心中一直猶疑緊好唔好買樽ground ginger呢....事關我依然覺得為o左整一個包要買一樽ground ginger返o黎擺, 好o徙咁.....無錯, ground ginger 仲可以用o黎整薑餅人, 但係整薑餅人仲煩, 除o左呢樣, 仲要加其他香料, 例如丁香, 肉桂, 豆蔻, 樣樣都只係用少少, 一年先整一次, 唔想浪費. 行完City Super無收穫, 再行埋Market Place 就返屋企喇.....
得一個人唔知食乜好, 於是去 Pizza Hut買o左個一個晚餐返屋企食. 等緊外賣o既時候, 去一田行返過圈先, 再望下ground ginger o既價錢, 點知仲貴過City Super....所以, City Super 賣o既o野唔一定貴, 加埋有95折, 分分鐘仲會平d o添.....
自從bb出世之後, 好耐無試過咁安樂咁食下外賣, 睇下電視, 靜靜地過下.....
食飽飽後, 就開工整麵包喇. 都話狀態不佳o架啦....明明一心想趁今晚一覺瞓到天光, 所以要用quick mode 整包包, 但係o向量份量o既時候, 竟然發神經睇住個soft mode recipe 喎, 好在突然醒一醒咋, 仲可以補救..............
等到出爐喇!!!!芝士香草包真係好香, 成間屋都充斥著芝士同香草o既味道!!!!
o向切緊包o既時候, 我又突然醒起, 弊傢伙, 我明明想趁小倫唔o向屋企試新口味, 整咖啡麵包o架嘛!!!事關小倫唔受得咖啡, 連聞都會頭暈o架!!!相反, 佢老婆我, 乃係咖啡精一名, 每日返工, 一定要有杯咖啡在手, 有時我諗他日萬一有o左bb都唔知點算!!!!
唉, 真係唔知搞乜鬼, 咁都會錯o既.......可能最近真係唔夠休息, 所以個人成日都心神恍惚~~~
講返個包包先, 我鍾意用一隻叫做Parmesan cheese, 味道唔太濃, 淡淡的芝士味, 好good. 另外, 香草我用oregano, 我知道好多人都會用rosemary, 迷迭香, 做香草包, 不過, rosemary o既味道較特別, 唔係人人都鍾意, 加上, 乾o既rosemary,大多數都會有d莖, 我份人麻煩, 會嫌"銀"口, 所以我鍾意oregano 多d. 為怕其他同事唔鍾意oregano o既味道, 所以我係咁易用1 tsp 就算喇 !!!
沒有留言:
張貼留言