新髮型

今日一早雖然好頭痛, 但係約o左媽媽同妹妹一齊飲茶, 無計, 無得賴床要起身lu....

飲完茶同媽媽, 妹妹行街街, 之後我返上屋企晾衫, o岩o岩想hea 下o訓一陣晏覺啦, 點知小倫又放工返到大埔lu....唯有乖乖落街陪佢食o野啦..

跟住, 一齊去搵Joel 幫我地剪頭髮!!! Yeah!!!忍o左好耐, 終於可以剪下頭髮喇....結婚到依家一直都唔得閒去剪, 終於"的" 起心肝剪短d...

可惜, Joel 竟然唔俾我剪咁短呀!!!其實我好想剪到好似咩咩同kiu 妹一樣咁短, 有d 新鮮感啦....但係, Joel 話唔好剪咁短, 怕我一時之間由咁長 (已經長到腰)剪到咁短會唔慣, chur, 我決定得剪, 就唔怕唔慣啦, 加上我d 頭髮長得咁快,  唔駛好耐就可以長返啦....好喇, 講掂數剪幾短之後, 又唔俾人剪齊蔭, Joel 話佢唔鍾意我剪齊蔭喎, 人地想試下嘛.....不過, 是但啦, 唔剪就唔剪啦, 佢係髮型師, 會知道邊d 髮型o岩我, 由得佢話事啦....

剪完頭髮, 又趕住去同媽媽妹妹食dinner 呀!!! 已經有一個月無同佢地一齊食晚飯喇, 今晚真開心!!!