今晚終於唔駛開OT, 做埋少少手尾就可以收工...所以, 小倫可以先去買定餸, 等我返屋企喇.....
見冰箱有條鰻魚好耐都未煮, 今餐試下新口味先......
就係--醬爆鰻魚喇!!!!
做法超簡單, 只需要將條鰻魚解凍, 先煎香佢, 跟住爆香d 乾蔥粒, 蒜頭粒同埋薑粒, 最後加少少豆瓣醬, 將鰻魚回鑊, 兜幾下就食得.......
呢個餸又香口, 又簡單, o岩晒我呢d 懶心...嘻嘻........
其實, 呢個餸原先係用新鮮白鱔, 同埋磨豉醬o架, 不過, 我貪方便, 用冰鮮鰻魚, 同埋我唔知乜o野係磨豉醬, 所以用豆瓣醬代替.
沒有留言:
張貼留言