輕輕鬆鬆上training

唔記得有幾耐無去過training cetnre 上course 喇...

唔想去上o既主要原因係唔得閒, 日日都咁鬼多o野做, 點行得開丫, 到有時間可以去上, d course 又full 晒, 另外, course o既內容又無聊, 最憎就係上o個d 什麼work efficiently / leadership training 等等.

三餸一湯

今晚,  趁住我同小倫都可以早少少返屋企, 於是就煮多一個餸啦......

最近, 因為工作忙碌, 已經好耐無試過煮一餐似樣少少o既飯喇, 通常只係簡簡單單煮少少o野, 夠食就算.

今晚一於買d 新鮮游水蝦返o黎整蒜蓉蝦啦........

小倫好有心機o架, 逐隻蝦挑腸, 之後再將d 蒜蓉釀入d 蝦入面, 入味d 呀!!!

另外煮多兩個餸, 香茅雞翼同蠔油生菜. 咁我連聽日o既lunch 都有著落啦.....Yeah, 有飯帶, 慳返一餐!!!貪得意, 去jusco 買多個酸辣湯返o黎, 唔駛自己滾湯, 三餸一湯, 好輕易就搞掂lu...

心水單位 ≠ 心水價錢

星期五晚, 接到相熟o既地產經紀o既電話, 通知我地o向我地比較鍾意o既兩座其中一座有合我地心水o既單位放盤, 於是, 我地就約好星期六傍晚去睇樓喇....

無錯, 我地係非常無聊咁年頭買樓, 依家又想換樓.....正確d 講, 係一直都有換樓o既想法, 依家住緊呢度對我地有咁多無聊o野o既人o黎講有d 迫, 如果可以的話, 我係想換間大少少o既單位.
講真, 我地已經對個單位o既間格同座向非常了解喇, 因為個單位好多年無成交過, 之前又係放租o既, 八掛o既我地一心去望下個單位有幾殘啦..

上到去一睇, 唔, 第一個印象係比我地心目中好, 可能係個業主有略為翻新, 地下又換o左做磚; 不過, 間屋未至於完全合我地o既心意, 高就夠高喇, 又向東, 睡房望到o既海較舊居o既景觀好.
可惜, 呢位放盤o既業主實在太進取喇. 不單只一毫子都唔肯減, 仲話下星期會加價...

實在太唔值喇.....即使依家樓價上升, 但係個單位根本唔值呢個價, 就算我地買返o黎, 一定要大執一番啦, 因為呢個單位將原先兩間房有所改動, 唔係太合我地心水呀!!!!

雖然運o左一晚吉, 但係都唔錯丫, 起碼俾我地有心理準備, 知道呢個座向o既單位實際係點, 他朝有一日遇到o岩價錢的話, 就可以一睇就落票啦 (哈哈哈, 正傻婆, 又o向度發夢喇 !!!)

放心, 呢d 單位無錯係少放盤, 但又唔代表一定無o既, 一於俾d 心機等下啦......

歡迎你呀, 花小B!!!

話說, 好朋友花師奶佢o既預產期係8月6日, 不過, 日子一日一日咁過, 都未見有乜動靜喎, 連我呢個局外人有d 擔心o添, 但係又唔想日日打電話煩住呢位未來媽咪喎....唯有日日o向度等消息啦...

終於, 星期五下晝同花師奶通電話, 佢話會o向夜晚入院, 星期六一早就催生喇.....

星期六我成日不停望住個mobile 啦, 怕會miss o左佢o既sms , 終於琴日8點幾收到花師奶o既sms 喇......佢地花生o既小寶寶終於出世喇!!!!

琴日同呢位新任媽媽講過兩句電話, 知道佢生o左13個鐘頭, 好辛苦好攰呀, 所以都係唔好大擾佢地喇, 俾d 時間佢休息下先啦........

等佢地返o左屋企, 適應o左新生活先去探佢地啦.....

希望小寶寶身體健健康康, 快快樂樂啦!!!

令人煩惱的Annual Leave

今日簡直嬲到一肚火呀!!!!!

話說, 琴日公司出o左memo 話以後唔可以儲我地o既annual. 原本, 我地大部份人都會儲部份o既年假o架嘛. 尤其係我地呢個部門, 平時放o既假大多數都係辛苦得來o既compensation leave, 再加埋每年必定要o既連續9日, 而且, 我地一年又有幾個月講明唔俾放假, 因為係high season, 所以, 基本每年entitle有o既假係一定有剩.