Meeting with ESD Friends - 0331稻香飯局

今日, 真係黑仔呀!! 唔知點解, 又唔係落勁大雨, o個條麻煩o既東區走廊塞車塞到傻呀!!!令到我遲大到, 足足要10點先返到公司呀, 唉, 無計啦, 唯有自我補鐘啦, 遲番一個鐘先放工囉, 費事俾d 同事話我啦~~

Lunch time, 今日係我地老闆請食飯呀, 佢話係因為我地做annual results 咁辛苦o既慰勞宴囉!! 所以, 我地又可以食lunch 食到兩點幾先返公司喇!!我地部門真係無紀律喇!!

好o野, 終於做好晒d o野, 等到七點喇, 立即走人, 因為今晚約o左一班靚女見面呀, 好緊張呀!!!

今次係同大家都係11月結婚o既朋友女見面, 佢地個個都好好人o架, 大家傾得好開心呀!!

我唔公開佢地個名喇, 大家估下佢地係邊個啦~~

當我地開始影下相o既時候, 有人未熱身, 仲係好怕醜喎!

呢位大眼美女係邊個呢?佢手上o既就係佢地一齊參加婚檢o既禮物....

我覺得今晚o既活動都算好成功呀! 個個都肯出席, 大家又玩得咁開心, 傾下計, 睇下相, 真係好!!

睇波

今日小倫要返工開OT, 所以我成日都係陪媽咪, 留o向屋企休息下, 執下屋!!同媽咪食完壽司做dinner 之後, 我就去o左巴士站接小倫喇!!

陪佢食完飯, 我地見差唔多時間, 就打電話俾Pingu 睇下佢地係唔係真係入o黎大埔. 因為運動人今晚要入o黎大埔踢波呀!!不過, 佢地好趕呀, 要o向港島飛的入o黎呀!!!

好彩佢地o向中場o既時候趕得切o黎到咋!!

不過, 最後佢地對波都係輸o左呀!! >.<

(其實我都睇唔明o既, 只係睇到個波走o黎走去 :P)

我和你的約

距離11月仲有7個月o既時間, 但係我個小倫一直都依然係死肥仔一名, 絲毫都無瘦o既痕跡, 仲有愈來愈肥o既跡象o添!!!!

自古有云, 重賞之下必有勇夫, 我決定同小倫立下一個約定:
就係佢可以o向11月o既來臨時候, 佢可以減到130磅有番30吋腰, 我就送出$7000 獎金俾佢做私己, 如果腰圍變番28吋腰就加$500 bonus!!!

嗱, 大家同我做証人呀!!!

P.S. 小倫, 你要加油呀!!!

恭喜晒呀! 呆生, 呆太!!

琴日落雨落到阿媽都唔認得, 好在, 個天見今日係Kathy 同Anson o既好日子, 所以就唔落雨喇, 真係乖喇!! 好o野!!!

我地食完lunch 就出發去紅磡都會廣場o既伊甸園Hall 20 呀....

原來係o向個商場入面喎, 都幾得意喎....因為我地早o左到, 所以就o向附近影下相先..hmmm....成個過程大致上都好似註冊署咁, 不過會有march-in o既時間, 大家坐定定之後, 就宣誓, 簽紙, 搞掂...不過, 時間真係好短,只係夠兩家人影幾張相就times up. 要輪到下一pair 新人喇...

不過, 個feel 又唔同o既都幾得意, 我o既suggestion 係, 如果可以book 到, 有40分鐘就會好d.
大家睇下, 新娘幾靚....

仲有餘慶節目, 拋花球呀...

最後, 個花球去o左邊位靚女手上呢?! 大家估下啦...

恭祝呆氏伉儷, 從此開開心心, 甜甜蜜蜜, 早日三年抱兩呀!!!

忙碌的一天

今日係一連四日o既復活節假期o既開始, 但係我並無大o訓特o訓, 都要9點鐘起身呀, 因為今日約o左Pingu, 運動人同埋Queenie妹妹一齊去FB 揀衫呀.....

真係好對唔住呀, 我大懵. 出門口唔記得拎個絲花球, 搭o左的士出火車站都要原車返番屋企再拎過.....好彩, 都唔係遲o左好多o者, 去到 FB o既時候, Pingu 仲揀緊衫....揀衫呢個程序係全日最耐o既, 因為有好多衫都想試呀, 最麻煩o既係o個個網上選衫系列只可以揀20件, 多心o既我地就梗係唔夠啦, 廿件咋, 揀婚紗都用晒quota 啦, 所以我地另外再用紙mark 低想試o既衫number 啦......

開心復活節前夕

今日係開心o既一日, 開心並唔係因為有一連四日o既public holiday, 而係今日係出bonus o既日子呀...我做o左o野咁多年, 都未試過收到咁大份bonus o架. 望o左好多個月喇, 終於都等到喇!!!!

變身 -- 烏鴉o黎喇!!!

由上星期開始有少少喉嚨痛, 我已經好醒目咁又出動我o既維他命C 治療法 + 狂'拍" 喉糖, 嚴重o既喉嚨痛真係無再出現喎, 可惜, 並唔表示我打仗d 細菌, 可惡o既細菌小子仍然賴死唔走, 仲變成咳o添...

大件事喇....我一咳, 就唔停, 無三,五, 七個星期都唔會好, 睇醫生都係o徙錢, 一樣係咳到命都無. 算, 唔緊要, 最慘就係我把聲呀......

救命, 我呢兩日變o左做隻烏鴉呀, 把聲難聽到嘔, 嚇死人呀.....

唔該快d 俾番把女仔聲我啦...我唔想變成唔男唔女呀...

炸彈呀~~

今日唔知點解咁鬼多o野做, 連平時唔多郁o既subsi 都走o黎煩我, 要我整呢樣整果樣...加上, 就o黎派息又遇上Easter Holiday 同埋 阿媽back office 搬, 好鬼煩呀~~~

已經做到無停手o架啦, 都仲係一遍混亂, 所以今晚就自己開o左一個鐘OT, 清下d o野, 唔駛星期一返工又七國咁亂....仲諗住今晚返屋企食下阿媽飯啦, 點知佢話同妹妹去食sushi  喎, 咁我咪自己返屋企等佢地返o黎啦...

一入屋, 就見到枱面上有兩張帖喎, 咦, 咁熟口面o既, 立即拆o黎睇睇啦...

哦, 原來係消防員哥哥佢都係擺MPHK, 不過, 佢唔係擺百年廳, 而係Jade & Lotus, 細d o個個function room....原來知道佢會派帖俾我, 都仲諗緊去唔去, 依家唔駛諗啦, 一定去呀, 當係site visit 都好o架...一來可以試下d waiter o既service, 二來可以試food quality嘛...kekeke..

橫掂都係, 我就索性問埋阿媽呢張咁肉酸, 金唔金, 銀唔銀o既帖OK 唔 ok 啦, 佢就話事但啦, 橫掂人地睇完就掉o架啦, 慳番d 錢嘛....都好喎, 等我諗諗先...

Shopping Day

今日小倫short week, 妹妹又係, 連mike mike 都唔駛返工, 所以我地一早起身就同媽咪去飲茶呀~

飲完茶, 妹妹就同媽咪去行街街, mike mike 要返CU 返學, 我地兩個就出沙田shopping! 首先, 我地要去格價呀, 因為小倫妹妹 -- 敏敏就快新居入伙, 我地答應送部電視俾佢呀, 所以我地就要行晒咁多間電器舖喇~~最後揀o左兩部, 一部係sony o既26", 一部係sharp o既32", 放入房都夠睇啦, 我地揀o岩之後, 就打俾敏敏, 叫佢自己去睇下鍾意邊部啦~~