(Spa house 隔離係新開O既clinque, 我估都係做一D 美容treatments 啦)
其實, 我地唔可以叫做準時o架, 人地個confirmation email 話要早15分鐘前到. 去到門口, 好興奮呀!! 呢個做spa o既節目, 係成個trip o既重點節目o黎o架!!!! (其實呢個trip 都無節目o既
)事關我呢個大鄉里, 咁大個女都未做過spa o架!!!!失禮死人! 一到o左門口, 就有staff 出o黎招呼我地, 叫我地除鞋先. 入到去reception area就坐坐先, 之後, 有人會拎條毛巾同埋凍茶俾你.
(杯凍茶o既味道怪怪咁, 唔曉形容係乜o野味呀, 飲到最後有少少薑味, 唔可以話難飲, 但係, 又唔係好好飲囉)
跟住, 我就拎我個confirmation email 同埋張discount coupon 俾個staff check 下喇, 之後, 就拎o左幾本好精美o既treatment menu 俾你揀喇. 由於一早已經做好功課o既我, 未出發前已經揀定每人做邊款treatment, 所以好快就決定喇!!!!
之後, 又叫我地坐下, 呢個時候, 我梗係唔放過機會, 不停咁影下店內O既裝修啦......
(Reception area : 我地坐O向梳化, 面前就有兩個大櫃, 放滿Divana 自家名牌產品, 有香薰油, body moisturizer, hand cream, etc)
(我梗係要試下味啦!!)
(由原先O既reception area再行入去, 有多一張梳化, 萬一多客, 可以有更多地方招呼客人)
膚淺O既我, 無錯, 揀呢間 spa house o既原因之一, 就係貪佢裝修夠靚, 再加上大部份人幫襯完都話呢間service好, 即使價錢貴少少, 我都揀呢間.
轉頭, 就有staff 過O黎, 叫我地揀下用乜O野body scrub, 乜O野香薰, 等等, 逐款介紹, 俾我地試下味, 好細心咁mark O向張list 上面.
(例如scrub 有lavendar, 綠茶, 黑芝麻, 玫瑰同茉莉花, 浴鹽有lavendar 同玫瑰, etc....)
(呢度D staff 好樂意幫我地影相O架!!!!)
令我覺得最窩心O既就係, 竟然招呼我地個staff 識得讀我個英文名喎, 真係好surprise!
無幾耐, 就帶我同媽咪去間couple room, 而小倫自己去另外一間房. 有D 可惜, 唔能夠同埋小倫一齊做spa O添, 唯有下次再有機會先啦.
穿過2nd reception area, 就會出到去好有庭園feel O既corridor, serve你O既theraphist 已經O向房門口等緊你喇!!
入到房, 按摩師會略略介紹下間房, 之後就出返去, 俾時間我地除衫. 我就係趁呢個時間, 快快手偷影下間房先. 好在今次好叻, 無手震, 偷影成功!
(入到房, 有一件浴袍, 同埋一set你事先揀好O既香薰油, body scrub 等等)
(左邊係steam room 同浴室, 右邊係洗手間, 做完treatment 之後, 俾你慢慢洗白白, 扮靚靚先出去見人)
(第一個step 就係足浴, 第一次唔係好慣有人幫自己洗腳同抹腳O添....)
(換好衫, 只要ring the bell, theraphists 就會入房開始幫你做treatment喇)
當我地做完aromatic steam 之後, 就係中場休息, 有一杯welcome drink O既凍茶, 同埋一份香蕉. 之後, 就再做埋餘下O既程序喇.
(最後, 就係O向呢個咁大個bathtub浸我地O既玫瑰牛奶泡泡浴喇!!!見到好多泡泡, 真係好開心!!!)
O向咁舒服O既環境, 3個鐘頭O既treatment 唔經唔覺就完成喇!!!做完之後, 成個人鬆晒, 全身好滑, 正呀!!!!
今次, 我同媽咪揀O左個treatment 叫做 Nuture Spa Diva, 至於小倫, 由於佢想有長D 時間做按摩, 所以我就揀O左個Tribute to Massage Lover 俾佢.
大家做完出O黎, 都好滿意呀!!!
(舒服晒!!!當堂覺得自己滑O左好多!!)
我覺得呢間 spa house o既service 真係唔錯, 做完treatment出o黎喇, 唔會即刻叫個客人找數, 而係俾足夠o既時間你休息,
慢慢歎埋份美味芒果, 同埋杯香茅茶先, 你坐飽喇, 先至拎張單俾你找數, 咁O既服務態度, 真係俾tips 都俾得開心D.
(呢本咁精美O既, 就係treatment menu 喇)
由於有少少雨, 細心o既職員仲問我地駛唔駛幫我地call 的士呀!! 就係咁, 我地等有的士先走, 又俾多個機會我搞搞震, 試勻佢D 香薰油同埋cream. 好彩, D 職員無hard sell 我, 亦都無叫我買滿幾多錢俾個discount 我咋, 否則我一定會意亂情迷又亂買O野喇.....
有車到, 我地就坐車去Central World 啦. 其實路程一D 都唔遠, 但係遇上大塞車, 簡單塞到好忟呀!!!!
終於都到o左Central World 喇. 尋晚對住鼎泰豐望門輕嘆, 今晚一於再試下, 點知, 今晚去到只不過係8點九咋, 就已經話過o左last order, 唔做我地生意喎! 豈有此理!!!!結果, 我地決定都係返去Siam Paragon Food Court 買雞飯食. 返去之前, 我地先去Central Food Hall 買多一盒芒果糯米飯先.
Central World 距離Siam Kempinski Hotel 真係好近, 如果由後面出口出, 過一條馬路, 行5分鐘就到. 不過, 今次就經Sky Walker 行天橋返去Siam Paragon. 咁樣行, 要多5分鐘啦.
去到Food Court, 我地就兵分兩路, 小倫去買儲值卡, 買o左一盒雞飯, 半隻雞, 一碗魚蛋米; 我同媽咪就行入去Gourmet Market, 買多一個芒果, 一個椰青, 同埋一盒雞鎚飯糰. 今晚我地又o向酒店房開餐喇!!!! 唔知幫我地執房o既housekeeper 會唔會話我地咁大食, 成日o向房食o野呢???哈哈哈....
總括今日做 spa o既體驗, 我覺得唔錯, 果然 Divana Virture Spa 係好值得推介o既. 不但環境優美, 服務仲好好, 好似做緊treatment 期間, 俾我叫o左佢校冷氣校o左幾次, 都仲好有禮貌, 唔會嫌我煩. 而且, 按摩師o既手勢都唔錯, 令到我地疲勞盡消, o向短短3個鐘o既treatment 入面, 佢地真係做唔停手.
如果有機會再o黎, 我都會再幫襯Divana 呀!!!
沒有留言:
張貼留言