入伙宴 - 4: Crazy Party

今日一夠鐘放工, 就立即找袋走人....因為小倫同佢公司成班同事入o黎我地新屋開Party 呀!!!

除o左依家o既同事同佢地o既另一半之外, 仲有走o左o既兩位同事, Wanlon & Ivan 呀...大家齊集o向大埔中心之後, 單身o既人就去Pizza Hut 等外賣, 我地一pair pair o既就去KFC 買o野食....

一上到去, 班友仔就急不及待開機打喇......我始終都唔明PS 3 有乜咁好玩呢 @~@

因為大家太肚餓喇, 一於唔理咁多, 開餐......成班大食怪, 唔駛好耐已經將大部份o既食物消滅喇, 只剩低呢期Pizza Hut 做緊promote o個個非常十分難食o既pizza 咋...唔係講笑, 真係好難食o架...... : p

食飽飽就梗係男仔有男仔打機, 女仔就睇我地d 結婚相啦, 呢個節目彷彿成為所有人上o黎探我地o既指定動作喇....不過,每次搬出o黎都覺得好重呀!!!但係, 個個都話法國o個輯靚d, 哈哈....我地仲游說Esther 同Patrick 一齊去影婚紗相o添......

睇完相, 就開始我地o既game 喇!!! 今晚我地玩分team 呀, 都幾得意o架.....眨下眼我地星期六買o既啤酒已經飲晒喇!!!!不過, 都只係等阿Ken一個醉醉地咋, 哈哈, 佢地竟然好出奇我咁飲得喎, 其實我都唔係飲o左好多o者, 以前我一個人飲半打都未醉啦....

今晚真係好開心呀, 佢地玩到零晨三點就各自打的返屋企喇!!!!

星期六我地趁住去百佳買夠$500有8% cash refund 入定貨先:

d 飲品放滿我成個雪櫃呀...

阿姐家訪 -- 運吉篇

今日一早起身, 同媽咪姨媽o向樓下食完早餐就過o左去新屋o個邊執屋呀, 因為我阿姐星期四食lunch o既時候話佢同佢老公星期六入o黎探我地新居喎....哈哈....叫我執定屋...

不過, 琴日因為工作上有一d o野唔係幾開心, 所以無睬到佢, 無confirm 到呀, 所以未同佢約實呀....

但係, 我好乖o架, 自己一個人 (因為小倫今日long week 上o左深圳做o野) 執屋, 又要掃地, 吸塵, 抺地, 執書房. 好在, 我地平時唔太懶, 唔會堆埋d 家務weekend 先做, 所以雖然得一個人做, 但係都好快搞掂...

等到小倫放工返到大埔, 我地o向屋企樓下食tea, 我心知我阿姐梗係唔入o黎大埔啦, 都咁晏咯, 不過,無無聊就打俾佢啦, 玩下佢都好呀.....我問佢, 喂, 你o向邊呀, 我等緊你地兩公婆喎, 做乜咁晏都未到呀???哈哈哈, 佢竟然答我：下, 我講下咋, 乜你認真o架, 我同老公打緊波喎, 你琴日都無confirm 我, 我話同你講下笑o者, 都唔係等緊你o既....

不過, 事後我阿姐就話佢老公問我地下星期六去唔去佢地新屋到坐下, 如果係, 就約埋舊公司另一個senior manager, Wendy, 一齊去佢地club house BBQ o向....正, 我鍾意呀, 又可以去佢屋企搗亂喎....但係, 都等佢約o左闊太Wendy 先啦....陣間佢有約要去打golf 就要下次先o架喇.....

生日飯局 - 3

嘩哈哈哈.....仲有生日飯未食呀....

今晚約o左上一間公司o既舊同事一齊飯聚呀, 上一次飯聚都已經係4月o既事喇...唉, 依家我地人人都唔同公司, 有人做listed com, 有人做pro firm, 有人又要返學, 所以大家都好難約呀....

今晚我地又去o左其中一間我好喜歡的餐廳 -- Rice Paper 呀....可惜Ginny, Fly, 同埋Amy 都唔得閒啦.....唯有下次到阿Jak 同阿Hey 生日先再見lu....

 估唔到仲有生日禮物收呀....真開心 ^ v ^

雖然當年大家一齊工作o既時候好辛苦, 晚晚都開OT, 日日都唔知9點收唔收到工, 忙到傻, 但係大家都好開心o架!!!相反, 依家份工雖然舒服都嘔, 但係都無以前咁開心o既.....

6月生日會

最近我部門無啦啦玩team-building o既活動, 第一擊就係好似d 細路仔咁玩生日會....由6月開始, 所以我o岩o岩趕得切呀.......

 

我們的第一餐飯

原本我地今日一齊放假係去迪迪尼o架, 不過因為有d 事cancel o左, 我地就反而多o左一日自己時間喇.....

我地去o左花園街做窗簾, 行o左幾間就揀到o岩心水o既窗簾布喇, 仲o岩晒我地budget, yeah....搞掂!!!唔駛再朝早俾太陽伯伯晒入睡房lu.....

不過, 行o左好耐都睇唔o岩鐘呀...我地間屋仲差個鐘呀, 好唔方便.....

跟住, 我地就無乜o野做, 就返o左新屋玩煮飯仔, 不過, 我地無煮飯呀, 因為未買米呀, 哈哈....今餐只係好簡單咁煮烏冬...

是日menu: 上湯浸唐生菜 + 皇帝菜, 腸仔什丸烏冬 + 香蒜煎雞柳...

簡簡單單都幾好味丫...

我地返屋企發現有新禮物呀!!!係小倫Daddy 送俾我地o既孖人牌鑊呀.....真係多謝佢地, 送咁貴o既鑊俾我地, 但係我地都係好少機會用lu...

yeah!!!換新髮型

因為天氣實在太熱, 加上, 我d 頭髮太長喇, 今日終於的起心肝去剪頭髮喇!!!

話說, 我一直都好想o向大埔搵間近屋企o既salon 整頭o架喇, 唔駛我下下都要出旺角整, 而且又唔可以揀星期日o向, 因為幫開我同小倫整頭髮o個個師傅係逢星期日day-off  o架, 唉, 女仔一整頭, 閒閒地都搞幾個鐘o架嘛, 唔通下下都請假去咩....

咁, 我今次就想試下新屋呢邊樓下間salon 啦, 去到門口一睇, 咦, 個名咁熟o既, 好似係Elegance 個sales, Vita 講俾我知o個間喎, 咁我咪打俾Vita 問下啦, 原來真係佢妹妹o向呢間做o架....咁我都放心幫襯下先....

入伙宴 - 3

今日熱到傻, 但係我地做o左一樣仲傻o既o野, 就係o向唔知大暑定小暑o既今日, 我地決定一家大細玩打邊爐呀....哈哈哈.......

因為小倫阿姨同表弟Derick 今個weekend 會入o黎住, 所以我地就安排o左呢餐打邊爐喇, 不過, 今次無上次咁誇張, 只係8大1小o者, 但係都食得好飽好飽呀......

生日飯局 - 2

嘩, 今日落足成日雨呀!!!!搞到我o既Birthday Holiday 都係繼續要雨中渡過...

o向Elegance 好快就玩完之後, 都無乜地方好去, 我地就去尖沙咀浪費下時間啦, 真係激死人喇, d 雨愈落愈大, 仲無停過o添.....如果唔係今晚約o左Phoebe, Teresa 同Dorothy 一齊食我o既生日飯, 我打死都唔出街呀....

Yeah!!!今次係我生日, 所以由我揀地方, 一於夏天去打邊爐啦......

今晚食飯o既地點就係小肥羊喇.......哈哈哈....好耐都無一齊打邊爐喇, 以前o岩o岩出o黎做緊o既時候, 我地都好多時夜晚放工出o黎打邊爐o既, 不過, 依家佢地個個都係教書, 好難就時間出o黎平日食晚飯lu......

不過, 今晚大家都食得好開心呀, 仲食o左好多o野o添, 抵晒呀!!!

Phoebe 趁今日d 學生考試, 佢早放工, 特登返屋企整o左個蛋糕仔俾我呀, 我知係好簡單易整, 但係佢整俾我, 我已經好開心喇........

一年一度的女皇日

女皇日 -- 並唔係乜o野賽馬節目, 而係我每年生日o既代號, 因為每年o既呢一日我就可以全日都做女皇, 小倫就會變身成為我o既"小倫子" 服侍我, 哈哈....

生日禮物 - 3

哈哈哈....

今晚又收到生日禮物喇.....好開心呀, 今次係一隻o岩o岩新鮮由美國坐飛機o黎o既黑仔呀, 呢隻仲係我恨o左好耐o既毛巾黑仔o添呀.....

係唔係好cute 呢!!!

多謝Derick 咁遠帶隻黑仔俾我呀!!!

入伙宴 - 2: My Dearest Friends

今日o訓到九點幾就醒o左喇, 因為要起身執屋呀, 我d 大學同學兼好朋友會入o黎探我地間新屋呀....

返o左過屋企同媽咪食o左個早餐先, 然後返屋企拎埋一部份o既冬天衫同用品過新屋喇....
小倫食完lunch, 我地就繼續執屋同消毒下間屋, 因為今日婧婧都會o黎o架, 有B B 乾淨d 好d 嘛....

跟住, 我地拿拿林去買埋麻雀版返上樓啦, 因為我地四個人一o向埋一齊, 就一定唔少得麻雀啦, 哈哈....

首先到達o既係石氏伉儷, 格格同石先生今次最早到呀, 所以, 一o黎到我地就先打一圈牌俾warm up 先啦, 好快, 新婚o既林氏夫婦又到喇, 佢地仲買o左個熨斗俾我地做入伙禮物o添, 真客氣喇, 抵我咁錫佢地o既...

人多o左就唔打麻雀囉, 我地就傾下計啦, 無幾耐李氏一家都到喇!!!好耐無見過婧婧喇, 我地個個都好掛住佢呀, 成兩個月無見過喇,佢又大個o左好多喇....

格格因為今晚屋企要食父親節飯, 所以要早走, 咁我地幾個就叫外賣啦.......

並不悠閒的半天假

反正我仲有幾日compensation leave 要o向月底前放晒, 我就趁今個星期係生日week, 就俾自己一個happy Friday 啦....

所以, 一早返到公司就出動我o既閃電手, 拿拿林清晒手上o既jobs, 出晒要做o既文件, 仲好叻咁俾埋個outstanding list/follow up list 俾我阿姐, 等佢幫我跟下d 手尾, 其實都無乜要跟o既, 我都安排好晒啦.....

ok, 第一站, 要去銅鑼灣, 首先要幫妹妹個friend 上去之前我地學化妝o個間學校買護膚品, 跟住就去o左搵蔡太喇....

嘩, 我去到見時間尚早, 都唔係好多人o者, 十個都無, 心諗應該好快到我喇呱.....可惜, 我實在太天真喇....一排就排o左個幾鐘先到我, 搞掂俾埋錢前後兩個鐘有多呀....雖然有人會comment 話蔡太麻麻地, 會將你同其他客人compare, 又會大聲講你個size 出o黎, 但係我覺得就無乜所謂囉, 反正大家都係女仔o者, 人睇你,你睇人, 無蝕底啦....

之後,見小倫未見完客打俾我, 就先去o左FrancFranc 行一轉, 哈哈, 其實都係果d o野, 但係都想去睇下呀...跟住就以極速去IKEA 食hot dog 同埋買o左張小小o野就走喇.....

拎住一袋二袋就原飛身去搭地鐵入機場喇.....因為今晚小倫阿姨同表弟o向美國返o黎香港過暑假呀....接o左佢地機,我地一齊去味千食少少o野,跟住佢地就住機場快線去九龍站再轉的士lu...原來咁樣行, 會快好多o架...

原來諗住放半日假有好多時間, 可以慢慢做原先plan 好o既o野, 但係, 原來都一d 都唔悠閒o架, 仲辛苦過返工喎, 哈哈

Sk-II Talk

之前, o向ESD 有個promotion, 叫人填份簡單問卷, upload 一張結婚相, 俾佢地抽, 抽中o既人就會有份去上一個talk.

我竟然抽得中喎, 哈哈....所以, 今晚放工就去o左灣仔SK-II office 上堂喇. 其實講o既內容都不外乎sell 下product, 教下點樣用toner, 搽lotion 咁, 一個多鐘頭o既talk 好快就完喇, 唔太悶o既...

生日禮物 - 2

哈哈, 都話今個月成個月都係我o既生日月啦!!!

今日又收到生日禮物喇, 就係我阿姐送俾我o架....雖然唔係乜o野名貴首飾, 但係我都已經好開心呀, 跟佢咁多年, 佢年年都記得我生日, 會送禮物俾我, 又會請我食飯....

  佢話舊年送o左對貓貓耳環俾我, 所以今年就送條魚魚手鍊俾我呀....哈哈哈....
點知, 我俾妹妹睇, 佢竟然好鍾意喎....

生日禮物

琴日除o左有一大班好朋友上o黎嘈之巴閉之餘, 我仲收到一份神秘生日禮物呀!!!

禮物唔在於價值, 係在於心意呀!!!!

真係好鍾意呢份禮物, 點解? 咪因為我又收到黑仔囉...原來仲係一對o黎呀!!!咁究竟係俾我一個人用兩隻碗丫, 定係小倫都有份呢?? 哈哈哈

要多謝蘭子同Frankie, 雖然同佢地唔係認識o左好耐, 但係大家都好o岩傾, 好快就已經好friends 喇!!!

入伙宴 - 1 : Free Units & Friends

我地以極速完成晒我地o既睇樓, 租屋, 入伙....

星期日先校埋Now TV, 今日就約齊腳一屋人打邊爐喇.....哈哈, 我地又大熱天時打邊爐....
我同小倫先去街市買海鮮同凍肉, 仲有針板, 返屋企預備....

無幾耐, 各路人馬都齊集我地o既新屋, 玩o左一陣PS3, 同埋睇埋我地d 婚紗相, 就開始食食食喇!!!

開餐前, 先影張大合照先......
我地o既食物:

 好在有個side bench 可以放部份食物咋....

 開估喇, 呢架係一架餐車, 最o岩用o黎打邊爐用, 平時好用過茶几好多, 唔要佢o既時候又可以摺埋, 我地d 朋友都話good!
唔覺唔覺, 我地叫六點幾食到十點幾先可以食晒所有o野呀.......
真係唔好話我平時買得多碗碟, 今日先發現, 原來都只係勉強夠用咋....下次再買多d 食物都唔知點算好喇.....

最後, 要多謝大家送俾我地o既PS 3 呀....

  大家11點就散喇,因為聽日都仲要返工, 佢地又個個都住青衣, 最遠仲要去到屯門o添....

小倫送佢地時, 我就以極速洗晒所有碗同倒垃圾呀, 係唔係好乖呢?! 因為我非常討厭食飽飽唔立即洗碗o架!!!

 做o左成日, 攰到木無表情, 死o左一樣o既小Ron

Home Sweet Home - 4

見到呢個topic, 係唔係好悶呢? 又講新屋, 無錯, 係仲要繼續講呀!!!

因為直到今日為止, 都仲未可以叫做完全搞掂間屋, 真係煩!!!

今日, 等o左成朝, 終於等地Now 上o黎校Now TV 喇, 事關小倫無波睇, 會悶死佢o架! 哈哈....

搞掂晒, 出得門口, 又四點幾喇, 拿拿聲出去又一城Franc Franc 添置傢俱呀!

因為時間o既關係, 我地等唔切Franc Franc 安排星期五送貨, 所以我地決定唔買白色, 要黑色 (因為shop 有現貨), 即場碌卡走人, 正, SCB 白金卡仲有9折, 又慳返幾十蚊!!!!

跟住, 我地拎住呢盒o野搭地鐵去美孚搵阿羊拎埋個三十幾litre o既大焗爐, 嘩, 又真係好大個呀, 我屋企o個個都無咁大!!!

 黑色襯晒我呀!!!不過, 好似同間屋唔多襯喎.....放o向客廳梳化隔離, o岩o岩好...

 全相 登登登櫈......呢張o野o既神奇地方o黎喇!!!!就係佢可以摺o架, 唔用o既時候將佢摺埋, 慳唔少位o架, 絕對o岩晒我呢d 住o向蚊滋咁大o既單位!!!

  究竟我地買呢張o野o黎做乜呢?????我唔講住, 等你地估下先....
明天就會開估o架喇!!!

Home Sweet Home - 3

經過一番o既努力, 我地o既新居終於似一個屋企喇.......

星期二: 早上 :GOD 送貨，　我地張餐枱呀!!!

 哈哈, o向我力爭下, 間屋終於有一樣o野係黑色o架喇!!!

仲有, 好無聊o既電動垃圾桶呀!!!我地懶到連用手打開垃圾桶蓋都唔會呀!!!只要o向佢上面郁下, 佢就會自動開蓋o架喇!!!

下晝, 仲有百老滙送雪櫃o黎.....撞鬼佢丫, 竟然話我地個廚房門太細, 佢推唔到部雪櫃入廚房, 結果, 我同小倫放工返到去, 一度就知入到啦, 小倫一個人都推到入去, 一定係個送貨哥哥懶惰.....
.

是日要特別鳴謝小倫媽咪幫我地o向新屋等送貨, 我地可以慳番一日假....

星期三: 是日休息, 因為日日係咁放工去新屋抺抺抺, 好攰...而且我又約o左Priscilla 同花師奶食我o既Birthday Dinner!!!

星期四: 先去Muji 買兩個雜物箱,  俾佢放佢d 林沈o野, 跟住又返新屋繼續幫小倫unpack 佢d o野....

星期五: 搬寬頻...明明約o左夜晚8至10, 可能因為今日成日都落大雨, 所以d 師傅遲大到, 差唔多十點先o黎, 不過, 佢地 (無錯, 係佢地呀, 一共有3個師傅上o黎幫我地整) 一搞就搞到11點半先搞掂, 我餓到暈低咁濟....因為未食晚飯呀!!!!!所以, 我地12點人地食宵夜o既時候, 先去食晚飯.........

星期六 : 最後一樣傢俬都送埋o黎喇!!!!仲以為今日黑雨唔會送貨o添.....張梳化都算ok, 之前俾足吋訂o既時候仲以為會好大張, 點知, 一放o向廳就覺得應該可以再大張d, 因為可以舒服d 嘛......

生日飯局 ~ 1

好開心呀!!!咁快就食我第一餐o既生日飯, 經過一輪篩選, 是次飯局地點係海運金牛苑!!!!

正! 有無敵大海景view!!!!呢間餐廳好搞笑o架, 原來有d dishes 係無list on the menu 呀!!!

今晚同我食飯o既有我city U 讀master O既書友仔: Priscilla & 花師奶! 我地鍾意同佢地玩o架, 因為可以乜都講一餐, 我地一傾計就成日都要好似嗌交咁, 哈哈!!!!所以, 我地唔可以去d 高級餐廳食飯o架, 會嘈到其他人.....

今日我地唔係叫o左好多餸咋, 只有蒜容炒雜菜 (including 芥蘭, 蜜糖豆, 西蘭花), 蝦肉酸湯 (類似冬蔭公), 咖哩牛腩煲, 春卷, 同埋蒜容飽!!!!但係, 我地都食得好飽呀!!!

我地一致認為咖哩牛腩煲好正!!!不過, 個蝦肉酸湯就麻麻地喇, 又夠香同辣.....

都叫o左佢地兩個唔駛o徙錢買o野送俾我啦, 有人記得我生日, 同我食飯我已經好開心o架喇, 佢地送o左一對my favourite brand -- Agnes B o既耳環俾我呀!!!!真開心!!!!多謝晒佢地呀!!!

跟住, 我地去埋滿記食糖水就各自返屋企lu...

Home Sweet Home - 2

自從上星期日收o左鎖匙之後, 我同小倫就一直都無停過, 每日都無約人去街, 點解咁乖?

咪就係因為我地晚晚放工都趕返大埔, 食完飯就去新屋做清潔囉......間屋唔係話好污糟, 不過, 我地覺得始終好似由自己親手抺過, 消下毒好似安心d 囉.....

除o左要做清潔之外, 仲要四圍去睇傢俬喎, 雖然新屋係已經包o左傢俬, 但係我地唔鍾意原有o既梳化同餐枱嘛, 我地掉o左業主俾我地o既梳化同餐枱, 所以咪要睇下囉....反正呢兩樣o野第時搬屋都容易d 帶走....

經過一星期o既努力, 間屋o既所有清潔工夫已經搞掂喇!!!!我地好認真咁逐寸逐寸抺o架, 都咪話唔辛苦呀!!!

已完成o既items:
1) Samsung 40吋電視

 多謝敏敏送俾我地o既入伙 & 結婚禮物

2) 客廳窗廉

 cheap o野 o黎咋, from IKEA

3) 床褥

 史路狗真識嘆, 一去到新屋就要o訓番個晏覺先!!!

4) 雪櫃 (下星期二送貨)
5) 餐枱 & 櫈 (下星期二送貨)
6) 梳化 (下星期六送貨)
今日小倫仲搬o左大部份o既o野 過o黎喇!!! 我o個d 就只係搬o左大口仔同埋所有婚紗相咋....

 你地睇下, 呢到大大大部份o既o野都係小倫o架, 佢仲多o野過我呀.....

 好在妹妹出動佢o既晴天公仔咋, 如果落雨就麻煩喇

 除o左史路狗, 大口仔係我地第一個住客.....大家係唔係好奇怪點解唔見我o既至愛黑仔呢?? 原因好簡單, 黑仔主人, i.e. 我, 都未搬, 佢就梗係要陪住我先啦....哈哈.....