煮飯仔 - 9

因為要陪媽咪去醫院睇醫生, 所以今日拎o左一日假....

終於可以舒舒服服o訓晏d 先起身, 同佢食完brunch, 返上屋企坐一陣就出去lu....

睇完醫生, 我地就返大埔行下街, 陪佢買餸, 返到屋企已經5點有多喇....

休息一陣, 要開始預備今晚o既晚餐喇!!!!

好耐無煮過飯呀!!!!

由於百佳買唔到免治牛肉, 所以我要好辛苦咁將d 牛柳慢慢切細細粒, 切完又要剁豬扒, 真係手都軟埋呀!!!!

預備好晒, 就開始煮喇........

今晚少少地, 只係有兩餸一湯咋.....費事次次煮得太多, 食剩啦
今晚有:
西湖牛肉羹
洋蔥豬扒
蠔油生菜

(嘻嘻, 唔記得o左影碟菜喎 )

因為兩樣都唔係預o左好多, 所以都食得晒, 仲有得聽日帶飯o添!!!

重建家園 - 2

計下計下, 我地要訂造傢俬原來都唔係好夠時間喎, 因為我地target 要5月底就要ready 晒d 傢俬, 所以今晚一於去俾deposit, 叫人開始畫圖喇.....

以我o既性格, 一定唔會一tick 過就ok 啦, 所以點都要預d 時間俾design house 改稿.

今晚因為放工仲要做埋d 手尾先走得, 搞到又唔可以準時走, 真唔開心, 去到旺角join 埋小倫已經8點喇...兜o左一陣, 相量過一於決定去運動人介紹果間design house 做傢俬啦!!!

去到見到未收舖喎, 於是坐低同個女仔再傾埋d details啦, 我地覺得d 價錢都幾老實, 而且佢地做d 款都幾modern, 一於就俾低少少錢做deposits 啦.......下星期就有得睇initial draft 啦, 希望之後順順利利啦!!!!

暫時我地決定要做o既傢俬有:

雙人油壓床,
梳妝台,
大衣櫃,
兩張書枱,
一個吊櫃,
TV 地櫃,
大鞋櫃,
仲有一個飾物儲存櫃

希望夠位放晒我同小倫咁多無謂o野啦~~~

好期待下星期睇initial draft!!

重建家園 - 1

雖然仲有一段日子先收樓, 但係由於我地兩層樓o既交接期太近 (i.e. 加埋得10日), 所以應該唔夠時候俾我地收o左樓之後慢慢搞裝修....

因此, 我同小倫最近都不時行下傢俬舖, 行下IKEA 等, 睇下有乜idea 點整間豆腐潤.....

由於我地依家住緊呢度係全包, 所以我地真係乜傢俬都無o架, 衰d 講句, 連書枱都無, 搬屋除o左帶走自己o既衣物同雜物, 就只要搬電視, 床褥, 雪櫃同餐枱咋......所以, 我地一定要訂造床同埋全屋o既櫃呀!!!!

之前都有睇過幾間design houses, 亦都問過一d 朋友佢地造傢俬o既資料, 計過數,都係好似訂造會好d, 話晒自己住, 無理由就咁去Ikea/直銷中心買現成o既, 呢d 都係用料比較差, 而且尺寸又唔多o岩用....

早幾日同趙生趙太食飯, 佢地講開之前有屋企人幫襯過一間design house, 都唔錯, 於是我地就趁今日得閒出去望下啦....點知一傾又3個鐘lu.......我地都覺得價錢都ok, 一次過做晒, 都係好過分開逐件買, at least 全屋o既tone 會一致d, 不過, 我地都想再考慮清楚先.......

依家只係煩惱o既開始, 希望快d 搞掂間豆腐潤, 有個安樂窩啦!!!

竟然又去wedding expo 喎~~~

今日一早起身, 其實都唔早喇, 原先plan o左要八點半出門口, 但因為我超級頭痛, 所以唔願起, 搞搞下十點半先出到門口呀!!! 我地首先出去小倫o既婆婆屋企探下佢, 自從年初一極速上過去之後, 一直都唔得閒再去探佢, 加上小倫又要幫佢整返個花灑, 所以就去o左同婆婆飲下茶啦....

Aiya, 諗住飲下茶咪算囉, 點知婆婆知道我地買o左樓, 又要封大利是俾我地喇, 真係唔多好意思, 推來推去, 結果都係要收啦....舊年搬屋o既時候, 婆婆同公公都已經俾o左利是我地啦, 今次搬屋又要俾, 真係激死呀!!! 不過, 佢都係一番心意o者......

新髮型

今日一早雖然好頭痛, 但係約o左媽媽同妹妹一齊飲茶, 無計, 無得賴床要起身lu....

飲完茶同媽媽, 妹妹行街街, 之後我返上屋企晾衫, o岩o岩想hea 下o訓一陣晏覺啦, 點知小倫又放工返到大埔lu....唯有乖乖落街陪佢食o野啦..

跟住, 一齊去搵Joel 幫我地剪頭髮!!! Yeah!!!忍o左好耐, 終於可以剪下頭髮喇....結婚到依家一直都唔得閒去剪, 終於"的" 起心肝剪短d...

可惜, Joel 竟然唔俾我剪咁短呀!!!其實我好想剪到好似咩咩同kiu 妹一樣咁短, 有d 新鮮感啦....但係, Joel 話唔好剪咁短, 怕我一時之間由咁長 (已經長到腰)剪到咁短會唔慣, chur, 我決定得剪, 就唔怕唔慣啦, 加上我d 頭髮長得咁快,  唔駛好耐就可以長返啦....好喇, 講掂數剪幾短之後, 又唔俾人剪齊蔭, Joel 話佢唔鍾意我剪齊蔭喎, 人地想試下嘛.....不過, 是但啦, 唔剪就唔剪啦, 佢係髮型師, 會知道邊d 髮型o岩我, 由得佢話事啦....

剪完頭髮, 又趕住去同媽媽妹妹食dinner 呀!!! 已經有一個月無同佢地一齊食晚飯喇, 今晚真開心!!!

煮飯仔 - 8

之前一直係咁開OT, 晚晚都食公司飯盒, 今晚終於可以偷下懶, 早少少走, 一於煮下飯啦....費事一包8公斤米食一年都未食晒啦 ....

趁小倫未收工, 我先返到大埔, 一於去Jusco & 百佳買餸先....

我整好晒d 餸, 等小倫返到o黎落鑊煮就得lu...

今晚有4個餸呀: 清炒唐生菜, 蠔油草菇煮雞柳, 豉汁蒸鱔, 沙爹金菇肥牛卷....

哈哈哈, 點知我地食得晒所有餸喎!!!

Meeting with ESD Friends - 突然鬼混

成日見到小呆同kiu 妹兩個去鬼混, 我同阿咩兩個只得神交, 睇到我地火火地, 決定約佢地一齊鬼混....

左約右約, 最後我地揀o左去銅鑼灣Time Square o既金滿庭....

今次唔係叫o左好多o野食咋, 不過, 都好好味呀!

當然, 我地又係乜o野都傾, 傾到人地要收舖先走啦!!!

唔知有無做錯o既決定

今日lunch time, 自己一個人上o左去律師樓簽我人生第一份(希望唔會係最後一份)o既樓宇買賣合約兼俾埋大訂lu........

從今日起, 我同小倫就有屬於自己o既家, 每次做家務o既時候, 都唔駛再咁茅盾, 究竟應唔應該咁努力去抹間屋呢??!!

其實人人都話年尾o既樓市會再跌, 所以我地都有少少猶豫究竟買唔買樓好o架.....不過, 租約又仲有幾個月到期, 我地又四圍睇過樓後, 都覺得應該住返大埔, 所以, 最後都鎖定目標睇返大埔啦, 始終大家近住屋企人會好d.....

反正, 我做bank, 公司有低息o既staff mortgage loan, 好似好應該買樓咁, 而且, 又確實供平過租好多, 因此, 一睇o岩決定買lu.....點解好似買棵菜咁簡單o既??!!!

講返層樓先, 我地一直都心儀一個大少少o既則, 因為會o岩我地用多d, 起碼每人有的私人o既空間, 小倫會有自己o既書房, 我會有自己o既衣帽間, 不過, 始終開價太高, 我地覺得唔抵!! 所以, 最後經由我地相熟o既agent 介紹買返我地同依家住o既單位一模一樣o既單位啦....當然座向唔會有依家住緊呢度咁正啦!!!!!有一樣o野好得意o既就係, 單位o既門牌號碼同依家一樣, 即係位數唔同咋!!!哈哈哈!!!!所以, 搬屋都唔駛book 車呀, 自己拎過去就得喇!!!!

Anyway, 無論係點, 都已經決定o左啦, 唔好再諗咁多....最多等過兩年再換樓囉...(但願如此啦~~)

由依家開始, 我地要計劃下新屋o既裝修同埋傢俬喇, 因為我地兩個太窮, 依家屋企係身無長物, 只會搬走電視, 雪櫃, 梳化同餐枱咋, 乜鬼傢俱都無...真可憐, wuwuwuw......