繼舊年我地去O左羊宅開P, 今年我地O既Free Units & Friends 改變地點, 決定去打擾呂宅呀.
自從佢地搬O左新屋之後, 我地都未上過O黎搞搞震.
今年, 我地除O左有固有O既鐵腳之外, 仲加入O左余老一家三口, 雖然余老係Miu Miu O既舊同事兼好朋友, 但係我地一D 都唔陌生, 間中都有見面O架.....另外, 今年我地仲多O左兩位小成員, 就係趌趌, 小花同凌風O既女, 同埋余老同林哥哥O既女, 靖靖. 呢兩位小朋友只係相差3個月咋.
(當靖靖遇上趌趌)
好似好耐都無試過咁齊人O架喇, 終於等到四圍飛o既凌風都O係香港.
開飯前, 都係大家互相吹水, 走去撩下兩個bb 玩, 又或者走入廚房幫手預備打邊爐.
開飯前, 大家先試下我整o既聖誕辮子環, 跟住又O黎試下小花負責訂O既刺生. 其實我都有少少驚食北海道帶子, 怕有輻射丫嘛. 所以, 我只係係咁易食O左一隻帶子就算lu.
(d 赤貝好恐怖, 劏開之後, 好似流血咁呀!!!!
食完刺生, 就要開壇預備我地Free Units and Friends 至愛o既打邊爐. 我地呢班大食怪好勁O架, 無論男男女女都好刷得O架. 一大班friends 坐埋一齊開懷暢食, 好開心O架!!!! 當然唔少得呢班男人最喜愛o既肥牛啦!!!!
(簡單O既食物, 最緊要係大家都食得開心痛快!!!)
飲飽食醉之後, 就梗係唔少得交換禮物啦. 方法, 就梗係用最原始O既畫鬼腳啦. 經過一輪混亂O既過程, 終於每一個party 都抽到禮物啦!!!!
(哈哈哈, 我地抽到羊宅o既溫馨頸巾同手襪)
又係時間, 各自同D 禮物影相喇.
另外, Miu Miu 好有心呀, 為我地預備O左一人一份薑餅人呀!!!聖誕節食Gingerbread man, 好有氣氛!!!!
(每個party o既女仔o既薑餅都有寫住我地個名o架~~~男仔無份o架....哈哈哈)
今年咁齊人, 梗係唔少得影下我地O既大合照啦, 哈哈哈......
一, 二, 三, 笑~~~~~
希望以後每年我地呢一班朋友都可以一齊過聖誕啦!!
沒有留言:
張貼留言