Meeting with ESD friends - 聖誕聚一聚

今晚拿拿林做好晒d o野, 一夠鐘就走喇......事關今晚有約呀!!!!!

今晚, 我約o左一班無朋友靚太來個聖誕飯局 + 交換禮物大會.

我地次次都係食中餐, 今次就試下轉食西餐啦.....

探訪新居 (Stone Family) + Christmas Gathering with Lovely Babies

今年聖誕節, 我地開party o既地點揀O左去格格新居, 一來信仔仲係好細個, 唔係太方便四圍走, 二來佢地新居入伙都未去過, 梗係要去參觀下啦.....

難得我同小倫咁準時去到東涌, 先o向東薈城行下, 等埋Phoebe 同Dowson 到達, 我地先上去格格o向東堤灣畔o既新居啦....

嘩, 佢地間屋有一千呎呀, 真係好大, 而且, 都算實在呀, 一家三口已經夠晒住喇....再加埋個海景, 真係幾正!!!!可惜, 東涌對我o黎講實在太遠太唔方便喇, 放假想出去旺角或者尖沙咀行街又唔多方便, 去夜街又要趕住尾班車返屋企喎, 開OT 搭的士返東涌又貴.......

半安夜勁食打邊爐@FreeUnits & Friends

老闆今年皇恩浩蕩, 特別俾我地o向12月22號, 24號同31號, 3日當中揀兩日放3點半喎.......

殊不知, 我同team o既同事, 實在太nice 喇, 一個一早就mark o左23號, 24號同31號放假, 另一個就mark 28至31日放...咁o向揀無可揀之下, 佢地兩個就好梳乎咁可以22號放半日, 而我終於迫到阿姐俾我24號放半日啦......

可算係不幸中之大幸.....唔得, 出年年尾我要用同一招先得...

公司Christmas Gathering@冬至

將近聖誕, 個個都無心機做o野.....

加上今日冬至, 好多同事都可以早放工, 所以大家只係hea 做....

等緊lunch time 有o既大食會時間....

每年Christmas, 我地部門都會搞小型o既大食會, 訂隻大火雞,應下節......

Meeting with ESD Friends - 好耐無見

呢一次聚會, 約o左好耐呀!!!!

好似係大家結o左婚咁耐, 第一次出o黎食飯呀!!!!可惜, 依然唔齊人, 唔知幾時先約得齊大家呢!!!
大家o既話題, 梗係離唔開婚後生活同埋生bb啦...真開心. 又有機會傾餐飽喇!

仲有, 檬檬係我地當中第一個跑出有BB 呀!!!!!恭喜恭喜!!

咁耐無見, 一定要影返張大合照先得啦.....

鏡頭壞了, 心痛!!!!

尋日, o向Patrick 同Estor o既婚禮上, 影相o既時候, 突然發現部相機有異樣呀!!!!

好擔心, 所以今日趁假期仲有兩日先完結 就拿拿臨拎部機出去Canon 睇下醫生啦......

成部機連鏡頭俾個CS check 下, 發現body 無事, 咁都好d, 只係支鏡有事...........

有無搞錯, 支鏡o岩o岩先買o左一年, 咁快就壞.......

不過, 要整幾多錢, 仲要等師傅同佢大check 完, 先再報價呀!!!!!

好肉赤!!!!!!!!!!!!

點解一支鏡頭又唔係成日用, 咁快會壞o架??!!!!

一意一心 : Estor and Patrick's Wedding

今日係小倫o既同事Patrick 同佢女友Estor 拉埋天窗o既好日子, 有幸我呢個無朋友o既人, 竟然仲有機會做姊妹喎.....

所以, 我地一早起身, 六點呀! 真係早過返工! 化好妝, 扮完靚就出發去慈雲山女家喇!!!!
今日我負責遊戲, 由於時間所限, 就可以簡簡單單玩少少遊戲就得....

呢個係一個比較簡單o既婚禮, 按主人家o既意思, 大家簡簡單單, 過一日開開心心o既婚禮就ok......

所以, 整日o既rundown 都有好充足o既時候, 唔駛下下都趕趕趕, 而且, 大部份濕碎o既, 新娘子已經一早預備妥當,今日做姊妹真舒服又開心!!!

2009 東亞運動會 -- 女子曲棍球 (Part V)

今朝, 同阿媽快快手食完早餐, 就趕住搭車上去King's Park 喇...

o黎到今日, 係女子曲棍球項目最後一日o既比賽, 第一埸係銅牌賽: 香港對日本; 第二場就係金牌賽: 中國對南韓.

首先, 我地要搵有關職員拎入場券呀!!!!因為今日已經無晒飛喇, 遲o左入場, 分分鐘都無位坐.....

好難得, 搵到3個位喇, 因為要預埋小倫呀! 佢專登早少少收工, 過o黎支持下妹妹同香港隊呀!!!

2009 東亞運動會 -- 女子曲棍球 (Part IV)

今日呢場比賽好緊張呀!!!!

今日係香港隊同台北隊決一勝負o既比賽呀!!!!兩隊要互射罰球, 以決定邊隊可以有份聽日打銅牌賽呀!!!!

由於時間太短, 妹妹叫我地唔駛出去睇喇....所以, 我地只係o向屋企等消息啦.

終於, 香港隊好好彩咁以一球之差, 險勝台北隊, 聽日有得打銅牌賽喇!!!

咁就弊喇.....我同阿媽無飛o添......

要搵飛入埸睇呀!!!

煮飯仔 -- 12

話說好耐無俾多少少心機煮下飯, 今日繼續唔駛返工, 連街都唔去, 一於煮下新菜式啦......
今晚第一次煮南乳雞翼呀!!!!其實唔難整o架, 仲好好味o添.........
另外, 買o左少少木耳, 一於連埋草菇, 加d 蠔油, XO 醬, 炒兩炒, Yummy!!!!
加多個冬瓜粒湯, 食完飽晒!!!

2009 東亞運動會 -- 女子曲棍球 (Part III)

好緊張呀!!!好緊張呀!!!!

香港隊今日雖然無比賽, 但係今日係中國對台北呀!!!!台北隊打完呢場, 得失球竟然同香港隊一樣呀!!!!!

即係話, 佢地兩隊聽日要以罰球定勝負呀!!!!

呢兩對o既實力比較接近, 而星期二o個場又打和.....

希望佢地聽日能夠加油, 順利過關啦

福壽膏 - Maybelline

早幾日o向婚宴上遇到Connie 做化妝師, 佢成晚都陪我坐, 我梗係唔放過同佢傾餐飽o既機會喇....

佢地舖頭依家由中環搬o左去尖沙咀, 我好耐無上去elegance 探佢同Vita 喇......

一直都心思思想買眼線膏, 因為佢o既外表係一"ung ung" 的, 又係黑色喎, 所以我同d 朋友就會叫佢做"福壽膏"喇......

久違了的兩人火鍋

睇完妹妹打波,我地送o左媽咪搭車返屋企之後, 我地兩個就搵巴士坐入荃灣, 小倫要去個客度睇少少o野先收得工, 於是我就去行下Citywalk, 睇下Uniqlo 有無o野o岩, 又去my favourite shop -- FrancFranc 八下......
我都未行完, 小倫已經搞掂等緊我lu.......
好耐未試過咁悠閒, 不如就去楊屋道街市買餸返屋企打邊爐啦......
經過小倫一番洗洗切切之後, 好快有得食喇!!!!
今晚, 我地兩個人買o左好多海鮮呀!!!!樣樣買少少, 可以食多幾款呀!!!!
有象拔蚌, 貴妃蚌, 花甲, 蟶子, 脆肉鯇, 鮮牛肉, 唐生菜同皇帝菜....

我地慢慢食, 最後食o左一個鐘先清得晒所有食物呀!!!!不過, 就好飽好飽喇!!!!
真滿足~~~~

2009 東亞運動會 -- 女子曲棍球 (Part II)

今日繼續同阿媽出去King's Park 睇妹妹打波, 今場比賽係香港對韓國, 打埋呢場, 就已經打晒一個循環......

除o左我同媽咪之外, 小倫都專登請o左半日假去捧下妹妹場, 算係咁啦, 全家人都有去睇佢比賽喇, (因為細佬星期日已經睇o左佢比賽喇 !!!)

2009 東亞運動會 -- 女子曲棍球 (Part 1)

今日一早起身, 同阿媽食完早餐, 就要出發去King's Park 喇!!!!

因為今次東亞運妹妹又再一次有機會代表香港出賽, 反正今次比賽o向香港舉行, 我地就梗係要去支持下啦.....

今日已經係香港隊o既第三場比賽喇.....今場o既對手係大家實力最接近o既中華台北.......

1206 : Angel & Dave Wedding

恭喜晒!!!!今日係小倫o既同事, Dave, 同埋佢女友Angel o既大喜之日, 真係恭喜晒喇!!!!

早幾日都仲係有d 凍, 估唔到今日天朗氣清, 又好太陽, 真係好喇!!!!

小倫一早起身, 就出發去做兄弟喇....而我, 因為下晝有人會上o黎屋企, 所以就連妹妹今日要比賽都無時間睇.....

大約, 七點半我就到達婚宴場地 --- 逸東酒店喇!!!