買呀, 買呀 + Free Units 團年飯

就快又到新年喇!!!下個星期六日兩日都唔得閒, 雖然今日好凍, 但係我地都出o左去旺角shopping 呀!!!

可能大家都o向度吹話經濟好, 所以d 衫都唔係特別平, 行波鞋街都無乜特別o既discount o既, 都只係得九折咋....所以就轉戰朗豪坊喇!!!行o左唔夠3個鐘, 我地就已經去o左Levi's, Extravaganza 同埋IT 搏鬥完一輪, 我地就一袋二袋咁離開喇. 其實我自己買o左好少o野咋, 反而小倫就買得多......

走之前, 仲拿拿林去玩埋個抽獎先! 哈哈, 抽o左三次,小倫有一次抽中o左呀, 雖然只係一袋平平地o既maybleline, 但係好過無啦, 都有粉底, base, 甲油, mascara 同lip gloss.

跟住, 我地就飛van 仔入荃灣喇, 因為今晚約o左我地Free Units & Friends 食團年飯呀!!除o左我地Free Units o既人, 仲有蘭子同Frankie, 阿楊同琪琪, 仲有單拖o既Jeffery. 嘩, 駛唔駛咁趕呀, 我地由落單到食飽飽都只不過係一個鐘咋, 我地十一個人叫o左十個餸, 碟碟都咁大碟, 仲要一齊上菜喎, 張枱都放唔晒啦......

我地都清得晒呀, 都唔知係唔係餓鬼o黎o架!!!食完都仲唔夠, 成班人仲要去食糖水呀!!!!終於, 食完糖水, 又吹完水, 我地九點半就各自返屋企喇!!!!

血案呀~~~~

2008年第一宗懷疑謀殺案發生o左喇!!! 就係小倫最近o既新寵物 -- 美國藍龍蝦懷疑殺死o左敏敏(小倫妹妹)o既寵物 (金魚) -- 金叵籮.....

不死傳說 - 張國榮

今晚無去街, 留o向屋企食飯, 咁o岩睇到港台呢個節目....其實之前都有睇上果幾集, 其中一集係講梅艷芳, 一直都覺得好惜, 因為佢d 歌真係好好聽, 佢呢d 先似明星, 依家o個d 只係歌手咋....

今晚講另一個我好鍾意o既明星 -- 張國榮, 可能我真係老啦, 我覺得佢好正o架, 同依家d 歌星真係無得比, 唔好話我係劉德華fans, 我都覺得連劉華都好難同佢compare o架....

探訪新居 : Pingu + 運動人

琴日, 我地o向新天地揀完衫, 就拿拿林碌返去大圍喇, 因為我地原先無預到咁夜, 所以要麻煩運動人去搵位食飯先.....真係唔好意思喇, 要佢一個人戇居居坐o向張空枱度等我地三個.....

好在, 由九龍塘返大圍好快o者....我地今晚去o左佢地屋企附近食泰國o野, 正呀, 好好味呀!!!!平時, 我地兩隻人食飯都唔可以叫咁多樣餸, 今次有四個人, 可以叫多d 餸喇!!! 又真係好多餸, 我地叫o左蝦刺身, 無骨鳳爪, 炸蝦餅, 串燒, 炒通菜, 炒蟶子, 波羅炒飯, 生菜包同鑲雞翼, Yummy!!

食完飯, 我地就梗係上去佢地屋企八掛下啦.....參觀完佢地屋企, 睇相簿就梗係指定動作啦......跟住, 我地就傾計, 嘩, 傾下傾下, 竟然都傾到兩點幾呀!!!!哈哈!!!真開心 ^ V ^

返到屋企, 仲俾阿媽問我, 有乜o野咁好傾, 要傾到咁夜呀, 哈哈~~~~