屋企今朝好熱鬧呀!!!首先, 有煤氣公司o既師傅o黎幫我地換過新o既煤氣錶同埋總制. 希望唔駛再漏煤氣啦!!!
跟住, 就到o左送個新o既梳化腳踏呀!!!加埋呢個腳踏, 令到我地張貴妃椅成功變身成為一張梳化床呀!第時有客人上o黎過夜就可以舒舒服服o訓喇..平時, 就可以單獨當係一張兩座位梳化, 人多o既時候可以有多d 位置俾人坐啦.
送走o左個送貨叔叔, 執好埋d packing materials, 洗衣機又到喇, 時間真係o岩o岩好呀!!!不過, 安裝o既時候又有小事發生o左, 就係個安裝師傅話原有o既去水o候鬆喎, 要俾$180 換過新喎, 由於小倫唔o向屋企, 我都唔知換唔換好, 個師傅又講到話如果唔換, 遲d 會漏水喎, 我見又唔係加好多錢o者, 就俾佢換啦....
事後, 小倫話其實呢d 都係一般o既師傅手法, 呢$180 係可以唔駛俾o架, 下次我會醒目d o架喇....唉, 又俾人坤o添....
估唔到, 突然Pingu 打o黎話運動人今晚想去打邊爐, 問我地有無興趣喎, 嘩, 有得食, 我地兩個又點會無興趣丫...
.
今晚, 我地去o左大角咀o既"骨煲皇", 之前都有聽講過話呢間好食, 但一直都未有機會試....果然, 運動人無介紹錯....胡椒豬骨湯底好正呀!!!!!食飽飽之後都忍唔住要飲下d 湯呀!!!!我地叫o左好多o野食呀, 有象拔蚌, 帶子, 大蜆, 牛柏葉, 炸腐皮, 牛肉粒, 蟹子墨魚滑, 什菌, 菜同埋四寶丸..........
沒有留言:
張貼留言