好合心意的生日禮物

今晚, 相約O左兩位同學仔, 花師奶同埋Priscilla 一齊食飯. 今次我地試下去九龍城打邊爐, 估唔到其貌不揚O既利得火鍋, 味道又幾OK 喎, 材料好新鮮, 尤其係D 蝦丸, 好美味!!!

我無乜幾多個朋友仔, 呢兩個算係最好O既其中之二喇, 因為佢地對我真係好好, 好有心O架, 成日都會記住我....唔似得我其他朋友咁, 好日都唔會打一個電話, 又或者send 一個message 俾你, 都唔知佢地心入面仲有無我O架.....

好難得, 呢兩個朋友係大個O左, O向讀master o既時候認識, 畢業之後, 仲可以keep 住聯絡, 我地每隔一, 兩個月就一定會約出o黎食飯, 傾下計.....




今晚, 仲收到花師奶送俾我O既禮物, 上次佢送俾我O既雪花秀好O岩用, 估唔到今次佢再送另外兩款products 俾我試喎!!!!!真係好喇!!!!

呢兩支O野, 一支叫skin clarifying mask, 主要係清除皮膚上O既死皮同角質層, 仲可以清黑頭O添.

O岩晒我心水. 另一支叫做White Ginseng Lightening Gel, 係有美白作用O既磨砂gel, 花師奶話佢自己都有用過呢支, 話做完真係會白D O架......

真係好多謝佢呀!!!!

另外, 佢又去O左曲奇四重奏買O左兩包蝴蝶酥俾我同 Priscilla, 一人一包, 真係窩心喇.....事關我好鍾意你呢間O既蝴蝶酥O架. 頭先搭緊地鐵O既時候, 個心已經想住呢間曲奇四重奏, 只係突然記唔起想食蝴蝶酥, 所以見到佢買俾我, 真係好開心!!!