黑芝麻麵包

 今日又再試新o野, 登登登登.....就係黑芝麻包包喇!!!!

上星期放假o既時候, 已經試做過一次, 不過就因為黑芝麻粉o既份量唔夠多, 所以只聞到味, 但係食落無味! (失敗!!!!)

有見及此, 今晚再接再厲, 重手d, 一於落夠4tsp o既黑芝麻粉, 所以, 今次o既芝麻味就出好多喇!!!今次, 我又想學人o向個麵糰發酵完拎出o黎摺下, 再放返入機焗. 可惜, 我計錯時間, 都唔明點解我d數口可以差成咁o架....以為已經完o左最後一次stirring, 等緊最後一次發酵o架啦, 咪拎出o黎摺啦, 點知, 當我捲好放返入機o既時候, 先至開始最後一次stirring.......唉, o徙晒我d心機呀!!!!走晒樣o添!

不幸中之大幸o既就係, 個包包出o黎個樣唔算太樣衰, 尚算四四正正,唯有下次再努力過啦~~~~

停工o左幾日, 今晚雖然早o左開始, 但係都係好攰呀!!!!好矛盾呀! 又想返去湊bb, 但係又想整包包喎, 真係人生交叉點呀!!!