yeah!!!換新髮型

因為天氣實在太熱, 加上, 我d 頭髮太長喇, 今日終於的起心肝去剪頭髮喇!!!

話說, 我一直都好想o向大埔搵間近屋企o既salon 整頭o架喇, 唔駛我下下都要出旺角整, 而且又唔可以揀星期日o向, 因為幫開我同小倫整頭髮o個個師傅係逢星期日day-off  o架, 唉, 女仔一整頭, 閒閒地都搞幾個鐘o架嘛, 唔通下下都請假去咩....

咁, 我今次就想試下新屋呢邊樓下間salon 啦, 去到門口一睇, 咦, 個名咁熟o既, 好似係Elegance 個sales, Vita 講俾我知o個間喎, 咁我咪打俾Vita 問下啦, 原來真係佢妹妹o向呢間做o架....咁我都放心幫襯下先....




一入到去, 就俾人問我有無搵開邊個啦, 咁我話"Joel 丫, 唔該", 跟住就有個女仔望住我啦, 佢o既電話又立即響起喎...哈哈哈, 竟然係Vita 打俾佢喎.....

佢好有耐性同我慢慢剪頭髮呀, 仲問我係唔係剪o左好耐呢 ? 因為佢話我家姐吩咐我要俾d 心機同你剪呀...哈哈...

因為我想遲多少少先電髮同做highlight 呀, 所以今日純粹係剪晒d 唔好o既開叉同乾o既頭髮先.....好耐都無見過自己係直髮喇, 好唔慣o添....個樣立即細o左幾年呀.......

不過, 剪完頭髮, 立即有輕晒o既感覺, 之前實在係太長太多頭髮喇, 好在我d 頭髮幼咋, 如果粗d都好似成個地拖咁呀....哈哈...