煮飯仔 - 7

今日一早同媽咪, 細佬飲完茶就返屋企做下家務, 執下屋啦, 反正下星期咁忙, 一定無時間做家務lu....

等埋小倫放工返o黎, 無乜o野好做, 就去Jusco 買牛扒, 今晚試下自己煎牛扒啦......

買完餸, 我就o訓晏o訓lu, 因為好攰呀, 又唔多舒服, 要charge 下電先得, 如果唔係下星期要做results, 想休息下都難lu.....

o訓醒覺, 就同小倫打一陣機, 之後就開工煎牛扒lu...

情人節遊大澳 + 一d 都唔浪漫o既十人晚餐

今日雖然係情人節, 但係我地無乜特別o既慶祝活動, 因為要返入大澳過節呀!!!!

一早起身, 同媽咪, 姨媽食完早餐就出發lu.....

返到去首先返舖頭打個招呼, 我, 小倫同小倫o既舊同事Waylon 就自由活動, 四圍下行啦....

好無聊咁行去警署 & 大澳碼頭, 好遠o架, at least 要行半個鐘, 平時我都唔係行去o既, 拱遠, 又無o野睇, 又無o野玩.....

由於, 無乜o野好做, 我又帶佢地兩個扮local, 上船睇中華白海豚, 人地公價位位$20 , 我就買2送1, $40有交易!!!!hohoho.~~~~鬼叫我認得收錢o個個哥哥仔係我舅父識得o既咩!!!可惜, 今日睇唔到白海豚呀!!!好想叫回水呀!!!!

中國情人節之 小倫廚房

今日雖然係星期一, 但係d o野多到好似星期五趕放工咁. 一返到去, 就不停手咁做, 真辛苦!!!明明 life insurance 唔係我睇o架嘛, 佢地開audit committee, 又關我事, 要我去幫手, 我連d papers 都無睇過, agenda items 更加唔知!!!真激死, 知道o個個又唔郁身去做喎!!

再加上, 我負責o個d subsi 又多o野搞, 又要做annual results o既o野, 所以今晚又要開OT 做多少少o野先走...

小倫就好乖, 一放工就去買餸, 仲煮定飯等我返...

我一入屋, 洗手, 換衫, 坐低就有飯食喇, 真係好lu!!!!

今晚有: 粟米羹, 豉椒排骨, 豬頸肉炒菜心, 簡簡單單, 但係好野味呀!!!

多謝小倫咁好煮定飯俾我食, 所以食飽飽我就負責洗碗!!

煮飯仔 - 6

今日雖然係星期六, 但係我地都無乜街想去, 等小倫放工返到大埔, 我地就齊齊行街市, 買d凍肉同埋餸, 一於今晚玩煮飯仔啦, 好耐未試過認真d 煮飯喇, 平時放工因為時間關係, 只可以煮d 簡單o野食完就算.

今晚menu : 蒜蓉XO 醬炒通菜, 豉椒炒蟶子, 薑蔥蟹.

唔覺唔覺又買o野喇

今日o向office 見到有個同事佢對鞋好得意呀!!!於是八掛問下佢o向邊度買啦, 嘩, 原來係平o野o黎o架, 仲o向公司附近買喎, 佢叫我lunch time 去睇下仲有無得賣啦...

Yeah, 一放lunch, 就行去睇下先...好開心, 賣鞋阿婆話收我平d, 最後$60 就有交易喇, 比我同事買仲平o左$19 呀!!!哈哈哈....

真係抵到爛呀!!!!真開心, 貪得意買o黎著下, 玩一排唔著都唔會肉痛呀!!!

呢對係一對毛毛鞋o黎o架, 最cute 就係上面兩粒珠片, 加埋一粒毛毛球, 係唔係好似一隻老鼠仔呢.....仲有好多顏色o添!!!