本住死唔蝕底O既寒底組精神, 我梗係book 早機去, 晚機返O既機票啦......wakaka~~~
就係咁, 搞到我地要5點鐘就起身, 6點鐘搭E41去機場喇. 預算7點鐘到機場啦. 點知, 唔知點解, 今日竟然要7點半先到機場喎!!!於是, 仆崩鼻咁去CX o既counter check-in 同寄行李啦. 跟住, 就要入閘喇.....嘩, 駛唔駛咁多人呀!!!!都唔知今日發生乜事, 咁多人出trip o既, 搞到過immgration要排長龍呀!辦好晒所有手續, 已經時間唔早喇, 無得去traveler's lounge 食免費早餐O添, 去到Gate 6 已經8點半喇! 總算趕得切.....真係一額汗呀!
上到機settle down 就立即要眠一眠, 因為實在太眼瞓喇!!到o左派餐o既時間喇, 好o野, 有早餐食......好肚餓呀!!!!
(只得奄列同豬扒麵揀. 睇樣我就覺得我揀o既奄列好味d, 媽咪就食豬扒麵)
短短兩個鐘多d o既機程就要過去喇!!!!我到o左曼谷喇!!!!!!Yeah!
行過漫長o既輸送帶, 見到有唱錢o既地方喇.....見好多同一班機o既香港人都o向樹唱錢喎, 一於埋去了解下先. 事前資料話, o向機場唱錢話會抵過香港唱, 都唔係o既, 呢樹只係兌3.76咋喎. 猶豫唱唔唱之際, 又見到佢話全個機場same rate 喎, 於是, 英明o既我, 就決定先唱住300蚊港紙, 夠搭車就算喇.
唱完錢, 就排隊話immigration. 幾時都話香港人夠efficient, 香港過關真係快, 呢度得3, 4 個人排隊都排到發夢先到. 小倫第一個過完關, 所以先去拎晒行李等埋我同媽咪.
最初, 我係打算坐的士o既, 因為曼谷的士費唔貴, 而且由機場去酒店都唔算太遠, 但係我又心思思想試下坐機鐵去喎. 於是, 我地都決定試一試坐機鐵喇.
行到去冷清清o既機鐵站customer service counter, 問下點買飛啦, 原來我去錯express train o既counter, 唔怪得d 價錢貴咁多啦, 不過, 唔駛擔心, normal train o既counter 就o向背面, 由機場去到尾站Phaya Thai只係每人45Bath, 非常抵搭.
(D 車飛好似深圳咁係, 雞牌o黎o架)
真係唔明白究竟係文化背景唔同, 定係個designer 白痴, 去到Phaya Thai SA City Line o既尾站, 竟然要各位旅客行樓梯, 坐得機鐵大部份都係有住行李o既旅客o架啦, 咁都唔起部升降機或者自動電梯!!!!幸好, 我一早有心理預備, 亦都有小倫o向度, 我地兩個o個大o急就由佢拎, 媽咪個細o急就我拎. 落完樓梯, 行過係類似羅湖橋o既路就到 Phaya Thai BTS 站. 站細細, 堆滿人. customer service counter o既作用係唱錢, 唱o左散紙, 就要去vending machiner 買飛喇.
(上左: 右邊o既人排隊唱錢, 有散紙就去左邊入coins 買飛, 泰文同英文都有, 好易用)
其實搭BTS 都係平o既, 由Phaya Thai 坐去Siam, 只係20 Bath, 而且仲好快到o添. Siam 站就好好多喇, 因為有電梯, 唔駛抬上抬落咁辛苦. 一出閘, 就見到Siam Paragon o既正門喇. 穿過個商場, 就會見到我地今次入住o既酒店 -- Siam Kempinski Hotel o既側門. 看門口o既叔叔真好人, 一見我地推住行李, 就即刻飛奔過o黎對面馬路幫我地拎行李喇. 可惜, 當時手忙腳亂之際, 搵唔切錢俾tips 佢.
看門叔叔帶我地到front desk 等check-in 喇. 職員先叫我地埋去sofa 坐下先, 佢搞掂手上o既客, 就幫我地check-in.
事先我無request early check-in, 仲打算leave luggageo向度先, 去食個lunch先返o黎check-in. 估唔到真係幾好service, 即刻安排我地上房. 帶我地上房o既職員好有禮貌, 仲會邊行邊介紹酒店o既facilities 俾我地知.
由於我地連續住4晚, 所以有得upgrade 住premier room, o向Garden Wing o既. 酒店另一邊叫Royal Wing, 我地頭先入門口o既側門就係o向Royal Wing 喇.
(雖然我地加O左床, 但係我地都有人幫我地收起張additional bed, 因為小倫想間房多D 地方走動)
呢度係Room 420, 就係我地o黎緊幾日o既家喇. 環境唔錯, 同website 睇o既相像真度好高. 今日o既Welcome Fruit 係芒果呀!!!正!!!最鍾意就係食mango 喇!!!
(成間房, 除O左零食呢間係要收費之外, 其他飲品都係free O架!!!雖然"羊毛出自羊身上". 唔收你錢, 只因房價已經包埋啦, 但係, 感覺好丫嘛, 鍾意食乜都得, 爽呀!!! 不過, 最失敗就係唔記得影部精美咖啡機)
放低行李, 小休一陣, 就出發去今日第一個行程喇!!!!擾攘得太耐, 已經比我原定set o既時間遲o左喇! 要加快腳步先得!!!!
喂, 又話今次o既旅行係o黎hea 同休息o既, 又咁趕做乜呀!!!RELAX!!!!
沒有留言:
張貼留言