Home Sweet Home

由今日開始, 我同小倫終於有屬於我地兩個o既屋企喇!!!

我地今日同業主正式簽租約同拎鎖匙喇!!!其實, 由頭到尾, 我地只係睇過兩個單位咋, 依家租呢個單係第三個, 我地只係望o左一眼, 無錯, 真係一眼咋, 就決定租o左喇!!!我地睇怕都係全港最唔奄尖o既租客喇, 無check 過任何o野就決定, 前後都唔夠5分鐘!!!而且, 我地無同業主bargain 過租金, 佢話幾多就幾多啦, 因為業主都就我地唔少 , 又幫我地重新油過油 . 雖然係幾貴租, 但係, 我地都好鍾意個單位呀, 交通方便, 又近屋企, 樓下又有百佳, 不同o既食肆, 就算打八號風球都唔會餓死o架!!!哈哈

搞好手續之後, 個agent 同業主兩公婆走先, 我地兩個開始認真睇下間屋, 度下尺喇!!! 因為係已經包o左傢俬, 其實只要做埋curtain 同床褥電視, 雪櫃就住得, 不過, 我都唔鍾意人地張梳化同餐枱, 所以就要買過新o既!!!

簡單抺過地下之後, 我地就先去百佳買少少清潔用品返上新屋, 跟住就出去深水埗同沙田IKEA 買o野同睇梳化..

俾大家睇下我地間新居先:

客廳: 叫做ok 闊o架,可以放到3座位梳化

 飯廳: 有個好大o既鞋櫃, 可以放晒我d 鞋呀!!!

 廚房:

 睡房: 有個好大o既衣櫃o架!!!

書房一角: 

 街外景觀 最後要特別鳴謝一對好朋友仔送俾我o既"朋友仔"呀!!

瘋狂大購物

今日係一連幾日永安大減價呀!!!原來sogo 都係喎, 咁死火喇, 我只得一雙手一雙腳, 去邊到買o野好呢.....唔好理咁多, 一於等lunch hour 先去永安視察下環境先..
嘩, 駛唔駛咁多人呀, 簡直人山人海, 好似過年行年宵一樣呀!!我見d 價錢又真係俾平時大減價抵喎, 因為係特價再有8折/9折呀, 所以, 我即刻call 小倫, 叫佢一放工就過o黎同我去掃貨先!!!
放工我立即準時走呀, 先同咩咩行o左一陣, 跟住就同小倫開始掃貨o既行動!!
經過兩個幾小時o既搏鬥, 我買o左一set SK-II o既護膚品, 一張加大o既羽絨被

 一張薄被for 夏天開冷氣用o既 :

 仲有毛巾呀!!

 我地連飯煲同洗頭水都唔放過!!!

其實我仲連餅乾冬菇都買o架!!! 原本shopping 真係好開心o架!!!
不過, 好攰呀!!!

深井馬灣碼頭燒烤樂

今日等埋小倫放工, 我地一齊入去深井敏敏屋企樓下BBQ 呀!!!正!!!係我最鍾意o既BBQ 呀!!好耐好耐都未試過係自己買炭去起爐燒烤喇, 平時成日都係去o個d 燒烤場, 都無風味o既, 都係咁樣先好玩!!!哈哈哈哈!!!!

RonRon 新玩具

哈哈哈!!!今晚竟然收到小倫提早送俾我o既生日禮物呀!!!就係Sony Ericsson W960i 電話喇!!!

呢部電話由一出我就好鍾意o架喇!! 雖然我仲係好鍾意我部Sharp SX633A, 但係因為我唔係用薯乜通, even 已經解o左lock,都上唔到網呀.

我要用mobile msn 就一定要拎o左小倫部電話先得, 所以, 收到呢部電話做生日禮物真係非常開心!!! 連我自己都唔捨得買, 小倫竟然捨得買俾我, 真係抵錫呀!!!

 成部都係黑色, 型呀!!!

  不過, 我仲要俾d 心機學下點用先得!!!

Meeting with ESD Friends - 0515飯局

自從上次Mary 返香港我地聚過一次之後, 大家一直都好忙, 終於約到一齊出o黎食飯喇....

原來可以齊人o架, 可惜, 臨時靚太同kkcy 都有事不能出席, 所以今晚o既飯局就得番我地9個喇.....

一如以往, 我地又係個個掛住傾計, 一早已經食完飯, 大家都係坐o向度傾呀傾, 哈哈, 總係傾極都仲有大把o野講o架.....

當然唔少得kiki分享佢地o向澳門影o既靚相啦, 仲有Seven Dwarfs 講述佢地o既台灣婚照之旅o既經歷....我覺得佢地o既決定好o岩, 落咁大雨, 我都寧願再book 過第二日, 去多一次台灣啦, 都已經放o左咁多心機落去, 無理由勉強去影, 萬一影o左出o黎效果唔好, 咪仲唔開心..... 天氣理由都係一個好大o既原因點解我地唔揀去外地影相, 加上我份工又唔係話個個月都咁容易請假o既..

Anyway,今晚都係好開心呀!!!唔知下次o既飯局又係幾時呢?!

慶祝母親節 - Shakey's Pizza

今日係母親節, 但係媽咪唔舒服, 所以我地無出街玩, 只係同埋小倫, 妹妹& Mike Mike 一齊同媽咪去和民食lunch 咋....

不過, 媽咪無乜胃口, 主力都係我地幾個食....食飽飽之後, 我地就分開行街街喇, 因為今晚仲要同小倫媽咪出街食飯, 同佢慶祝母親節.

今晚我地去新開o既Shakey's Pizza 呀, d 人傻o架, 新開都唔駛咁多人等位o架, 又無得訂枱喎, 好在敏敏同堅堅六點鐘就走去等位咋, 結果, 要等到七點幾差唔多八點先有位呀!!!

新玩具

拎完戒指, 我地兩個就去o左太子食泰國o野喇. Oh, 我地去金象苑食, 真係十萬個唔得呀!!!! 無service之餘, d o野食都唔好味o既, 一於贈佢三個字 " 無下次"....

當我地埋完單正想走o既時候, 就收到敏敏o既電話喇, 原來佢上次幫我o向sofina 訂o既化妝品有貨番喇, 所以, 我地立即飛奔落去太子站收貨啦!!! 今次正呀, 有7折呀, 所以, 今次我就試下呢隻粉底啦...

成日聽日講話sofina o既粉底好正, 今次一於試下先!!! 之前, 我仲去過counter 問個化妝品姐姐我用邊條line 好, 揀乜色o岩我呀, 運完一大輪吉又唔買走開喎, 哈哈

又買o野喇!!!

唉, 簡直係傻o架!!! 雖然係預知一定會搬屋o者, 但係確實o既搬家日子都仲係遙遙無期, 唔知點解, 我地兩條友仔成日都去行家庭用品同傢俬舖, (其實以前都鍾意行, 不過唔會買)......

今日, 我地又四圍逛喇!!!!第一站, 先去又一城行my favourite shop ~~ Franc Franc!!!我已經中晒Franc Franc 毒喇!!!!由小小o既floating candles, 到大大件o既sofa 餐枱, 真係正到暈低呀!!!今次就買o左兩個大湯碗.....超抵呀!!!

 係唔係好大個呢!!

 大過我隻手幾多!!哈哈 行完Franc Franc, 下一站又去沙田行埋IKEA 呀!!!我地今次只係買住少少o野先....

我地o向IKEA 又買多十隻碗, 一打玻璃杯喇!!!點解兩個人住要買咁多杯同碗, 因為要預埋我地親愛o既朋友上o黎我地嘛, 一開飯分分鐘都有10個人, 唔買定多d, 到時用紙杯紙碟就唔好啦.......
不過, 真係要收手喇, 唔可以再買杯同碟喇, 因為已經有好多喇!!!

馬灣公園影相相

今日放假, 我地見無乜o野好做, 不如就兩個人走去馬灣公園行下影下相啦...

一去到碼頭, 嘩, 好多人呀, 仲要大部份人o既樣都唔似係居民喎, 我估好多人都好似我地咁入去行下喇....

今次o既目的地係馬灣公園呀, 上網見人地o向馬灣公園影d 婚紗外景相好靚呀, 非常羨慕, 所以今次我地一人帶一部相機影下相相....