉....

帶住bebe豬, 加上又有4個人, 就梗係打的入大美督方便D啦......

未有位食飯, 同bebe豬影下相先....今日著O左條靚裙仔....

(圓圓包包面著O左姨婆由美國帶返O黎O既靚裙仔~~~)

伯爵奶茶包包 - 1st attempt

自從bb出世之後, 大部份O既時間都俾O左佢, 加上近半年O既workload大O左好多, 令到個人好攰, 而且又搬屋, 所以停O左好耐工, 無開機整包包喇.

終於今晚"的"起心肝開機, 諗O左好耐都諗唔到新口味, 突然小倫提議不如試用伯爵茶啦, 反正屋企有咁多earl grey teabags, good idea!!!俾個"叻"佢先. 一言驚醒夢中人.

情人節甜而不漏之homemade truffle

早陣子上網search 到一個較為健康o既朱古力, 就係用豆腐, tea biscuits, 加埋蜂蜜做truffle, 聽落好似好得意喎. 一於試下啦....

尋日趁lunch hour行去老遠o既Mark&Spencers 買o左兩packs tea biscuits, 放工同小倫簡簡單單食dinner, 就去買埋盒豆腐, 返屋企開工喇.

看似簡單, 其實做落一d都唔簡單, 可能唔熟手啦. 連小倫都出手, 幫忙搓成一粒粒圓波波, 搞o左幾個鐘, 終於叫做見得下人.

粟米包 -- 下次再努力過啦~~

尋晚下晝, 我地去完探阿sa 同細佬bb 之後, 返屋企又心思思試新o野喇.....

今次想整粟米包, 基於人又懶, 又無乜心機o既關係, 只係簡簡單單用現成o既罐頭cream corn 就算.

結果, 正如我所料, 唔係粟米味, 只係見到有粟米粒咋.....除o左味道之外, 其他方面都ok 啦, 依然鬆軟.

2012 龍年開年飯 @ 家傳滬曉

大埔開O左家傳滬曉都未帶過媽咪去食過, 所以, 今年開年飯一於出街食, 唔駛佢煮得咁辛苦.

早幾日前先決定, 估唔到仲book 到枱, 都算好彩.

而且, 大時大節, 竟然都可以俾我地叫set 食, 都算唔錯. 唔想諗, 一於食呢一個"捲蔥填鴨套餐", 六位用, O岩O岩好.

有機紫心蕃薯包 - 2nd attempt

上星期o既紫心蕃薯包唔成功, 今晚要再接再厲, 試多一次, 因為我阿姐知道我嫌上次跟平時訂有機菜o個個supplier D 有機蕃薯唔夠紫心, 所以佢幫我o向佢屋企樓下間Taste 度買另一種有機紫心蕃薯.

失敗的有機紫心蕃薯包

星期一又夾埋同事一齊訂有機菜, 雖然家下成日要返去湊bb, 我同小倫已經無再煮飯喇. 但係, 見到今次o既order form 有日本種紫心蕃薯, 平時只係有黃心蕃薯咋....

小倫早兩晚出trip 去o左澳門, 今晚等埋佢返o黎就開工試下新發明喇!!!!

網上, 有好多o既recipe 都係有餡包, 即係用d 蕃薯蓉做餡, 搓完粉之後, 加埋餡就放入焗爐焗. 另外o既recipe 都係叫"17小時冷藏中種法", 嘩, 一聽到要17小時, 就真係怕怕喇.....就算有幾好食都係假啦, 除非我唔駛返工之餘, 又乜鬼都唔駛做就得o者.

聖誕蜂蜜薑汁辮子環

經過上星期試味, 今晚一於一放工, 食飽飯就開工, 預備聽日公司Christmas Party O既包包喇.

基於上星期試過加少少薑汁去蜜糖包O既效果唔錯, 今晚一於加重份量.

所以, 自己匿埋O向廚房, 密密切, 密密磨, 終於磨好成大舊薑喇, 可以開工整包包喇.

今次O既idea 係來自"肥丁手工坊 ~ 辮子花環麵包", 呢個造型好靚, 一於抄參下佢O既做法啦.

用麵包機搓好麵糰之後, 大約步驟都係跟返肥丁咁做, 到要結辮子O既時候, 就叫埋小倫出手. 一齊做好.

心神恍惚芝士香草包 (Parmesan Oregano Bread) - 2nd attempt

今晚放工, 心大心細, 究竟返唔返去睇bb 好呢??????但係又想趁小倫唔o向屋企, 自己一個人執下屋企喎......最後, 都決定放棄bb, 自己一個人行下喇....呢個就係唔生bb o既好處喇!!!!自由時間多d, 唔駛一放工就要仆返屋企湊b.

心中一直猶疑緊好唔好買樽ground ginger呢....事關我依然覺得為o左整一個包要買一樽ground ginger返o黎擺, 好o徙咁.....無錯, ground ginger 仲可以用o黎整薑餅人, 但係整薑餅人仲煩, 除o左呢樣, 仲要加其他香料, 例如丁香, 肉桂, 豆蔻, 樣樣都只係用少少, 一年先整一次, 唔想浪費. 行完City Super無收穫, 再行埋Market Place 就返屋企喇.....

得一個人唔知食乜好, 於是去 Pizza Hut買o左個一個晚餐返屋企食. 等緊外賣o既時候, 去一田行返過圈先, 再望下ground ginger o既價錢, 點知仲貴過City Super....所以, City Super 賣o既o野唔一定貴, 加埋有95折, 分分鐘仲會平d o添.....

古靈精怪蜂蜜薑汁包

上星期部門食annual dinner 時, 有同事提議叫我Christmas party 不如試下整薑汁包, 應下節, 就係咁, 我思索o左幾日, 又上網search下, 究竟有無人做過呢. 可以點做呢??Available o既食譜比較少, 就算有, 都係用薑粉o既, 即係用o黎做薑餅人o個d薑粉. 不過, 我無薑粉呀, 但係又唔想為o左整一次要買一包薑粉返o黎, 只係用幾gram o者, 買一包好o徙呀....於是又上網search 下有無人用新鮮薑汁, 仲少人咁做.

無無聊又去整餅 : 朱古力蛋白脆蛋糕

尋晚一放工就滾水淥腳, 夠鐘閃人. 因為先要去地鐵站交收, 賣o左bb o個3罐奶粉俾分行同事, 幫補下d尿片錢!!

跟住就等埋Maggie一齊去油麻地二仔記上堂, 我地兩個盲毛, 無睇清楚就跟人搭lift 上, 上o左去8樓門市部, 嘩, 駛唔駛咁多人呀!!!   好似淪陷咁, d人多到迫都迫唔到入去. 原來上堂學整cake 係上10樓喎.

我地兩個算早到, 所以揀o左第一排o黎坐, 近d望得清楚d丫嘛!!!!kekeke.....差唔多人齊就開始喇!!!

綠茶紅豆麵包

尋日整完黑芝麻包之後, 我o既捧場客之一o既同事, (即係上次好有心咁送o左張百佳coupon 俾我sponor 我買粉o個個), 話好耐無食茶紅豆包, 所以, 今晚雖然好鬼死攰, 但係都要整呢款包氹下佢啦.......

放工返到屋企攰到無力呀, 所以要先小睡一陣先, 9點幾至起身, 食完飯返到屋企, 即刻煮紅豆, 好在小倫放工返到屋企事先已經幫我浸定d紅豆, 不過, 都係唔夠時間, 所以, 要煮好耐, 差唔多煮o左5分鐘d紅豆先至開始軟身.

黑芝麻麵包

 今日又再試新o野, 登登登登.....就係黑芝麻包包喇!!!!

上星期放假o既時候, 已經試做過一次, 不過就因為黑芝麻粉o既份量唔夠多, 所以只聞到味, 但係食落無味! (失敗!!!!)

有見及此, 今晚再接再厲, 重手d, 一於落夠4tsp o既黑芝麻粉, 所以, 今次o既芝麻味就出好多喇!!!今次, 我又想學人o向個麵糰發酵完拎出o黎摺下, 再放返入機焗. 可惜, 我計錯時間, 都唔明點解我d數口可以差成咁o架....以為已經完o左最後一次stirring, 等緊最後一次發酵o架啦, 咪拎出o黎摺啦, 點知, 當我捲好放返入機o既時候, 先至開始最後一次stirring.......唉, o徙晒我d心機呀!!!!走晒樣o添!

不幸中之大幸o既就係, 個包包出o黎個樣唔算太樣衰, 尚算四四正正,唯有下次再努力過啦~~~~

一口菠蘿包

尋晚漏夜, 我同小倫食飽飯無O野做, 決定向菠蘿包挑戰.

事先同小倫大約解釋整個做法, 所以, 佢決定連飯都唔煮喇, 慳返D時間, O向街食個quick dinner, 就快快手開工喇.

走粉記

由於呢幾日都尚算勤力整包, 所以D 高筋粉用得好快呀. 星期六日行supermarket, 都買唔到我用開呢隻粉. 問過店員, 話未知船期幾時返貨, 灰.......

因為我阿姐佢都鍾意整麵包, 而佢又係用呢隻organic 粉, 所以叫佢幫我睇下佢屋企樓下, 奧海城間百佳會唔會有啦, 點知都係無貨.

提子合桃麵包

今日又繼續試新o野, 就係提子合桃麥包喇. 夠晒健康呀....不過, 呢兩樣材料我都唔鍾意O架, 我都唔食呢提子乾同埋合核O既, 所以呢一機包係送俾人O既.

今次呢一機係整俾小倫爸爸, 即係我老爺食o既, 因為呢部象印麵包機係老爺送俾我o既........點都要回饋一下啦.....

香噴噴的蜜糖包

休息o左兩晚, 尋晚又再試新味道喇....今次o既新口味就係蜜糖包喇.....

平時去BBQ 其中一樣我最鍾意o既食物就係蜜糖方包喇!!!諗起就想去燒烤喇...好耐無去過lu....

麻鬼煩o既我, 就算要買普普通通o既一樽蜜糖都要左search 右search, 搵o左一輪, 上網見有人話原來唔係所有蜜糖都可以入焗爐喎. 結果, 見有人話價真棧有一隻蜜糖唔錯, 於是上去o個間公司o既網頁查下啦....雖然無講明, 但係見佢o既suggested recipes 都有用呢隻蜜糖整cookies 之類, 咁即係可以入得焗爐啦....yeah.....

早有預謀的香蕉牛奶包

今日再試用象印麵包機整第二款包包, 就係香蕉包包喇.....點解呢個叫做早有預謀香蕉包呢, 因為要事先留起一隻香蕉, 等佢熟, 起點先可以整呀!! 對於喜好食比較生o既香蕉o既我o黎講, 要留起隻蕉係有d難度o架......我為食丫嘛....通常買香蕉返o黎, 好快就比我食晒o架喇!!!! wakaka.... 懶到出汁o既我地, 香蕉基本上係我地屋企出現最多o既生果喇....香蕉有營養, 而且方便, 唔駛切又唔駛洗, 方便快捷.

北海道牛奶包 - first attempt

尋日開始, 敏敏開始放產假喇, 所以就暫時搬返o黎大埔住. 等佢安頓好, 我地一齊去迎喜飲個中午tea 喇, 哈, 估唔到我地埋單走o既時候, 見到kiu 妹同kiss 返大埔同佢老爺奶奶飲下午茶喎, 真係"橋"喇!!!

跟住, 我地又再滾水淥腳返屋企喇. 因為我地想整麵包俾敏敏聽日做早餐呀!!!可惜, 整麵包呢樣o野, 並唔係你心急, 想快就得. 一定要預時間俾個麵糰發酵.

今次, 我想試整o既包包叫做"北海道牛奶麵包", 因為我怕死, 驚有輻射, 唔敢用北海道3.6 牛奶, 只係用普通o既屋仔奶就算啦.

努力嘗試 - 芝士方包

今次再接再厲, 又繼續玩下部麵包機, 試下跟facebook O既高手提供O既芝士方包recipe 整. 估計味道應該唔差, 焗O左O既芝士一定會好香O架喇.....