Meeting with ESD friends - 聖誕聚一聚

今晚拿拿林做好晒d o野, 一夠鐘就走喇......事關今晚有約呀!!!!!

今晚, 我約o左一班無朋友靚太來個聖誕飯局 + 交換禮物大會.

我地次次都係食中餐, 今次就試下轉食西餐啦.....




首先o向地鐵站join 埋阿咩同tammy, 跟住我地一齊去Fat Angelo 拎位先, 無幾耐大肚婆阿N o黎到喇, 因為我同阿咩都病病地, 為o左唔好傳染妹豬, 我地唯有坐遠d 啦. 之後, 阿kiu 亦都到喇......相反, 地膽小呆要最後先到......今晚仲差阿茄呀!!!原來阿茄病o左.......哈哈哈....佢估唔到唔單只佢一個病, 我地當中仲有幾個都係病病地啦.....佢o黎唔到, 佢蝕底喇!!!!!

當然啦, 我地o既話題梗係唔離開婚後生活, 扮靚同生仔啦.......好開心大家每次飯聚都有講唔完o既話題呀!!!!

由於聖誕o既關係, 我地有交換禮物o既環節, 大家都好有心思咁預備有趣o既禮物呀!!!因為人太少, 好易就抽返自己份禮物呀, 所以, 搞o左一輪先完成呢個交換禮物o既環節呀!!!!

真係好開心, 每次見面大家都可以雞啄唔斷咁傾計!!!!希望下年o既聖誕, 有埋妹豬o既出席, 大家玩得再開心d 啦!!!!