新朋友仔 - 謙謙小朋友生日會

今日一早起身, 同小倫食完牛腩米就要一個人搭車去北角參加最近新相識o既同事 -- Peggy o既仔仔 -- 謙謙o既生日會喇....

呢個小朋友今年一歲生日, 佢屋企人真係錫佢, 同佢開o左個生日party 呀!!!!

由於我好少去北角, 事前已經問定應該o向邊個地鐵站落車啦, 點知地鐵盲o既我, 成日以為Quarry Bay 等於炮台山, 結果落錯車, 搞到遲大到o添....

家訪石小B 暨慶祝女皇生日

約o左幾次, 終於約到一個大家都available o既時候, 上去格格屋企探下佢o既BB 喇....

一上到去, BB原本o訓緊, 都俾我地成班人嘈醒o左o添......

第一件事, 就梗係排隊洗手, 乾乾淨淨咁輪流挽下阿B 啦....

已過o左滿月o既信仔比起出世第一日o向醫院見佢明顯大個o左好多喇....

最紅星期五

今日同阿咩傾開, 先知道係最後一個最紅星期五可以去萬寧買o野....

好在得精明o既咩咩教路, 今次真係慳唔少...

首先: 有好心o既同事送o左好多萬寧o既印花俾我

加埋咩咩o個d 印花, 我總共可以換到5張IKEA $100cash coupon,

照計: 20個印花加$75 換1張$100 coupon;
          30個印花加$140 就有2張$100coupon,

依家, 我一次過換5張coupon, 即係要俾$355 啦, 既然要買到$400 先有最紅星期五, 咁我用多$58 買o左盒美麗日記masks.

最紅星期五有10%回贈, 即係話我可以o向 IKEA 用低過7折o既價錢買o野啦..呵呵呵.....

經濟不景, 人工無得加, 唯有自己精打細算d, 慳得一蚊得一蚊

福無重至, 禍不單行之 又漏煤氣

今晚, 小倫早o左放工, 所以佢負責買餸, 我地今晚一於要開下火, 煮入伙後第一餐飯喇......

小倫買好餸, o向巴士站等埋我就一齊返上屋企預備今晚o既晚餐啦~~~~

點知, 不幸o既事又發生o向我地o既身上呀!!!!!洗好晒, 預備好晒d 材料o既時候, 準備開爐, 我地又發現又有煤氣味呀!!!有無搞錯.....星期六先換晒所有o野, 今日又有事.....簡直過份呀...即使情況唔嚴重, 我地都call emergency service, 叫個師傅上o黎check 清楚先安心....

大約一個鐘, 煤氣公司師傅到喇.....佢用支探測計check 下係邊個位漏啦....支探測計係咁響喎.....見到個師傅咁熱o向個廚房整, 我地覺得佢辛苦呀!!!!所以, 就開住風扇等佢涼下啦....

終於, 搞o左個幾鐘, 見師傅做o左兩次, 終於完工喇!!!!希望今次係最後一次啦...

就係咁, 我地今晚原本一早就有飯開, 最後都要差唔多九點幾十點先食飯...

天時暑熱打邊爐

今日我地終於有洗衣機喇!!!!!

屋企今朝好熱鬧呀!!!首先, 有煤氣公司o既師傅o黎幫我地換過新o既煤氣錶同埋總制. 希望唔駛再漏煤氣啦!!!

跟住,  就到o左送個新o既梳化腳踏呀!!!加埋呢個腳踏, 令到我地張貴妃椅成功變身成為一張梳化床呀!第時有客人上o黎過夜就可以舒舒服服o訓喇..平時, 就可以單獨當係一張兩座位梳化, 人多o既時候可以有多d 位置俾人坐啦.

送走o左個送貨叔叔, 執好埋d packing materials, 洗衣機又到喇, 時間真係o岩o岩好呀!!!不過, 安裝o既時候又有小事發生o左, 就係個安裝師傅話原有o既去水o候鬆喎, 要俾$180 換過新喎, 由於小倫唔o向屋企, 我都唔知換唔換好, 個師傅又講到話如果唔換, 遲d 會漏水喎, 我見又唔係加好多錢o者, 就俾佢換啦....

生日飯局

琴晚食到飽飽, 今日又繼續食呀!!!哈哈哈..

今晚約o左Priscilla 同埋好似隻企鵝o既花師奶去食韓燒呀!!!

今次去呢間餐廳叫做"阿里郎韓國餐廳"

韓國o野一向都係我其中一個favourite!!!!呢間d o野仲好新鮮o添......牛肋骨湯好好飲!!!下次可以再去食啦...

不得不讚下肚大過籮o既花師奶, 佢雖然有o左BB, 但係食o野又唔會好麻煩, 唔駛我地特別就佢, 佢自己會揀自己食o既o野....我最怕果d以為有o左BB, 就麻麻煩煩o既人, 食d 乜都要人地就晒佢...............

呢餐生日飯食得好開心......

希望可以o向佢BB 出世之前, 再勁刷多餐.....

終於有餐生日飯食下喇!!!!

今晚輪到媽咪, 妹妹同埋細佬同我慶祝生日喇!!!!

之前, 母親節明明話去和民食DBS promote  o個個4人餐o架嘛, 結果又因為太多人等位, 等等下又話要趕住返去睇波而cancel o左...........所以, 今次就趁本女皇生日, 我下令去和民食啦...唔知點解, 我真係好鍾意食o架喎, d o野細細碟, 款式又o岩我口味....

今晚, 我地5個人order o左一個4人餐, 再加多少少食物, hm....YUMMY!!!!好飽呀!!!而且, 都好抵食丫...

最後, 我仲叫多一杯朱古力芭菲o添......

生日變死忌???!!!

由於今日係一年一度o既女皇日, 所以我梗係唔返工啦...話晒執o左咁耐o野, 幾大都要休息下呀!!!!

咁o岩細佬又放假喎, 所以一於去飲下早茶啦....阿媽仲帶埋迪迪出o黎o添, 呢個小朋友因為豬流感唔駛返學, 無所事事, 咪帶佢出o黎玩下啦.

細佬竟然買o左隻手錶送俾我做生日禮物呀, 真孝順!!!雖然唔係話好貴, 亦都唔係最o岩我心水, 不過, 佢肯送俾我就算啦...費事嫌咁多啦, 萬一出年無得收咪弊~~~

飲完茶, 同媽咪下行街, 買下o野之後就返上屋企喇..因為今日送埋個煤氣煮食爐呀!!!好o野, 可以有爐煮o野食lu....

o個兩個師傅仔裝好都已經差唔多3點lu.....於是, 就上下網睇下電視啦...

五點幾就返過屋企食妹妹整俾我o既生日蛋糕 -- Tiramisu

味道算唔錯啦, 不過, 可能奶落多o左少少, 所以唔太solid......

食完蛋糕就行返去海寶o個邊食上次個傢俬佬介紹o個間日本o野, 因為小倫話佢唔舒服喎, 唔想去咁遠食飯 :( ......Oh.........呢間都唔抵食o既, 好在味道唔太差. 都係o個句啦, "無下次!!!"

跟住就返上屋企啦, 小倫入廚房就檢查下新裝o既煮食爐啦, 點知, 佢話漏煤氣喎.....隊個頭入個廚櫃, 深呼吸就真係聞到有煤氣味喎........於是, 小倫就叫我打俾煤氣公司, 搵emergency o黎檢查下啦......

關o左總制之後, 我就開始俾人鬧啦......話我o既生日差d 變成佢o既死忌喎!!又不停問我有無睇住人地裝爐, 又話我唔檢查, 漏o左幾個鐘都唔知....

人地點知喎, 裝完爐之後, 我o向屋企有開電器, 仲有開火o添, 連香薰都點埋啦, 都無事, 唔駛咁擔心啦, 反正都有人o黎緊檢查啦....

不得不讚煤氣公司o既service, 唔駛兩個鐘就有師傅o黎到喇....經佢檢查之後, 話唔關個煮食爐事....Yeah!!!! 終於真相大白, 唔係我o既問題啦....原來係個煤氣錶總制老化, 有d 鬆, 所以漏氣呀!!!師傅話依家幫我地扭實個制先, 星期六再安排師傅上o黎轉過一個新o既俾我地啦~~~~

就係咁, 搞一搞, 令到我今年生日乜mood 都無晒喇!!!

2009女皇之夜 ^ v ^

今日小倫終於要long week, 返工, 所以, 我上晝都係做下屋企o野啦.....

小倫放工, 就陪佢拿拿臨食碗車仔麵, 因為有人上o黎睇樓呀!!!無錯, 我無 type-po, 係睇我地新搬入o黎層樓呀...唔知點解, 經濟咁差, 我地呢個屋苑o既樓價反而上升, 仲升到有d 癲o添...有見及此, 我地決定善價而沽, 開價都俾銀行估價高, 如果有個有緣人睇o岩的話, 就賣囉, otherwise, 我地咪繼續住囉, 反正呢間都唔係我地o既dream house,唔會太過唔捨得o既, 只係煩o者....

之後, 成個下晝o既主要活動就係要小倫剧開個廚櫃. 話說, 我地掉o左上手業主o既電煮食爐, 買過一個新o既煤氣煮食爐, 之前已經叫o左個裝修師傅開返個fit size o既櫃面啦, 點知上次o黎檢查o既煤氣佬話我地廚櫃入面要再剧開少少, 因為要駁過條煤氣喉. 所以, 小倫唯有自己郁手剧啦....頂!!!唔剧由自可, 一剧就大件事喇......條煤氣佬又話係蔗渣板好易, 點知剧落原來係實木板呀.....今次就真係慘喇!!!!小倫足足搞o左兩個鐘先ok, 剧到佢人都散晒喇.....

於是, 佢沖過涼, 換件衫, 我地就出去去灣仔呀!!!原先, 一心想志旅遊展行下, 睇下有無資料o岩啦, 因為我地都想去歐洲, 加上我地都覺得o個d 9天10國遊o既超趕鴨仔團唔o岩我地, (根本只係到此一遊, 唔夠時間去了解去望真d 人地o既國家係點). 可惜, 落車已經係7點半喇.....

小倫就話唔去喇, 不如o向灣仔食下飯啦.....點知.................

佢竟然帶我去天橋底o個間De'lifrance 呀!!!救命!!!!我梗係不停扭計啦....有無搞錯, 又話今晚係預祝生日, 都無理由帶我去食De'lifrance 啦....就算要食, 都唔駛去到灣仔呀!!!!當我發緊脾氣o既時候, Phoebe 就打o黎喇...火滾o既我, 當然立即講俾Phoebe 聽啦......o向我一輪咀講緊o既時候, 有人突然拎出兩張Cats o既飛喎!!!!!

呵呵呵, 原來有人一早買定飛請我去睇....不過, 我知道小倫都唔好呢d o野o既, 但係, 真係好開心!!!!因為我事前從未同佢提過話我想睇, 一來貴啦, 二來都知佢無興趣, 費事迫佢啦......所以, 今次真係好surprise 呀!!!!真係多謝小倫呀!!!!

趁中間break o既時候, 出去影下相先....

由於事前從來無睇過Cats o既內容大綱, 所以一路睇, 一路要估下套劇講乜. 不過, Overall 都幾得意, 尤其係d化妝, 燈光...d 歌都唔錯, 當然唔少得Memory 啦!!!!

今年呢份生日禮物都算唔錯, 夠十派!!!

螞蟻搬家大行動 - 後記

雖然話已經叫做搬完屋, 但係都唔代表可以有覺好o訓, 事關成屋都係o野, 堆到滿晒, 好彩仲有條生路行下....

後遺症就係每日放工之後, 返到屋企就要執o野, 依家我地o既 policy 就係唔好理咁多, 總之拆晒所有箱, 將d o野收埋先, 日後慢慢再研究下擺位o岩唔o岩心水啦......

就係咁返o左工兩日, 勁辛苦, 公司又多o野做到爆燈, 放工都攰到傻啦...

所以, 今朝完全起唔到身呀, 個頭痛到死. 唯有請半日sick leave 啦, 終於可以毫無顧忌下o訓下喇....

可惜, 下晝返到公司, 依然係做到有氣無得抖......

今晚放工, IKEA 送埋貨o黎, 距離完成整間屋o既目標又近o左少少喇!!!

螞蟻搬家大行動 - 完結篇

琴晚, 送走o左Pingu 同運動人兩公婆之後, 我地返上舊屋, 半夜三更繼續執執執. 最後, 因為太夜怕嘈親d 鄰居, 所以只係hand-carry o左幾次就放棄了, 唯有今日deadline 前繼續啦....

於是, 今朝一早, 我地早餐都唔食, 又唔敢懶床, 即使好攰幻攰, 都撐起身繼續過去搬d 剩餘o既o野.....到o左最後o既階段, 已經唔可以再有理智咁分類喇, 唯有唔理三七二十一, 乜都放入紙箱啦, 幸好, 我地只需要運多三次就搬清所有o野喇.....

仲有少少時間俾我地進行簡單o既清潔o添, 掃返晒地下o既塵, 拖下地, 抹好d 櫃, 係咁易擦下個浴缸啦......

到o左十二點三, 業主兩夫婦就上到o黎喇!!!!交接程序都好順利, 梗係啦,我地係好好o既租客喎, 都無住殘到間屋, 佢地都唔駛再執過就可以租俾人喇.....同佢地傾多一陣計, 我地都走lu, 因為仲有下場要去呀!!!

交易完成, 我地再搬返個衣櫃去小倫屋企, 因為呢個衣櫃同新屋o既傢俬唔match, 即使係IKEA o既cheap cheap o野, 但都無理由咁大o徙掉o左佢啦, 所以就要搬返去啦, 反正有地方o者....之後, 同小倫媽咪食個lunch, 我地就返屋企沖個靚涼, 就執返好個樣出去灣仔join 埋敏敏去wedding expo 喇!!!嘩, 呢幾日咁忙, 又熱, 又流o左咁多汗, 沖呢個涼真係好正, 搵返一個乾乾淨淨o既自己喇!!!!爽~~~~

去到灣仔, 已經都四點幾喇...今次目標主要係睇下d 即日攝影啦......不過, 最後竟然係變o左陪小倫o既同事Patrick 同Estor 傾婚攝喎, 都好丫, 佢地連呢樣都搞掂埋, 又可以幫佢地book 到平o既28人van.....

大約七點, 我地兩個又要走喇, 因為要趕去旺角呀!!!今日係大俠同seven o既大日子呀!!!佢地兩個係我地呢堆ESD 朋友仔中最遲結婚o既一pair, 真係開心喇!!!!可惜我地夾唔到其他人o既時候喇, 又miss o左一個大合照o既機會o添.....希望我地可以下次一大班人再有gathering 啦....

趁完熱鬧之後, 我地又同Pingu, 運動人去o左大圍食日本o野, 呢間都唔錯喎, 我地叫o左一個兩人餐再加多少少o野, 但係食得好飽呀!!!!

螞蟻搬家大行動

今日一早, 早餐都無時間食, 就要開始搬o野過新屋, 把握時間呀!!!我地只得一日時間咋~~~

全靠小倫o向公司拎o左架板車返o黎, 令到我地整個搬屋過程smooth 唔少, 加上我地搬得近, 同一個屋苑, 同一期, 所以我地可以由平台過, 唔駛拎住d 紙皮箱o向街行來行去咁樣衰...

首先, 我地先返搬幾箱o野過去新屋, 而我就運用個拖o急運d 易碎o既碗碟呀, 玻璃杯等....

中午, 媽咪同細佬都上o黎幫手喇....媽咪就負責抹下d 櫃, 將部份衣服求其放入櫃桶先, 而細佬就幫我地一齊裝窗簾......呢款厚料o既窗簾果然有用呀, 一裝o左上去, 兩間房即刻舒服晒, 唔怕出面猛烈o既陽光呀!!!

書房我地想保持光猛o既感覺, 所以用返淺色暗花, 至於睡房呢, 我就揀o左比較深o既啡色, pattern 同書房o既一樣, 我同小倫都好鍾意呢個款呀!!!!

搞掂o左d 窗簾, 我地就返過去舊屋搬埋最大件o既電視, 雪櫃同埋床褥喇!!!!十二點幾一點搬o野真係好甘, 流o左好多汗.....

時間差唔多, 細佬就走lu, 由於我地未食過o野, 所以, 我, 小倫同埋媽咪一於去和民歎個下午tea 先!!!!食飽飽後, 媽咪就返屋企休息喇, 我地兩個繼續把握時候, 不停咁來來回回新, 舊兩間屋.......就好似兩隻螞蟻仔咁.....

到o左9點, Pingu 同運動人入o左o黎大埔踢波, 所以, 同佢地去食潮州o野, yeah!!!終於可以大食一餐喇!!!不過, 個人一靜落o黎就覺得好攰好攰喇....唔知點解腳踭好痛, 小腿就因為搬o野而撞到瘀晒, 手o既關節又好痛喎........

食飽飽後, 帶o左佢地上去參觀下我地混亂o既新居, 估唔到佢地竟然成為第一位客人.......真係唔好意思o添, 間屋咁亂又多o野, 坐都坐得唔舒服o添......唯有快d 執好間屋, 再請佢地上o黎玩啦...
佢地走前, 都已經十二點了, 唔可以再用板車運o野過去, 我同小倫唯有用hand carry o既辦法啦,

好在兩間屋真係好近咋, 遠都唔未必趕得切.....最後, 搬到差唔多兩點就要收手喇...仲有少少o野明天最後時刻清埋佢地啦.....

今晚, 我地第一晚o既新屋過lu......不過, 實在太攰, 已經feel 唔到有乜感覺喇.....

重建家園 - 17: Ready, Get, Set, Go~~

估唔到我放兩日假, 今日一返工又係多o野做到癲o左...

明明我放假之前, 已經draft 好o既文件, 亦都講得好清楚點follow o架啦, 今日返o黎又係打回原型, 等我返o黎先做...真係激死呀!!!!除此之外, 仲要不停催我做呢樣做果樣, 搞到個人好忟呀!!!!
終於捱到放工喇....

由於今日又係最紅星期五, 我地要好好把握呢個機會, 於是, 我一放工就趕去九龍灣, 而小倫就早o左收工, 先去旺角拎d 窗簾返大埔先, 跟住再出返九龍灣meet 我.....o向IKEA 食個quick dinner, 我地就要快快手買之前一早睇定o既林沈o野, 落埋order 送貨, 就返大埔lu.....

返到大埔, 第一站又梗係先上新屋放低o野先啦...

跟住就返去舊屋開始pack o野喇....我好乖, 自己o既無聊林沈o野一早就pack 好, 所以我主力pack d 廚房toilet同廳o既雜物, 小倫就負責執佢自己o既遊戲機同雜物啦....

聽日一早, 我地就要開始我地o既螞蟻搬家大行動!!!!

重建家園 - 16: 埋尾喇!!!

由於琴日未砌好d 傢俬, 所以今日繼續做埋part two ....

除此之外, 我地仲約o左個裝修師傅上o黎開埋個煤氣煮食爐o既"loan", 因為上手業主係用電爐無火煮食, 我唔係太鍾意, 所以決定換o左佢.....可惜, 個師傅唔生性, 明明講o左話一早上o黎o架嘛, 結果到下晝兩點幾先到, 真係離晒譜!!!

反而, d 傢俬哥哥都算準時砌好晒所有傢俬喇!!!就咁望落去, 都算幾好樣啦....同d 圖都唔算有太大出入, 而且, d 材料望落都唔錯, 唔係用庶渣板, 不過, 當然有少少defects 啦, 但係我覺得都算係acceptable o既....

下晝, 就叫o左阿媽上o黎幫手抹下d 傢俬啦, 點知, 個裝修師傅整個廚房, 搞到好大塵, 費時o徙氣力, 我就同媽咪去大家樂食個tea 先....跟住, 買個外賣俾小倫, 媽咪就返屋企休息下啦.....

最後, 小倫安裝埋個洗手盤 就大功告成喇!!!!

左上: 就係我地o既書房連大衣櫃; 右上就係睡房;
左下: 就係客廳; 右下:係飯廳

睡房除o左張加高o左o既床, 仲有我o既靚靚梳妝台, 床尾有少少位置, 我地就做多一個櫃, 可以將d 床單掉晒落去...

書房就係全屋最複雜o既地方, 6呎o既大窗台就改o左做小倫o既書枱, 上面有一個有型書架, 右邊就有我o既display 櫃同埋我o既小小書枱, 我書枱上面就有一把吊櫃

小倫書枱o既左邊就係我地o既大衣櫃, 有差唔多8呎x 9呎咁大o架, 唔知夠唔夠放晒我地d 衫呢???

廳就簡單d, 因為間屋係呂字廳, 為o左有個大少少o既空間放電視同埋小倫d 遊戲機, 於是就做o左個5呎o既曲尺地櫃.

最後就到o左飯廳呢邊, 右邊o既係鞋櫃, 原先我地想做到上頂, 不過, designer 話因為有條"鎮"位, 做埋上頂其實無乜意思, 因為都放唔到d 乜, 鞋櫃o既直身灰鏡係用o黎對應返左邊o既飾物雜物櫃. 由於呢個櫃d 灰鏡砌到好似個C 字咁, 所以我地就叫佢做"C"字櫃喇....

搞掂晒d 傢俬, 夜晚我地兩個都唔可以暫時休息呀, 因為要快快手抹好晒, 又要打開d 櫃門, 吹下d 傢俬木味.總之, 今晚就好攰呀, 抹o野抹到手腳都好痛呀!!!!加上聽日仲要返工.....

雖然係咁, 見到間屋, 暫時都覺得唔錯, 比之前靚仔o左好多....

今晚, 好多謝阿羊入o黎大埔幫手, 佢o既幫助好有用呀, 最重要就係搬o左張餐枱同埋梳化呢兩樣大件o野, 亦都係我地唯有o既舊傢俬....

為o左答謝佢o既幫忙, 我地一齊去o左食糖水, 亦都俾個機會自己hea 下休息下, 因為實在太太太攰喇!!!

重建家園 - 15 : 砌積木

終於到o左最後階段喇!!!!

琴晚放工上去新屋, 見到間屋已經油好油lu, hmm....都算ok 啦, 顏色比早幾晚睇到o既淺d, 似返米白色喇, 不過, 真係睇唔到有任何o既灰色囉.

今日同聽日, 我同小倫都會放假, 因為呢兩日有好多o野搞呀!!!

首先, 一早我地去大埔墟街市食個美味豬扒麵先, 跟住去買埋d鎖膽同d 林沈o野, 就返上新屋做多少少清潔預備下晝o既大工程喇!!!第一樣送o黎o既就係個toilet 洗手盤, 原先o個個都好好地o既, 不過, 小倫覺得舊, 而且又唔襯d傢俬, 咪買個平平地換o左佢囉, 收貨後, 趁其他o野未到就先拆o左個舊o既出o黎, 運落去垃圾站掉o左佢先....

(其實兩個洗手盤係同款o架, 只係唔同色喎, 買o既時候都唔為意o添)

第二樣送o黎o既就係d 燈喇!!!!唔知點解, 個電話突然hang 機喎, 搞到收唔到電話, d 裝燈師傅好惡呀!!!個樣好似想講粗口o添!!!!於是, 我同小倫就兵分兩路啦, 佢就返過新屋睇住個師傅拆o左我地盞水晶燈落o黎, 安返原有業主o個盞普通燈上去, 我就負責o向新屋睇住另外兩位師傅安裝飯廳同兩間房o既燈.

(日頭未開o既樣)

(夜晚開o左o既情形, 左上: 客廳, 右上: 飯廳; 左下: 睡房; 右下: 書房)

我最鍾意就係盞飯廳燈, 揀o左好耐o架, 我覺得o向個玻璃球外繞鋼絲好型, 好modern; 另外, 睡房o個盞就勝在夠平, 簡簡單單.

搞好d 燈o既時候, 安裝寬頻o既師傅又o黎到喇....時間o岩o岩好!!!!

四點, 連d 傢俬都到喇!!!嘩 原來分開係有好多件o既, d 傢俬哥哥一次過搬晒上o黎, 由屋入面要預留位置for 砌傢俬, 所以佢地將所有傢俬都放o向走廊, 阻住其他人出入, 真係唔好意思.

好在, 佢地都算幾有品, 都識得好快咁先搞掂屋外o既傢俬先, 仲好有手尾咁, 臨走前會收拾好d 紙皮, 垃圾咁....不過, 因為實在太多o野, 一日砌唔完, 唯有明天繼續.