真係好對唔住呀, 我大懵. 出門口唔記得拎個絲花球, 搭o左的士出火車站都要原車返番屋企再拎過.....好彩, 都唔係遲o左好多o者, 去到 FB o既時候, Pingu 仲揀緊衫....揀衫呢個程序係全日最耐o既, 因為有好多衫都想試呀, 最麻煩o既係o個個網上選衫系列只可以揀20件, 多心o既我地就梗係唔夠啦, 廿件咋, 揀婚紗都用晒quota 啦, 所以我地另外再用紙mark 低想試o既衫number 啦......
好, 揀好衫就試喇....首先係La Mer o既衫, Oh, 個試衫姐姐話因為太遲喇, 有好多衫都已經無期喇, 所以只係拎o左3件俾Pingu 衫, 都好丫, 3件入面都有2件係ok 呀, 依家揀o個件好飄逸o架, 靚過我影La Mer o個件好多好多o架....(真羨慕又後悔自己當時揀得太plain 喇 >.<)
哈哈, 到再試影九龍塘o既緒紗同晚裝, 雖然係試o左好多, 其實真係只係試下咋, Pingu 心中一早已經揀o左啦, 只係差在著上身o既效果之嘛, 依家揀o個三件都係新o架, 仲要好有型o架......睇到我恨到流晒口水o添呀.......
揀好衫都已經3點喇, 好肚餓呀, 所以就去o左又一城食板前壽司呀, Yummy!!!!!我真係好鍾意食呢間, 價錢唔貴又好味, 可惜每次都要排好耐隊先有位啦.....
.
食飽飽我地就分手喇, 我地去旺角, 佢地三個就返沙田呀, 大家各有節目.....
忍o左好耐, 今日終於有時間去搞下個頭喇....今次我要電髮, 始終都係鍾意鬈髮多d, 長直髮太煩喇, 而且我d 頭髮真係好直, 太貼喇, 好似人地做o左負離子咁, 都唔好睇o既. 不過, 小倫同媽咪都話點解電完都好似唔係好夠鬈, 而且d 頭髮都仲係好長喎..唔緊要啦, 過多兩個月都要再剪短d 同埋做colour 啦, 等結婚o既時候set 頭好睇d 嘛. 頭髮太長set 頭會麻煩嘛~~
整完頭髮, 小倫話我地睇中o個部新相機今日o岩o岩出o左喇!!!好o野, 有新相機用, 之前o個部Panasonic 都唔係幾好用o既, 小倫趁我整緊頭髮o既時候, 行晒成個旺角, 搵到一間最平o架喇, 所以等我一搞掂即刻去買喇......哈哈....死火, 又話琴日先講唔可以亂洗錢, 今日就.......唔緊要, 唔係我俾錢, 唔算係我亂洗錢, 哈哈
沒有留言:
張貼留言