壞消息

今日將近放工o既時間, 收到一個好唔開心o既消息呀!!!

係關於一對好朋友o架....消息來得好突然, 令到我聽到都有少少眼濕濕, 簡直係unbelievable....

詳情唔可以向外公佈, 不過, 我好希望件事可以快d 有個完美結局啦~~~~

一年一度行書展

經過完一早咁刺激o既活動之後, 唔得, 好眼o訓呀!!!點都要o訓多一陣先~~~因為已經成個星期都開OT, 好累呀!!!

同媽咪食完o野, 就返上新屋 join 埋小倫一齊出去書展同人迫喇!!!!

都唔明, 平時都唔覺香港人咁鍾意睇書o既咩???咁鬼多人o既.....雖然我係一個文科人, 仲要學人讀Eng.Lit. 不過, 我唔鍾意睇書o架!!!或者以前睇得太多o掛, quota 用完lu....依家唔會有咁好心情同耐性對住本書咁耐, 每日o向公司已經對住大堆字o架喇, 放工唔好再俾我見到d 字啦....

今次書展, 總算meet 到我地o既target, 就係買旅遊書, 過期Wedding 同埋cook book 呀!!有本cook book, 唔駛成日都要諗住乜嘛, 求其揭一頁跟住煮就得, o岩晒我呢d 懶到出汁o既人呀!!

我的收穫:
2本mini books, 3期Wedding, 1本北海道, 1本東京旅遊書, 1本小菜王, 仲有1本張小嫻同散文(呢兩本書唔係我o架, 係小倫o架)......

正, o個個小狗plastic file 係送o架..

燈, 燈, 燈, 燈......

行o左好耐,  格o左好多次價, 連大陸都去埋, 終於俾我地買到一盞兩個都鍾意o既水晶燈喇!!!

話說星期日趕緊時間之際, 行過旺角, 望入一間鄗開o既燈飾店, 見到上次o向荃灣見過, 有d 心動o既燈,於是就衝入去睇下啦....

點知, 唔夠兩秒就俾老闆睇得出我地鍾意喎, 好, 就等佢開價啦....當然, 一開個價就麻麻地, 因為貴過荃灣....老闆再俾個八折先...唔, 價錢合理喇, 我就繼續扮猶疑, 想拉小倫走...老闆於是叫我俾我心目中o既價佢, 等佢睇下做唔做到, 咪玩啦, 咁蝕底o既o野我唔做o架, 萬一我開得高過你, 我咪蝕....

我打死都唔答, 等佢再俾多個價錢先, OK, 終於有個好抵o既靚價喇, 成交啦~~~係我見到o既最平呀, 真開心......

今晚, 我開完OT, 返到新屋就見到盞靚靚水晶燈喇!!!

個裝燈師傅仲好好咁幫我地set o左只開一半燈泡, 等燈光可以柔和d...

無聊搞搞震

最近無聊o向人地o既blog 到見到一樣新玩意, 於是自己又學下玩啦, 學人將d 婚紗相加d effects 上去.
大家睇下效果如何:

深圳半日遊

今日, 我地約o左呂氏伉儷, 準游氏伉儷, 一行六日上深圳行街街呀!!!

哈哈, 今日係我第一次搭深圳地鐵呀....當然唔可以同港鐵比較啦.....有一樣o野好趣怪o既就係, 張車飛呀...竟然係一杖膠籌碼呀, 入閘仲要"o都" o架, 出閘就要將杖膠籌碼入番去部機入面, 真搞鬼...

第一期的帳單

入o左伙咁耐, 最近終於收齊各類型o既statement, 有電費單啦, 水費單啦, 仲有煤氣單o添....

唔計所有o既deposit, 每個月o既支出都唔係好貴咋喎, 哈哈, 最出奇o既係, 我地唔駛交水費呀!!!!電費同煤氣費加埋都係差唔多一百蚊咋, 唔知算唔算貴呢??哈哈.....

總括o黎講, 都係買日用常品o既支出最多....

Meeting with ESD Friends - 0707 明目張膽鬼混篇

今晚放工, 我又約o左幾位11月o既好姊妹一齊去玩喇!!!今晚o既主打節目就係去買新睡衣for 上頭同著褂用呀, 不過, 我上次去 租褂時, 已經屈o左老闆娘送俾我, 所以我唔駛買, Yeah, 慳返!!!

我地一行人, (我, 咩咩, 小呆, 彩雀, 惜惜, 喬妹, 仲有阿茄). 一齊o向錦發到睇睡衣呀, 好在我地講價咋, 因為o個個阿姐d 價錢食水都幾深呀, 淨係講價都真係講到口水乾, 仲要我地阿咩咩出動軟硬兼施, 阿姐先肯用至抵價賣俾我地咋, 不過, 由於唔記得做資料搜集, 所以男裝睡衣一毫子都無得減.....都好丫, 我地o向錦發入面嘈到差唔多拆o左佢地間舖咁, 都叫做平o左好多呀, 不枉我地o徙咁多口水講價. 最後, 我地咁多人一共買o左五套女裝, 四套男裝睡衣呀.....

其實我想買褂鞋o架,但係我覺得有d 貴, 所以都係睇下先, 再揀下......

買完睡衣, 惜惜就要返去陪亨利lu, 所以得返我地六個去o左一間叫S Square o既cafe 食dinner 喇...當然, 食o野係其次, 睇小呆同喬妹o既濕柴相緊要啦, 簡直睇到我地嘩嘩聲呀!!!!影得靚之餘, d 濕柴多到瀉呀!!!!一個字 - 勁!!!

睇下阿咩條毛幾靚!!!簽名時都唔知會唔會遮住佢個樣呢??

嘩, 小呆條手鍊仲正呀! 閃到呢, 要帶超先得喇!!

仲有喬妹對金鈪呀, 好重手o架.......但係我帶就要帶到上手臂lu, 哈哈...

傾下傾下, 突然發覺已經十一點幾喇, 弊, 要趕返屋企睇Sam 哥呀....於是, 我地影埋大合照就四散lu....

唔知到我地結婚前, 仲會唔會出o黎聚下呢???好期待下一次o既約會呀

探訪新居 - 李氏一家

阿sa 同阿neth佢地一家人又搬屋喇!!!因為婧婧開始大喇, 依家又多o左個工人姐姐, 所以佢地由藍田搬o左去觀塘.....

阿sa, Phoebe 同格格都放暑假, 而我今個星期仲未要返工開OT, 所以就約埋一齊上去佢地新居喇!!!

約埋Phoebe 同Dowson o向APM 食個brunch, 爸爸就o黎車我地上去喇!!!

嘩,新屋好大呀!!!兩個廳好大, 三間房都唔錯呀!!!

八完間屋, 婧婧都o訓醒晏覺出o黎同我地玩喇!!!成個月無見佢喇, 真係好掛住...

今次見佢, 已經行得好好喇, 依家屋企咁大, 夠晒地方俾佢走來走去呀!!!有個做老師o既媽媽真係好, 連返play group o既錢都慳埋, 媽媽成日都同佢講故事, 唱歌仔, 真開心...婧婧好叻呀, Phoebe 叫佢拎本書, 佢識得拎o岩本書, 叫佢放番好原本個位, 佢又做到喎......

有得同佢玩, 哈哈, 我連麻雀都打少o左呀~~~

睇下, 佢幾乖, 坐定定o向我大脾度同我& Phoebe 一齊玩呀!!!

煮飯仔 - 1

今晚, 我地見去o左街街, 有d 時間, 又無聊無乜特別o野做, 不如玩下煮飯仔, 同個飯煲剪下彩先....
我同小倫兩個一齊整餸, 搞o左一陣就食得喇....
是日餐單有:
豉汁蒸排骨

焗雞翼

特別鳴謝阿羊送俾我地o既大焗爐呀!

三餸一湯完成圖 : 仲有竹笙粟米羹, 蒜蓉炒青通菜

原本兩個人係會食唔晒o架....最後,我地食剩o左半碟菜呀....

略嫌今餐飯煮得耐o左少少, 下次要快手d 先得喇!!

痴餐記

我地行完Citywalk,原先想去沙田行街街, 但係都見差唔多七點lu, 我又突然醒起Miu Miu 好似係星期二生日喎, 於是立即打電話俾佢o既秘書蘭子, 睇下佢地o向邊, 不如一齊食飯慶祝啦!!哈哈, 點知, 蘭子同Frankie 兩個已經o向H cube 上面等緊開飯喇, 我地兩個就梗係唔客氣衝上去痴餐啦!!!!

不過, 唔好意思, 竟然要臨近生日o既呂太煮飯o添....但係, 呂太廚房都幾靠得住喎, 好味道呀!!!果然日子有功呀! 結o左婚幾個月, 煮得一餐似樣o既飯出o黎招呼朋友!!我都要努力下先, 我要在此聲明, 我並唔係唔識煮飯, 只係我嫌自己煮得唔夠快o者, 平時阿媽煮一餐都唔駛半個鐘, 但係我仲未得, 要練習多d 先得喇.

今日有: 日式咖哩薯仔雞翼, 香茅豬扒, 斬料(燒鵝 + 燒肉), 蒜容炒生菜

蘭子仲親手整o左個flower box 送埋Miu Miu 呀, 好靚呀!!

Home Sweet Home - 5

哈哈哈, 我同小倫今日去荃灣行街制時, 我又忍唔住去買o野喇, 仲係繼續買家庭用品呀....好似上o左引咁, 一見到鍾意o既, 又要買o左返新屋o添...

我地先去Citywalk o既Franc Franc 行下, 見佢寫住Sale 喎, 睇下有無平o野執先, 都係睇唔o既on sales items, 只係買o左正價o既, 不過, 都好, 因為我有九折嘛, 都叫做平o左少少啦...

今日收穫:
table mat x 2,
Lavender bubble bath x 1 (不過, 我都係嫌d 泡泡唔夠多呀!)
toiletware x 1 (用o黎放牙膏牙刷)

臨返屋企前, 我地仲行o左一轉千色店o添, 哈哈, 當然唔會空手而回啦...

買o左一個特價o既rack, 可以用o黎放調味料

經好友, 呂太o既介紹, 買o左幾隻兜, 好抵呀, 十幾蚊一隻咋!!

Hi, 好耐唔見呀!!

今晚放工, 約o左我第一份工o既同事一齊出o黎食飯呀!!!!

我真係好開心呀!!!

除o左成日我都會見o既Cherry 媽媽之外, 同埋間中會見下o既"李壞人" 同查理斯之外, 仲有好耐好耐好耐無見o既Grace 同埋Anna 呀!!

想當年, 我地係同一個部門o架, 我, Cherry, Grace 同埋查理斯就係admin & HR o既, 李壞人就係account team o既....Anna 當年o既外號叫做"首領" o架, 因為佢係我地admin & HR o既manager, 雖然係咁, 佢份人係超nice, 又無格子, 無來都唔會管束我o既工作o架, 只係我得閒交待下我o既work progress 就得o架喇....

以前admin 又係我做, HR 又要做喎, 雖然係咁, 我都好悠閒o架, 平時主力都係返工傾計, 得閒除o左跟同事o既medical insurance, 計下假, 登下recruitment ad, arrange interview, 出下internal memo, 寫下公司interal policy之外, 一年最忙都只係搞下公司旅行同annual dinner. 不過, 做o左差唔多三年(兩年零九個月) 我就走o左喇, 因為我實在唔鍾意做埋呢d 濕碎o既工作, 又無乜重要性o既, 仲要成日幫公司, 老闆講好說話, 好難頂, 好似 明明自己個心都想有year-end bonus, 但係又要企o向老闆o個邊講話公司生意唔好, 大家要忍耐下, 今年唔出bonus....幸好, 我到依家都唔後悔當日轉工兼轉行o者..

睇返今日, 我地個個都已經離開o左呢間公司,大家睇番轉頭都係得啖笑啦....

今晚大家呢餐飯我覺得好開心呀!!!因為依家d 同事都唔會有以前呢一班咁好, 雖然個個都大過我, 但係佢地一直都好錫我o架!!!可能因為以前係細路女, 佢地就慣我掛....哈哈...而且, 我覺得佢地個個都好似無老過咁o既, 老o左o既只係我咋, 真係有d 唔開心o添..

我當然順帶同佢地宣佈我11月結婚o既事啦, 其實都只係差Anna 同Grace 兩個未知之嘛, 哈哈, 睇怕下一次我地再有飯聚o既時候, 就係我派帖o既時候喇!!!!

可惜, 我今晚掛住同佢地傾計, 而唔記得o左影大合照啦...真無用呀 >.<

入伙禮物

o向呢度仲要好多謝Patrick, Dave 同埋Angel 送俾我地o既入伙禮物呀!!!

  Patrick 同 Dave 一人送o左一隻PS 3 o既game 俾小倫, Angel 就送o左支香水俾我呀...好開心呀!!!都叫o左佢地唔好送o野俾我地o架啦, 咁熟都仲咁客氣