新"煮"意 - 清湯腩

早排o向jusco 買o左一pack 牛肋條好耐, 都唔知點整好, 咁o岩尋晚返去小倫屋企打邊爐拎o左d 白蘿蔔. 今晚一於試下整清湯腩啦...

新"煮"意 - 醬爆鰻魚

今晚終於唔駛開OT, 做埋少少手尾就可以收工...所以, 小倫可以先去買定餸, 等我返屋企喇.....
見冰箱有條鰻魚好耐都未煮, 今餐試下新口味先......

就係--醬爆鰻魚喇!!!!

舊地重遊 -- 加太賀

好耐無見過Pingu 同運動人兩公婆喇, 所以今晚約o左佢地兩個食下飯.

諗o左好耐唔知食乜好, 不如就去紅磡o既加太賀食啦......

原來大家都一樣, 好多好多年無o黎過喇.....以前o既加太賀好難book 枱, 就算book o左枱都要等好耐先有得入座, 而且成條街都係人, 好熱鬧o架....

下午tea 一tea @蘭芳園

今日, 小倫long week, 媽咪又去o左大陸玩喎, 所以無人同我食早餐.

起身之後, 見有d 陽光, 就開機洗床單, 枕頭袋, 我真係乖喇!!!

做完家務, 就坐巴士出去尖沙咀join 小倫, 諗唔到食乜好, 又已經兩點幾, 一於就去重慶大廈地庫o既蘭芳園食喇......

你做初一, 我做十五............

話說, 我team 的"好"同事, 佢計算得咁準確, o向我地一年當中最忙o既時候, 就走去放產假都不特止, 仲要一口氣放多二十日annual leave, 令到我同埋另一個同事做到有氣無"訂"抖之餘, 要等到4月先有得放下假咁辛苦............

於是, 我地就o向2010年第一個工作日, 即係今日, 一返工, 乜都唔做, 再將我地每年一定要放o既連續9日大假mark o左先....由於HR 舊年換o左阿頭, 新人事新作風, 改新例, 從此以後, 唔俾人儲假, 咁我地一不做, 二不休, 將今日一年要清o個另外10日大假, mark 埋..

經我地一番努力後, 2010年所有連住pulic holiday o既前前後後, 已經俾我地加埋阿姐三個人mark 晒......即係新年, 聖誕, 中秋, 國慶, 端午, o既前後都有人放假.....哈哈哈.......

我地呢個部門, 一年之內, 唔係好多個月可以放假, 開board meeting 又唔放得假, 等"好"同事4月返工, 到佢mark 假o既時候, 佢就知味道!!!!佢要放假睇怕都唔可以連住放lu..連一個long weekend 都無呀!!!!

雖然, 我地咁做好無品, 但係鬼叫佢咁衰, 大阿姐都話唔好一次過連埋產假咁樣放3個幾月, 佢都唔理, 我地唯有咁對佢啦......