哈哈, 今日係我第一次搭深圳地鐵呀....當然唔可以同港鐵比較啦.....有一樣o野好趣怪o既就係, 張車飛呀...竟然係一杖膠籌碼呀, 入閘仲要"o都" o架, 出閘就要將杖膠籌碼入番去部機入面, 真搞鬼...
我地第一站就去到老街站轉的士去B&Q, 呢度o既B&Q 係好大, 不過, 唔係好o岩我地呀, 因為主要係賣建材o既, 而且好似香港o個間仲好款d....
跟住, 我地就行返去荀崗玩具文具批發行下, 呢度係一個樓高三層o既小商場, 主要都係賣文具同玩具, 當中都有幾間舖賣結婚o野o既, 不過, 真係唔好太高期望囉, 一般人講o既絲帶, 利是封, 紅絲帶, 囍字貼都有得賣, 連紅遮, 羽毛筆都有, 不過, 款式唔多囉....
行完荀崗, 我地就過埋隔離行埋百合隆喇, 呢個商場仲無o野睇過荀崗o添....哈, 行o左唔係好耐o者, 只係有11點幾行到2點幾,但係大家都已經好肚餓lu, 於是就去搵o野食啦....見到隔離o既帝豪酒店鬼咁大隻字寫住lunch buffet 都只係$35 / 位, 我地就衝入去啦, 點知, 已經差唔多無o野食lu, 唯有轉移陣地啦...
唔知行多幾耐, 俾我地見到一間北京餃子店喎, 大家都好有興趣, 覺得應該都穩陣, 唔太難食o既, 結果我地六個人叫o左5個餸, 3款餃子呀, 結果, 大家梗係食到咀lam lam 啦, 哈哈.....直情係碟碟清呀!!!估唔到, 埋單都係抵都喊呀, 只係盛惠RMB157 咋.....
醬燒茄子:
華強北路o既感覺比荀崗先進好多呀, 四圍o既建築物都比較modern. 我地繼續向目標出發喇, 我地o既目標係乜????哈哈, 就係俾 X-cable 老點我地去搵深圳Franc Franc 囉.......個主持人聲稱o向地鐵站行15分鐘就到, 結果我地都唔知行o左幾多個15分鐘喇. o向我地差唔多要放棄o既時候, 竟然間舖就出現o向我地面前喇!!!!hmmm.......其實, 呢度o既products 都唔差o既, 唔似大陸貨, 不過, 價錢竟然同香港買o既差唔多, 唔能夠吸引我地大量入貨, 如其o向樹買, 我不如返香港o向Franc Franc 買.....最後, 我地只係買o左個平平鐘走人, 只係RMB49 咋......
唔通我地真係年紀大o左好多???行下咁快就攰到咁??
是日收穫:
入帖o既利是封 300個 ($2/8個);
紅絲帶一卷 $5
時鐘 :$49
沒有留言:
張貼留言