血案呀~~~~

2008年第一宗懷疑謀殺案發生o左喇!!! 就係小倫最近o既新寵物 -- 美國藍龍蝦懷疑殺死o左敏敏(小倫妹妹)o既寵物 (金魚) -- 金叵籮.....



案發日期: 2008年1月26日(星期六)
案發地點: 小倫屋企魚缸1號

由於天氣寒冷o既關係, 我地星期六晚又打邊爐喇...食到差唔多, 小倫就已經食飽飽離枱啦, 走去望下d 魚魚....點知, 就發現藍龍蝦1號 -- 大霸王, 佢正在用佢o既鉗o向金叵籮身上施暴呀!!! 原本食緊o野o既我地, 就立刻走去八下啦, 嘩,金叵籮俾大霸王殺死O左呀!!!

敏敏梗係好唔開心啦, 因為金叵籮係佢o既寵物嘛, 依家俾佢哥哥o既寵物殺死o左喇!!

因此, 大小霸王, 佢地兩隻o野就被罰isolated 喇!!! 只留低奀豬1號同2號佢地兩個可以繼續同d 魚魚一齊住.....

後記: o向大小霸王被罰48小時之後, 所有美國藍龍蝦(4隻) 就有新o既屋企喇....佢地有新o既魚缸, 而且仲搬埋佢地隻爛船一齊o添......

Update on 30/1/08: 奀豬2號唔知係唔係太貪玩, 佢竟然離家出走, 依家下落不明, 唔知係唔係金叵籮o既鬼魂返o黎報仇呢???@~@