點解要排隊?!

到o左年尾, 又係時候做apprasial o既時候. 今年係我第一年o係呢一間公司做apprasial, 當我o既manager 同我入房傾計o既時候, 我都無乜特別緊張, 因為我同佢咁熟, 以前每個quarter 都做apprasial o架啦, 所以都知道係例行公事....

不過佢之前曾經透露過會有好消息, 我就以為今次會升職啦.點知....... 無錯, 係會升職, 不過唔係今年, 而係出年.....佢話, 其實老細ok o左, 不過規定做做夠兩年至會升職, 何況我一年都未夠!!

哼, 出年我俾個官你做啦!!! Anyway, 我點都會捱到攞到 full exemption 後, 搵到工至走o既...

好彩, 我o既努力係又人認同...我要話俾佢地知, 唔升我職, 到我resign o既時候, 佢地就知走寶...

無敵黑仔王

究竟係我本身個人好運欠奉, 定係我鍾意得黑仔耐, 變到自己都黑仔埋...

話說琴日考taxation, 阿sir 話每人可以帶4張雙面A4紙做notes. 我當然努力地將o的筆記summarize 及抄o的examples入去啦...當我一直努力到5點鐘完成o既時候, 諗住開printer 啦, 點知原來printer 未裝driver, 所以print 唔到..

咁死啦, 唯有send 返學校, 趕去computer lib 到print 啦, 整鬼佢, 部電腦又玩o野, 開始死機. 去到yahoo,  但係去唔到email  或者公事包....燥狂o既我梗係立即發爛渣...

不過, 如果我再唔走, 就會趕唔切, 考試會遲到, 所以立刻打電話俾同學仔, 請佢借佢份notes 俾我考試...結果當然係我無遲到仲有份notes 去考試啦, 可惜份notes 始終都唔係自己o個份, 考試時好似玩尋寶咁..而且有o的想抄o既examples 都無.....

今次實考得唔好lu...

簡單的婚禮

無論係隆重盛大, 抑或簡簡單單, 結婚始終都係開心o既....

睇見今次雖然無漂亮o既婚紗, 耀眼o既鑽戒, 只是簡簡單單一家人坐埋食餐飯 (其實都有四圍枱), 但係大家都係高高興興, 而且一o的都唔寒酸. 一樣有魚翅, 鮑魚, 個個都話正.....

當然, 人人都想結婚搞得好好睇睇, 但係有時環境唔許可o的話, 簡單一點都唔錯丫......

瘋狂石岐72小時

星期五放工後, 我地一行八人又出發去中山石岐, 因為今次MiuMiu 同阿餅要影outdoor, 所以我地其餘六人又有機會去玩喇.

我o地呢三日兩夜, 不停係咁食, 無論早餐定宵夜, 都係咁食....

苦悶的工作室

講真, 我真係十分非常討厭返工, 以前都唔係咁o架, 呢一份工除o左係人工同benefits 係可取之外, 其他o既o野真係頂唔順....

每日我都係返工等食晏, 食完晏等收工, 一日都無一個job做下, 但係同team o既其他人就大把o野做, 你話我賤骨頭又好, 日日都係咁樣過日子, 真係我辛苦.  問題係負責分工o既senior manager 分工唔勻, 呢o野一個人做開, 就死都係俾番o個個人做, 雖然我個位係新開o既, 但係佢地究竟知唔知道會令我覺得自己係多餘...

小一的課文

"小蘑菰,
你真傻!
太陽沒曬,
大雨沒下, 為甚麼你總撐 著小傘?
你可知道, 誰送來春天的消息?
誰為大地穿新衣?
是我快樂的小草."

今晚返到屋企, 見到飯枱上o既一張紙寫住一首咁o既詩, 都知道係下晝迪迪溫完習留低o架喇.....

不過呢一篇小學一年級的課文, 我和妹妹都覺得這首詩很浪漫呀!!哈哈....

My Girl - 2

經過一個weekend, 我已經將成套My Girl 從頭睇一次, 原本都真係幾好睇o架喎!!!套戲都幾搞笑, 所以都想去買套碟返屋企再睇過, 因為我今次睇係只有英文字幕, 所以想買中文字幕俾阿媽睇.

雖然我本身唔係太鍾意李準基, 但原來佢個角式都幾可憐, 不過我最唔同情另外o個個女主角個角式lu....當然, 愈睇就愈覺得李東旭有型, 靚仔啦....

另外, 我都想學下韓文呀, 因為完全唔識睇, 唔識講, 又估唔到, 不過而家學校咁忙, 睇怕都要畢業之後至可以學.

My Girl

早前有線電視娛樂台夜晚播o既一套韓劇, 叫"My Girl". 起初阿媽睇, 自己都無特別坐低睇. 不過後來睇睇下又覺得幾好笑, 咁就繼續晚晚追. 到臨尾o個個星期, 仲晚晚趕o係十一點前返屋企睇電視.

世事難料

自從上星期知道summer semister o既成績會陸續announce後, 每日都隔一段時間就上Blackboard check下results出o左未. 終於, results今朝已經有喇! 不過, 十分離奇 > _ < '

原本以為好marginal o既accounting 出奇地考得好過 com sec prac !? 原本accounting 能夠有呢個唔錯o既成績係應該開心o既, 但係我expect com sec prac 唔應該有o咁差o既結果, 所以好唔開心.....

O向呢個course 開始之前, 我好希望可以學到多o的o野, 可以o係對工作有幫助, 之不過事與願違...不但只學唔到多o既新知識, 仲要有個咁差o既成績, 真係一千萬個唔開心....

新o既semester今晚又開始喇, 今個sem 我要再俾o的心機考好o的, 拉高番o的GPA至得...

鬆一口氣

終於都考完試喇!! 不過, 今次呢兩科都係無乜信心會考得好lu! - _ -'

首先, accounting 不嬲都唔係自己o既強項, 所以我都係不求高分, 但求合格就算數o架喇....

至於Com Sec Prac, 呢一科我初時都好有expectations,之不過, 個阿Sir實在太不濟, 令到我無乜得益之餘, 仲浪費我咁多金錢同青春. 加上,琴晚果份咁o既exam paper, 都唔係人做o架, 得兩個鐘時間要答5條題目之餘, 仲要每條都要用腦諗, 鬼咁多o野答, 就算我100%識哂都寫唔切啦!! 佢都有病o架!!!

算啦, 點都叫做考完試, 而家只係希望千祈唔好兩科都攞 D就得o架喇>>>

有一個星期sem break, 可以去街玩 lu......HAHAHA>>>>>>>>

賤骨頭

唔通我真係一舊賤骨頭?!

而家每日o既工作量其低, 返工等食lunch, 食完lunch就等收工, 生活百無聊賴o既我, 竟然懷念以前日日做到無停手, 有返工無放工, 電話email一齊圍攻o既日子......覺得以前咁樣o既工作先至enjoyable, 加上以前 有一群可愛活潑o既同事, 真係好開心!

不過咁又代表我後悔離開, 因為如果我唔走, 就會繼續做廉價勞工....

講真, 都係$$最緊要...at least, 我而家可以有多o的時間做功課同 溫書, 放工早o左, 可以同o的朋友仔見下面, 唔駛次次都要人等我等都差唔多食宵夜. 阿媽又好開心我多o左返屋企食飯!!!
沉悶平淡o既日子, 唯有繼續過, 直到畢業至算啦.......