2009 東亞運動會 -- 女子曲棍球 (Part 1)

今日一早起身, 同阿媽食完早餐, 就要出發去King's Park 喇!!!!

因為今次東亞運妹妹又再一次有機會代表香港出賽, 反正今次比賽o向香港舉行, 我地就梗係要去支持下啦.....

今日已經係香港隊o既第三場比賽喇.....今場o既對手係大家實力最接近o既中華台北.......




我地就梗係揀返多d 香港人坐o個一邊喇.....不過, 所謂o既香港人, 大部份都係西人或者巴籍人士居多, 始終hockey 呢樣運動少d 中國人玩....

比賽好刺激呀!!!!未夠2分鐘, 香港隊能夠先拔頭籌, 由5號仔入到波喇!!!支持香港隊o既觀眾梗係好興奮啦!!!!

跟住落o黎o既比賽, 台北變得緊張啦....雙方互有攻守, 都幾好睇.....

下半場開始, 大家都覺得香港隊或者有機會贏呱....點知......o向仲有唔夠15分鐘完場o既時候, 竟然俾台北隊入返1球呀!!!!OH........就係咁, 大家就此打成平手, 散場lu........

完場後, 妹妹行過o黎同我地傾計, 原來佢已經俾個波打到傷晒, 唔怪得之見佢跑得咁慢啦.....兩隻腳上上下下都撞到腫o左, 連膊頭都瘀o左一大塊.......

睇完波之後, 我同媽咪去尖沙咀行o左一陣就返屋企lu.....