難得我同小倫咁準時去到東涌, 先o向東薈城行下, 等埋Phoebe 同Dowson 到達, 我地先上去格格o向東堤灣畔o既新居啦....
嘩, 佢地間屋有一千呎呀, 真係好大, 而且, 都算實在呀, 一家三口已經夠晒住喇....再加埋個海景, 真係幾正!!!!可惜, 東涌對我o黎講實在太遠太唔方便喇, 放假想出去旺角或者尖沙咀行街又唔多方便, 去夜街又要趕住尾班車返屋企喎, 開OT 搭的士返東涌又貴.......
等埋婧婧o黎到, 我地就落樓下o既金滬庭食飯, 今晚叫o左好多餸呀, 多到食唔晒, 哈哈哈........
食飽飽我地就返上樓, 男子組o向廳打麻雀, 我地女子組就入房傾密計喇....好耐未試過靜靜地傾下計喇, 真係好!!!
玩到咁上下, 我地就開始一年一度o既分組交換禮物喇!!!!哈哈, 今年我地用畫鬼腳o既形式o黎決定禮物o既歸宿, 可惜, 都係要搞一輪先成功交換到呀!!!!
至於兩個小朋友, 各人都預備o左小小o既禮物俾佢地呀!!!出年就要買多一份, 送俾我個契女呀!!!!!
沒有留言:
張貼留言