RonRon Castle: 竟然又去wedding expo 喎~~~

今日一早起身, 其實都唔早喇, 原先plan o左要八點半出門口, 但因為我超級頭痛, 所以唔願起, 搞搞下十點半先出到門口呀!!! 我地首先出去小倫o既婆婆屋企探下佢, 自從年初一極速上過去之後, 一直都唔得閒再去探佢, 加上小倫又要幫佢整返個花灑, 所以就去o左同婆婆飲下茶啦....

Aiya, 諗住飲下茶咪算囉, 點知婆婆知道我地買o左樓, 又要封大利是俾我地喇, 真係唔多好意思, 推來推去, 結果都係要收啦....舊年搬屋o既時候, 婆婆同公公都已經俾o左利是我地啦, 今次搬屋又要俾, 真係激死呀!!! 不過, 佢都係一番心意o者......

之後, 我地就趕去灣仔, 陪敏敏去行wedding expo 喇....嘩, 唔知係唔係經濟唔多好呢, 大部份o既酒樓真係平o左好多, 十間有九間都有十席送一席, 抵呀!!!不過, 一睇d 酒店價錢就唔係果回事lu....間間都貴呀, 不過, minimum charge 就唔係差太遠, 加得最過份o既就係當日曾經我地有打算揀o既帝苑呀!貴到完全唔值o個個價錢!! 睇o左幾間唔同o既酒樓, 都係麻麻地呀, 一係就floor plan 唔好, 一係就太細. 睇怕佢地返去都仲有排諗....

既然酒席未book 得住, 不如就去睇下租衫同婚紗相啦....雖然我有d 唔舒服, 但係睇呢兩樣o野我最鍾意o架喇....見到最近賣好多廣告, 又請rosemary 行catwalk o既Zara 就埋去counter 睇下啦....佢地不停sell 話係歐洲貨, 但係就display 出o黎果3件wedding gowns, 非常唔得!!!問個sales 拎d 衫o既相簿睇下啦....唔睇都無乜o野, 一睇個封面我就叫o左出o黎啦, 有無搞錯呀, 佢地抄款都唔好抄得咁足啦. cover o個件紅色eg, 咪係我結婚著果件囉, 呢件衫早一年前已經o向wedding o個本雜誌登過啦, 連個model o既pose 都有8成似呀!!!!所以,都無心機再睇落去, 轉睇第二間.....

同敏敏再睇下pretty woman 啦, 佢地似乎覺得都幾ok 喎, 又o岩budget, 所以, 搵日得閒再去舖頭睇下實物先.....

最後, 我地就去到FB counter 搵Stella 呀, 因為佢地決定join FB 影pre-wedding, 今年o既package 實在太抵太吸引喇.......搞到我都想再影呀!!!依家join 個外景plan, 會加送去台北/新加玻影相, 所以相量完, 都覺得去新加玻抵d 呀!!!雖然要自己出機票同酒店, 但係可以當去旅行喎, 都無乜所謂啦....況且新加玻有d 新鮮感, 唔似得台北太多人影過喇......

咁o岩我地坐正o向台前, 又有show 下, 不過, 今日無帶大機, 只係用我部DC 仔影下d 衫....