痴餐記

我地行完Citywalk,原先想去沙田行街街, 但係都見差唔多七點lu, 我又突然醒起Miu Miu 好似係星期二生日喎, 於是立即打電話俾佢o既秘書蘭子, 睇下佢地o向邊, 不如一齊食飯慶祝啦!!哈哈, 點知, 蘭子同Frankie 兩個已經o向H cube 上面等緊開飯喇, 我地兩個就梗係唔客氣衝上去痴餐啦!!!!

不過, 唔好意思, 竟然要臨近生日o既呂太煮飯o添....但係, 呂太廚房都幾靠得住喎, 好味道呀!!!果然日子有功呀! 結o左婚幾個月, 煮得一餐似樣o既飯出o黎招呼朋友!!我都要努力下先, 我要在此聲明, 我並唔係唔識煮飯, 只係我嫌自己煮得唔夠快o者, 平時阿媽煮一餐都唔駛半個鐘, 但係我仲未得, 要練習多d 先得喇.

今日有: 日式咖哩薯仔雞翼, 香茅豬扒, 斬料(燒鵝 + 燒肉), 蒜容炒生菜

蘭子仲親手整o左個flower box 送埋Miu Miu 呀, 好靚呀!!