令人煩惱的Annual Leave

今日簡直嬲到一肚火呀!!!!!

話說, 琴日公司出o左memo 話以後唔可以儲我地o既annual. 原本, 我地大部份人都會儲部份o既年假o架嘛. 尤其係我地呢個部門, 平時放o既假大多數都係辛苦得來o既compensation leave, 再加埋每年必定要o既連續9日, 而且, 我地一年又有幾個月講明唔俾放假, 因為係high season, 所以, 基本每年entitle有o既假係一定有剩.



新規距講明, 要我地出年年中要將現有o既balance 放一半, 到2011年就一定要清晒所有儲落o既annual leave.....講真, 要清真係唔容易..

既然係咁, 我今朝咪再請多一日9月中放, 陪媽咪覆診啦. 我地team 要放假, 一定要好煩咁send email 俾阿姐同各位teammates 問如果我想某一放假大家ok 唔ok 呀咁啦......我阿姐又發癲喇, 佢走出鬧o黎我喇!!

阿姐: 點解要o向我放假時, 你放假??
我: 你話只要成team 人其中有2個人返工咪得囉....
阿姐: 咁我呢個係最低要求, 而且我已經就o左你啦,  postpone o左個假期啦.
(實情係大阿姐唔俾佢放假之嘛, 因為9月頭要開保險會, 同我放假無關)
我谷到成肚氣,問: 咁駛唔駛我改o左阿媽覆診時間/唔放假丫??!!
阿姐: 咁又唔洗, 鬼叫你阿媽咁痴你, 要你陪佢睇醫生咩!!!

嘩, 我一聽完, d 火升到上天花板呀!!!!!阿姐, 你咁講係唔係歧視我有家庭崗位先, 你無仔女, 阿媽又住老人院唔駛你照顧, 你自己顧自己同老公兩個就梗係咁講啦, 我打工o架咋, 做得好公司又唔欣賞, 話升職都呃o左我就快一年啦, 唔通我仲咁on 居仆心仆命為你上位而努力咩....

加上, 我知道放埋12月頭o既core leave, 要等到出年5月做埋AGM 先有得放, 唉.....真無引...