2011年最後的午餐

今日終於都輪到見另一pair 好朋友喇 -- Pingu 同運動人!!!!

Christmas 大家都忙住要去不同o既Christmas Party, 所以, 要到今日先至大家有時間約埋一齊見個面, 食個lunch.

今日我地去食Ruby Tuesday, 大家開懷暢食, 傾下計, 真係好開心呀!!!!

Afternoon Tea wtih Maggie @ Cova

Christmas holiday 過O左, 但係我今日依然放假, 因為我要clear d OT 補假, 加上Maggie 返o黎我都仲未同佢食飯, 所以我約O左Maggie 一齊去Cova 食個靚 tea.

原本我地打算去Ritz Carlton O既Chocolate Library 食tea, 但係見openrice o既comments 麻麻地, 所以放棄O左.

其實, 大鄉里O既我只係食過Cova O既蛋糕, 但係就未試過坐低食tea.

Christmas Gatther 2011 & 聖誕卡通薑餅

今日輪到去同婧婧, 心心, 信信佢地一齊開聖誕party.

早前O向淘寶買O左一堆卡通公仔o既曲奇印模, 一於趁今日同班小朋友開Christmas Party 整D 曲奇俾佢地試下.

時間關係, 今日好趕, 為O左唔好遲到, 所以, 用O左我O向團購買O既薑餅set, 都幾抵丫, $49有埋材料, 同埋一個小小O既薑餅人cookie cutter.

小寶貝滿月了!!!!

時間過得好快, 小寶貝滿月喇!!!!

佢媽媽今日申請O左去同爸爸出街, 拍下拖, 所以, 今日湊bebe O既責任就落O係我同小倫身上喇.

嘻嘻嘻.....其實我一D 都唔介意O架. 我好鍾意湊bb 呀, 尤其係new born baby, 抱住佢地好開心. 即使要我開奶換片, 我都唔 mind O架.....

成個下晝, bebe 都好乖, 唔扭計, 咪話我賣花讚花香, bebe 都算幾好湊, 唔喊, 又唔扭計, 亦都唔會扭抱, 只係唔多鍾意飲奶, 餵奶係最O徙時間O者.

由佢一出世返婆婆屋企開始, 我地事先講好o左, 唔可以成日抱住bebe, 更加唔可以抱住瞓, (不過夜晚除外, 夜晚通常都係我負責抱住佢一陣, 大約15分鐘至半個鐘, 佢一瞓o左, 就放佢返床仔, 或者high chair). 目的係要俾佢知道, 唔可以一喊就有人走埋去抱佢, 又可以習慣自己瞓覺覺豬, 暫時呢個方法都幾wor.

(bebe瞓o左真係好甜!!!!!呢個衰人舅父仔, 見到女仔就流晒口水, 成日同我爭抱bebe)

今日係bebe 滿月, 不過, 佢爸爸媽媽都唔打算大搞喇, 始終bebe 太細, 我都唔贊成擺滿月, 尤其係去酒樓擺O添. 又嘈, 又多人, 唔應該俾bebe 接觸咁多細菌, 加上一個月O既人仔, 乜反應都唔識, 擺佢上枱, 有D 無謂. 所以, 今晚我地決定唔出街食, 加上大時大節出街食, 人又多, 又貴, 又要趕住交枱.

簡簡單單O係屋企食下蛋糕同sushi 都唔錯丫.

話晒都係滿月, 又點少得同bebe 影第一張全家福留念呢!!!!

另外, 今晚收到敏敏同堅堅送俾我O既聖誕禮物, 真係好surprise!!! 就係Miu Miu 銀包一個, 雖然係好開心, 但係真係有D 唔好意思囉, 幾千蚊一個銀包, 實在太重禮喇.

Free Units & Friends 2011 Christmas 派對

又到O左一年一度O既Free Units & Friends 聖誕狂歡之夜喇!!!

繼舊年我地去O左羊宅開P, 今年我地O既Free Units & Friends 改變地點, 決定去打擾呂宅呀.

自從佢地搬O左新屋之後, 我地都未上過O黎搞搞震.

聖誕蜂蜜薑汁辮子環

經過上星期試味, 今晚一於一放工, 食飽飯就開工, 預備聽日公司Christmas Party O既包包喇.

基於上星期試過加少少薑汁去蜜糖包O既效果唔錯, 今晚一於加重份量.

所以, 自己匿埋O向廚房, 密密切, 密密磨, 終於磨好成大舊薑喇, 可以開工整包包喇.

今次O既idea 係來自"肥丁手工坊 ~ 辮子花環麵包", 呢個造型好靚, 一於抄參下佢O既做法啦.

用麵包機搓好麵糰之後, 大約步驟都係跟返肥丁咁做, 到要結辮子O既時候, 就叫埋小倫出手. 一齊做好.

心神恍惚芝士香草包 (Parmesan Oregano Bread) - 2nd attempt

今晚放工, 心大心細, 究竟返唔返去睇bb 好呢??????但係又想趁小倫唔o向屋企, 自己一個人執下屋企喎......最後, 都決定放棄bb, 自己一個人行下喇....呢個就係唔生bb o既好處喇!!!!自由時間多d, 唔駛一放工就要仆返屋企湊b.

心中一直猶疑緊好唔好買樽ground ginger呢....事關我依然覺得為o左整一個包要買一樽ground ginger返o黎擺, 好o徙咁.....無錯, ground ginger 仲可以用o黎整薑餅人, 但係整薑餅人仲煩, 除o左呢樣, 仲要加其他香料, 例如丁香, 肉桂, 豆蔻, 樣樣都只係用少少, 一年先整一次, 唔想浪費. 行完City Super無收穫, 再行埋Market Place 就返屋企喇.....

得一個人唔知食乜好, 於是去 Pizza Hut買o左個一個晚餐返屋企食. 等緊外賣o既時候, 去一田行返過圈先, 再望下ground ginger o既價錢, 點知仲貴過City Super....所以, City Super 賣o既o野唔一定貴, 加埋有95折, 分分鐘仲會平d o添.....

古惑的咳

今晚真係撞鬼咯~~~~差唔多放工前, 突然間有兩聲咳喎, 仲要唔係喉嚨痕咳兩聲就算o個隻喎, 係咳到差唔多透唔到氣o個種呀!!!!坐車返大埔途中, 又突然咳到死死下, 嚇死晒附近d人......

因為小倫要出trip 去澳門3日2夜, 所以今晚只得我一個人返去奶奶屋企食飯, 主要目的係為o左見bb 呀!!!返到去bb有d 肚餓, 未瞓得著, 於是我就幫手餵佢食奶奶同掃風啦!!!!hohoho 小倫出o左trip, 就到舅母我, 獨霸bb 喇 !!!!!!見佢有d眼瞓, 就放返佢落床仔啦.......其實我唔多想o架, 梗係想一直攬住佢唔放啦....弊喇!!!!竟然又開始咳喎, 即刻走出房, 匿埋一二邊咳啦......洗完手, 就要幫手開飯喇!!!!

差唔多時間食飯, 呢個曳曳豬都唔肯瞓, 所以, 我地就試下放佢落去high chair, 俾佢習慣下, 又可以陪住我地食飯. 起初都唔錯, 佢肯自己玩, 踢下被.....呢個人仔一個月都未夠, 竟然可以咁百厭, 大o左都唔知點算咯. 不過, 餐飯都未食完, 又扭計喇!!!!bb真係愈來愈扭計喇!!!!可惜, 我食食下飯, 又開始咳喇!!!!死火, 為o左唔傳染俾bb, 一食完飯我就要走喇!!!!無得再同bb傾計.....嗚嗚嗚~~~~~

真討厭!!!!返到屋企就已經無再咳喇!!!!!激死我!!!

今晚o向返屋企途中, 又再遇到阿蟹呀!!!!好開心呀!!!好耐無見佢喇. 星期日晚撞到, 都無機會傾計, 今晚有少少時間大家停低, 傾o左差唔多半粒鐘至走呀!!!呢個係我少數同我好好感情o既中學同學, 即使大家平日甚少聯絡, 但係一見面都唔會覺得生補, 好多o野傾......我真係一個怪人, 讀書時代, 無女仔同學做到好朋友, 只可以同男仔做朋友!

古靈精怪蜂蜜薑汁包

上星期部門食annual dinner 時, 有同事提議叫我Christmas party 不如試下整薑汁包, 應下節, 就係咁, 我思索o左幾日, 又上網search下, 究竟有無人做過呢. 可以點做呢??Available o既食譜比較少, 就算有, 都係用薑粉o既, 即係用o黎做薑餅人o個d薑粉. 不過, 我無薑粉呀, 但係又唔想為o左整一次要買一包薑粉返o黎, 只係用幾gram o者, 買一包好o徙呀....於是又上網search 下有無人用新鮮薑汁, 仲少人咁做.

忙裡偷閒 Shopping Day~~

由今個星期開始, 以後小倫有更多星期六可以陪我喇!!!話說佢起初係每個星期六都要返工o既, 早幾年, 佢爭取長短週, 今年佢再同老闆娘傾, 話以後不如輪流啦, 每個weekend只需要一個同事返office, 另外搵一個做standby 啦, 咁樣大家每個月有多一日假期呀!!!

自從bebe 出世之後, 連我地都忙碌o左好多, 少o左時間休息, 難得今日終於無其他任務, 可以瞓晏少少喇, 雖然已經瞓到12點先起身, 但係都仲好似唔夠瞓咁. Call o左媽咪過o黎屋企樓下o既稻香飲個下午茶之後, 我同小倫就趕住去沙田喇. 時間關係, 太遠o既地方去唔到, 唯有行沙田啦....我鍾意行新城市廣場o架, 我鍾意買o既牌子都差唔多有齊, 又有一田, city super, zara, H&M 同Marks & Spencer. 我地o既shopping time 只得3個鐘咋, 所以好趕呀!!!都唔可以細心咁慢慢行, 睇下o野, 最後買o左份生日禮物俾細佬, 同埋幾份聖誕禮物咋. 估唔到未到Christmas, 商場已經咁多人喇, Muji排隊俾錢o既人龍最少有50人呀, 連Uniqlo都係大排長龍呀, 真係誇張!!!

最後, 我地都係決定返大埔先去Uniqlo買o野喇, 再買埋餸返去奶奶屋企, 今晚我地提早做冬呀, 唔駛等放工趕頭趕命咁返o黎. 不過, 因為今年有bebe o既存在, 奶奶唔得閒煮咁多餸, 所以做冬唯有簡簡單單就算lu.....可能bebe 知道今晚我地做冬呀, 所以好乖, 放佢O向high chair 瞓覺, 我地可以安安樂樂食餐飯. 我兩晚無見過bebe 喇, 有d掛住佢o添, 唔知點解, 每次我返到o黎, bebe都特別乖o架 (傻婆, 又成日幻想)  而且, 我抱住佢, 佢會眼仔碌碌咁望住我, 好得意呀!!!明明人地仲咁細個, 仲係大近視一名, 睇唔清楚我O架喎.....哈哈哈

食完飯, 又輪到我抱住bebe 嘅時間喇, 因為佢阿媽同阿婆要爭取呢段時間小休片刻, 直到我返屋企, 佢地就要起身當夜班喇.

差唔多11點我地就要放低佢, 我地返屋企喇. 跟住又開工整包包lu~~~What's a busy day!!!!

無無聊又去整餅 : 朱古力蛋白脆蛋糕

尋晚一放工就滾水淥腳, 夠鐘閃人. 因為先要去地鐵站交收, 賣o左bb o個3罐奶粉俾分行同事, 幫補下d尿片錢!!

跟住就等埋Maggie一齊去油麻地二仔記上堂, 我地兩個盲毛, 無睇清楚就跟人搭lift 上, 上o左去8樓門市部, 嘩, 駛唔駛咁多人呀!!!   好似淪陷咁, d人多到迫都迫唔到入去. 原來上堂學整cake 係上10樓喎.

我地兩個算早到, 所以揀o左第一排o黎坐, 近d望得清楚d丫嘛!!!!kekeke.....差唔多人齊就開始喇!!!

綠茶紅豆麵包

尋日整完黑芝麻包之後, 我o既捧場客之一o既同事, (即係上次好有心咁送o左張百佳coupon 俾我sponor 我買粉o個個), 話好耐無食茶紅豆包, 所以, 今晚雖然好鬼死攰, 但係都要整呢款包氹下佢啦.......

放工返到屋企攰到無力呀, 所以要先小睡一陣先, 9點幾至起身, 食完飯返到屋企, 即刻煮紅豆, 好在小倫放工返到屋企事先已經幫我浸定d紅豆, 不過, 都係唔夠時間, 所以, 要煮好耐, 差唔多煮o左5分鐘d紅豆先至開始軟身.

黑芝麻麵包

 今日又再試新o野, 登登登登.....就係黑芝麻包包喇!!!!

上星期放假o既時候, 已經試做過一次, 不過就因為黑芝麻粉o既份量唔夠多, 所以只聞到味, 但係食落無味! (失敗!!!!)

有見及此, 今晚再接再厲, 重手d, 一於落夠4tsp o既黑芝麻粉, 所以, 今次o既芝麻味就出好多喇!!!今次, 我又想學人o向個麵糰發酵完拎出o黎摺下, 再放返入機焗. 可惜, 我計錯時間, 都唔明點解我d數口可以差成咁o架....以為已經完o左最後一次stirring, 等緊最後一次發酵o架啦, 咪拎出o黎摺啦, 點知, 當我捲好放返入機o既時候, 先至開始最後一次stirring.......唉, o徙晒我d心機呀!!!!走晒樣o添!

不幸中之大幸o既就係, 個包包出o黎個樣唔算太樣衰, 尚算四四正正,唯有下次再努力過啦~~~~

我的小寶貝出世喇!!!!

大家睇到呢個標題, 千祈唔好誤會, 唔係我個bb 出世, 個bb 係小倫妹妹O架! 應該恭喜佢至O岩.

由於下星期一我要出board papers for O黎緊12月O既Board meeting, 所以, 今日係bb 出世O既大日子, 一向事業為重, 唔多顧及親情O既阿姐, 梗係唔俾我請full day 去醫院睇bb 啦, 最多只可以放half-day.

一早返到公司, 我已經開摩打手努力工作啦, 點知, D O野做極都做唔完, 阿姐仲要死催爛催.

另一邊箱, 小倫不停whatsapp 我, 佢梗係去做現場直播啦, 小倫好得錫佢個妹O架, 加上佢又好鍾意bb, 所以一定會去等第一手消息啦. 不過, 事前醫生已經話, 成個過程好快, 只需要15分鐘就可以O架喇, 唔駛擔心. 一向都係緊張大師O既小倫, 見個妹15分鐘後都未出O黎, 又驚喇, whatsapp 我, 問我點解會咁耐O架, 好擔心咁話喎, 我又唔係醫生, 又唔O向個手術室入面, 點知咁多啦, 唯有安慰下佢. 過多5分鐘, bb 出O黎喇, 哈哈哈, O岩O岩出世O既bb, 成舊飯咁, 不過, 好百厭呀, 識得伸隻手指仔出被仔喎.



我真係好想去現場睇住佢呀!

我O向公司愈急, 我阿姐仲係打斷催我喎, 我又唔係放好多日假, 只不過係放半日O者, 唔駛咁緊張下話. 於是, 我發脾氣, 連lunch 都唔想, 做晒D emails 俾佢啦, 做到差唔多兩點, 佢好好意思咁走O黎問我喎, 乜你唔係放下晝咩.....我真係氣頂呀. 好負氣呾答佢囉, 唔放喇, 咁晏, 點去喎, 你又話多O野做丫嘛.

今日O向公司, 簡直係渡日如年呀!, 終於等到放工, 9秒9咁即刻走人啦, 去到太子, 立刻飛的去St Teresa, 好在, 事先, 已經拎O左籌排隊有得睇bb. 場面好搞笑, D 大人個個隔坐玻璃咁同bb笑, 但係入面D bb個個都係瞓緊覺, 直頭係"睬你地班大人都傻O既"....睇完BB, 就去同敏敏傾下計啦, 見佢都幾精神, 問佢傷口痛唔痛, 佢話可以D 藥力未過啦, 唔覺得痛.

都係私家醫院好, 唔駛限住D時間, 可以有多D 時間睇bb, 而且, 家人又可以陪住耐D, 唔駛得個產婦一個人孤令令O向布ward 入面. 尤其係好似我呢人咁O既人, 又怕痛, 又怕悶, 一定要成日有人陪O向身邊至得.

真係好想快D 可以抱住bb 呀!!!

夜D到我去睇佢, 已經好醒目喇, 仲學人單眼O添, 正一八厭妹~~~~

一口菠蘿包

尋晚漏夜, 我同小倫食飽飯無O野做, 決定向菠蘿包挑戰.

事先同小倫大約解釋整個做法, 所以, 佢決定連飯都唔煮喇, 慳返D時間, O向街食個quick dinner, 就快快手開工喇.

走粉記

由於呢幾日都尚算勤力整包, 所以D 高筋粉用得好快呀. 星期六日行supermarket, 都買唔到我用開呢隻粉. 問過店員, 話未知船期幾時返貨, 灰.......

因為我阿姐佢都鍾意整麵包, 而佢又係用呢隻organic 粉, 所以叫佢幫我睇下佢屋企樓下, 奧海城間百佳會唔會有啦, 點知都係無貨.

提子合桃麵包

今日又繼續試新o野, 就係提子合桃麥包喇. 夠晒健康呀....不過, 呢兩樣材料我都唔鍾意O架, 我都唔食呢提子乾同埋合核O既, 所以呢一機包係送俾人O既.

今次呢一機係整俾小倫爸爸, 即係我老爺食o既, 因為呢部象印麵包機係老爺送俾我o既........點都要回饋一下啦.....

香噴噴的蜜糖包

休息o左兩晚, 尋晚又再試新味道喇....今次o既新口味就係蜜糖包喇.....

平時去BBQ 其中一樣我最鍾意o既食物就係蜜糖方包喇!!!諗起就想去燒烤喇...好耐無去過lu....

麻鬼煩o既我, 就算要買普普通通o既一樽蜜糖都要左search 右search, 搵o左一輪, 上網見有人話原來唔係所有蜜糖都可以入焗爐喎. 結果, 見有人話價真棧有一隻蜜糖唔錯, 於是上去o個間公司o既網頁查下啦....雖然無講明, 但係見佢o既suggested recipes 都有用呢隻蜜糖整cookies 之類, 咁即係可以入得焗爐啦....yeah.....

早有預謀的香蕉牛奶包

今日再試用象印麵包機整第二款包包, 就係香蕉包包喇.....點解呢個叫做早有預謀香蕉包呢, 因為要事先留起一隻香蕉, 等佢熟, 起點先可以整呀!! 對於喜好食比較生o既香蕉o既我o黎講, 要留起隻蕉係有d難度o架......我為食丫嘛....通常買香蕉返o黎, 好快就比我食晒o架喇!!!! wakaka.... 懶到出汁o既我地, 香蕉基本上係我地屋企出現最多o既生果喇....香蕉有營養, 而且方便, 唔駛切又唔駛洗, 方便快捷.

北海道牛奶包 - first attempt

尋日開始, 敏敏開始放產假喇, 所以就暫時搬返o黎大埔住. 等佢安頓好, 我地一齊去迎喜飲個中午tea 喇, 哈, 估唔到我地埋單走o既時候, 見到kiu 妹同kiss 返大埔同佢老爺奶奶飲下午茶喎, 真係"橋"喇!!!

跟住, 我地又再滾水淥腳返屋企喇. 因為我地想整麵包俾敏敏聽日做早餐呀!!!可惜, 整麵包呢樣o野, 並唔係你心急, 想快就得. 一定要預時間俾個麵糰發酵.

今次, 我想試整o既包包叫做"北海道牛奶麵包", 因為我怕死, 驚有輻射, 唔敢用北海道3.6 牛奶, 只係用普通o既屋仔奶就算啦.

第一次幼稚園旅行

今日又再放多一日假, 因為我答應o左晴晴今日陪佢去學校旅行, 每個小朋友有4個quota, 帶埋家人去, 所以除o左我同晴晴, 仲有晴晴爸爸同埋我媽媽一齊去喇. 雖然呢個combination有d 古怪, 但係最緊要晴晴開心o者.

學校9點鐘集合, 所以都唔可以瞓晏d, 叫醒埋小倫, 一齊返去同晴晴食早餐先返學校. 今日係晴晴第一次參加學校旅行呀!!!!同平時一樣, 即使今日去旅行, 慣o左夜瞓o既晴晴, 都唔見得醒神o左去邊, 依家都係未瞓醒, 食早餐o既時候, 依然係懵下懵下.....

工欲善其事, 必先利其器 (下篇) - 象印麵包

放o左兩日假, 一返工又掛住吹下水啦, 熱門話題梗係又講下大家o個部麵包機啦.....正當我呢個發起人都仲未知我個新歡幾時肯入宮之際, 事關我負責關其他同事碌卡買麵包機, 而我另外搵敏敏幫我搵supplier 直接攞貨, 所以我d同事已經收到機, 而我未有喇. 將近放工o既時候, 敏敏whatsapp 我, 話我部都麵包機已經送到喇......

於是, 我梗係以9秒9 o既時間執o野, 一夠鐘放工就即刻閃人啦~~~~~
拿拿聲趕去迎接我部新o既麵包機呀!!!!話機雖然俾上次部kenwood 輕少少, 但係, 講真真係幾重, 好在唔駛行好遠就到巴士站喇.......而且, 對我好好o既小倫, 亦都o向巴士站接我, 等我唔駛自己一個女仔拎住部機行返屋企!!!!!

結婚三週年

一如以往, 我地今日拎o左annual leave, 不過, 今日天氣唔好, 落雨呀, 搞到無心情四圍去喇, 原先想今晚去ICC 食飯, 既然天氣唔好, 有靚景都睇唔到啦, 不如唔好去.

加上, 尋晚去完飲, 有d 攰, 索性今日休息下.

下晝, 我地出去油麻地, 行下o個d 專賣廚具, 烘焙工具咁, 不過都唔係好睇得o岩.

跟住, 再行下旺角, 好似好耐無出o黎行街咁.

呢幾日, 中餐又食o左, 西餐又食o左, 諗唔到今晚慶祝飯食乜好, 一於去食大閘蟹啦....

哈哈哈, 超古怪, 邊樹有人結婚週年去食蟹咁唔romantic o架!!!!!

舊年試過去東海食, 今年一於試下鴻星啦, 反正大家都話, 今年d蟹唔係好靚, 去邊間食都係差唔多.

由於今晚有人擺酒, 所以full 晒, 好彩下晝打o左電話訂枱咋!!!!

如果要求唔高, 其實今餐都ok o既. 蟹唔算特別肥美, 雖則話有5兩幾, 但係d 膏同我上次團購買牧牛湖o個3兩半多少少咋.

熱葷o既味道唔錯, 不過頭盤就孤寒d囉, 蟹粉小籠包只得每人一隻, 舊年東海每人有兩隻o架!!)
但係個蟹腿玉帶羹就唔錯, 幾好飲!!!
仲以為甜品會有薑茶湯丸o添, 點知係紅豆沙喎, 可能因為今晚有人擺酒啦!!


每人有3隻蟹, 分別係兩公一乸, 明顯乸係細隻d o架.....

今年O既週年禮物, 又係水晶bear bear 一隻.......

呢隻叫做blowing kiss~~~~~希望我地會繼續儲落去啦

Eppie & Howard Wedding (上, 下集)

今個weekend 好忙呀, 因為參加o左一個分o左兩日舉行o既婚禮.

星期六一早起身就要扮靚靚, 要出發去上水馬會雙魚河鄉村會所參加小倫o既表弟o既婚禮. 好在我地住大埔咋, 由大埔去上水都仲係近, 火車站坐多30蚊的士就到, 不過, 假如由九龍o黎o既, 就真係遠o左d 喇......

當然, 要有優美o既環境, 又真係要付出代價o既.

由於主人家早一晚已經book o左幾間房o向樹過夜, 兼且今日上晝進行埋接新娘同入門儀式, 一take 過都幾方便丫!!!!所以, 我地入到, 可以先入去主人家事先安排o既房間休息呀, 大家影下相, 等到夠鐘敬茶先至參與.

做好晒所有屋企儀式, 就出去大草地, 一齊見證一對新人o既註冊儀式喇.....大家排排坐......Reception 大家簽名留念, 今次有新o既idea, 並唔係普通o既簽名冊, 而係大家o向有齊各人曾經同一對新人影過o既合照當中搵返自己個樣, 大家可以o向相簿空白o既位置簽名同埋寫低d 俾新人o既說話, 幾有心思!!!

整個註冊儀式簡簡單單, 之後影完家族大合照, 我地就拿拿林走去refreshmen counter 拎杯冰凍可樂降下溫先......跟住, 就一齊閃返入房休息, 等到夠鐘開始lunch buffet 至再出去. 幸好我地勉強都算係半個主人家, 可以入去間房度抖下咋, 如果要o向戶外留咁耐, 真係頭都暈埋呀!!!!

差唔多一點鐘, 午宴開始喇....呢個婚宴o既上半part 係西式, 所以今日o既午宴食西式buffet. 雖然呢度o既食物好好, 服務亦都好週到, 但係天氣實在好得有點過份, 陽光燦爛, 萬里無雲,  所以, 坐o向outdoor 食o野, 好辛苦, 曬到胃口都無埋呀.......

婚宴大約3點就完結, 我地一家人就坐的士直接返大埔喇......返到屋企, 沖個涼就要o黎個午睡, 因為實在有輕微中暑呀!!!

搞戶外行西式婚禮, 有陽光, 有草地, 確實非在浪漫, 一直都係我O既夢想, 當年自己結婚, 唔能夠搞, 今日有機會體驗下都幾好. 原來理想同配實係有一段距離O架喎, 所謂"好睇唔好食". 個feel好正, 但係其他人, 除主角以外, 都幾辛苦O架.....其中一樣, 就係我著住對高踭鞋, O向草地行, 簡直係舉步唯艱呀, 因為一企定, 再行下一步, 對鞋踭就已經好似插秧咁插入O左草地, 要拔返起再行下一步, 好攰呀, 又唔行得快, 我份人又心急......

星期一晚, 繼續是次婚宴O既下集!!!我呢個大鄉里, 第一次去Peninsula 飲咋...heehee.....
不過, 原本入面並唔係想象中咁樣, 入面o既裝潢並唔係好豪華, 不過係屬於Classic o個d style.

今晚呢個婚宴唔似星期六o個日咁, 只係招呼新郎新娘兩邊o既屋企人, 所以只係得10圍. 我地去到o既時候, 主角正o向樹照緊相, 我地就留o向reception area 影下相. 等到佢地影完相切蛋糕, 我地就開餐喇.......

趁佢地斟茶o既時候, 我, 小倫, 同埋小倫妹妹, 妹夫, 一齊打麻雀. 好耐無打過喇................

由於人少o既關係, 今晚o既晚宴好準時開始. 整晚大家都好安靜咁享受食物同環境, 真係舒服!!!!





成餐飯味道好好, 但未至於好有驚喜, 不過, 食得出d食物o既quality 好好. 當中, 我最鍾意係甜品 -- 楊枝甘露, 超出色!!!!

工欲善其事, 必先利其器

小倫見我咁有心機同部麵包機玩, 有時都會用我facebook account 入去個麵包機新手區入面學下O野.

佢見到有人介紹個麵包切片器, 深感興趣!!!

今日, 佢趁lunch time 同同事去O左mega box 行 l love kitchen, 去睇麵包刀, 佢梗係有睇中O野啦, 之但係i ove kitchen D O野咁貴, 雖然係好O野, 但係確實out budget 喎, 扭計要買扎五百幾蚊O既麵包刀, 仲大大聲咁話"工欲善其事, 必先利其器", 我真係俾佢激死呀!!!連我Ｄ同事聽到我講電話都笑佢呀！！（我公司係坐open plan, 所以基本上係唔可以傾電話講秘密的, 人人都會聽到你講電話O架!!)

努力嘗試 - 芝士方包

今次再接再厲, 又繼續玩下部麵包機, 試下跟facebook O既高手提供O既芝士方包recipe 整. 估計味道應該唔差, 焗O左O既芝士一定會好香O架喇.....

綠茶麵包 + 迷你腸仔包

古語有云, "新c 坑有三日香", 貪新鮮o既我, 經過上次o既牛奶白麵包受到同事o既正面o既comment 之後, 又再計劃整第二款喇....

當中有人suggest 綠茶麵包, 一於又試下啦, 事關呢款比較容易, 而且屋企又有上次咩咩送俾我o既綠茶粉.

星期六晚, 去完沙灘玩, 雖然已經好攰, 但係又手痕, 決定快快手整麵包啦.

不過, 又係差唔多十點先開機, 結果, 等埋出爐, 放涼, 切包, 又兩點幾三點先瞓喇....

馬灣沙灘初體驗

尋晚放工, 返o左去媽咪度, 陪晴晴玩o左一陣, 就應承佢, 如果佢今日唔駛返媽咪度, 我地就帶佢去街玩.

所以, 今日, 等埋小倫放工, 就返去媽咪屋企湊晴晴一齊去馬灣行下喇.

從天而降的新玩具 - 麵包機

其實我心思思想買麵包機好耐好耐O架喇.......不過, 隔一段時間, 就會有新O既玩意出現, 而淹沒O左我對麵包機O既熱情.

不過, 最近, 麵包機成為身邊O既人O既熱門話題之一, 搞到我個心又再"羅羅鬈"喇.....

基本上, 我係好想買市面人comment 較好O既象印麵包機, 但係, 貴為寒底組O既組員, 梗係唔捨得買咁貴啦. 但係, hsbc 信用卡依家又無得用獎賞錢平平地換部kenwood 麵包機玩下喎, 如果出街買, kenwood 都要差唔多千五蚊, 一D 都唔俾象印平....

Yahoo Blog Update 超唔慣呀!!!

從來我都係一個唔多願意接受新事物O既超級老土精, 所以, 今次yahoo blog 唔到最後關頭我都唔肯去upgrade.

Upgrade O左之後, 當然就係睇唔順眼啦, 而且, 好多function 唔曉用, 又唔曉搞D setting, 又唔明白點玩.....

好唔鍾意呀!!!!

白酒煮青口

基本上, 大部份o既海產我都好鍾意食, 而白酒煮青口就係其中一樣我好鍾意o既菜式.

成日行過一田supermarket 都見到有細細隻o既藍青口, 好想買o黎試下. 尋日反正煮西餐, 所以一於試下整.

其實過程好簡單, 只要將所有o野用"一鑊熟"o既方法, 就搞掂o架喇.

我們的第一個10週年紀念

今日又到o左一年一度o既國慶假期, 普天同慶, 大家唔駛返工.

不過, 今日對於我同小倫o黎講有另一重意義, 因為今日係我地o既拍拖暨求婚紀念日. 雖則話已經結o左婚, 應該只係慶祝結婚紀念日就算, 之但係, 我地o既生活實在太過平淡喇, 點都要搵d o野搞下, 刺激下o既.....況且, 我地已經無乜其他日子會記念啦, 相對於人地o既相識紀念日, 拖手紀念日, 等等等等....真係算少之又少呀...

即使係咁, 懶到出汁o既我地, 加埋近日天氣唔多穩定, 出去玩又驚落雨濕濕麻鬼煩, 所以, 我地又好似平時唔駛返工o既星期六咁, o向屋企hea 到日上三竿, 差唔多四點先出門口搵下午茶食.
食飽我地就去一田買餸返屋企玩煮飯仔慶祝喇.....

左搞右搞, 終於合力完成好今晚o既豐富晚餐喇!!!

是日menu 有:
(i) 周打蜆湯

(ii) 焗蒜蓉大磨菇

(iii) 蒜蓉虎蝦配薯角

(iv) 白酒煮藍青口

(v) 焦糖燉蛋

我地第一個o既10週年就係咁平平淡淡結束喇....雖然係平淡o左少少, 但係最重要係兩個人喺埋一齊開心, 快樂!!!!

2011 東歐之旅 - 手信篇

可能係同跟團有關呱, 今次個trip 買得好少O野咋....

原因係都無乜機會行街, 大部份O既時間都主要係觀光, 只有間中領隊哥哥會帶我地去行下supermarket, 買下水同零食之類.

除此之外, 主要原因係所到之處都係做遊客生意O既"謀人寺", 尤以布拉格為甚, 閒閒地一張postcard都貴過你O向Paris或者 London 買, 相比之下, 你會發現 Paris 同London D O野仲平D O添.

我地只係買O左咁多O野咋!!而真正屬於我地O既, 唔算好多.

失驚無神東歐遊2011

今年o既core leave終於都放完喇....呢個長假, 我地選擇o左去東歐.

其實今次呢個trip 決定得好突然, 因此, 時間關係, 唔容許我做research自由行. 唯有跟團, 做下鴨仔啦.

呢個trip 確實幾amazing! 首先係地點: 因為我地從來無諗過繼舊年去完一次歐洲今年咁快又再踏足歐洲大陸. 再加上今次o既目的地估唔到小倫竟然有興趣.....

第二就係天氣, 萬料不到, 呢次12日o既旅程, 竟然天氣好得咁緊要, 只係得其中一日o既上晝係陰天咋, 即使係落雨, 都係發生o向我地返o左酒店之後, 夜晚落雨. 因為我地領隊話, 佢上一團12日o既trip, 有8日係落雨, 只有4日唔駛擔遮, 呢4日仲要只有2日有太陽咋.

第三o既就係, 團友喇. 估唔到, 雖然我地同其他團友年紀有一段距離, 但係大家相處好融洽, 一齊玩得好開心!!!

舊年o既歐遊記都仲未寫完, 今年o既東歐遊又o黎o喇.......我真係要加把勁, 努力追下blog 先得喇.....

馬不停蹄360

尋日同奶奶飲下午茶, 佢提議話今日同埋老爺一齊去坐昂平360, 事關9月生日O既人, 今個月可以免費坐昂平360, 而且同行O既5個人仲有free upgrade 水晶車箱O添!!!!

晨早, 我地飲完茶就搭車入東涌喇....可能東涌對某D 人O黎講, 係好遠, 但係, 由大埔去, 又唔算好遠, 一程車, 好方便!

雖然今日係weekday, 可能有呢個生日優惠, 所以都有唔少人O黎坐纜車. 都差唔多要排30分鐘至到我地上車. 不過, 由於人多, 我地唔可以單獨一個車箱, 要同另外4個人一齊share.

沿途欣賞風景又真係幾爽喎!!!如果由底部向下望, 就真係有少少驚, 不過, 遠望就無問題啦....仲可以見到機場O添......同小倫一樣, 我都好鍾意睇飛機升降O架!!!

開開心心Snoopy's World

今朝瞓醒, 接埋晴晴去食早餐.

見咁好陽光, 決定帶佢去玩. 但係又唔可以帶佢去太遠o既地方, 所以, 近近地, 帶佢去沙田o既snoopy's world 行下啦.

去到正值十二點, 曬到嘔呀!!!!不過, 小朋友當然唔會介意太陽有幾猛啦, 只要有得玩就開心.....

愉快Tea Buffet

尋晚終於趕完工, 今日唔駛返工喇......所以, 可以約堆Pingu 同運動人一齊去食過tea buffet.

今次試下都會海逸啦. 好多人呀, 我估差唔多滿座呀!!!!

食物款式好似都幾多樣化, 有壽司, 甜品, 仲有哈仔雪糕O添.....

簡單海鮮餐

好耐無試過咁有心情同小倫趁星期六去行下街市, 買下餸, 玩下煮飯仔喇....

平時要返工, 夜晚煮飯通常只可以煮D 簡單O既餸, 例如蒸排骨, 肉餅, 洋蔥豬扒等等....

見到D 蝦蝦好靚, 一於買D 游水蝦蝦返O黎整蒜蓉蝦啦....

另外, 炒多碟蜆先....正正正~~~

最近D 蝦好貴呀....呢幾隻海蝦已經半斤喇, 要$70 呀.....不過, 好新鮮, 夠大隻, 肉質鮮味.
炒蜆都好入味, Yummy!!!

好合心意的生日禮物

今晚, 相約O左兩位同學仔, 花師奶同埋Priscilla 一齊食飯. 今次我地試下去九龍城打邊爐, 估唔到其貌不揚O既利得火鍋, 味道又幾OK 喎, 材料好新鮮, 尤其係D 蝦丸, 好美味!!!

我無乜幾多個朋友仔, 呢兩個算係最好O既其中之二喇, 因為佢地對我真係好好, 好有心O架, 成日都會記住我....唔似得我其他朋友咁, 好日都唔會打一個電話, 又或者send 一個message 俾你, 都唔知佢地心入面仲有無我O架.....

好難得, 呢兩個朋友係大個O左, O向讀master o既時候認識, 畢業之後, 仲可以keep 住聯絡, 我地每隔一, 兩個月就一定會約出o黎食飯, 傾下計.....

2011 生日曼谷自由行 - Day 5

O黎到曼谷之旅O既最後一日, 有d 唔捨得走O添.......真係"快樂O既時光過得特別快喇!!!"
由於今日會享用埋酒店送O既lunch buffet, 所以, 早餐唔食咁飽喇, 係咁易食少少就算數.
有乜好做呢.....終於俾我諗到喇!!!O黎O左咁多日, 都未試過去做gym, 一於玩埋呢樣. 換好衫就上去gym room 喇......呢度地方唔大, 幾部跑步機, 一D 健身器材, 勝在人唔多, 所以都唔會覺得迫.
跑O左一陣步, 就入去toilet 玩喇!!!有乜好玩???呢度有steam room 同sauna room, 鍾意乾蒸又得, 濕蒸都得.....我同媽咪就揀O左濕蒸......蒸完, 我地就去浸下個jacuzzi 喇...

真係爽, 玩O左咁耐, 成個toilet 得我地兩個, 人少少真開心!!!!

2011 生日曼谷自由行 - Day 4 (Part 2)

返到酒店, 我地又小休o左一陣, 因為未夠鐘食tea, 於是, 我地又換泳衣落泳池hea 下喇!!!!日日食咁多o野, 真係要郁下, 消耗下d calories 至得.

由於我出發之前去o左電髮, 髮型師姐姐吩咐話d 頭髮唔可以俾泳池水整濕, 如果唔係, 就唔鬈o架喇. 加上, 我o既泳術有限, 唔曉得抬起個頭游水, 所以, 要用水泡先可以游到喇.

游完水水, 沖完涼, 我地就帶埋小黑去食tea 喇. 幾好, 今日唔多人, 去到仲可以揀梳化位, 正!!! 呢餐tea 係酒店送o架, 入住2晚, 就會送兩位afternoon tea, 我見人人話二人份量都夠食, 所以, 無額外order 多一set, 只係order 多一個茶就算喇.

又真係3個人都食唔晒呀!!! 舒舒服服嘆下茶, 真係爽!

2011 生日曼谷自由行 - Day 4 (Part 1)

眨下眼, 已經o黎到旅程o既第四日喇, 首先要同自己講聲 "Happy Birthday" 先...哈哈哈

今日o既行程, 又係無行程, 無節目o既. 起身之後, 排隊梳洗, 哈, o向我等緊人o既時候, 發現o向部notebook 隔離, 點解多o左盒o野o既呢???? 好明顯, 呢盒o野係我o架啦. 一睇個包裝, 就已經知道係乜, 打開o黎睇, 哦, 原來係對Agnes B 耳環. 出手咁低, 一定唔係小倫啦, 原來係我細佬同阿妹送俾我o既, 佢地真係孤寒呀!!!!!兩個夾份先送對耳環仔俾我!!!!哼!!!佢地吩咐媽咪記得趁我未起身o既時候, 擺好份禮物, 等我一起身就發現. 估唔到, 今次我個懞盛盛阿媽又記得喎!!!

之前兩日, 食早餐o既地方都係o向Brasserie Europa, 但係, 今朝我地去到, 有個staff 就話full o左, 叫我地行過去隔離Kempinski Residence 果邊o既Bistro 食, 話d 食物係一樣o架喎. 無所謂啦, 最緊要有得食o者, 行多兩步都ok 啦. 點知, 我地行到去, 見到有一個中年港女o向樹發爛渣喎, 猛咁鬧個餐廳經理, 話點解咁大間酒店o既餐廳會無位......要個經理帶返佢地去Brasserie Europa 食, 真係麻煩呀!!!

呢邊都幾好丫, 無人, 除o左我地一枱客之外, 就只有兩枱, 所以, 我終於有機會偷影下buffet breakfast 有乜o野食喇. 平時o個邊人多, 如果我行埋去d 食物枱旁邊, 拎住部相機影相, 好似好無禮貌咁. 話晒呢度都係5-star hotel 丫, 收歛d 好.

2011 生日曼谷自由行 - Day 3 (Part 2)

上o左的士之後, 行o左無幾耐, 又開始有塞車o既跡象, 搞到我好緊張喇. 架車一路行, 我一路睇地圖, 又望住d building, 睇下似唔似要去o左地方. 呢個司機唔識英文, 不過我估佢feel 到我好緊張同心急, 所以, 差唔多到o既時候, 個司機打電話去間spa house 到問路, 好彩, 最後都可以準時四點鐘到達.

(Spa house 隔離係新開O既clinque, 我估都係做一D 美容treatments 啦)

2011 生日曼谷自由行 - Day 3 (Part 1)

原先, 未出發之前, plan o左尋日去Khao San Road 報local tour, 今朝一早出發去Damnern Saduak Floating Market, 不過, 最後因為大家都覺得d 河水好dirty, 而且, 又唔會夠膽幫襯o個d 賣小食o既攤檔, 所以就cancel o左呢個唯一o既觀光活動.

經過尋日先游水, 後食早餐, 搞到差唔多last order 先去餐廳食, 所以, 今日就改一改schedule, 先食早餐, 再游水.

今日食過返尋味, 再order egg benedict. 另外, 見有香檳, 幾大都要扮下O野, 飲番杯champagne 襯下D parma ham 至得!!!

2011 生日曼谷自由行 - Day 2 (Part 2)

返到酒店有乜好做, 梗係hea 下先, 小休一番啦. 入到房, 又見到凌亂o既房已經俾人執得齊齊整整喇 !!!真係辛苦晒!!

(仲有, 是日水果 -- 火龍果!!)

2011 生日曼谷自由行 - Day 2 (Part 1)

既然今次旅行o既目的在於hea, 梗係唔會咁早起身啦. 瞓到8點幾先至施施然起身.

(由房balcony 影O既酒店園景)

2011 生日曼谷自由行 - Day 1 (Part 2)

根據其他人o既blog所記載, 酒店係有免費車來往酒店同BTS 站o既, 於是行去main door 問下bell boy 喇. 熱心o既bell boy 哥哥即刻話無問題, 問我地想去邊之後, 叫我地o向lobby 坐一坐先, 3分鐘後, 架車返到o黎先叫我地出去上車, 唔好o向出面熱住等喇. 真細心!!!

呢d 咪就係我呢個麻煩港女需要o既service 囉!!!!

其實由酒店去BTS 站好快o架喇, 2分鐘啦, 既然有車坐, 就梗係坐下車啦.

2011 生日曼谷自由行 - Day 1 (Part 1)

好耐未試過坐咁早機喇, 好眼瞓呀!!!

本住死唔蝕底O既寒底組精神, 我梗係book 早機去, 晚機返O既機票啦......wakaka~~~就係咁, 搞到我地要5點鐘就起身, 6點鐘搭E41去機場喇. 預算7點鐘到機場啦. 點知, 唔知點解, 今日竟然要7點半先到機場喎!!!於是, 仆崩鼻咁去CX o既counter check-in 同寄行李啦. 跟住, 就要入閘喇.....嘩, 駛唔駛咁多人呀!!!!都唔知今日發生乜事, 咁多人出trip o既, 搞到過immgration要排長龍呀!