燈, 燈, 燈, 燈......

行o左好耐,  格o左好多次價, 連大陸都去埋, 終於俾我地買到一盞兩個都鍾意o既水晶燈喇!!!

話說星期日趕緊時間之際, 行過旺角, 望入一間鄗開o既燈飾店, 見到上次o向荃灣見過, 有d 心動o既燈,於是就衝入去睇下啦....

點知, 唔夠兩秒就俾老闆睇得出我地鍾意喎, 好, 就等佢開價啦....當然, 一開個價就麻麻地, 因為貴過荃灣....老闆再俾個八折先...唔, 價錢合理喇, 我就繼續扮猶疑, 想拉小倫走...老闆於是叫我俾我心目中o既價佢, 等佢睇下做唔做到, 咪玩啦, 咁蝕底o既o野我唔做o架, 萬一我開得高過你, 我咪蝕....

我打死都唔答, 等佢再俾多個價錢先, OK, 終於有個好抵o既靚價喇, 成交啦~~~係我見到o既最平呀, 真開心......

今晚, 我開完OT, 返到新屋就見到盞靚靚水晶燈喇!!!

個裝燈師傅仲好好咁幫我地set o左只開一半燈泡, 等燈光可以柔和d...