舊地重遊 -- 加太賀

好耐無見過Pingu 同運動人兩公婆喇, 所以今晚約o左佢地兩個食下飯.

諗o左好耐唔知食乜好, 不如就去紅磡o既加太賀食啦......

原來大家都一樣, 好多好多年無o黎過喇.....以前o既加太賀好難book 枱, 就算book o左枱都要等好耐先有得入座, 而且成條街都係人, 好熱鬧o架....




估唔到, 事隔多年, 場面實在冷清得緊要, 我地已經係星期六o既晚飯時間啦, 成間舖都坐唔滿o既, 真慘......

今晚, 我地叫o左花之戀, 海膽壽司, 一隻刺身船, 鹽燒鯖魚, 炸蝦天婦羅同埋蟹粥.

除o左蟹粥, 每一樣都好好味, 尤其係刺身船, 非常豐富, 我地四個人食完都已經飽晒喇......可惜, 個蟹粥水準只係一般, 好似無以前咁好味喇, 有d 失望.....

當然, 我地食飽飽之後, 又傾餐飽先返屋企啦!!!!!