2012 龍年開年飯 @ 家傳滬曉

大埔開O左家傳滬曉都未帶過媽咪去食過, 所以, 今年開年飯一於出街食, 唔駛佢煮得咁辛苦.

早幾日前先決定, 估唔到仲book 到枱, 都算好彩.

而且, 大時大節, 竟然都可以俾我地叫set 食, 都算唔錯. 唔想諗, 一於食呢一個"捲蔥填鴨套餐", 六位用, O岩O岩好.

BB的第一個年初一

今年係bb 首個年初一, 不過, 佢實在太細個喇, 只係得兩個月人仔, 所以,佢基本上係乜都唔知, 任由我地將佢包到隻糉仔咁出街拜年.

一如以往, 首站就梗係去小倫婆婆屋企團拜啦, 太婆見到bebe豬呢粒曾孫, 開心到見牙唔見眼呀, 可惜, 懶惰O既bebe掛住瞓, 成屋人都嘈佢唔到, 正一爛瞓豬.

跟住, 我地再去小倫大伯伯娘屋企喇, 個個大人見到咁細個bb都好開心, 不過, bb都係無乜反應, heehee....

最後一站, 到去小倫爸爸O既好朋友-- 李婆婆, 屋企拜年, 小倫佢地一家人同李婆婆一家人感情好好, 好似一家人, 所以,年初一必定要去呢度O架. 呢家人O既感情好好, 去到會覺得好warm, 好熱鬧呀!!!

折騰O左大半日, 終於完成一年一度O既拜年行動, 我地去apm食late lunch 喇. 往年我地會去家傳滬曉食, 不過, 今年轉下口味, 改去PizzaExpress, 又幾好味喎!!!!

我地差唔多四點先開餐, 好鬼肚餓呀!!!

當中O既baked dough balls配埋garlic butter 同埋pesto rosso (即係香草醬), 好好味呀!!!有機會要自己試下整先得.......

食飽飽都係時候返屋企喇, 因為今晚仲要抽老爺O既大利是呀!!!!

今年bebe豬成舊飯咁, 出年新年佢識行識走, 應該好得意......

有機紫心蕃薯包 - 2nd attempt

上星期o既紫心蕃薯包唔成功, 今晚要再接再厲, 試多一次, 因為我阿姐知道我嫌上次跟平時訂有機菜o個個supplier D 有機蕃薯唔夠紫心, 所以佢幫我o向佢屋企樓下間Taste 度買另一種有機紫心蕃薯.

一年一度買鞋

嘩哈哈!!!!鞋怪又出動喇!!!!

雖然好似已經有好多鞋咁, 但係都仲要繼續買, 尤其係一見到大減價, 就會自自然然走埋去俾錢O架喇.....究竟, 我係唔係中O左魔咒呢??

我平時好鍾意趁 i.t. 大減價時入貨, 因為真係抵好多O架......減價完, 買多幾對, 再有折喎, 折上折, 以平均成本法計算, 真係抵到爛O架.....

其實尋晚去到同小倫婆婆食完團年飯返大埔行i.t., 已經睇中O左幾對鞋O架喇.....只可惜, O岩款, 唔O岩色, O岩色又唔O岩size.

點知, 今晚俾我唔覺意行過第二間O既時候, 又見到尋晚睇中O個幾對喎, yeah!!! 又有得買新鞋lu......真開心.....

可惜, 其中一對波鞋原來係新款, 所以, 無stock, 買唔成, 唯有買第二對啦......

就係咁, 短短半個鐘, 就俾我掃O左4對鞋喇.....話時話, 今晚幫我拎鞋O個個sales 哥哥仔好好人, 好落力幫我check stock同size, 抵讚!!!!

返到屋企就知衰喇.....唉................無地方擺鞋呀!!!!

我真係好需要一個衣帽間至掂喇!!!!!


我無亂買O架....今次O既戰利品主要係為O左返工O架, 唔通日日著同一對鞋返工咩.....梗係要買多幾對襯下衫O架嘛.....wakaka~~~~~~~~~~~~~

失敗的有機紫心蕃薯包

星期一又夾埋同事一齊訂有機菜, 雖然家下成日要返去湊bb, 我同小倫已經無再煮飯喇. 但係, 見到今次o既order form 有日本種紫心蕃薯, 平時只係有黃心蕃薯咋....

小倫早兩晚出trip 去o左澳門, 今晚等埋佢返o黎就開工試下新發明喇!!!!

網上, 有好多o既recipe 都係有餡包, 即係用d 蕃薯蓉做餡, 搓完粉之後, 加埋餡就放入焗爐焗. 另外o既recipe 都係叫"17小時冷藏中種法", 嘩, 一聽到要17小時, 就真係怕怕喇.....就算有幾好食都係假啦, 除非我唔駛返工之餘, 又乜鬼都唔駛做就得o者.