早前O向淘寶買O左一堆卡通公仔o既曲奇印模, 一於趁今日同班小朋友開Christmas Party 整D 曲奇俾佢地試下.
時間關係, 今日好趕, 為O左唔好遲到, 所以, 用O左我O向團購買O既薑餅set, 都幾抵丫, $49有埋材料, 同埋一個小小O既薑餅人cookie cutter.
快手快腳整好, 就飛van 去銀湖天峰喇. 由大埔飛van 去馬鞍山真係好快, 15分鐘就到, 搭多一個站馬鐵就到喇.
每個小朋友除O左有聖誕禮物, 仲每人有一份Christmas cookies, 佢地好鍾意呀!!!
下次有多D 時間, 再整多少少曲奇俾佢地試先.
依家D小朋友開始大, 再唔係baby, 佢地可以自己玩, 只要有大人睇住佢地就ok. 其他大人終於可以恢復我地大人喜愛O既遊戲喇 ----- 就係打麻雀喇!!!!哈哈哈......
(慢熱O既心心要warm-up 一下先至記得RonRon 姐姐)
平時o既gathering, 我地多數都係叫外賣返O黎食, 因為可以俾多D 時間D 小朋友玩, 但係,話晒今日都係Christmas party, 所以, 我地落樓下稻香食飯喇.
食飽飯,我地又返上樓繼續我地O既節目啦. 當然唔少得送聖誕禮物俾D 小朋友同埋女子組交換禮物啦.
今年送俾小朋友O既禮物主題係書, 我覺得送書俾小朋友遠俾送玩具好得多, 可以從少培養閱讀o既習慣, 而且我地呢幾位小朋友都好鍾意睇書O架!!!!
出年Christmas 我地又多一個成員喇, 婧婧做大姐姐喇!!!!
沒有留言:
張貼留言