三餸一湯

今晚,  趁住我同小倫都可以早少少返屋企, 於是就煮多一個餸啦......

最近, 因為工作忙碌, 已經好耐無試過煮一餐似樣少少o既飯喇, 通常只係簡簡單單煮少少o野, 夠食就算.

今晚一於買d 新鮮游水蝦返o黎整蒜蓉蝦啦........

小倫好有心機o架, 逐隻蝦挑腸, 之後再將d 蒜蓉釀入d 蝦入面, 入味d 呀!!!

另外煮多兩個餸, 香茅雞翼同蠔油生菜. 咁我連聽日o既lunch 都有著落啦.....Yeah, 有飯帶, 慳返一餐!!!貪得意, 去jusco 買多個酸辣湯返o黎, 唔駛自己滾湯, 三餸一湯, 好輕易就搞掂lu...