今日o既行程, 又係無行程, 無節目o既. 起身之後, 排隊梳洗, 哈, o向我等緊人o既時候, 發現o向部notebook 隔離, 點解多o左盒o野o既呢???? 好明顯, 呢盒o野係我o架啦. 一睇個包裝, 就已經知道係乜, 打開o黎睇, 哦, 原來係對Agnes B 耳環. 出手咁低, 一定唔係小倫啦, 原來係我細佬同阿妹送俾我o既, 佢地真係孤寒呀!!!!!兩個夾份先送對耳環仔俾我!!!!哼!!!佢地吩咐媽咪記得趁我未起身o既時候, 擺好份禮物, 等我一起身就發現. 估唔到, 今次我個懞盛盛阿媽又記得喎!!!
之前兩日, 食早餐o既地方都係o向Brasserie Europa, 但係, 今朝我地去到, 有個staff 就話full o左, 叫我地行過去隔離Kempinski Residence 果邊o既Bistro 食, 話d 食物係一樣o架喎. 無所謂啦, 最緊要有得食o者, 行多兩步都ok 啦. 點知, 我地行到去, 見到有一個中年港女o向樹發爛渣喎, 猛咁鬧個餐廳經理, 話點解咁大間酒店o既餐廳會無位......要個經理帶返佢地去Brasserie Europa 食, 真係麻煩呀!!!
呢邊都幾好丫, 無人, 除o左我地一枱客之外, 就只有兩枱, 所以, 我終於有機會偷影下buffet breakfast 有乜o野食喇. 平時o個邊人多, 如果我行埋去d 食物枱旁邊, 拎住部相機影相, 好似好無禮貌咁. 話晒呢度都係5-star hotel 丫, 收歛d 好.
今日唔食egg benedict 喇, 試下個pancake 先, 味道唔錯!!
(食完, 又O向酒店四圍影下相)
返上房拎埋袋, 就出去行街街喇. 今日目的係行National Stadium 站o既MBK, 懶鬼上身, 又坐golf car 出去Siam Discovery, 再行過去啦.
尋日人多, 影唔到d 鴨鴨, 今日同逐隻影下先.
影完鴨鴨, 我地就沿sky walker行去MBK 喇. 不過, 因為未夠10點, 成個商場都未開喎. 於是,我地就圍住個MBK 四圍行下啦. 期間, 見到都有廿幾人企O向東急門口等開門喎, 原來今日開始有sale , 唔通D人一早O黎掃貨???我地仲見到有日本妹拖埋O急O黎O添...
首先, 我地去行NaRaYa, 因為Priscilla 之前落o既order, 其中一款Central World o既分店無貨, 所以今日o黎呢度搵下. 可能呢間比較少人行啦, 所以有喎, 真係好喇, 佢order o既貨都可以幫佢執齊晒.
行o左幾層, 覺得呢間東急都唔好行O既, D o野一D 都唔精美, 特價o既貨品都睇唔o岩. 於是行返去MBK 啦. Oh.....估唔到, MBK 又係另一失望之地. 超級up dup, o向D 檔仔買o左幾件小朋友衫俾晴晴兩姊弟, 我地就走喇.
日日都經過Siam Paragon, 都無真係行下入面D shops, 一
於返去行下啦. 雖然呢度賣o既o野較貴, 但係合眼緣好多. 最後, 媽咪買多一個袋, 同埋一個男裝銀包,
而我, 就上o左3樓去買macaron, 之前o向泰友營有人話呢間幾平, 幾好食, 一於買幾舊試下.
行到12點幾, 有少少肚餓, 不如就去食雪糕啦. 我見好多人都會去幫襯Swensens , 唔知係唔係真係咁好食呢. 點都要試下先.
單係價錢, 就真係幾吸引喇, 我地order o左一set 9 個scoops o既fondue, 只係THB 259, 都真係幾抵食. 而且, 9個球都唔細o既, 不過, d 朱古力就唔夠熱, 唔溶o既. 以呢個價錢, 算係合格啦.
食完雪糕, 我地就行返酒店休息下喇. 因為行o左成朝, 腳仔有D 攰喇.
沒有留言:
張貼留言